وقف الدراسة في الفلبين

الكاتب : MAB12 | المشاهدات : 1,551 | الردود : 15 | ‏26 مارس 2009
  1. MAB12

    MAB12 بـترولـي مميز

    أصدرت وزيرة التربية ووزيرة التعليم العالي نورية الصبيح قرارا بشأن ايقاف الدراسة للطلبة الدارسين في الجامعات الفلبينينه بصفة مؤقتة وذلك اعتبارا من اليوم، ومن جانبها قالت وكيلة وزارة التعليم العالي د. رشا الصباح أن قرار الايقاف جاء قبل اسبوعين وذلك بعد ملاحظة تسجيل اعداد هائلة من الطلبة في هذه الجامعات، مؤكدة أن هناك وفد سيزور الجامعات الفلبينية قريبا، واضحت أن عدد الطلبة المسجلين في هذه الجامعات تعدا الخمسة آلاف طالب من الجنسين، وأن والأعداد في تزايد.
    وشكل القرار مفأجاة كبيرة للطلبه الدارسين في الفلبين، ولا زال الوضع غير معروف ان كانت الوزارة ستعتمد شهادة خريجي جامعات الفلبين الذين تخرجو في العام الماضي، والجميع بإنتظار صدور توضيح في هذا الشأن.


    وهذا تصريح ثاني لنفس الموضوع

    أصدرت وزيرة التربية ووزيرة التعليم العالي نورية الصبيح قرارا بوقف قبول الطلبة في مختلف الجامعات الفلبينية، ويأتي قرار الوزيرة الصبيح بعد الأنباء التي ترددت في الآونة الأخيرة عن قيام الجامعات الفلبينية بقبولها لمجموعة كبيرة من الطلبة الكويتيين بأسعار وصفت ' بالرمزية ' وكذلك عدم جدية مناهج الجامعات المذكورة وفتح القبول بالعديد من البرامج الدراسية ومنها الماجستير والدكتوراه

    http://www.alaan.cc/pagedetails.asp?nid=30324&cid=53
     
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    شكرا يا ماب على الخبر و تنبيه أبناءنا اللي يهمهم هالأمر
     
  3. ويه يافرحه ماتمت

    رفيجتي توها رجعت من الفلبين بقولها وقفوا دراستكم <<ماتبشر بالخير هههههه


    يعطيك العافيه ع الخبريه
     
  4. MAB12

    MAB12 بـترولـي مميز

    انا بالنسبة لي معاي 6 بالقسم كلهم مسجلين وراحوا يقدمون اختبارات اول كورس

    اذا التوقيف بالنسبة للدراسة راح ياخذ مجراه ... مضطر اني ابلغهم عشان لا يتخسرون سواءً من المادية او الرصيد من الاجازات


    اشكر مروركم الكريم


    تقبلوا تحياتي
     
  5. Q8-Dream

    Q8-Dream بـترولـي نشيط

    117
    0
    0
    انا مقدم قبولي شهر 12 اللي طاف حق التعليم العالي والامتحانات شهر 6 شلوووون يعني راحت علي؟؟؟؟؟؟؟
     
  6. dehen_3ood

    dehen_3ood بـترولـي خـاص أعضاء الشرف

    شكراً على الخبر يا ماب

    والله يعين الطلبة المقيدين بالجامعة والمقدمين !!

    " عسى أن تكرهوا شيئاً وهو خيراً لكم "
     
  7. LaRambla

    LaRambla بـترولـي خـاص أعضاء الشرف

    2,041
    3
    38
    قصدك وقفوا بيع الشهادات
     
  8. MAB12

    MAB12 بـترولـي مميز

    اذا في بيع للشهادات على قولتك فهذي مصيبة

    لأن اغلب الطلبة راح يتخرجون مهندسين يعني اذا رد راح يمسك ادارة :confused:

    هل يستطيع ان يدير الامور اللي تحته ؟


    اتمنى التوفيق للجميع ولكل شخص مجتهد

    اشكر مروركم الكريم
     
  9. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    وراحت علينا أيوا وراحت علينا

    ألحيــن مالنا غيــر ندرس في بوركيـنا فـاسو :D
     
  10. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    لا يرحمون ولا يخلون رحمة الله تنزل !!!
     
