كل الموظفين اللي يشتغلون بالمكاتب حياكم...

الكاتب : Business | المشاهدات : 753 | الردود : 9 | ‏12 فبراير 2009
  1. Business

    Business بـترولـي نشيط

    55
    0
    0
    السلام عليكم ورحمت الله وبركاته

    أسألكم بالله انكم تجاوبون على موضوعي للأهميه وصدقوني ردودكم بتحدد مستقبل انسان ...

    انا تخرجت من دبلوم ادارة اعمال مع مرتبة شرف السؤال

    اذا اشتغلت بهالشركه بالمكاتب من متى الدوام لي متى (؟)

    والاهل جم يكون الراتب للمتزوج ؟ + هل لي مستقبل ؟ وهل الراتب يزيد ابسرعه

    واذا انا موظف بهالشركه شنو عندي مزايا ؟ تذاكر سفر او مستشفيات ابي المزايا اللي تعرفونها



    وبالاخير ابي اعرف شنو احسن هالشركه ولا قطاع البنك واتمنى الرد والله مستقبلي متعلق بالردود ابي كل واحد يدش وحط رد والله يوفقكم كلكم
     
  2. Business

    Business بـترولـي نشيط

    55
    0
    0
  3. fireeccc

    fireeccc بـترولـي نشيط جدا

    191
    0
    16
    وعليكم السلام ورحمه الله وبركاته

    الدوام راح يكون من 7:30 الى 2:30 واعتقد اول ماتوظف راح تكون على الدرجه 8 او 9 وهذا رابط جدول الرواتب

    http://www.q8ow.com/vb/showthread.php?t=8642&highlight=%CC%CF%E6%E1

    اتمنى اكون جاوبت على سؤالك
     
  4. WaRiO

    WaRiO بـترولـي مميز

    هلا اخوي

    دوامك من ال 7 الى 3 من الاحد الى الخميس

    وبواقع خبرتي بالاداره سابقا كنت في قسم مستحيل انك تطلع من الدوام .... وهذا يعتمد على القسم الي راح تكون فيه

    راتبك على حسب الدرجه يعني الدبلوم يمكن يكون 10 او 9

    وعندك المزايا تذاكر سفر + العلاج في مستشفى الشركه ( وهذي ما اعتبرها ميزه :) ) .... وفي خصومات على مدار السنه الشركه تحاول الشركه تسويها مع الشركات الاخرى خصومات و رحلات و شاليهات .... الخ

    وعندك التأمين في حال الاصابه لا سمح الله ... تقوم الشركه بتعويضك فيه ....

    وبالنسبه للزيادات السنويه يعتمد على تقاريرك + معاشك الاساسي عليه راح يبين العلاوت السنويه


    البونك الحين وضعها مو طيب ... فالشركه أمان اكثر
     
  5. Business

    Business بـترولـي نشيط

    55
    0
    0
    حلو انزين شنو يعني اول مربوط ومنتصف المربوط واخر المربوط ؟؟؟
     
  6. Business

    Business بـترولـي نشيط

    55
    0
    0
    وعشان اترقه من درجه لي درجه جم يبيلي ؟؟"_"؟؟
     
  7. WaRiO

    WaRiO بـترولـي مميز

    انت تتعين على المربوط الاول

    وقت الدرجه الثانيه يشوفونك عند اي مربوط على ما اعتقد وتاخذ الدرجه عليها

    واذا انت وصلت الى آخر المربوط وما خذيت درجه .... ما يعطونك زياده سنويه

    يسلمونك ياها كاااش

    ولا تعور راسك في الموضوع هذا

    والدرجه تاخذها على حسب :

    هل الدرجه الجديده تحتاج شاغر ولا تاخذها آب قريد

    يعني وضفوك على 9 ... تاخذ 10 بعد سنه على نفس المسمى و 11 السنه الي وراها على نفس المسمى بس قريد 12 تحتاج شاغر

    يعني اذا ترقى الشخص الي بقريد 12 ... يسير ترشيح على جميع موظفين القسم الي هم في قريد 11 ويترقى واحد

    وجذي

    وهذي لها نقاط ... الاقدميه و التقارير السنويه ... الخ
     
  8. Business

    Business بـترولـي نشيط

    55
    0
    0
    انزين اللي عنده دبلوم اداره اكيد بكون هيد افيس يعني يشتغل ابمكتب السؤال اللي يشتغلون بالمكاتب عندهم دوره واذا عندهم جم مدتها ؟ وجم المعاش اللي اخذه بالدوره ؟؟؟
     
