ترا ملينا طقت جبدنا-يا جماعه!!!

الكاتب : devil-king | المشاهدات : 863 | الردود : 14 | ‏30 مارس 2009
  1. devil-king

    devil-king بـترولـي نشيط

    100
    0
    0
    testing secretary
    kuwait
    ترى طقت جبدنا!!!!
    والله الدنيا ترى ماتسوى... والرب واحد والعمر واحد....
    ياجماعة نبي نفتح الإيميل عشان نستانس، مو عشان تلوع كبدنا
    ياجماعة نبي نضحك، نبي نحب الحياة، نبي نتعلم شي جديد مفيد ما اييب الغلقة وضيقة الخلق... كفاية الدنيا فيها أحزان ومصايب.. بعد الإيميل ما خليتوه في حاله؟؟
    إلا عصير البرتقال ماركة الديك يسوي سرطان
    وإلا كورن فلكس النمر يسبب داء الجنون
    والبلاليط مصنوع من أمعاء القطط
    والفاضيين: قائمة بالمواد الغذائية اللي فيها مادة ABCD XWZ 007 واللي تقطع النسل وتذبح جميع البشر وتسبب التسونامي
    واللي أفضى منهم: الدونت والبطاطس المقلية مخطط شنيع لنشر الصهيونية بواسطة دهن الخنزير
    والمصدقين روحهم: أمريكا تغزو ديار المسلمين بواسطة شيبس ليز وسنكرز، وقد وجب الجهاد

    واللي عادين روحهم أطباء:
    شرب الماء البارد بعد المجبوس = سرطان القولون، وإلا سرطان الجهاز الهضمي كله أحسن
    شرب اللبن قبل الدجاج المشوي التندوري (مو البروستد) = قرحة في المعدة إلى الأبد وماتروح
    أكل السلطة في صحن مسطح من غير ليمون = ديسك في الظهر والرقبة واليد اليسرى
    ومع ليمون = التهاب المفاصل والركب والإصبع الصغير
    عدم أكل وجبة الإفطار الساعة 6 = انسداد في الأوردة بالإسمنت
    خبز الخباز = أمراض الكبد وإنفلونزا الدجاج
    واللي عادين روحهم أصحاب نصيحة:
    لا تآكلون سويت - لاتآكلون برجر
    لا تآكلون آيس كريم - لا تآكلون سمارتيز
    لا تآكلون خبز وجبن
    لا لا لا لا لا لا لا لا لا لا ......
    شدعوة...؟؟؟

    شنآآآآكل عيل؟؟
    كل ما طلع شي جديد ذبحتونا عليه...
    شيليز وكرسبي كريم وماكدونالد وستاربكس وبيبسي هدوا العالم كله وقرروا يخلون المسلمين يأكلون خنزير....
    ترى سندرتونا
    كل شي مسرطن؟؟؟
    يالله...
    كل شي زين وحلو وناجح فيه دهن خنزير وجزء من المؤامرة الصهيونية الكبرى..؟؟
    سلامات...
    ترى فلسطين راحت بدون دونت كرسبي كريم
    وأفغانستان يقصفونها كل يوم بقنابل متقدمة مو ببطاطس مكدونالد
    تركوا عنكم الخرابيط.... وتركوا عنكم حكي الإشاعات...
    الموبايل يسبب التفوئيد
    والصابون سرطان مباشر ما في كلام
    وشامبو جونسون للأطفال اللي كلنا من سنة الطبعة سبحونا فيه واحنا يهال يسبب السرطان ويقضي على الأجيال
    واللابتوب يسبب الحصبة
    والواير مال تلفزيون الصالة فيه ذبذبات خطيرة تسبب جنون البقر لعيال الفريج
    ياحبيبي على وحش التكنولوجيا اللي بيهجم علينا .. لو ما قرينا الإيميلات كان رحنا ضحية الكارثة الإلكترونية البغيضة والوايرات المشربكة
    كل مافتحنا الإيميل: إحذروا.... الامر خطير.... لا يجب السكوت عنه....
    حصل في البحرين: سيدة خذت كارد فيه مادة مخدرة وصادتها دوخة وباقوا فلوسها
    هام جداً جداً جداً جداً جداً جداً جداً
    حصل في مجمع الدانة واكتشفت الشرطة عصابة تنقل الإيدز
    ونفس الإيميل نسخة (ماتعبوا روحهم يغيرون التفاصيل) عن مجمع "الغرير" في الإمارات..
    والله شلخ... وشلخ بايخ بعد
    شالخرابيط؟؟؟ تقصون على الناس؟؟ تطلعون إشاعات وترجونها ليش؟؟؟

