تكملة الدراسة في الجامعات الخارجية

الكاتب : naser | المشاهدات : 13,325 | الردود : 85 | ‏20 مارس 2009
  1. naser

    naser بـترولـي نشيط

    92
    0
    0
    السلام عليكم....
    كما يعلم الجميع فان العديد من الموظفين يقومون بإستكمال دراستهم بالخارج و هم على رأس عملهم...و هذا شئ جيد لتحقيق طموحاتهم و الارتقاء بالمستوى الوظيفي و المادي.
    و لكن...نلاحظ أن معظم هؤلاء الموظفين يدرسون في جامعات خارج الكويت و في دول معينة (كالفلبين أو مصر أو الاردن) و ذلك لسهولة الحصول على الشهادة و لعدم ضرورة حضور المحاضرات...وهذا يقلل من قيمة التحصيل العلمي و من قيمة الشهادة (و بمعنى اخر يتخرج الطالب بمستوى علمي ضعيف)

    و بعد ذلك يتم مساواة الموظف بالموظفين الاخرين الذين حصلوا على شهاداتهم من جامعات عريقة ذات مستوى علمي مرتفع (كجامعة الكويت) و الذين اتموا دراساتهم بعد التزامهم التام بالمحاضرات و الشروط الاخرى الصعبة.
    فهل هذا عدل...أي هل من العدل مساواة الذي حصل على الشهادة بعد جهد و مشقة و التزام مع من حصل على نفس الشهادة من أماكن لا تشترط سوي دفع الاموال و الحضور مرة او مرتين بالسنة و لمدة اسبوعين بالسنة؟

    هذا ليس حسد (و الله يوفق الجميع) و لكن هل يستوي الذين يعلمون و الذين لا يعلمون؟
     
  2. Q8-Dream

    Q8-Dream بـترولـي نشيط

    117
    0
    0
    يخوي في مثل يقول أطلبو العلم ولو في الصين .. والشعب تعدى الصين :) طبعا في فرق بين خريج جامعة الكويت وخريج مصر مثل المعادي والهرم و ...الخ لكن الطالب اللي متخرج من جامعة الكويت لدية الكثير من المعرفة والعلم وانا شخصيا اعرف كذا واحد متخرجين من جامعة الكويت وجامعات من امريكا وكندا لكن .. تيتي تيتي مثل ما رحتي جيتي اي بمعنى دش فاضي وتخرج فاضي .. والعكس صحيح :)
     
  3. المنصور

    المنصور بـترولـي خـاص أعضاء الشرف

    كلامك فيه نسبة من الصحة

    ولكن ما نبخس تعب الاخوان اللي اكملوا دراستهم

    اذا في ناس ما تراعي الذمة والضمير

    ترى في ناس تراعي الذمة والضمير وتدرس بجهد ويحضرون دروس تقوية مكثفه

    وبالتالي يقدرون يدخلون الاختبارات وهم على اتم الاستعداد لها

    سواء في مصر او البحرين او اي مكان ثاني

    المسألة نسبيه
     
  4. OraNGe-GuY

    OraNGe-GuY بـترولـي جـديـد

    2
    0
    0
    كلامك في صحة لكن اخلافك الراي في بعض الشغلات

    جنك بالغت شوي بكلمة جانعات عريقة على جامعة الكويت

    للمعلومية جامعة الكويت باقيلها انذار وتتسكر من اتحاد جامعات العالم

    للخرابيط اللي الكل ادرى فيها

    مو هذا موضوعنا

    لكن ياخوي ليش تعاتب الشركة على هالشغلة

    الخلل مو من الشركة

    الخلل تدري وين من التعليم العالي

    شوف اخوي لاتقولي التعليم العالي مايدري عن هالجامعات

    التعليم العالي يدري عن هالجامعات وساكتين

    تدري ليش

    هذي سياسة من الحكومة

    الحكومة يهمها في المستقبل القريب

    انه يكون عندها وزير شهادته من المعادي

    ليش ؟

    علشان الحكومة تقوله سو يسوي حط حط مع الخيل ياشقرى على قولتهم

    الحكومة ماتبي ناس متعلمين ومثقفين

    علشان مايناشبونها ومايكون فاهم الوضع

    احنا مانعاتب الحكومة تدري ليش !

