بخصوص إتفاق الشركة و التطبيقي ..

الكاتب : كـويتي | المشاهدات : 1,418 | الردود : 11 | ‏10 مارس 2009
  1. كـويتي

    كـويتي بـترولـي جـديـد

    7
    0
    0
    بسم الله الرحمن الرحيم ..

    بالبداية اشكركم جميعاً الاخوة القائمين على المنتدى ..
    وأشكر الاخوة المشرفين والاعضاء المشاركين ايضاً على افادتنا ..

    وحبيت أسأل للي عنده خبر بخصوص الإتفاق بين شركة الـ Knpc و الهيئة العامة للتعليم التطبيقي والتدريب بخصوص تخصص تشغيل المصافي .. وعندي سؤالين بهالخصوص هم :

    1- شلون تمشي المكافأة ال300 يعني هل تمشي ابتداء من اول كورس بالكلية للمستجد وتكون شهرياً ومنفصلة عن الإعانة الاجتماعية ولا شلون ؟ و وين تقديم الطلبات لاستلامها ؟

    2- اذا تم التخرج من الكلية بحول الله .. هل يجب على المنتمي للبرنامج التوظف في الشركة ؟ أم يمكنه إكمال الدراسة في الخارج ( الهندسة الكيميائية - التي ينتمي اليها تخصص تشغيل المصافي ) وماهي فرص توظيف هذا التخصص في الشركة وبقية شركات المؤسسة ؟ وماهي طبيعة عمله ؟

    وشكراً ..
     
  2. الدوسري

    الدوسري بـترولـي نشيط جدا

    248
    0
    0
    بالنسبه للمكافاه شروطها ...

    اول ماتدش يعطونك كورس ولازم تجيب معدل مجموعه فوق النقطتين .. علشان توقع عقدك مع الشركه مجرد ماتتخرج تكون موظف بالشركه على طول
    يعني تظمن الوظيفه بعد التخرج بس اذا سقطت يعطونك كورس فرصه وبعدها اذا سقطت مالك الا الديوان
    لأن حاليا على حسب معلوماتي البترول وقفوا تسجيل مشغلين مصافي من حملة الثانويه
    وتمشي لك المكافأه
    300 دينار من البترول و100 من الهيئه العامه المجموع 400

    مدة الدراسه سنتان ونص والدراسه ترا مو سهله يبيلها مذاكره

    اتمنى التوفيق للكل
     
  3. كـويتي

    كـويتي بـترولـي جـديـد

    7
    0
    0
    يعطيك العافية ولد عمي الدوسري على الإجابة الوافية ..
    زين إستفسار صغير :

    يعني المكافأة تنزل بأثر رجعي بعد ما تطلع نتيجة الكورس الأول ويكون المعدل التراكمي فوق النقطتين ؟

    واذا عندك فكرة عن سؤالي الثاني :

     
  4. الدوسري

    الدوسري بـترولـي نشيط جدا

    248
    0
    0
    بالنسبه للسؤال الاول نعم له اثر رجعي ... بس اذا كان معدله بالكورس الاول تحت النقطتين مايكون له اثر رجعي

    اما بالنسبه للسؤال الثاني ... انت اول ماتجيب معدل فوق النقطتين توقع عقدك مع الشركه على اساس انك موظف عندها وانت باقي لك سنتين من الدراسه

    يعني اذا كنت تبي تكمل برا لازم يكون معدلك عالي للأبتعاث من قبل الشركه ..

    يعني كأنك تدرس بالشركه مو بالتطبيقي تخصص حلو ووظيفه مظمونه ... لأن حاليا على حسب ما اعرف انه تخصص مشغل حقل ما يقبل الثانويه لأن الدفعه السنه الي طافت كانت اخر دفعه الحين التوظيف عن طريق التخصص الي بالتكنلوجيا ..
     
