أبي شوركم تعبت من التفكير خريج وما أعرف وين أقدم

الكاتب : طالب تكنولوجيا | المشاهدات : 2,084 | الردود : 14 | ‏9 فبراير 2009
  1. طالب تكنولوجيا

    طالب تكنولوجيا بـترولـي جـديـد

    27
    0
    0
    السلام عليكم

    شالاخباار ؟؟

    يا شباااب أنا خريج ثانويه عااامه علمي ونسبتي 76% وتوني متخرج شهر 6 الي طاااف

    وما أبي الجاااامعه أبي الوظيفه على طوول وما فتحوا التسجيل في دورات الشركه [ مشغل حقل - والامن والسلامه ] المهم رحت وقدمت على التكنولوجيا وخلص هالكورس وانا ما أبي التكنولوجيا بس بداال ما أقعد بطااالي

    أنا أبي رااايكم

    أنا محتااار ما بين الضبّاااط وما بين النفط

    أبي نصيحتكم أدخل للضبّاط ولا أدخل للنفط مع ان معاااش السكيورتي على قريد 7 اعلى من معااش الضابط :eek:

    الحين أبي شوووركم

    بس رجااااااء لحد يقولي كمّل جامعتك لاني خلاااص ما عاد فيه طاقه للدراسه

    يا الوظيييفه او كلية الضباااط وشنو تنصحوني الشرطه او الجيش او الحرس :rolleyes:
     
  2. خليج النفط

    خليج النفط بـترولـي نشيط جدا

    179
    0
    0
    السلام عليكم، انت الحين خريج تكنولوجيا والا معاك الثانويه العامه بس؟ واذا كنت خريج تكنولوجيا شنو تخصصك ؟
     
  3. المنصور

    المنصور بـترولـي خـاص أعضاء الشرف

    الافضل انك تكمل جامعة

    والسبب كالتالي:

    لما تدخل اي دورة في شركات القطاع النفطي راح تلقى نفسك في آخر الهرم الوظيفي وراح تلقى الناس تصعد وتاخذ درجات وانت مكانك راوح

    الراتب يزيد مع الوقت ولا يغرك الراتب العالي لأن ثلاث ارباعة علاوات تتعلق بنوع الوظيفة

    خل نظرتك بعيدة ومستقبلية ولا تخلي نظرتك حق اليوم وباجر وبس

    اذا عندك شهادة وما ارتحت في المكان فـ تقدر تطلع وتروح مكان غيرة

    لكن اذا ماعندك شهادة وما ارتحت في المكان راح تنجبر انك تقعد فيه غصب طيب لأن ماعندك حل بديل بنفس المميزات

    وهاذي نطقة جوهرية لازم تحسب لها ألف حساب

    المهم..

    نصيحتي كالتالي

    1- انك تكمل جامعة
    2- آخر حل انك تدخل الى كلية الضباط سواء شرطة او حرس او جيش

    وبالاخير..

    الله يوفقك وين ماتكون
     
  4. ALI 07

    ALI 07 بـترولـي نشيط جدا

    326
    0
    0
    يا طالب التكنولوجيا انت سكرتها من البدايه لو تبي الراي الصحيح كان خليت فيه مجال ولا حددت ياضباط يا وظيفه عاديه (بدون زعل الله والعالم ان جليسك مثلك فارجو لاتفهم غلط وانا ما نزل من قيمتك لكن انا صادق معاك )علي كلن اقول تتبع راي الاخ المشرف واتمني لك ان شاء الله التوفيق
     
  5. طالب تكنولوجيا

    طالب تكنولوجيا بـترولـي جـديـد

    27
    0
    0
    أنا خررريج ثانويه ما عندي دبلوم
     
  6. Bos3ayd

    Bos3ayd بـترولـي مميز

    523
    4
    18
    ولد عمي من الاخر :) اذا مالك خلق تدرس ، روح ضباط ، منها معاش قوي ، و واسطاتك كل مكان ، لكن صدقني اذا بتدخل البترول بشهادة ثانويه راح تسب وتلعن اليوم الي دخلت فيه ، صج انه في اماكن بالبترول تقدر تحصل فيها على معاش قوي ، لكن صدقني بتنكرف كرف لا له اول ولا تالي ، و هذي نصيحه من واحد شايف بعينه الاثنين :) دوام السكيورتي تقدر تقول تقزورة وقت ، لكن ماراح تاخذها وظيفه دايمه صدقني ، يا انك راح تستقيل ، او انه راح تتأقلم مع الوضع الي يخلي النفسيه صفر وبالاخير انت الخسران :)

