سؤال الى الإطفائين في الخفجي مهم جدا جدا؟؟؟

الكاتب : fireman | المشاهدات : 1,528 | الردود : 13 | ‏22 فبراير 2009
  1. fireman

    fireman بـترولـي جـديـد

    6
    0
    0
    السلام عليكم ورحمة الله وبركاته عندي سؤال ومحتار ؟؟؟
    انا قدمت على شركة نفط الخليج( الاطفاء ) في التقديم الاخير إلي بتاريخ 1 \ 2 إلى 15 \ 2 وابي اعرف 1- شنو مميزات الاطفائين ؟؟؟ 2 - وشنو نوع دوامهم؟؟؟ 3 - وهل راحة ولا تعب وشغل؟؟؟ ( لان انا موظف في مطافي الحكومه برتبة ملازم وقدمت ) 4 - وشنو المميزات الاحسن؟؟؟ وابي اعرف 5 - هل اقدر مثلا انام بالداوم اذا انا تعبان ولا سهران وللا؟؟؟؟ 6 - وجم ياخذ الطريق من الصباحيه الى الدوام ؟؟؟ 7 - وهل صحيح انه تقدر تعالج في مستشفى الاحمدي ومستشفى الهادي؟؟؟ 8 - وانه لك تذاكر سنويه؟؟؟ 9 - وانه الدوام 6 ايام صبح و2 يوم راحة و6 عصر و2 يوم راحه و 6 ايام ليل و 2 يوم راحه؟؟؟؟؟ 10 - والاهم على اي درجة يوقف وممكن يوصل لدرجة ضابط؟؟؟ 11 - وكم معاش الاعزوبي و كم معاش المتزوج ؟؟؟ 12 - وكم الزياده السنويه ؟؟؟ 13 - وفي بونص سنوي وللا ؟؟؟؟ 14 - ويقدرون يفصلوني على اي سبب ولا لازم سبب قوي ؟؟؟؟
    واذا ممكن تعطوني كل الايجابيات والسلبيات ( بذمة وضمير ) لان هذا مستقبل ؟؟؟؟

    ومشكووووووووووووووووووووووووووووووووووووووورين ؟؟؟؟؟؟؟؟؟؟؟
     
  2. القطاع النفطي

    القطاع النفطي بـترولـي نشيط

    79
    0
    0
  3. AZIZ77

    AZIZ77 بـترولـي نشيط

    135
    1
    18
    أخوي
    اذا تبي نصيحتي
    انت ملازم بديرتك ولك هيبتك و شغلك ماشي
    اطفائي و في الخفجي لا انصح
    ادارة سيئة و خاصة مع الكويتيين
    دوام شفتات يعني (لا توجد حياة اجتماعية)
    نوعية الموظفيين ( الشاطر فيهم عنده ابتدائي)
    وانت صاحب القرار الاول و الاخير
     
  4. المطعوج

    المطعوج بـترولـي جـديـد

    4
    0
    0
    مدير دائره
    الكويت
    اي والله اذا ملازم اقول لك اقعد بديرتك ومركزك لاجمع اهواز ولا فك اهواز ولا مسؤول سعودي يغثك لان هالاداره جدا تعيسه من مسؤولينها السعوديين واذا منت ملازم لاوالله تعال وداوم راتب ممتاز وزياده سنويه بحدود ال 40 دينار وبدل طريق 150 عزوبي و350 متزوج و450 اذا عندك طفلين واكثر ومن الشركه دعم عماله على حسب شهادتك وحالتك الاجتماعيه ومن الخفجي راتب فوق 700 يعني ماديا كويسه بس والدوام من الصباحيه ساعه بدون الزحمه لان ربك سبحانه يعرف كم تاخذ الزحمه من وقت والعلاج في مستشفى الهادي او المواساة او دار الشفا واحد منهم تختار والتذاكر نعم سنويه والبونص كل رمضان يعطونا شهر اساسي والقريدات الثانويه من قريد سبعه تتعين والدوام نفس ما انت قلت سته بيومين والسته عصر اوصخ شي والرخصه انسى طالع تعميم غير قانوني طبعا الرخصه تاخذها من المدير مع ان قانون الشركه مافيه شي اسمه رخصه بس لاحبتك عيني ماضامك الدهر وبكل ذمه وضمير اقول لك اذا انت ضابط خلك بمركزك ابرك لك وسلامتك ياخوي :)
     
