lممشى الاحمدي

الكاتب : ابوشوكه | المشاهدات : 1,015 | الردود : 10 | ‏2 ابريل 2009
  1. ابوشوكه

    ابوشوكه بـترولـي نشيط

    كنت اتمشى قبل كم يوم في ممشى الاحمدي وشفت شي بصراحه مو زين وهو ان شركة نفط الكويت حاطين سماعات على شكل احجار البحر ..... وموصلين لها سماعات ومشغلين اذاعه ماادري شنهي وكل مايذاع هو اغاني وموسيقى اعتقد اذاعة المارينا ....ياأخوان شنو ذنب الناس اللي ما تبي تسمع اغاني ؟ شنو يعني غصب لازم نسمع والا هو تطفيش حق الناس اللي ما تسمع هالتفاهات ؟ ارجو من الاخوان التفاعل مع الموضوع حتى نشكل ضغط على المسئولين عن الموضوع حتى يعودوا الى رشدهم ويحطون على الاقل اذاعة القران الكريم والا شرايكم يا اخوان ؟
     
  2. ثامر الخالدى

    ثامر الخالدى بـترولـي نشيط جدا

    393
    0
    0
    كلام صحيح وسليم ...

    مو الكل يحب يسمع موسيقى والا يسمع تفاهات الاذاعه خصوصا المارينا

    دام المكان عام يعنى فيه العود والصغير ...فلازم يحترمون الكل

    اللى يبى وخاطرة فى شى فمن الممكن يحط لها هيدفون يسمع ما يشاء ...

    انا معاك اخوى ...
     
  3. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    مثل ما قال أخونا "أبو فهد"
    حط (هيدفون) أخوي "ابوشوكه" واسمع اللي تبي وفك عمرك
    والممشى فيه جنسيات عد وخربط الباكستاني والهندي والفلبيني والبنغالي وبعض الأجانب يعني تقدر تقول من كل قُطر أغنية ولو تشوفهم أكثرهم حاطين هيدفونات على روسهم وهم يركضون :D... سو مثلهم ولا تنطر الكي أو سي , لأن محد راح يسمعلك :p, ولك تحياتي :)
     
  4. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    في رياضين ..
    ملتزمين دينياً وفيهم لا يحب
    سماع الأغاني والموسيقه عامه,
    يفضل تشغيل أيات قراّنيه لـرضاء الجميع
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    السماعات مـن الأســاس مالهـا داعـــي قطـاط فلـوس عـلي ماميــش

    ويا ليتهـا شغــالـة صافيــة من تشتغـل وشوشــت :D

    مـن بغـي يسمـع يجيــبلـة هيـد فـون ويسمـع الي يبـي :D

    لاهنـت عزيزي الفـاضل عـلي أثـارة النقطـة
     
  6. Workers

    Workers إدارة المنتدى

    7,767
    30
    48
    ذكر
    الكويت
    حلوه ابوحسن قطـاط فلـوس عـلي ماميــش :D

    بصراحة مالها سنع كلها الهدوء زين

     
  7. مطنوخ

    مطنوخ بـترولـي جـديـد

    16
    0
    0
    بسم اللة الرحمن الرحيم
    مشكور اخوى ابو شوكة على الموضوع المهم بصراحة انا من زمان عن الممشى يمكن تقريبا قبل سنة ونص وانا مو معجبنى الممشى من الاساس ( ممشى بجانب شارع رئيسى والسيارات كثيرة من غير الخبلان اللى يمرون ويشغلون المسجل عالاخر)
    اما من ناحية السماعات الظاهر الناس محتاجين دراهم وقالو مافية الا سالفة السماعات نسوى مناقصة وتمشى الامور

    ( اجمل ما فى الممشى اذا شفت جونم جقرم يهرول يعطى للممشى جمال ثانى )
     
  8. .K.O.C

    .K.O.C بـترولـي نشيط جدا

    454
    0
    16
    كسرها على مسؤوليتي... او حط عليها لاصق كبير اكتمها
     
  9. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    أشكـــــــــر مشـــاعـرك اللطيــــــــفة :D
     
  10. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    :confused:

    ما يجوز إتلاف المال العام أخي الفاضل ".K.O.C"
    شكراً لمشاركتك في الموضوع... لنحافظ على ممتلكات الشركة ولتبقى مدينة الأحمدي الخضراء هي أجمل المدن,
    ونقول للجنود المجهولين لمن تعب واجتهد ونسق في مشروع التجميل والزينة من أزهار وأشجار جميلة بين شوارع الأحمدي وكذلك شارع الممشى الرياضي بمناسبة شهر فبراير وعيد الكويت... الله يعطيكم ألف ألف عافية, ومسك الختام السلام
    :)
     
    آخر تعديل: ‏3 ابريل 2009
  11. Online

    Online بـترولـي نشيط جدا

    374
    0
    16
    مرحبا يا اخوان بخصوص السماعات الموجودة في الممشى
    تاكد اخي العزيز ان المسؤلين على البث يقومون بالتنويع
    وكثير من الاحيان يقومون بتشغيل اذاعة القرآن الكريم
    وهي في الاخر اجتهادات ولا تبخصون القائمين على هذا
    الممشى الرائع حقهم

    حكمة : رَضاء الناس غاية لا تدرك
    مجرد راي
     
جاري تحميل الصفحة...

مشاركة هذه الصفحة