رساله الى الاخ جاسم الناصر

الكاتب : كلنا للعماليه | المشاهدات : 851 | الردود : 8 | ‏23 مارس 2009
  1. كلنا للعماليه

    كلنا للعماليه بـترولـي جـديـد

    15
    0
    0
    السلام عليكم ورحمه الله وبركاته

    انا احب اشكر السيد جاسم الناصر على رحله العمره وعلى النجاح الي شفناه من والى المطارولكن عندى استفسار مهم:-

    لماذا لايتم تخصيص الاماكن في الطائره في درجه رجال الاعمال والاولى لكبار السن والظروف الخاصه حيث شاهدت الكثير من الشباب وعائلتهم على الاولى والاعمال؟؟؟؟؟

    هل نحتاج الى واسطه او تظبيطات من تحت الى تحت او نكلم افلان واو علان علشان المقاعد؟؟؟

    انا اعتقد ان الي صار لا يتكرر رجااااااااااءا يا اخ جاسم واعتبر الكلام نصيحه لتكمله النجاح

    وسامحني اذا كان في كلامي اي ازعاج

    وشكرا
     
  2. المنصور

    المنصور بـترولـي خـاص أعضاء الشرف

    اخي الكريم

    بما انك حطيت كلمة شكر للأخ جاسم الناصر

    كان من المفترض انك تكمل جميلك وتذكر باقي الاخوان المنظمين

    وهم الاخوان

    فهد الفهد

    غنيم العدواني

    جاسم الناصر

    وفي اسامي ما تحضرني ولكن اذكر عوائلهم

    ومنهم ولد السهلي + بو خضور

    وكلهم يستحقون الاشادة والشكر

    ومن رأيي الشخصي ان اذا ودك تشكرهم فـ افضل انك تشكرهم شخصيًا

    علشان يفرحون ويحسون بالتقدير منك ومن المشاركين في رحلة العمرة
     
  3. كلنا للعماليه

    كلنا للعماليه بـترولـي جـديـد

    15
    0
    0
    كلامك صحيح يا اخ المنصور فعلا مشكورين جميع الاخوان وهم الجنود المجهولين وسامحونا اذا ما ذكرنا اسم احد فيكم.

    بس اخوي المنصور ليش ماتكلمت عن موضوع المقاعد في الطائره انت تكلمت عن نقطه ونسيت نقطه مهمه؟؟

    وشكرا
     
  4. المنصور

    المنصور بـترولـي خـاص أعضاء الشرف

    مسألة المقاعد محد يقدر يفتي فيها

    وما تقدر تعرف الاسباب إلا من اصحاب الشأن

    ولكن اللي لاحظته ان الدرجة الاولى كانت مخصصه للموظفين على الدرجات العالية

    وشفت منهم مدير مجموعة + 2 رؤساء فرق
     
  5. يعطيهم العافية كلهم


    يعطيكم العافيه يا شباب

    بالبداية انا من الي الحمد لله الله وفقنه و اعتمرت مع الشباب في الرحلة الاخيره و الحمد لله مامن قصور .


    التذمر الكبير الي صار بين اعضاء الجمعية العموميه انه ما كان في شفافيه للقرعه الي صارت و اماكن الفيرست و الجي كلاس بالطيارة .


    الحل البسيط

    1: القرعه علنيه في مقر الاتحاد الي يبي يحضر يحضر و الي مايبي يدقون عليه و هذا شي سهل .

    الاولويه حق الي ماراحو و الي رايحين من قبل قرعه عادلة شفافه .


    2: الاماكن بالطياره تنحط حق الحالات الخاصة وتحدد من قبل يوم الرحلة و باجي الاماكن الي في الدرجة الاولى يصير عليهم قرعه بس بشرط انه الي يبي القرعه يدفع مبلغ يكون زياده و الي ما يبي كيفه .

    و بالنسبة للغرف في ناس قالو ناس و ناس الي مطل و الي غرفته اكبر او جناح ملكي يعني


    ما ادري شنو الحل اقول هم قرعه اول ما توصل الفندق يحطون طاسة فيها اضرف كل واحد ياخذ ظرف و يعطي رقم الغرفه للمسؤووول يسجله بالسجل و بس .


    ارظاء الناس غاية لاتدرك

    بس هم الواحد لازم يقرب من الشفافيه



    و الله الجماعة ما قصرو بالنهاية و يعطيهم الف الف عافيه

    و انشاء الله العمره اليايه تصيدنه القرعه :)
     
  6. كلنا للعماليه

    كلنا للعماليه بـترولـي جـديـد

    15
    0
    0
    كثر الله من امثالك اخوي حسين نعم كلامك صحيح ميه بالميه نبي شفافيه مو تظبيطات من تحت لتحت يعني مدير او تيم ليدر يركب الاولى وانا بالسياحيه كلنا دافعين نفس المبلغ ؟؟
    الحل مثل ماقلت الحالات الخاصه او دفع مبلغ زياده او قرعه

    وانشالله يسمع كلامنا الاخوان المشرفين
     
  7. المشاكس

    المشاكس بـترولـي خـاص أعضاء الشرف

    998
    1
    0
    انا دائما اقول ... الشفافيه ......... الشفافيه

    مادمت أشتغل صح وماعندي تلاعب ليش أخاف من الشفافيه ... انا قلت حق النقابة مره حتى عن صندوق الزماله ليش مايتم تعليق أسامي ألي لهم دور على الأقل 20 اسم وكل شهر يتم تجديد القائمة بحيث ترفع أسامي ألي استلمو ويحطون مكانهم ألي بعدهم

    ليش كل شي يتم بالخفاء

    وبهذه المناسبة ومادام أنكم فتحتوا هالموضوع

    انا لاحظة إن في من ضمن رحلة العمرة ناس متقاعدين مع زوجاتهم وألي عرفته أنهم جايين ... بدل ...

    السؤال مو من ضمن شروط العمره إن يكون العضو متواجد مع المرافق ؟؟؟؟؟

    وإلا كان بأمكاني التسجيل في العمره وفي حالة طلع أسمي أمنحه حق أخوي .... !!
     
  8. ALI 07

    ALI 07 بـترولـي نشيط جدا

    326
    0
    0

    بسم الله الرحمن الرحيم اخي (كلنا للعماليه) ياخي اسمك يستفزهم شلون تبيهم يحطونك درجه اولي ولا واذا تسئلهم عن اي شي ما يقولون (سر) مادري شنو هالتكتم لكن انا اقولهم في الجمعيه العموميه راحو يطلع كل شي
     
  9. بياع

    بياع بـترولـي جـديـد

    41
    0
    0
    يا جماعه احقاقا للحق

    أنا ولد عمي موظف على الدرجه 12 وأبوه مقعد وراحوا رحلة العمره الأخيره على الدرجه الأولى بس الرجال كلمهم بالمطار أنه معاه واحد مقعد وكان يبي كرسي خاص للطائره وجزاهم الله خير لقاهم حاطينه بالدرجه الأولى

    وهذا علشان ما نظلم أحد

    والله يعطيهم العافيه القائمين على الرحله

    وترى يا جماعه مافي شي كامل والكمال لله والي ما يغلط تراه مو قاعد يشتغل

    ولا شرايكم؟
     
جاري تحميل الصفحة...

مشاركة هذه الصفحة