أنت جديد !!!!! sop

الكاتب : الشيخ | المشاهدات : 1,026 | الردود : 9 | ‏23 فبراير 2009
  1. الشيخ

    الشيخ بـترولـي نشيط

    50
    0
    0
    السلام عليكم


    يا جماعه اربع سنين أو اربع سنوات في شركة نفط الكويت

    وكل سنة يقول المسؤل أو المسؤول...وقت التقييم السنوي أنت جديد

    ومانقدر نعطيك تقييم أعلى من السنة اللي قبل...!!

    أسئلتي كثيرة

    وهي تتعلق بالكلمات:

    مانقدر... <<< هل هنالك شخص مثلا يمنعهم من رفع مستوانا

    أنت جديد... <<< شنو يبوني اسوي... اصبغ شعر راسي ابيض وأشيل كم سن من قدام... علشان يقول لي انت قديم...؟!؟!؟ ويعطيني تقييم افضل
    _________________


    أربع سنوات ويقولي ماعندك انجاز... أنا يادوب عندي دبلوم.. ومسألة الإنجازات هذي تتعلق بالمهندسين

    انا شكوووووووووووووووووو انجز واقترح وبالتالي حتى خمس دنانير كرت ايزي مايعطون...!!

    وين ابو هنااااااااااااااااااد اللي تجمعون فيهم وتعطونهم المميزات وريحتهم صنااااااااان على انهم مهندسين


    ملاحظة أبو هناااااااااااد= الهنود

    ليش ما يقترحون عليكم وينجزون...؟؟!

    _________________

    انا موظف كويتي وراي اسرة... اسعى لراحة البال وكسب لقمة العيش والتقييم يرفع من الراتب

    واحنا في الوقت هذا محتاجين نوقف مع بعض...مو يجيني مسؤول راتبه 4500 مع الاوفر تايم اللي شاقه نصين على كيفه ويقولي انت ماعندك مبادرة...!؟!؟!؟ مادري يقصد فيها مثلا اني اجيب له تلفون نوكيا 5700 ميوزك مثلا علشان يقول هذي مبادرة حلوه...؟!؟!؟

    _________________

    وفوووووووق كل هذا يقول لي انا انصحك توافق لانك اذا اعترضت راح تطلع بالصورة الشينة عند الادارة ويرصون عليك ويضيقون عليك وبالتالي ماراح نرفع تقييمك حتى لو تظلمت

    _________________

    طيب...ليش في شي اسمه تظلم عندكم؟؟!؟!؟ ديكوووووووووور!!

    ليش في مسؤولين يدرون عن كل شي يصير وساكتين وراضيين بالظلم!!

    _________________


    اسف يا اخوة على الكلام صدقوني ما اقدر اقول هالكلام قدام المسؤولين !! وانتم عارفين السبب

    واسف ان كنت اخطأت في شي






    ومالي الا ان اقول حسبي الله ونعم الوكيل في كل مسؤول ظالم لايطبق العدل والمساواة




    والسلام عليكم
     
  2. ALI 07

    ALI 07 بـترولـي نشيط جدا

    326
    0
    0
    لسلام عليكم اخي العزيز الشيخ بعد مايقرون عليك عندك مده اسبوعين تقدم تظلم وتقابل اللجنه محايده (والله اعلم هل ينصفونك ولا لا ) اللهم اجعلني مظلوم ولاتجعلني ظالم ولك تحياتي اخوي الشيخ
     
  3. al-khaldi

    al-khaldi بـترولـي نشيط

    119
    0
    0
    الله يعينك بس اخوووي الانجازات موشرط للمهندسين بس لا كل انسان له انجاز وحاول تشد حيلك ولا اقووولك تشد حيلك ماتشد حيلك يبى بالعربي في ناس تترقى على ظهر ناس وناس كذللك sop ياخذوون outstanding خله على الله وعلى حسب اذا حبوووك ارفعوووووووووووووك والعكس صحيح..............؟ الله كريم
     
  4. باش دبلوم

    باش دبلوم بـترولـي نشيط جدا

    194
    0
    16
    اذا كنت صاحب حق ومنتظم فى عملك ومؤدى واجاباتك على اكمل وجه شالمانع انك تعارض وتكلم المسؤول وتشوف الخلل

    ليش خايفين ادخل على مسؤولك وناقشه هذا من حقك واذا لك حق بتاخذه

    الصراحه هذا اللى انا ماشى عليه حاليا حقى اجيبه بنفسى لانى واثق من شغلى والحمدلله ماحد يقدر يمسك على اى ممسك
    بس طبعا باللين والاخلاق تكسب ربعك ومسؤولك
     
