اخر التطورات..

الكاتب : فرحان العجمي | المشاهدات : 1,773 | الردود : 19 | ‏11 فبراير 2009
  1. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    الاخوه الزملاء ..

    توجه بعض زملائنا الافاضل يوم امس الى مقر النقابه وألتقوا مع الاخ رئيس مجلس ادارة النقابه ليبينوا وجة نظرنا كعاملين بخصوص اتفاقية التسكين وتسليم ادارة النقابه كتاب رسمي بخصوص هذه المطالب ..

    وتفضل مشكورا الاخ رئيس النقابه جابر الخشم بقبول الكتاب وقد ابدي تفهمه الكامل لتلك المطالب وتأييده , وابدى استعداده التام للسعي لتحقيق تلك المطالب بكافة السبل المتاحه بما يرضي الطموح ..

    وبدورنا كعاملين نشيد بهذا الموقف ونشكر الاخ بويوسف لتفهمه لتلك المطالب وتبنيها ودعمه لنا كعاملين ..

    سائلين الله العلي القدير التوفيق والسداد...
     
  2. الصامت

    الصامت بـترولـي نشيط جدا

    171
    0
    0
    من اول لازم تروحون النقابه وتقولون وجهت نظركم
     
  3. pic1

    pic1 بـترولـي نشيط

    128
    0
    0
    وبدورنا كعاملين نشيد بهذا الموقف

    هذا كلامك ايا بو حمد

    تشيد فيه انه قبل الكتاب
    اعتقد من واجبه ومجبور يقبله حتي لو ما جازله المكتوب
    فيه والمفروض قبل لا ندخل في هالدوامه وقبل لا يوقعون
    علي الاتفاقيه ويحطونا في هالمأزق كان الأولي انهم
    يسئلونا لانا احنا ادري بالامور منهم مع احترامي لهم
    كانو يبون اي انجاز لو وهمي يسجل في سجل النقابه
    الفاضي علي مدار سنه من توليهم مسؤولياتهم والحين
    جاي تقولي نشكره أنه استلم الكتاب

    وبعدين ليه ما يردون علي مطالبنا وتذمرنا واسئلتنا من خلال المنتدي
    مترفعين عن المنتدي نسوا البيانات والجنود اللي كانوا مجندينهم
    بالمنتدي قبل الانتخابات الحين ترفعوا عن الرد سئلوا واحد منهم
    قالوله ليه محد يدخل ويرد علي المنتدي قال يا رجال نصهم ( ....)
    الحين حنا صرنا (...) الله يا الدنيا بس قسم بالله نستاهل اللي جانا

    وهذي بعض بياناتكم ان الذكري تنفع المؤمنين

    http://www.q8ow.com/vb/showthread.php?t=3829&highlight=%C7%E1%CA%CC%E3%DA+%C7%E1%DA%E3%C7%E1%ED

    http://www.q8ow.com/vb/showthread.php?t=2282&highlight=%C7%E1%CA%CC%E3%DA+%C7%E1%DA%E3%C7%E1%ED

    وهذي اللجنه الاعلاميه اللي اعلنتم عنها

    http://www.q8ow.com/vb/showthread.php?t=1934&highlight=%C7%E1%CA%CC%E3%DA+%C7%E1%DA%E3%C7%E1%ED]

    إلا علي فكره وين اسم ( التجمع العمالي ) اللي كنتوا تشاركون فيه انتهي
    دوره الحين ما عاد له لازمه لكن الوعد قدام واتمني ان القائمه كلها تنزل
    ولا ينسحب منكم احد علشان كل واحد يعرف قياسه


     
  4. ajeeeb2003

    ajeeeb2003 بـترولـي نشيط

    50
    0
    0

    هذا يدل على ان لا زالت نتيجة الانتخابات مأثره عليكم ؟؟!!