  5. fireman

    fireman بـترولـي جـديـد

    6
    0
    0
    كلامكم على عيني وراسي ؟؟؟
    بس ترى مستقبلك بالشركات النفطيه افضل بمليون مرة لان اذا بتحسبها عدل راتبك ممكن خلال 10 سنوات بالنفط كم بيوصل ومعاشك بالحكومه كم ؟؟؟؟
    وترى اذا تعالج انت واهلك بالمستشفيات الخاصة احسن من مستشفى الاحمدي والحكومه صح ؟؟؟؟
    بس محد جاوبني على النوم والراحة ؟؟؟ اكيد خايفين ؟؟؟
     
  6. المطعوج

    المطعوج بـترولـي جـديـد

    4
    0
    0
    مدير دائره
    الكويت
    صح يعالج بالمستشفيات الخاصه بس ترى المستشفيات راح يجي لها يوم ويلتفتون لها نفس مالتفتو لها قبل ولا رجعها بعد الله الا احمد الفهد وبالنسبه لكلامك عن الراتب ترى مو كل شي راتب والراحه النفسيه تستاهل اتنازل عن ثلث او نص الراتب واما كلامك عن النوم صح يحصل لك تنام بس ابي احد نام هناك وماطلع يكمل نومته في البيت مهما تنام هناك تطلع ترد تنام لان النومه هناك تجيب المرض
     
  7. fireman

    fireman بـترولـي جـديـد

    6
    0
    0
    ياعمي والله عندنا وعندكم خيييييييييييييييير بس الفرق انه البيت قريب يبعد تقريبا 15 دقيقه والراتب (الحمدلله) بس الواحد يحسب حساب المستقبل له ولعياله . انا ضابط وزيادتي السنويه 15 دينار ؟؟؟ وعندي رئيس المركز مقدم وخدمته 26 سنه وعنده 8 اولاد كم معاشه 1900 دينار .
    لو بالنفط وخدمته 26 سنه كم بيوصل الراتب ومميزات ترى النفط مستقبلها افضل ؟؟؟
    بس سمعت انه عقدك مع الشركة السعودية مو مع شركة نفط الخليج !!!!!!!!!!
    هل صحيح الكلام ؟؟؟ يعني بعد فتره ممكن يقولون لك مع السلامه وتشرد بالشوارع انت وعيالك؟؟؟؟؟
     
  8. المطعوج

    المطعوج بـترولـي جـديـد

    4
    0
    0
    مدير دائره
    الكويت
    لا غير صحيح عقدك مع الشركه الكويتيه لنفط الخليج مكتب الحقل اللي في الخفجي
     
  9. النداوي

    النداوي بـترولـي نشيط

    136
    2
    18
    ما أنصحك تروح خلك بدوامك ترا الطريق بعيد وفيها خطورة كل يوم رايح راد
     
  10. fireman

    fireman بـترولـي جـديـد

    6
    0
    0
    انزين ياجماعة وين اسأل متى المقابلة ومتى بيدقون علينا الظاهر مطولين ؟؟؟؟؟؟
     
  11. المطعوج

    المطعوج بـترولـي جـديـد

    4
    0
    0
    مدير دائره
    الكويت
    ^

    انا يوم سجلت بعد الاعلان بثلاث شهور اتصلو وقالو تعال الاختبار النظري وبعدها بشهرين اتصلو وسوو اختبار الرياضه وبعدها بثلاث شهور تم القبول
     
  12. FiReFiGhTeR_72

    FiReFiGhTeR_72 بـترولـي جـديـد

    19
    0
    0
    السلام عليكم

    انا اطفائي و قريدي 8 متزوج و عندي طفلين جم معاشي يكون لو اداوم بالخفجي؟؟
     
  13. ~з̲̅ά̲̅ź̲̅e̲̅e̲̅ž~

    ~з̲̅ά̲̅ź̲̅e̲̅e̲̅ž~ بـترولـي جـديـد

    وجم ياخذ الطريق من الصباحيه الى الدوام ؟؟؟

    ساعه الا ربع اذا سرعتك 100كلم

    :)
     
  14. PowerPlant

    PowerPlant بـترولـي جـديـد

    4
    0
    0
    في معاش قوي حيل والمطافي يمي والله تبديل الزام على المخده والمشتفيات وايد الهادي والمواساه والراشد والميدان لكن اهم شي وانت مداوم الصبح بالذات يجيلك كرتون ما يعرف يتعمامل مع بشر وينفس عليك ودك تذبحه بس اهو دايم على حق وانت راد تلوع جبدك والله والكويتي يقول وق بالدور ولا قص ورقه هذا اخر اختراع كويتي مو عاجبتهم البطاقه رجعو لايام ابو جهل
     
جاري تحميل الصفحة...

مشاركة هذه الصفحة