الى متى وشركة البترول تذل المتقدمين لمشغل حقل

الكاتب : الى متى | المشاهدات : 3,135 | الردود : 60 | ‏10 مارس 2009
  1. الى متى

    الى متى بـترولـي نشيط

    121
    7
    18
    السلام عليكم ورحمة الله وبركاته

    تحية طيبه للجميع

    كل ما يتم كتابته في المنتدى يعبر عن رأي كاتبه فقط, ولا تتحمل إدارة منتدى العاملين بالقطاع النفطي الكويتي أدنى مسؤولية

    رأيي بأن شركة البترول والقائمين عليها شركة فاشله لأبعد الحدود

    الى متى وهم يأجلون ويماطلون معانه والله لو داشين الجيش ولا الشرطة اشرف
    الدوره ناس شهر ثلاثه وناس شهر اربعه وناس خمسه وسته وسبه وثمانيه ليش يعني منو واسطته اقوى يدش اسرع ؟؟؟؟! (( مجرد سؤال ))
    خلو الناس يقدمون استقالاتهم من دواماتهم وخلو الناس يطلعون من معاهدهم ويسحبون اوراقهم وبالنهايه يقولك شهر ثمانيه
    طيب ليش لما دقيتو قلتو تعالو وقعو العقد يوم الثلاثاء ويوم الأحد اداومون هالهوا لعب اطفال ؟؟ ترا هذي وظيفه
    يسألوني الأعضاء ليش اسمك بدليه (( الى متاا )) ليش مو الى متى الجواب : شركة البترول مقعدتنا بالبيت سنتين تقريبا اكيد بننسا الكتابه انا اسمي نسيت شلون اكتبه

    مابقول غير الشكوه لله والله يحاسبهم انشالله

    اداره وموظفين واعضاء فاشلين للأسف ليس جميعا لاكن الأغلبيه فشله مع احترامي للأقليه العامله بجد
    ((نصحيه الى كل من يفكر انه يقدم على هالشركه يحط عليها اكس لأنه بيتوظف بعد 679 سنه ))

    كل ما يتم كتابته في المنتدى يعبر عن رأي كاتبه فقط, ولا تتحمل إدارة منتدى العاملين بالقطاع النفطي الكويتي أدنى مسؤولية


    لاحجة البقر على قرونها بنتوظف

    لحد يستانس لأنه وقع العقد ترا العقد والنسخه الي لنا خذوها لهم عشان لحد يطالب بشي ههههههههههههه يعني توقيع العقد تصبيره بس
     
  2. الدوسري

    الدوسري بـترولـي نشيط جدا

    248
    0
    0
    الشكــوى للـــه شنسوي بعد مالنا الا اهي طلعنا من ومعاهدنا وظيعنا عمرنا والسبه شركة البترول

    اليوم يعني مسكتينا خلونا نوقع العقد وياريته عقد رسمي كله عقد الدوره للأنجليزي .... وانا اليوم مستانس داش قلت بوقع عقدي واخرتها دورتي على شهر 8 ياجماعه والله مايصير لا وفوق هذا مايبون يعطونا نسخه
    تمصخرنا صارلنا سنه ونص وشهر 8 يصير لنا سنتين واحنا قاعدين ننطر الشركه تتصل

    والناس الي عندهم واسطات دشو وتوظفو وداومو بالمصافي
    بس شتسوي مانقول الا حسبي الله ونعم الوكيل فيهم
     
  3. OZ1

    OZ1 بـترولـي نشيط

    75
    0
    0
    اول شي الف مبرووك حق اللي وقعوو عقودهم
    وثاني شي انا اضم صوتي معاك لانه صج صج تمصخرنا
    انا قطوني 14-6-2009
    وساحب على المعهد مالي من اول بداية الكورس وعلي 680 الف انذاار وكل هذا بسبة هالشركه الدايخه
    الحين مابقالي برصيدي غير يومين غياب بالمعهد يعني شسوي شسوي شسوي والله حرام عليهم
    يعني حتى لوو بروح معهدي كل يوم اكيد بصير ظرف واغيب وانفصل شي اكيد وبعدين الاسبوع الجاي يبونا يوم الاربعه يعني راح اغيب يوم ويبقالي يوم
    شسوي اطق اصبع الحين
     
  4. الدوسري

    الدوسري بـترولـي نشيط جدا

    248
    0
    0
    ياجماعه على اي اساس تم التوزيع على المعاهد ؟؟ هل الواسطه لها دور ؟؟؟ او قرعه او شنو بالظبط ؟؟

    شي مايدش العقل

    الي اخر هالشهر والي شهر 4 والي 6 والي 8 والي 12 وفي ناس يقولون السنه اليايه شهر 3 ؟
     
  5. وانا اضم صوتي مع صوت ( الى متى )

