غمزه ;) لجماعة الانتاج

الكاتب : under maintenance | المشاهدات : 1,573 | الردود : 16 | ‏2 ابريل 2009
  1. under maintenance

    under maintenance بـترولـي نشيط جدا

    453
    0
    0
    السلام عليكم جميعا

    اخواني العمال الى الان ما في خواتي و لا جان قلت اخواني و اخواتي :)

    الموضوع و مافيه انه الجماعه الي يقولون انه الموضوع الي جمعو عليه تواقيع الى الان موقوف ((لاسباب امنيه)) :) , اسف اقصد لانهم يبون يقرون موضوع العلاوه و يخففون عليها وطأ الصدمة , مثل ما سمعت انه اسمها علاوت تميز , طلع فالصوا السوبر فايزر وقعوا يا حبايبي و ما افهم شي اذا الماي و الغاز ما وقعوا , لانه مثل ما عرفنا انه هذا القريد قريد تميز للانتااااااج , و هذا الكلام من دوانيه عروجها بالماء.

    منا اليكم و لكم حريه التعبير و ابداء الراي
     
  2. العامري

    العامري بـترولـي نشيط جدا

    السلام عليكم
    اخوي فعلا كلامك صحيح ومادام الوقت قريب على الانتخابات للنقابه فشوف الانجازات;) تتوالا الله يستر من النقابه هذي
     
  3. malshalan

    malshalan بـترولـي نشيط

    85
    0
    0
    السلام عليكم

    بصراحه الكلام هذا كبير لكن ما اعتقد صح لانه بوخالد عبدالله الزعبي اكدلي قبل فتره انه ماصار شي و عن نفسي بوخالد بصراحه اثق بكلامه و الله اعلم
     
  4. ممممممممممممممممممممممم

    اول شي للتنويه الانتاج موجودين موظفات خواتنه يداومون بالمكاتب تبع الاداره و المهندسات :)


    ثانيه الله يعين الجميع جمعو تواقيع ما جمعو الي بتمشيه الادارة بتمشيه و سمعنه انه دشو السناتر و جافو امكانية وضع المكاتب للكنترولر 1 الجديد و الله يستر علينه :)
     
  5. AD-01

    AD-01 بـترولـي خـاص

    1,040
    2
    38
    الاخ حسين ، ماعندك شغل غير الانتاج ؟؟! كل هذا حسد وتفقق

    وبعدين انتو ماعندكم سالفه غير واحد يطلع اشاعه والباجين يطبلون؟؟ ماعندكم شغل ؟؟

    توني كلمة الشباب بالنقابة وقالوا الكلام مو صحيح

    ماصارلكم يومين داشين الشركه وتبون درجه 19 ومعاش 8000 ... روح تعلم تفتح فالف ابركلك انت وياه .. والا اقولك روح بولندا يبيعون شهايد هندسه يمكن صج تصير مانجر

    قال دوانية عروقها بالماي ..


    بعدين اخ حسين ... اسمها شافوا مو جافوا ... صج انك يبلك شغل:)
     
    آخر تعديل بواسطة المشرف: ‏5 ابريل 2009
  6. المشاكس

    المشاكس بـترولـي خـاص أعضاء الشرف

    998
    1
    0
    اخواني .... قلت لكم وأعيد وأقول

    الدرجة هاذي ماتقدر النقابة تدخل فيها وإذا مشرفين الأنتاج اليوم وقعوا انا متأكد راح يسري على مشرفين الغاز والماي ....

    إذا رب العمل حب يخلق مسمى ودرجه جديده في مجال العمل ليس من حق النقابه الأعتراض
     

  7. يعطيك العافيه اخوي AD-1

    و مشكور علا طرحك الحلو

    اول شي جافو او شافو هذا شي يخصني و اذا بتتصيد بدليات علا هواك راح تتعب جذي :)

    ثاني شي اروح افتحلي فااااالف ابركلي انا وياه و الله هذا شي يحاسبني ربي عليه لانه الحمد لله و الشكر انعرف شغلنه عدل و الي يحاسبنه رب العالمين .

    و ثالث شي احنه نبي معاش 8000 و قريد 19 و شهاده من بولندة و الفلبين فشلي حارك اخوي لو حاصلك بتسويها .


    و احنه انطالب بحقوقنا بادب و احترام و عمري انا ما تعديت علا حريات واحد يتكلم بالحق و لا اتطنز عليه

    عاجبك عاجبك مو عاجبك كيفك

    عمري ما دشيت بمهاترات مع احد لانه لاتفيد و لا هم يحزنون


    و اخر شي خل يكون عندك الشجاعه الادبيه مو حاط نك نيم و قاعد تجرح بالناس و كل واحد يقدر يحط نك نيم و يطب بالاوادم بس مو كل واحد يقدر يقول رايح بصراحة و جدام كل الناس