  5. المتضرع إلى الله

    المتضرع إلى الله بـترولـي جـديـد

    10
    0
    0
  6. كـويتي

    كـويتي بـترولـي جـديـد

    7
    0
    0
    يعطيك العافية أستاذنا الدوسري .. تعبتك بس لي سؤال اخير ماقصرت ..

    بعد ما تنزل الأثر الرجعي .. هل تستمر المكافأة تنزل بالحساب شهرياً .. ولا بعد كل كورس تنزل أيضاً بأثر رجعي ؟
    أقصد إن هل يمشون له المكافأة شهرياً و اذا بنهاية الكورس ياب اقل من نقطتين يطالبونه فيهم ولا تنزل بعد الكورس الثاني أيضاً ؟

    ويعطيك الف عافية الصراحة ماكنت لاقي احد يفيدني بهالخصوص .. بما أني انا طالب بهالتخصص الآن ..
     
  7. الدوسري

    الدوسري بـترولـي نشيط جدا

    248
    0
    0
    اي تستمر تنزل شهريا ...

    لا ما اتوقع يطالبون .. بس شد حيلك انت
    لأن اخوي بعد وياكم بهالتخصص بس للحين ماوقع عقده اول كورس ورسب ماله الا هالكورس الاخير
     
  8. كـويتي

    كـويتي بـترولـي جـديـد

    7
    0
    0
    يعطيك ألف عافية اخوي على إفاداتك ..

    والله يوفقك ويوفق اخوك انشالله ..
     
  9. كـويتي

    كـويتي بـترولـي جـديـد

    7
    0
    0
    بسم الله ، تبقى سؤال أخير غاب عن اذهاننا :)

    بالنسبة للمكافأة .. هل تتوقف في حال الزواج واستلام راتب وزارة الشؤون ؟
    يعني بالأحرى تتسجل بالتأمينات وكأنها راتب ؟
     
  10. الدوسري

    الدوسري بـترولـي نشيط جدا

    248
    0
    0
    معلومه جديده لك ... بالنسبه للمكافأه اذا معدلك نزل عن النقطتين وانت بالكورس الاول كنت نقطتين وقعد ينزل كل شهر يخصمون منك 100 دك ..
    على كل شهر لين ماترفعه نقطتين او اكثر
    اما بالنسبه للشئون مممممم اتوقع تمشي لك لأن اسمك ماراح ينزل بالتأمينات الا بعد التخرج

    حلوه الشؤون 370
    300 الشركه ..
    670 زين تقزر فيهم وضعك لين ماتتخرج
    والله يوفقك ان شاء الله
     
  11. كـويتي

    كـويتي بـترولـي جـديـد

    7
    0
    0
    يعطيك الف عافية على الافادة ..
    بصراحة ماقصرت ..

    بس انا الي اعرفه ان الشؤون يمشون للطالب المتزوج أو اللي مايشتغل بعده .. كله كامل 580 دينار ..
    يعني جذي يصير 580 من الحكومة للمتزوج الغير موظف + 300 مكافأة البترول = 880 د.ك

    وانشالله بفضل دعواتكم ما ننزل عن المعدل المطلوب ..
     
  12. k.n.p.c_man

    k.n.p.c_man بـترولـي جـديـد

    3
    0
    0
    سماكم الله بالخير يا جماعه عندي سؤال صغير وظيفة المشغل المصفاة إهي نفسها مشغل حقل ولا يختلفون عن بعض وأذا يختلفون شنو طبيعة العمل مع الشكر
     
جاري تحميل الصفحة...
مواضيع مشابهة
  1. زحل
    الردود:
    0
    المشاهدات:
    244
  2. نقابة عمال شركة البترول
    الردود:
    1
    المشاهدات:
    8,310
  3. المحرر النفطي
    الردود:
    3
    المشاهدات:
    12,284
  4. قائمة التغيير KNPC
    الردود:
    0
    المشاهدات:
    735
  5. Almehanna.84
    الردود:
    6
    المشاهدات:
    21,968

مشاركة هذه الصفحة