    وكله كوم... وإيميلات الحلال والحرام ومابينهما كوم ثاني
    فتاوى الإيميل الحديثة، هذا حرام، وذاك حرااااام مضاعف، وجهنم الحمرا تنطركم كلكم، والموت وعزرائيل يحسبون لكم الدقايق...
    ياجماعة ترى رب العالمين شديد العقاب صح
    بس بعد غفور رحيم، وسعت رحمته كل شئ
    والحي أبقى من الميت..
    والرسول عليه الصلاة والسلام جدّم الفرح على الحزن...
    والله قال: "ولا تكن فظاً غليظاً"
    هاذي غير وصايا وتحف الاستهبال:
    الشيخ فلان مكشوف عنه الحجاب شاف منام اللهم صل عالنبي
    وكلكم لازم تقرون الإيميل وتطرشونه حق 10 أشخاص وإلا بينهار سد مأرب... شكو؟؟؟
    بسكم عاد من سوالف الترهيب والفتاوى اللي تلف الانترنت كل يوم...
    وما يبط كبدي الا جماعة "ارسلها"... عشان خاطر حبايب خالة جيرانكم ترسلها... ارسلها ترى بتندم... ارسلها أمانة عليك يوم القيامة.... استحلفك أن ترسلها.. رح زين
    وانت منو تحملني أمانة وتستحلفني مرة وحدة يا أخي؟؟؟
    داش إيميل وإلا داش حرب؟؟؟
    وعيال عمهم: جماعة "انشر".. إعلان أهو؟؟ ولا تسويق إجباري؟؟
    ما قاصر الا يقولون لك: "انشر احسن لك" أو "احترم نفسك وانشر"
    والا اللي ايقول لك: إذا تبي لا ترسلها... بس الأجر بيروح عليك...
    يعني الأجر ألحين كله صار في هالإيميل...؟ انصك باب الحسنات يعني؟؟؟
    ومن خولكم تطلبون من خلق الله ترسل إيميل؟؟؟ مو على كيفكم من يرسل ومن ما يرسل وشنو يرسل...
    والمتفلسف يقول لك: لا تخلي الشيطان يقص عليك وما ترسلها
    احذر أن يوسوس لك إبليس أن لا ترسلها
    حلفوا عاد؟؟؟
    الشيطان قاص عليكم وماكل بعقلكم حلاوة وانتوا بس تارسين لنا الـinbox بإيميلات متشابهة كل يوم نفسها توصلنا
    وعباقرة الرياضيات: طرشها مرة تكسب 456739832469 حسنة
    طرشها مرتين تكسب 849656504594547664444748700000
    حسنة..
    "؟؟؟؟؟؟؟؟؟؟؟؟"
    بس ملينا.. حتى الدين ما رحمتوه؟؟
    ياجماعة.. "الكلمة طيبة صدقة"
    والدين يسر...
    الإيميل وسيلة تبادل معلومات خفيفة واستفادة... مو منبر دعوة، ولا مركز خدمات أمراض الموت... ولا مركز التحذيرات من عصابات البش والدبش، ولا أداة للتنفير من الدين ونشر فتاوى شيوخ سبيس تون
    وإذا الإيميل له قيمة وفيه فايدة الكل بينشره بدون صيغة الأمر البايخة.. وطريقة أرجوك أحب خشمك ترسلها
    والناس أدرى باللي ينفعهم، ما يحتاجون أحد يقول لهم شنو يسوون
    خلوا الإيميل جزء حلو من اليوم، يرسم ابتسامة، ويضيف معلومة
    مع تحيات: واحد طقت جبده من إيميلات تحتوي المذكور أعلاه
     
  2. (( قل مايصيبونا إلا ماكتبه الله لنا ))

    كلامك كله صحيح العمر واحد ورب واحد هالدنيا كلها اختبار ومعدينها بنعيشها بفرح وناسه ليش الكدر والهم :)

    وماخلو شي مايسبب سرطان الله يكافينا الشر

    إلي كاتبه لنا ربي بيصير ..

    ومن ناحية رسائل انشر وارسل هذي من توصلني ديليت :D

    وبعض المشايخ إلي كل شي عندهم حرام مهما كان الدين الأسلامي دين يسر ماهو عسر :)


    يعطيك العافيييييييييه ولا تطق جبدك ولا شي الدنيا حلوه وطنش الي مايعجبك :)


    عساك ع القووووووووووووووه

    وتقبل ودي


    \
    \
    \
    \


    المخمليهـ
     
  3. طالب القرب

    طالب القرب بـترولـي نشيط جدا

    221
    0
    0
    هونها يا خوي والهون ابرك ما يكون.العمر الله كاتبه. وعلي قولتهم طنش تعش.
     