    و شكرا
     
  8. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait

    والله انك راقي جدا وفديت ردك اخوي وان دل يدل على اخلاقك العالية فديتك

    تقبل احترامي وتقديري اخوك كويتي
     
  9. malshalan

    malshalan بـترولـي نشيط

    85
    0
    0
    طلع كلامك صحيح اخوي

    برأيي الشخصي معارض لهاذا الموضوع


    اخي العزيز اي دي 1

    الكلام الي بقوله عام و ارجوا ان تتقبله برحابة صدر و اسف مقدما علشان لا تزعل

    اخوي

    الاخ حسين او غيره لهم الحق بالتعبير عن الراي , و اي كان ماله الحق بسلب هذا الحق منهم , بعدين ان كان حسين متابع لاخبار الانتاج فهذا من حقه بما انه اهو موضف بهذه الدائره,و بعدين موضوع ماصارله شهرين يبي 8000 معاشه كل انسان له الحق بان يطالب بالافضل لنفسه , و ما اعتقد انه هذا عيب , و بالنسبة لموضوع فتح الفالف ترى للعلم في شباب وايد بالانتاج و خدمتهم ماتعدت الاربع سنوات لكن افهم من كثييييييييييييير خدمتهم لا تقل عن 27 سنه و للعلم قاعد اقول في الكثير يعني مو الكل مو باجر تقولوني انه انا اقول انه القدامى مايفهمون بالعكس لوما اهم ماتعلمنا احنا فموضوع روح تعلم تفتح فالفين احسن لك مو انا ولا انت الي نحكم على الرجل انه يعرف يفتح فالف ولا لا .


    وبالنسبة لوضوع الشهادات يا اخي ترى مو كل الناس تشتري شهايد روح شوف الاعضاء ملوت المجلس الي ينام ثانويه يقعد من النوم دكتور و اعتقد انك تعرف اساميهم .

    فنصيحه خلو الكل يعبر عن راية لكن باحترام و انا الي لمسته من موضوع حسين ماكان فيه سب او غلط على اي اسم ولو كان هناك سب او اتهام لكانت ادارة المنتدى قد حذفت هذا الموضوع قبل ما نقدر حتى نقراه.


    حريه الراي موجوده للكل و الكل له الحق بالكلام و بالمقابل القارى اذا ماعجبه موضوع ماله داعي يدش و يبي يفهم الناس شتقول

    انت تقول انك اتصلت بالنقابه و قالوا لك لا الكلام مو صحيح و شرايك اني اتصلت بالنقابه و قالولي انه الكلام صحيح؟؟ و اذا رديت علي و تبيني احطلك اسم العضوا ماعندي و لا عنده مانع على اما اضن .
    و انا عن نفسي اتمنى قريد 20



    اسف على الاطاله

    اخوكم
    معاذ الشعلان
     
  10. malshalan

    malshalan بـترولـي نشيط

    85
    0
    0

    كلامك عين العقل اخوي

    لكن ليش تنحسب على انها درجة تمييز للانتاج !!!!! مو اهي اصلا لتمييز الكرود عن الغاز و الماي !!!

    فهمت قصدي يالغالي
     
  11. منصور المجيبل

    منصور المجيبل بترولي خاص أعضاء الشرف

    الدرجه ماهي درجة تميز
    وسيأخذها جميع الأقسام قريبا
    إن شاء الله
     
  12. المشاكس

    المشاكس بـترولـي خـاص أعضاء الشرف

    998
    1
    0
    أخوي مثل ما قال الحبيب بوصالح منصور المجيبل .... هاذي مو درجة تميّز .... وانا لازلت اقول الإنتاج يستاهلون يتميزون عن الباقي بس شلون هاذي يبيلها تفكير ..... :rolleyes:
     
  13. يعطيكم العافية

    يعطيكم العافيه اخواني

    للعلم


    سولفت مع اخواني في النقابة يوم كنا في العمره الاخيرة الي نظمتها النقابة الشهر الي طاف


    قالوولي انه ما راح يمشي القريد الا اذا مشى معاه موضوع التمييز يعني على سبيل المثال بونص او انسينتف او علاوه خاصه


    :D

    بس تكفون لاتحطون فيها سنوات الخدمة و الي يعافيكم
     
  14. منصور المجيبل

    منصور المجيبل بترولي خاص أعضاء الشرف



    بوعلي تقبل الله طاعتكم وأعمالكم

    ودي أصدق بس ماأقدر
     
  15. المشاكس

    المشاكس بـترولـي خـاص أعضاء الشرف

    998
    1
    0
    قال بوصالح وبوصالح صادق .............. ودي أصدّق بس قوية قوية

    حبيبي حسين لا النقابة ولا حتى أتحاد البترول يقدّر يوقف هالدرجة إذا رب العمل يبي يعطيها موظفينه
     
  16. العامري

    العامري بـترولـي نشيط جدا

    السلام عليكم
    والله انا ما ادري شنو هالأسلوب الاخ حسين ما غلط ويفترض ان الاسلوب يكوب ارقى من هذا المستوى وانا صراحه ما اعرف حسين اشكناني (بوعلي) بس معجب في كل اللي يكتب واسلوبه ما طلع من حدود الادب
     
  17. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    كــان اللـه بعــونكم يا الأنتــاج مـن الغمــزات واللمــزات
     

مشاركة هذه الصفحة