    لأنه عندنا منو يمثلنا

    العتب الكبير على اعضاء مجلس الامة اللي يشوفون هالخلل الكبير وساكتين عنه

    في النهاية

    اقولك ديرتنا راحت والله يستر :)
     
  5. KNNNPC

    KNNNPC بـترولـي جـديـد

    8
    0
    0
    كلامك صحيح ووافقق بالراي

    والحسود اهو الي يعارض كلامك

    هالناس مادري اشلون اييبون شهايد ووكلون اعيالهم فلوس حرام
     
  6. KNNNPC

    KNNNPC بـترولـي جـديـد

    8
    0
    0
    اخوي OraNGe-GuY بوضحلك على شغله اسمحلي فيها ... كذا واحد يتكلم وردد هالجمله وتوقع الغالبيه مو عارف معناها هالشغله يقصدون فيها الشغلات الاداريه الي داخل الجامعه كمباني وكلاسات ومايقصدون فيها المناهج وهالجمله مايقصد فيها كل الكليات المقصود فيها كليات الاداب العلوم الاجتماعيه ولا في كليات بجامعة الكويت لها برامج مشتركه مع اقوى الجامعات ولها اعترافات اقوى من الاتحاد العالمي للجامعات مثل كلية الهندسه والعلوم والطب والحقوق والعلوم الاداريه اهو صح يتخرج الطالب منها مو قوي بسوق العمل بس يدش ينكرف كراف اليهد يعني دراسته محلله مو مثل الي شاريها بفلوسه فحرام اتقارن جامعة الكويت بهالجامعات

    وكون بعلكم هالانذار كان بفترة التسعينات ومادري شفيهم الناس ماسكين هالشي معاير على جامعة الكويت لنا انشال من زمان اتحدى احد اييب مصدر الحين معتمد من قبل الاتحاد العالمي يقول جامعة الكويت بتنطرد من الاتحاد وشوفو هالموقع جامعة الكويت لحد الحين معترفه من قبل الاتحاد وماعليها اي انذار

    http://www.unesco.org/iau/members_friends/mem_membinst1.html

    وشوفو الجامعات الي موجوده بالفلبين والبحرين ومصر كل الي معترف فيهم جامعات الحكوميه فقط مادري جامعتين خاصه بالاردن تلقونها باللسته ومانلقلى كويتيين متفرغين للدراسه يدرسون فيها لصعوبة الدراسة فيها لنا فيها التزام بالحضور

    جامعة الكويت من اصعب الجامعات بالعالم وانا اتحمل كلمتي وجامعة الكويت اقوى من جامعات الخاصه الفلبين والهند مصر والاردن والبحرين الي يدرسون فيها الكويتيين ماتكلم عن الجامعات الحكوميه
     
  7. Winchester

    Winchester المـراقب الـعـام

    الوزيرة الصبيح (توقف) القبول في الجامعات الفلبينية

    25/03/2009 الآن - المحرر الطلابية 04:12:36 م

    أصدرت وزيرة التربية ووزيرة التعليم العالي نورية الصبيح قرارا بشأن ايقاف الدراسة للطلبة الدارسين في الجامعات الفلبينينه بصفة مؤقتة وذلك اعتبارا من اليوم، ومن جانبها قالت وكيلة وزارة التعليم العالي د. رشا الصباح أن قرار الايقاف جاء قبل اسبوعين وذلك بعد ملاحظة تسجيل اعداد هائلة من الطلبة في هذه الجامعات، مؤكدة أن هناك وفد سيزور الجامعات الفلبينية قريبا، واضحت أن عدد الطلبة المسجلين في هذه الجامعات تعدا الخمسة آلاف طالب من الجنسين، وأن والأعداد في تزايد.
    وشكل القرار مفأجاة كبيرة للطلبه الدارسين في الفلبين، ولا زال الوضع غير معروف ان كانت الوزارة ستعتمد شهادة خريجي جامعات الفلبين الذين تخرجو في العام الماضي، والجميع بإنتظار صدور توضيح في هذا الشأن.


    (2:14م)

    أصدرت وزيرة التربية ووزيرة التعليم العالي نورية الصبيح قرارا بوقف قبول الطلبة في مختلف الجامعات الفلبينية، ويأتي قرار الوزيرة الصبيح بعد الأنباء التي ترددت في الآونة الأخيرة عن قيام الجامعات الفلبينية بقبولها لمجموعة كبيرة من الطلبة الكويتيين بأسعار وصفت ' بالرمزية ' وكذلك عدم جدية مناهج الجامعات المذكورة وفتح القبول بالعديد من البرامج الدراسية ومنها الماجستير والدكتوراه.
     