  11. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    اغلاق الجامعات في الفلبين لن يؤثر على طموح الشاب الكويتي في الحصول والمثابره والكفاح من اجل الدراسه
    والله لو يحدونا على القمر نجيب الشهاده يعني نجيبها
    يعني معقووله التعليم العالي ما يعرف يلقى حل للمشاكل هذي
    افتحت لك جامعات بالكويت وخلها تكون نظام مسائي وسعر معقوول ما تلقى الناس برا الديره يعني دهنا بمكبتنا
    او ع الاقل خل الجامعات الحكوميه بفلووس علشان ما تروح المبالغ بعيد
    والمعروف انه البعض منهم ما يلجأ لهذه الوسيله الا لسبب
    يعني معقوله علشان اكمل على شهاده الدبلوم علشان احصل على البكالرويوس ادرس 3 سنوات ونص ولا مع الاسف ما يعادلون الا 9 وحدات يعني دراسه سنتان مع الصيف طلعت بلوووشي
     
  12. Bos3ayd

    Bos3ayd بـترولـي مميز

    523
    4
    18
    وين الي يسمع !! ، عمك اصمخ ..
     
  13. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    عزالله أنك صادق ..
     
  14. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    دراسة مشي حالك

    بريطانيا - المانيا - الاردن - فلبين - مصر - الهند - سولفاكيا

    يمكن البعض يستغرب اني اذكر بريطانيا و المانيا لكن اعرف ناس ياكدون انه بهذي الدول في جامعات تبيع الشهادة .... من قبل تضررنا من اشخاص قاعدين بمناصب و اهم شارين الشهادة لكن لو اللي شروا الشهادة من مصر و الفلبين و الهند مسكوا مناصب راح تضيع الديرة مولية لانه اعدادهم كبيرة و ما ترقع عيل الكويت بعد 4 سنين راح يصير فيها 4000 مهندس متخرجين من الفلبين غير اللي بسولفاكيا غير الهند بالذمة التعليم العالي شنو ناويين عليه يحولون الديرة خراب مو كافي الوضع التعبان للديرة ناوين تحولون الكويت خراب انا احمل التعليم العالي المسؤولية لا و اشكك انه في بعض المسؤولين لهم مصلحة باللي قاعد يصير او انه نايميين على اذونهم عسى بس ما تطلع جامعات تعطي شهادات طب بهالطريقة .

    نعم في جامعات بهذي الدول معروفه و فيها دراسة حقيقة لكن اغلب اللي يدرسون يسجلون بجامعات مشي حالك .

    يعني ادارة اعمال ترقع و المحاسبة الله يعينا على اخطائم لكن مهندس ما يعرف شي هذي مصيبة شنو ناويين تطيحون علينا العماير و لا كل يوم منطفية الكهربا و لا مصفاه محترقة .

    لا و يقولك ليش الكويت مو قاعده تتقدم اي ماكو احد يبي يتعب شلون نتقدم قليل اللي يبذل مجهود و يحقق شي .

    هذا من جهة و من جهه اخرى احمل الحكومة و القطاع الخاص المسؤولية لانه ما عندنا جامعات خاصة تستوعب الكويتين و الجامعات الموجوده بالكويت اغلبها رسومها خيالية و ما يتحملها الا طبقة معينه من الناس اضيف الى كل ذلك بعض القوانين الهبله مثل الموظف مو مسموح له يدرس و الطالب مسموح له يتوظف ( هذا قانون فلم ) .

    شخصيا ودي اكمل دراستي بس عمري ما فكرت اسجل بهالجامعات اللي تبيع الشهادة .
     
  15. Eng.Vampire

    Eng.Vampire بـترولـي خـاص

    صراحة قرار سليم 100% المفروض من زمان يوقفون هالدكاكين .. ولا مهندس ما يعرف وحدة قياس الضغط والله مصيبه
     
  16. MAB12

    MAB12 بـترولـي مميز

    والله كل شي جايز

    العالم بدت بالاردن بعدين مصر وبعدها لبنان والهند والفلبين فما استبعد ان يتم الدراسة في جزر القمر

    المفروض تكون في جامعات بالكويت مبسطه وسهلة من حيث الدراسة والتكاليف حتى يقدر الطالب او الطالبة تحقيق طموهم واتمام دراستهم

    طلبتنا برى خسروا فلوسهم وخسروا كرامتهم ( كل يوم واحد منطق او مبيوق ) الله يكون بعونهم

    اشكر مروركم الكريم وتفاعلكم مع المشاركة

    تقبلوا مروري
     
جاري تحميل الصفحة...

مشاركة هذه الصفحة