  4. FAHED ALKHALDI

    FAHED ALKHALDI بـترولـي نشيط

    68
    0
    0
    والله يا خوي مبين جبدك طاقه وواصله حدها , الله يستر عليك من الامراض انت والمسلمين.

    يا جماعه بشروا ولا تنفروا
     
  5. غيوم

    غيوم بـترولـي خـاص أعضاء الشرف

    7,298
    1
    0
    هونها و تهون

    أحسن شي لمثل هالايميلات حذف بدون ما تتعب نفسك و تقراها

    أنا أول ما أشوف نفس هالايميلات أعرفها من عنوانها ما أتعب نفسي حذف بدون أي تردد
     
  6. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    أنــا أقــــــــول خـل عنـك الأيميــلات وريــح بـالك وأكــل الي تبـي وســو ريــاضة وبيـروح شـرك :D
     
  7. devil-king

    devil-king بـترولـي نشيط

    100
    0
    0
    testing secretary
    kuwait
    أشكر كل من نصحني حبايب قلبي

    أشكر مروركم وقفتكم معاي
    صج والله مو لوعت جبد
    وعد مني راح أسوي بكل اللي أنصحوني عشاااان ما يرتفع ضغطي أسم الله علي بروحي عمي أنا ناقص طبعا شاشه لابتوبي مسرطنة :D
    <<<<<< أخوكم يخاف علي نفسه
    لووووول


    أخوكم
    بو خالد
     
  8. ط£ظ…ظٹط±ط© ظ†ط¬ط¯

    ط£ظ…ظٹط±ط© ظ†ط¬ط¯ بـترولـي نشيط جدا

    476
    0
    0




    الأيه مو كذا


    الأيه اللي تقصدين (قل لن يصيبنا إلا ماكتب الله لنا)



    عذرا على المداخله:)


    بس القران مافيه بما معناه


    ينقل نصا:)
     
  9. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    نصيحتي لك تحاول أقل شيء تبتعد عن الايميلات هذه الأيام

    لمدة شهر تقريبا

    وبعدين تبدأ تفتح من ايميل الى ايميلين في اليوم الواحد وتكون الايميلات شيء مفرح أو فائدة أو قصيدة أو شيء ينفعك في الآخرة


    وان شاء الله بتصير طيب وبخير


    أسأل الله أن بفرج كربك ويزيح همك
     
  10. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    لا أله الإ الله ..محمد رسول الله
    صل على النبـي..ياخوي
    الرسائل الي مالك فيهاَ نفـعه Delet <-- من دون تفكير

    والأيميلات المضيوفه عندك ..
    سوالفهم تكـدر الخاطر وتجيب عوار الراس

    بلوك / ديليتّ
     
  11. هلاااااااا والله بأميرة نجد

    اسفرت وانورت زين طليتي وشفناج:D


    مشكووووووووره حبيبتي ع التعديييييييييييييييل وجزاج الله خيييييييير وفي ميزان اعمالج :)


    والله يسامحني :)

     
  12. devil-king

    devil-king بـترولـي نشيط

    100
    0
    0
    testing secretary
    kuwait
    الوسام! وصفتك ودتني بداهيه : -(

    أما الوسام بصراحه خوووش وصفه عطاني مو قايلك عندي مغص براسي لأن وصفتك مسرطنه :mad:

    لوووووووووووووول

    أخوك بوخالد المسرطن شكلي بغير نكي وبكتبه
    السرطاني
    ;)
     
  13. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    إعتدل و سم قبل الأكل و ما كو الا العافية و إذا بيصيبنا شي فهو مكتوب و لو اكلنا مجبوس بنسلين :)
     
  14. devil-king

    devil-king بـترولـي نشيط

    100
    0
    0
    testing secretary
    kuwait
    عجبني

    هههه
    مجبوس بنسلين عجبني راح أجربه لخاطر عنونك
     
  15. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    يامعود ولا انشر وتسمع خبر حلو بعد 6 ساعات شنو مضاد حيوي اهوا

    الايميلات هاذي لا تفكر انك تقراهاااا اسحب عليها دليت
     
جاري تحميل الصفحة...

مشاركة هذه الصفحة