  8. Workers

    Workers إدارة المنتدى

    7,767
    30
    48
    ذكر
    الكويت
    ماشاء الله هذي الوزيرة اللي محتاجينة صاحبة قرار

    الله يعين البلد اللي وزيرها يصدر قرار كل ماسمع انباء تتردد !!
     
  9. YOU^AND^ME

    YOU^AND^ME بـترولـي نشيط جدا

    444
    0
    0
    بسم الله الرحمن الرحيم

    اخوي ناصر .... طبعا غيرتك على التعليم بشكل عام شي جميل وتشكر عليه وموضوعك بأذن الله بعيد عن الحسد

    لكن هناك امور لابد ان نوضحها ... بما اني احد الدارسين في مصر وبالسنه الاخيرة .!

    1- لا اختلف معك على سهولة الدراسه ..! ( فالجامعة اللتي انتسب اليها قامت مشكورة بتسهيل كل العقبات امام دراستي )
    أ- الحضور .... يتم التغاضي عن الحضور لعلم الجامعة انني موظف وانني لا املك من امري الا شهر في كل كورس
    وكذلك تعلم مؤسسة البترول انني ادرس و هناك اختبارت فصلية مرتين فالسنة فوافقت الادارة مشكورة على اعطائي شهر اجازه
    مدفوعة الاجر ..!
    ب- تقوم الجامعة مشكورة بعمل محاضرات مكثفة للطلبة مدتها اسبوعين في كل كورس قبل الامتحانات
    ج - الطلبة مجتهدين فالدراسة والتحصيل العلمي هنا فالكويت .. فقبل السفر يوجد مدرسين اتوا خصيصا لتدريس الطلبة وان كان التدريس بمقابل لكن هذا يدل على ان بعض الطلبة مجتهدون فالدراسة .
    د- الاتحاد الكويتي للطلبة في مصر . يقوم مشكورا بعمل مراجعات وتقوية للطلبه قبل الامتحانات لفترة بسيطه واثناء الامتحانات
    .....................................................................................................................................................


    اخي ناصر اخواني

    ان الهدف من الدراسة هو في اساسه التحصيل العلمي وما يتبعه من مكتسبات سواء ان كانت اجتماعية او اقتصادية

    وتعديل الوضع الوضيفي ليس هو الغاية فقط من الدراسه فاني والله اعلم واعرف شخصيا موظفين يملكون من الشهادت العلمية

    مثل البكاليريوس والماجستير ولم يقدموا شهاداتهم ليتم تعديل الوضع الوظيفي

    انا مستعد ان اقبل اي اختبار في اي مادة تريدها من تخصصي طبعا لأثبت لك وللزملاء انه لا يجوز ان تعمم في كلامك على ان بعض الطلبة تحصيلهم العلمي في هذا الوضع التعليمي ظعيف .

    فلدي نموذج ممن تخرج من جامعة الكويت من كلية الهندسة ضعيف جدا في ( اللغة الانجليزية ) ..!!!

    وكان مستوى اختبارت اللغه لديه بعد ان اتمها ( مستوى 4 ) فما كان من الدكتور اللذي كان يدرسنا اللغة الا ان قال كيف تخرج من كلية الهندسة وهذا مستوا الانجليزي لدية ( فهل يجوز لي ان اطعن في شهادته او دراسته )


    دع العباد لخالقهم فان الخالق اعلم بعباده
    وأسال الله ان يوفقنا وان يوفقهم لما فيه الخير
    واسف على طول الرد
     
  10. Workers

    Workers إدارة المنتدى

    7,767
    30
    48
    ذكر
    الكويت
    اول ماطلعت ايكويت قدمو عليها مهندسين من PIC ولهم الاولوية في الانتقال في ذلك الوقت وتم قبول جميع المهندسين
    عدا المهندسين خريجي جامعة الكويت بسبب اللغة الانجليزية وهم انفسهم يقولون مشكلتنا اللغة !!

    الله يوفقك اخي الكريم وجميع اخواننا الكويتيين الدارسين داخل الكويت وخارجها .
     
  11. المنصور

    المنصور بـترولـي خـاص أعضاء الشرف

    المسألة نسبيه وترجع للإنسان نفسه..

    اذا كان مجتهد ام لا

    واذا كان يهمه تحصيله العلمي ام لا

    واذا كان يبي الشهادة بالتعب ام لا
     
  12. المنصور

    المنصور بـترولـي خـاص أعضاء الشرف

    من رأيي الشخصي

    زين تسوي

    لأن اللي حاصل ما يرضي الله

    انا شخصيًا اعرف واحد مسجل في جامعة في الفلبين بتخصص هندسة

    يقول بس يروح لمدة اسبوع (زلقه بطيحه) علشان يدفع رسوم الجامعة ويقولون له انت ناجح

    ومنها علشان ينختم جوازة بأنه سافر هناك!!



