الى متى ؟؟؟

الكاتب : الكويت امانة | المشاهدات : 664 | الردود : 2 | ‏11 فبراير 2009
  1. الكويت امانة

    الكويت امانة بـترولـي جـديـد

    7
    0
    0
    بسم الله الرحمن الرحيم
    السلام عليكم ورحمة الله وبركاته
    تحياتي لكم لكم اخواني اعضاء المنتدى
    انا بصراحة ودي اتكلم بموضوع وعنوانه هو الي متى
    فيه مدير السلامة والصحة والبيئة في شركة knpc
    ياجماعة هالانسان حاط دوبه ودوب موظفين اوسكو ليش والله ماني عارف
    ياجماعة تخليو انه باليوم يعطي 2 او 3 انذار على اشياء تافه ياليت ينصحهم او يكلمهم باحترام لا والله على طول انذار يا ابن الحلال خل نتفاهم شوي لا يمشي ولا يرد علينا تخيلو
    فيه شباب اعرفهم مثل اخواني من قبل لانتوظف وانا اعرفهم تخيلو عطاهم انذار علشان شنو علشان انهم اشتغلو صح
    تدرون شنو سبب الانذار
    في يوم من الايام استلمو الشباب بوابة السيارات في احد المصافي وممنوع اي سيارة تدش فيها اكثر من شخص الا سائق السيارة نفسها مع وجود تعميم ينص على ذلك.
    ولما جات سيارة سائق مدير المصفاة كانت وياه سكرتيرة المدير وهي من جنسية عربية فطلبوا منها الشباب بكل ادب واحترام انها تنزل وتدخل من بوابة الافراد علشان تحط شنتها في الجهاز الخاص بتفتي الحقائب
    رفضت السكرتيرة انها تنزل فطلبو الشباب من السايق يروح يكلم ضابط الامن رفض انه يتحرك
    5 دقايق الا المدير وصل ونادى واحد من الشباب وقاله شنو السالفة
    قاله الموظف السالفة قاله المدير خلاص ماشي افتح الباب وخلها تدش انا مدير المصفاة وهذا امر مني
    الشباب قالو له حاضر
    ربع ساعة بس والي المدير السلامة جاي والغبار يسبق سيارته مافي مطبها وماطافها يمكن حتى الاشارة قطعها
    ويسال عن الشباب الي فتشوا السكرتيرة
    ولما قابلو المدير هذا قال حق رئيس القسم او ل شيء عطهم انذار لان الي سوه غلط
    قالو له الشباب هذا شغلنا وفيه تعميم موجود واحنا استندنا عليه تدرون شنو قال لهم هذا ماينطبق على السكرتيرة
    المهم ان الشباب نفسهم طلعو دورية وشافو مدير المصفاة واعتذروا منه مع ان الحق وياهم بس كل هذا علشان ماياخذون انذار
    المدير بكل ادب قالهم اا مابي منكم شيء بس روحو للسكرتيرة وطيبو خاطرها وراح للسكرتيرة واعتذروا لها واقبلت اعتذارهم ولما قابلوا صاحبنا المدير هذا قالهم انا ابي اعطيكم انذار مع انه مدير المصفاة هو مسئوول مدير الصحة والسلامة حتى ما احترم مديره او مسئووله
    والله طلع ودق على رئيس القسم وقاله طرش لي الانذار بعد مايوقعونه بالفاكس
    انا خلصت الموضوع بس عندي نقطة وحده
    1- ليش هذا الكره في موظين اوسكو
    2- والله ان كل الشركات مازاد فيها الانضباط الا من يوم توزعو اسوكو على الشركات النفطية
    3- كم شخص احبط عمليات سرقة بمعدات غالية الثمن واشخاص صورو المصافي النفطية ولا سوو لهم حفل تكريم او حتى شهادة تقدير على اقل تقدير
    بس لو ان واحد من موظفين knpc او koc هو الي صاد هذي كلها تشوفهم سوله حفل وكرموه
    انا اسف اني طولت عليكم لكن يعلم الله انه طالع من قلبي والله ما زليت عليكم بشيء
    وشامحوني على القصور
    وشكرا
    والسلام عليكم ورحمة الله وبركاته
    احترامي لكم
    اخوكم
    الكويت امانة
     
  2. رجل أمن

    رجل أمن بـترولـي جـديـد

    12
    0
    0
    الله يعطيك العافيه أخوي الكويت أمانه

    فيه شي غايب عن أكثر الإخوان من رجال الأمن في شركة أوسكو (( لا سلطة عليك من قبل الشركة إلا من إدارتك ))

    حتى لو كان مدير المصفاة !!

    ولكن مشكلة رجال الأمن في شركة أوسكو الخوف

    أعذرني اخي لصراحتي معك !!
     
  3. msa

    msa بـترولـي نشيط

    حسبنا الله ونعم الوكيل وأنا أقول نفس كلام أخوي رجل أمن لا سلطة عليك من قبل الشركة إلا من إدارتك فقط يعني آمر نوبتك الضابط والي فوقه
     
جاري تحميل الصفحة...

مشاركة هذه الصفحة