    ترا ياخوي اللي ماسكين النقابه ماخذينها باكتساح في اول نزول لقائمة التجمع العمالي وهذا ما جى من فراغ
     
    آخر تعديل بواسطة المشرف: ‏11 فبراير 2009
  5. pic1

    pic1 بـترولـي نشيط

    128
    0
    0
    مساكم الله بالخير

    الاخ عجيب

    لعلمك الشخصي اني عطيت قائمة التجمع العمالي التزام وكنت احد الداعمين لهم لكن
    للأسف ماكان كره في اخوانا في قائمة التآلف كلهم ربعنا ونقدرهم لكن كانت علاقة رئيس
    النقابة السابقة في نائب العضو المنتدب الحالي تدور حولها الشبهات مع ان العاملين ما لمسوا
    اي تقصير من ناحية واجباتهم كنقابه لكن غلطة الشاطر بالف وانا اعترف اني غلطت بتصويتي
    للتجمع وسبق وقلتها لاكثر من واحد منهم .... وبعدين يوم تقول ان النتيجة مأثره علينا
    تأثر علينا لو كنا نازلين او علي الاقل نقول حنا ندعم التآلف
     
    آخر تعديل بواسطة المشرف: ‏12 فبراير 2009
  6. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    الاخوان عجيب و بي اي سي ..

    انتمني منكم ان تكون مداخلاتكم في صلب الموضوع اللي كتبناه وعدم تحوير الموضوع ..

    الاخ عجيب اتمني انك ما تستغل الموضوع للطعن في شخوص زملاء لنا لهم كل تقدير واحترام ..

    واذا عندك مداخله تخدم الموضوع وتثريه حياك الله ..

    اما انك تحور موضوعنا فهذا تطفل في غير محله ..

    واذا عندك اراء خارج الموضوع افتحلك موضوع اخر واطرح فيه افكارك اللي تعبر عن شخصك ..

    واتمني من المراقبين حذف اي مشاركه خارج الموضوع الاساسي ..

    مع الشكر
     
  7. المتمكن

    المتمكن بـترولـي خـاص أعضاء الشرف

    1,350
    0
    0



    لاهنت يا بوحمد
    وهذا العشم فيك


    وانشاء الله ابويوسف وطاقم النقابه ماراح يقصرون
    والنقابه تمثل كافة العمال
    ونتمنى منهم الزود والوقفه المعهوده
     
  8. بايب رينش

    بايب رينش بـترولـي نشيط جدا

    180
    0
    0
    منو نصدق

    والله من زمان كنا نقول هالكلام للشباب بالنقابه وما كانو متفهمين

    والان هل سوف يصنف جابر الخشم في خانة المشككين والحاقدين !!

    الان الكرة بملعب جابر ونحن بإنتظار ما تسفر عنه الايام
     
  9. الكابتن

    الكابتن بـترولـي جـديـد

    24
    0
    0
    والله زمن

    اخر التطورات النقابه نايمه في العسل مو فاضيه اصلا مو عارفه الموضوع من الاساس
     
  10. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    السلام عليكم ..

    الاخوه الزملاء ..

    بعد مرور اكثر من شهر من تسليم رئيس النقابه كتاب المطالبه بتعديل التسكين لا يزال الوضع علي ماهو عليه من انتقاص لحقنا كعاملين ..

    وبما انه اعطينا النقابه الفرصه الكافيه للسعي لتحقيق مطلبنا خاصة وان الاخ رئيس النقابه وعدنا بالسعي الحثيث لتحقيق هذه المطالب ( مع انه وبكل صراحه اجتهد وحاول مقابلة رئيس المؤسسه الا ان وعود رئيس المؤسسه بالمقابله لم يلتزم بها )

    فاننا سوف نقدم شكوانا الي الشركه بشكل مباشر من خلال الكتاب الذي سبق وان وقع عليه مجموعه من العاملين يطالبون فيه ادارة الشركه برفع الظلم الذي وقع علنا من خلال اتفاقية التسكين ..
     