    بالله عليكم هل هذا يرضي عاقل؟
     
  13. كي او سي

    كي او سي بـترولـي خـاص أعضاء الشرف

    انا اقول اي واحد ياخذ شهادة ويبي يعادلها يسووله اختبار في الشركة على حسب تخصصه واذا طاف الاختبار بنسبة 70% وما فوق يتم معادلة الشهادة واذا النسبة المطلوبة لم تتحقق لا يتم المعادلة بالمره ولا ينظر فيها لاحقا الا ان ياتي بشهادة اخرى سواء بنفس التخصص او تخصص اخر وان كانت من نفس الجامعة على ان يتم اختبار ثاني له وهكذا

    والا ستكون الكويت من الدول المتخلفة فعليا كما نحن الان

    انا لا اتحدث عن القطاع النفطي فقط ولكن على مستوى الكويت
     
  14. Eng.Vampire

    Eng.Vampire بـترولـي خـاص

    السلام عليكم أخوي ... بالنسبة للكلام الي تفضلت فيه عن وضعية جامعة الكويت على قائمة الانذار النهائي ... هذا الكلام غير صحيح نهائيا ... انا خريج جامعة الكويت وسمعت هالكلام قبل لا أدخل الجامعة وعقب التخرج والوظيفة الحين 10 سنين وللحين نسمع بالكلام هذا .... شنو هالانذار الي صار له 20 سنة :)

    وللعلم جامعة الكويت وخصوصا الكليات العلمية تعتبر من أفضل الجامعات على مستوى المناهج وأعضاء هيئة التدريس
     
  15. Eng.Vampire

    Eng.Vampire بـترولـي خـاص


    قرار صائب 100% ومع احترامنا لخريجي هذه الجامعات .... مخرجات هذه النوعية من الجامعات غير مؤهلة وسيئة جدا .. والله يا اخوان في لنا زميل في الدائرة متخرج من هالجامعات الرديئة للأسف لا يعرف أساسيات التخصص وكنا في مهمة عمل وخربط الدنيا :) والناس الي هناك انصدموا فيه (مهندس بترول ولا يعرف وحدة قياس الضغط) ... والان مستبعدينه من اللجان الفنية للمشاريع ..... هذا كله بسبب هالدكاكين الي فتحوها
     
  16. .K.O.C

    .K.O.C بـترولـي نشيط جدا

    454
    0
    16
    مع احترامي لصاحب الموضوع

    كلامك بشكل عام فيه صحه

    ولايستوي التحصيل العلمي بين الطرفين

    ولكن

    خريج الجامعة الكويتيه
    وخريج جامعات اخرى

    تدري شنو الفرق بينهم


    نبدأ بخريج الجامعات الاخرى على حد قولك سهولة.. عدم الحضور إلا مرة أو مرتين تحصيل علمي ضعيف
    انا اتفق بعض الشيء معاك على قولك عدم الحضور وسهلة وهذا شي طيب وجميل من ناحية الراحه النفسية التي تساعد على التهئية النفسية والبدنية للطالب ... ومو لازم يقابل وجه الدكتور حتى يفهم ممكن بمجرد قرائته للمادة يفهمها بسهولة وينجح
    أما على التحصيل العلمي أنا ما اتفق معاك انهم ضعفاء بالعكس في ناس فاهمه ومتميزة جداً عن ماتسميهم خريجيين جامعة عريقة كجامعة الكويت


    اما جامعة الكويت

    الطالب شنو قدامه..؟؟؟ علم...؟؟ فائدة؟؟؟ ما اظن ولا اريد أن اظن ...ولا اريد ان افكر أن اظن ان فيها فائدة

    وانت كتبت كلام يؤكد ما سأقوله

    وهو

    الجامعة الكويتية... فيها حضور وغياب...وأما الأمور الاخرى الصعبة اللي انت ذكرتها أنا راح اتطرق لها وهي

    نفسية الدكاترة...وظلمهم وغبائهم وانشغالهم في القشرة بدل اللب ... التمرد في الجامعة من استهتار...فقدان الجامعة الحس التربوي والأخلاقي والوازع الديني...إلا من رحمهم الله... شنو بعد..!! لم نسمع أي ابتكار او اختراع او انجاز كبير او نظرية او استنتاج او حكمة او فائدة صدرت من الجامعة العريقة الكويتية بقارنتها مع جامعة السعودية...!! لاشيء... صفر على الشمال