  5. المنصور

    المنصور بـترولـي خـاص أعضاء الشرف

    اخوي اذا كان تقييمك السنوي + Good

    فـ معناه انك تأدي عملك على اكمل وجه

    لكن اذا تبي تاخذ تقييم اعلى فـ المطلوب منك انك تأدي عملك بالاضافة الى اعمال زيادة او حتى لو كانت خارج اختصاصك

    ولكن اذا المسئول يتحجج ان انت جديد (اربع سنوات) هالفترة كافيه علشان يكون عندك خبرة بمجال العمل ولا تعتبر جديد

    ولكن مثل ما ذكرت هاذي حجع يتحجج فيها المسئول

    اما بالنسبة للإنجاز فـ لا تحط لك حواجز وتقول انا دبلوم

    صدقني الافكار الزينة والاقتراحات مالها شغل بالمؤهل الدراسي ولا توقف عنده وهالنقطه لازم تعيد النظر فيها

    وتدري ليش المسئولين يحبون الهنود؟؟

    1- لأنهم ما يتأخرون وملتزمين بمواقيت العمل
    2- لأنهم ما ياخذون اجازات مرضية
    3- لأنهم اذا عطوهم شغل زيادة ما يتحلطمون ولا يقولون هذا مو شغلي
    4- لأنهم ما يدورون لهم اي عذر لأخذ اجازة سواء (اجازة مرافق مريض ، تفرغ رياضي.. إلخ)

    طبعًا في ناس مضطرة لأخذ اجازة مرافق مريض لأن المسألة تستدعي ذلك

    ولكن في ناس تدور على هالسوالف علشان تاخذ اجازة

    اما بالنسبة للمسئول
    (اللي راتبه 4500 والاوفر تايم شاقه نصين على كيفه)

    ترى الموظفين من الدرجة 17 وما فوق ما ياخذون اوفر تايم

    بالاخير أنا ما ابرر ولكن حبيت اوضح بعض الامور اللي قد تكون غايبه

    ولكن..

    في اشياء غلط قالها لك مسئولك والمفروض انه يخاف الله في هالكلام

    وعسى الله يعينك
     
  6. المشاكس

    المشاكس بـترولـي خـاص أعضاء الشرف

    998
    1
    0

    أخوي المنصور من قال لك إن الهنود ملتزمين بالعمل وماياخذون إجازات مرضيه وإذا عطوهم شي مايقولون لا ؟؟؟؟؟

    حبيبي في كويتيين أضبط من هنودك بألف مره وعنده كفائه تفوقهم مليون مره وعندهم أستعداد يسوون ألي يطلب منهم وزياده ...

    المشكله تدري وين ..... الخوف والحسد

    الأجنبي مهما صار زين وعلى قدر من الفهامية مايحلم ياخذ مكان هالمسؤل ....
    الأجنبي مايرادد المسؤل لما يكون على خطأ ويمشي الأمور بحلوها ومرها ....
    الأجنبي دائماً يقول .... يس سير .....
    الأجنبي تفنيشه بيد هالمسؤل يقدر ينهي عقده بأي وقت ....

    بس الكويتي ....

    ماعنده هالسوالف ... ويداحر المسؤل لما يكون غلطان ... والمسؤل يخاف ياخذ مكانه ويصير اعلى منه .... وقيس عليها جميع الأمور
     
  7. المنصور

    المنصور بـترولـي خـاص أعضاء الشرف

    ما نختلف ان في كويتيين احسن من الاجانب واحنا مانعمم

    ومثل ما يقولون "لو خُليتْ خُربتْ" ولكن اغلبية الاجانب زينين وكفاءة وملتزمين بالعمل

    وما اختلف وياك ان الاجنبي ما يرادد ودايمًا يقول يس سير

    وبعض الكويتيين ما يسكتون عن حقهم

    لكن بعض الكويتيين يراددون على غير سنع وبقوات عين

    بالاخير هاذي ارزاق ولكن الناس تغفل عن هالشغله وتحسب ان اللي تحتهم بياخذون مكانهم
     
  8. عبدالله الشطي

    عبدالله الشطي بـترولـي نشيط جدا

    اخوي محد يقدر يسكت عن حقه
    مايصير يشوف حقه يروح حق شخص ثاني
     
  9. المنصور

    المنصور بـترولـي خـاص أعضاء الشرف

    في ناس تسكت عن حقها

    وفي ناس ما تسكت

    اهي مسأله نسبيه
     
  10. net1

    net1 بـترولـي نشيط جدا

    229
    0
    16
    والله انا معا راعي الموضوع 100% بكل كلامه

    والله يعينه وانا عندي نفس المشكله لالا والى اكبر انه يحطون لك تيم ليدر يديد واهو ما صار له شهرين ويحط لك التقييم
     
جاري تحميل الصفحة...

مشاركة هذه الصفحة