    تحياتي المعطرة
     
  7. طالب تكنولوجيا

    طالب تكنولوجيا بـترولـي جـديـد

    27
    0
    0
  8. طالب تكنولوجيا

    طالب تكنولوجيا بـترولـي جـديـد

    27
    0
    0
  9. عبدالله الشطي

    عبدالله الشطي بـترولـي نشيط جدا

    اذا انت مو حاب الدراسه دش كلية سعد العبدالله
     
  10. عاندني الحظ

    عاندني الحظ بـترولـي نشيط جدا

    207
    0
    16
    كــــــــــــــــمــــــــــــــــــل الــــجــــامــــعـــــة

    اذا مالك خلق جامعه شكو يبت 76؟؟

    غيرك طاقها سفر لمصر والاردن يكملون دراستهم والسبه ما عندهم نسبه وانت كل شي بيدك ورافض ... والله حرام شنو يعني مليت من الدراسه ؟؟ والله حياة الجامعه ماكو احلى منها وبسرعه اتعدي سكر عين وبطل عين اتلاقيك خلصت..

    واذا خلاص قفلت وما بذنك ماي ,,,دش الضباط ولا تنكرف كرف بالنفط
     
  11. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    تبي نصيحه مفيده وتشكرنا عليها
    بما ان ما شاء الله نسبتك
    فتحت لك العديد من الابواب يفضل انه تدش الجامعه وتجيب بكالووريوس واللي راح تخدمك كثير في القطاع النفطي وجميع المجالات ومنها العسكريه وتكون ضابط اختصاص ودوره حق 6 شهور بدال مو اربع سنوات دوره
    واللي من بعدها راح تتدرج في الوظائف بشكل سريع بدال ما تكون موظف عادي لين نهايه العمر ونته تشتغل ويجي واحد جديد توه موظف وعنده بكالوريوس ويأمر عليك ونته كبير في السن
    و فكره دراسه الجامعه سهله ويقزر الوقت بسرعه اذا انته مو حاط هم الدراسه قبالك يعني فلها وربك يحلها ولا تخلي هم الدراسه قبالك
    والله يوفقك
     
  12. اذا مالك خللق لدراسه روح كمل بمصر سياحه بشهاده بدون دراسه :D


    وربي ضباط ماانصحك فيها اخوي من جم سنه قابلينه ضباط انكرف كراف بالتدريب يوم شفت وجهه وربي باقي تختم جوازه وتسفره للهند:D

    نصيحه روح مصر مثل شبابنا داجين:D نسبهم خمسين ردوا دكاتره ههههههه
     
  13. ALI 07

    ALI 07 بـترولـي نشيط جدا

    326
    0
    0
    المخمليه ارجو ان لا تعمين علي كل الناس حطي فيها مجال شوي الله يرضي عليش
     
  14. لا حشى اكيييييييييييد مو الكل
     
  15. ALQAYSER

    ALQAYSER بـترولـي نشيط جدا

    189
    0
    16
    يالمخمليه ترى هالنصيحة بتتحاسبين عليها يوم القيامة ..... خلى الولد يفكر وين بيروح ولا تسكرين الباب بوجه وطلعت فتوى تحرم هالشغله روح سجل بالجامعات الداجه واخذ شهادة مزيفه لا ودكتوراه بعد فما بالج بالكالوريوس مصر ولا الفلبين ولا جزر الواقواق .... الله المستعان ....تقبلي مروري بصدر رحب
     
جاري تحميل الصفحة...

مشاركة هذه الصفحة