    النتيجة الطالب يتخرج من الجامعة,,,وزين اذا كان يحفظ له بيت شعر أو يعرف جدول ضرب 7


    لذا نتمنى أن لا نرى موضوع يسيء للمواطن الكويتي ...لأن المواطن الكويتي بحاجه ماسه إلى راحه البال والاستقرار النفسي

    وشكرا لكم
     
  17. Eng.q8

    Eng.q8 بـترولـي نشيط

    91
    0
    6
    اخوي naser يعطيك العافيه علي هذا الموضوع .....

    كلامك فيه نبره غريبه كأنك متحسف مالحقت علي هالوقت انت تخرجت من زمان وطافتك هالجامعات ......

    اولا موضوع انذار جامعة الكويت صحيح بس (سابقا) مو الحين

    ثانيا انت تقول الجامعات الي في مصر ومادري وين انا اقولك مافيه جامعه في مصر (هندسه) فيها انتساب قول محاسبه صح اداره هم صح وبعدين علي فكره الان اغلب

    الجامعات تتوجه الي تقليل المحاظرات مثل الانتساب ولا تروح بعيد جامعه الخليج والعربيه دوام يومين بالاسبوع بس انت تدرس وادور بحوثك بالنت

    يعني لو مثلا انا بسجل ولدي بالعربيه المفتوحه لانها بالديره عندي ماابيه يسافر ماتقدر تطعن بشهادته وتقولي ولدك شاريها وهالكلام ينطبق علي الجامعات الي برا بعد

    اذا نضام بعض الجامعات جذي شتسوي ماندرس عيالنا

    وبعدين منو قالك ان خريجين جامعة الكويت كلهم فطاحله والله لو دكاترة جامعة الكويت مايجيكون علي الحضور والغياب جان مافيه احد يداوم لا نقص علي بعض احنا قبل مانصدق يعتذر الدكتور ....وبعدين حتي في بريطانيا جامعات تعطيك الهندسه بسنه بعد تخرجك من الدبلوم
    لا وازيدك من الشعر بيت كل كورس اداوم شهر بس شرايك لويقدم علي الشركه يحطونه تيم ليدر ليش انه من بريطانيا

    ومن هالجامعات تعطيك الماجستير بسنه ومنها جامعة (kingston university)

    انا معاك في موضوع الفلبين اشكره ماكو دراسه لا انتساب ولا شي لو قايلين انتساب يمكن مالنا حجه بس المشكله مايقدر يقول هندسه انتساب

    عموما خوالنا الامريكان بعد دراسه يقولك ان الي يستفيد من دراسته بنسبة 20% هذا ممتاز لان الشطاره انك تفهم شغلك الي مرات تفيدك جم ماده ماخذها بس ..

    وبعدين هذا رزقهم خلهم يكملون الله يوفق الجميع
     
  18. naser

    naser بـترولـي نشيط

    92
    0
    0
    صدر قرار من وزيرة التعليم العالي اليوم بوقف قبول الطلبة في عدد من الجامعات في عدد من الدول منها البحرين و مصر و الفلبين و الاردن و الهند....و هو قرار جيد يجب ان يستمر....و نتمنى ايضا عمل اختبار للخريجين الذين تم قبولهم قبل صدور هذا القرار و المتوقع تخرجهم قريبا من هذه الجامعات...وذلك حتى نتأكد من أن تحصيلهم العلمي مقبول (على الاقل) و يعرفون و حدة قياس الضغط كما ذكر احد المشاركين :)
     
  19. باش دبلوم

    باش دبلوم بـترولـي نشيط جدا

    194
    0
    16
    انا معكم بالنسبه للجامعات فى بعض الدول وخصوصا الفلبين والهند وبعض جامعات مصر والحين طايحين فى جامعات فى السودان!!!!!

    جامعات جمع فلوس وتحصيل حاصل ويعد 10 سنين من اليوم راح تشوفون 99.9 من الكويتيين يحملون الدكتوراه !!!!!

    والمصيبه ان هذا الجيل اللى ماخذ الشهادة بالفلوس والعنطزه هم اللى راح يديرون البلد ويمسكون المناصب فى المستقبل!!!!!!!
     
  20. q82008

    q82008 بـترولـي جـديـد

    49
    0
    0
    والله كل شيء يصير بالزمن
     
جاري تحميل الصفحة...

مشاركة هذه الصفحة