  11. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    بوحمد شوف لنا البونص نبي نسافر هالسنة مانبي نقعد بزاوية المسبح ونطالع بعض :)

    واللي عرفته إن راح يتم ترقيته العاملين المستحقين خلال الفترة القادمة من بعد التسكين عن طريق كشف يرسل من الشؤون الإدارية ويتم إعتماده من مدراء الدوائر
     
  12. الكابتن

    الكابتن بـترولـي جـديـد

    24
    0
    0
    والله يا بو حمد ان النقابه وراح تسوي شي بدليل اسئل اي نقابي مو عارف شي عن الموضوع خصوصا الي بالورديه A
     
  13. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    هلا ياكابتن..
    المهم إن الرئيس عارف الموضوع

    بوحنون العزيز..البونص الله اعلم فيه
    وبعدين حمام السباحه في النادي تري زين شلك في الخساير:)
    لترقيات بعد التسكين مربوطه بشروط الترقيه العاديه (المده القانويه والعقوبات وحاجة العمل) طبعا هذا حسب كلام المدير
     
  14. والله نادي الشركة زين ودي كل يوم اروح بس اللي مانعني منه وجيه ماودك تشوفها مايجتمعون الا بالنادي ومشاهدهم ما يسر يجيبلك الهم والغم وضيقت الخلق
     
  15. المرعب

    المرعب بـترولـي نشيط جدا

    196
    0
    0
    يابوحمد انت ليش تحاول ترقع حق رئيس النقابه

    شهر كامل مو قادر يقابل رئيس الموسسه يا خي خله يلعب غيرها

    اشمعني لما كان يبي يرقي المدرا والنظار قابله بنفس اليوم

    والله لو يبي يقابل رئيس مجلس الوزرا جان قابله في اسبوع ياعمي أبر تخدير علشان الشركه بس تعتمد الموضوع
    يالله شدوا حيلكم وجيبوا احقوقكم بانفسكم

    لو تنطرون النقابه بيخلص العمر وهم ماسووا شي واذا تكلمتوا صرتوا حاقدين وحاسدين الله اكبر يا اطبل لك واخسر حلالي ولا انا مو زين

    ابي المطبلين هالايام فاقدينهم في المنتدى وينهم؟ ادري الله يعينكم الشق عود شي يترقع وشي ما يترقع

    سلملم
     
  16. _f_

    _f_ بـترولـي نشيط

    133
    0
    0

    اتفق معاك بكل كلمة والشق عووووووووووووووووووود
     
  17. الكابتن

    الكابتن بـترولـي جـديـد

    24
    0
    0
    والله يا بو حمد انت خوش ولد بس شنو راح اتسوي انا اشوفك بس تكتب تعطي خطط بس كله في اهواء وين عبدالله السبيعي وربعكم
    تحركوا ترى الناس ملت من الكلام لا منك ولا من النقابه
     
  18. MBM_DSO

    MBM_DSO بـترولـي جـديـد

    29
    0
    0
    الجماعة ما قصروا ولا راح يقصرون ان شاء الله وان شاء الله الدورة الجاية لهم بعد اكثر نقابة مخلصة للعمال مو مثلما تدعي يا اخي روحوا حاسبوا مسؤولينكم روحوا للعلاقات الصناعية طالما انه النقابة ما سوت شي ليش استسلمتوا ولو بس حجة عشان تطعنون بالنقابة

     
    آخر تعديل بواسطة المشرف: ‏1 ابريل 2009
  19. الوزير

    الوزير بـترولـي نشيط جدا

    166
    5
    18
    النقابة إتضح إنها الخائن الأكبر والجهة المتواطئة مع الشركة
     
  20. الكابتن

    الكابتن بـترولـي جـديـد

    24
    0
    0
    [الجماعة ما قصروا ولا راح يقصرون ان شاء الله وان شاء الله الدورة الجاية لهم بعد اكثر نقابة مخلصة للعمال مو مثلما تدعي يا اخي روحوا حاسبوا مسؤولينكم روحوا للعلاقات الصناعية طالما انه النقابة ما سوت شي ليش استسلمتوا ولو بس حجة عشان تطعنون بالنقابة







    انت الظاهر من النوع الي دوره نقابيه ومش حالك
     
جاري تحميل الصفحة...

مشاركة هذه الصفحة