    صج صج تمصخرنا والله لو داش دوره بالجيش ولا الداخليه جان خلصت ومستلم معاشي الحين

    مو حرام سنتين ظاعت من عمري ؟؟؟؟؟

    قالولي بشهر 7 يعني بعد 4 اشهر والله ظلم _ على اساس انه المتقدمين 250 شخص

    لو مخلصين من السنه اللي طافت جان الحين احنا متخرجين

    الحمدلله على كل حال وموفقين انشالله
     
    آخر تعديل بواسطة المشرف: ‏10 مارس 2009
  6. OZ1

    OZ1 بـترولـي نشيط

    75
    0
    0
    اكيدددددددددد فيتامين وااااااااااو مايبيله
    على فكره عشان اوريكم النصب اللي صار الواسطات اللي صارت
    ترى انا بأمتحان الانجليزي اول امتحان يايب درجه كامله
    وثاني امتحان ناقص درجه يعني المفروض ما اخذ هالدوره والنتايج مالت الامتحانات انا شايفها بعيووووووني
    بس شتسوي حكم القوي على قولتهم
    واكثر من واحد نفس حالتي اعرفهم
     
  7. صدمتني والله يا الدوسري :eek:

    شهر 3 السنه اليايه ؟؟؟؟
     
  8. الى متى

    الى متى بـترولـي نشيط

    121
    7
    18
    ههههههههههههههه والله رحت الشركه مرا ثانيه توه براسي شر بس دق علي الوالد من لندن قالي موزعينكم حسب درجاتكم بالمتحان من الأحسن يداومون اسرع
    طبعا هالكلام يمكن مشا على الوالد لاكن مايمشي علي لأنه انا جايب درجه زينه بالنجليزي وزكي المصري معطيني درجتي وقالي انت لو زايد درجتين جان دشيت الدوره مالت المشغل من غير دورة انجليزي يعني المفرووض المفرووض اداوم شهر ثلاثه لأني ناقص درجتين بس واعرف واحد ناجح بالنجليزي بالدز وعادوله لختبار كذا مره عشان ينجح بالنجليزي ودورته شهر اربعه يعني بعد قبلي

    حسب الله ونعم الوكيل
     
  9. الدوسري

    الدوسري بـترولـي نشيط جدا

    248
    0
    0
    يبيله نكلم فؤاد الهاشم ههههههههه اوعدك وعد لو نكلمه او ندز له ايميل بالموضوع باجر دورتنا ههههههههههههههههههه
     
  10. OZ1

    OZ1 بـترولـي نشيط

    75
    0
    0
    :p قــــــــــــــــــــــــــــــــــــــــــــاطعوووهم :p أعداء التوظيف :p
     
  11. مو سالفه درجات
    وانت تدري يوم سحبو علي وما دقو علي عشان اعيد الامتحان صح ؟
    ولما قلتلهم محد دق علي شنو قالو ؟ قالو بس اكتمل العدد - وقلتله شسوي قالي بس ما تقدر ادش اكتمل العدد عندنا - بس الحمدلله ربك موجود ما ينسى عبده
    وكنت مقدم عدل وعرف مستواي بالانجليزي بس هم رضيت اني ادش دوره انجليزي
    الحين يقولولي 27 - 7 - 2009 ؟
     
    آخر تعديل بواسطة المشرف: ‏10 مارس 2009
  12. OZ1

    OZ1 بـترولـي نشيط

    75
    0
    0
    وين الشطي شكله لي الحين اهناك الله يعينه
     
  13. swarovski-man

    swarovski-man بـترولـي جـديـد

    37
    0
    0
    ماقول الا الله يسامحهم والله ضاااق صدري انا بأخر سبعه والله حرام والله حرام لازم اكون خريج من مصر الحين ضيعووني
     
  14. الى متى

    الى متى بـترولـي نشيط

    121
    7
    18
    ههههههههههههههههههههههههههههه انا بكلم خالد عبدالجليل يتكلم بمشكلتنا بدال مايروح يتكلم بمشاكل لكويتيين الي بمصر خل يشوف مشاكل لكويتيين الي بالكويت
    على قوله يامكنكني
    ((اي ياخالد عبدالقليل انته مش عارف انه الكويتين غلابه اكتر منه روح حل مشكلك ومشاكل الكويت بعدين تعال مصر))
     
  15. الشطي اتصلت فيه
    دورته معاي 27 - 7
     
  16. OZ1

    OZ1 بـترولـي نشيط

    75
    0
    0
    اي والله صج تعااال مايحلها غير خالد العبدالجليل اليوم ينزل الموضوع باجر احنا متوظفين من غير دوره بعد وحياتك :p
     
  17. swarovski-man

    swarovski-man بـترولـي جـديـد

    37
    0
    0
    الله يستر باجر يجحتونا ؟؟؟ يقولون ماكو دوره
     
  18. الدوسري

    الدوسري بـترولـي نشيط جدا

    248
    0
    0
    <<-- صاكه فيه الدنيا :(

    يبا خلوها على الله الله كريم الله الله الله عليم الله الله
     
  19. OZ1

    OZ1 بـترولـي نشيط

    75
    0
    0
    عادي ترى يسوونها استقبلوو كل شي لمه ايي موعدك مال الانجليزي عادي استقبل يقولك اكتفينا او ماكو مكان عادي ترى
     
  20. الى متى

    الى متى بـترولـي نشيط

    121
    7
    18
    يبا شوفو توقيعي قايلكم يوم 10_3 مثل 11_9 كارثه ويوم ماينسي لعبو فينه شلوطونه قزروها علينه بالعربي اهدمونه مثل مانهدمو برجين التجاره العالمي الي بمريكه
     
جاري تحميل الصفحة...

مشاركة هذه الصفحة