  9. ( oo )

    ( oo ) بـترولـي جـديـد

    2
    0
    0
    مساء الخير

    اخوي اول شي عسي بالامر خيره لك ولمستقبلك واهم شي انك تستخير
    والحين اجاوبك علي اسئلتك وعلي الاشياء اللي ما سئلتها وودك تعرفها
    راح اسبقك واجاوبك عليها لكن ترا من شركه الي شركه فيه فروق بالمزايا
    لو انها تقلصت بعد التوحيد لكن لازال يوجد بعض الفروقات يعني بالمره الجايه
    اذكر الشركه اللي تم قبولك فيها والحين

    تجي للراتب دبلوم اعتقد انك راح تكون لي درجه 10 ودرجه 10 تستحق
    تذاكر سنويه لك ولزوجتك ولاربع ابناء وتنزل في بدايه كل سنه في شهر واحد
    وتحسب التذكره الكويت القاهره الكويت علي السياحيه بالسعر السنوي
    يعني الشخص اللي فوق 26 ياخذ 285 واللي فوق ال 12 سنه من الابناء ياخذ 280
    واللي تحت ال 12 ياخذ اعتقج 90 يعني فيهم 700 كحد ادني و 1300 كحد اقصي
    الارقام كلها تقريبيه لاني ما اذكر كم بالضبط ( ناكل وننسي ) ;)

    وبعدين مسأله الترقيه اللي اعرفه او المتبع في شركتنا انه يحق لك الترقيه بعجد ما تكمل سنتين
    علي اخر ترقيه وهذا شرط فقط لكن ممكن تقعد 3 و 4 سنوات ما تترقي لكن للامانه نادره جدا تحدث
    بعد التسكين والتعديلات الكل يترقي علي سنتين او 3 بالكثير
    وفيه نقطه مهمه العلاوه السنويه اللي تاخذها مجديه جدا وتعمل فرق بالراتب لان اقل علاوة سنويه
    تكون 35 تقريبا وقد تصل الي 100 بالسنه واكثر حسب الراتب الاساسي بالمقارنه بالحكومه يجيهم 10
    دنانير كل سنه!! الحمدالله العلاوه عندنا تعمل فرق كبير بالنسبه للراتب وهي مرتبطه
    في التقرير السنوي يعني مثلا لو اخذت 8 من 10 يعني تقديرك العام جيد جدا تاخذ 8% من راتبك الاساسي
    لو كان راتبك الاساسي 600 يكون نصيبك بالعلاوه السنويه 48 دينار وهكذا

    اما بالنسبه للدوام يكون من 8 الي ال 4 او من 7 الي 3 حسب كل شركه والالتزام تقدر تقول يختلف من قسم لاخر
    وبشكل عام تقدر تطلع وتخلص شغلك وتاخذ يوم ويومين من مسؤولينك يعني الامور ميسره ولله الحمد
    وبمقارنه القطاع النفطي بالبنوك ما فيه اي مقارنه ويكفي انك تشوف موظفين البنوك
    يشتغلون الصبح ويطرون يشتغلون العصر بالفروع عشان ياخذون زياده علي الراتب وهذا معناه ان الرواتب
    اصلا ضعيفه مادري بس اعتقد ولو يرجع لي الامور اقولك دش القطاع النفطي وانت مغمض



    وادعي لنا والله يوفقك

    واي سؤال انا حاضر
     
  10. Business

    Business بـترولـي نشيط

    55
    0
    0
    انزين سؤال انا اخذ دعم عماله ولا لأ ؟؟؟
     
جاري تحميل الصفحة...
مواضيع مشابهة
  1. قائمة التغيير KNPC
    الردود:
    5
    المشاهدات:
    9,566
  2. المحرر النفطي
    الردود:
    2
    المشاهدات:
    8,365
  3. المحرر النفطي
    الردود:
    0
    المشاهدات:
    1,502
  4. المحرر النفطي
    الردود:
    0
    المشاهدات:
    648
  5. المحرر النفطي
    الردود:
    1
    المشاهدات:
    1,986

مشاركة هذه الصفحة