موظفين الknpc

الكاتب : عبدالله البلوشي | المشاهدات : 722 | الردود : 3 | ‏7 فبراير 2009
  1. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    الصراحه الواحد مايدري من وين يبتدي

    سواء بدايه للموضوع او بدايه للأحداث اللي قاعده تتوالى علينا

    الكل ملاحظ كثرة الحوادث اللي تصير بالبترول عندنا وخصوصا البترول الوطنية

    لي متى هذا التقاعس من المسؤلين كل يوم والثاني نسمع عن حريق انفجار تسرب الخ الخ الخ

    انزين لي متى مسلسل هذا الحوادث الي ماله نهايه !!

    الكل يعرف ان دام فيه عمل لابد ان يكون فيه خطأ

    لكن يا اخوان المصفاة ما تتحمل اي خطأ حتى لو كان صغير

    بمجرد معرفة شنو تحتوي عليه المصفاة من غازات ومواد قابله للأشعال الكل راح يقول

    الله يستر علينا

    طبعا مصفاة ميناء الاحمدي وميناء عبدالله حطمو الرقم القياسي في عدد الحوادث

    طيب ليش ما فيه خطه للحد من الحوادث هذي

    قبل جم سنه حدث انفجار في الاحمدي كان انفجار غاز على ما اعتقد

    وكان في يوم عطله يعتبر

    طبعا الانفجار كان شي كبير لدرجة ان صناعية الفحاحيل وبيوت الاحمدي حسو بالانفجار

    واخر شي تحقيق وجم واحد سفروه برى للعلاج وجم واحد عطوه تعويض مادي وكان الله غفور رحيم

    طيب وبعدين ؟

    لو كان الانفجار هذا في يوم عادي شنو النتيجه راح تكون ؟

    وجم واحد كانو في عداد الاموات ؟

    اكيد الكلام اللي انا اقوله المسؤلين الكبار مو حاسين فيه

    لانهم قاعدين بمكان وراهم مصانع ثلج وطابوق وجدامهم براحه

    يعني عايشين بأمان

    لكن الله لهم بالمرصاد

    من قبل جم يوم انقلبت عندهم قاطرة ومقطورة محمله غاز وانقلبت جدام مدخل VIP

    والكل يعرف ان المبنى كله جام يعني لو صاير اي شي جان الموضفين كلهم في عداد الاموات

    لكن الله ستر عليهم والحمد لله على سلامتهم وانشالله ما يصير فيهم شي

    لكن هذا مثل ما يقولون كنوع من التنبيه من الله عزوجل للمسؤلين

    على شان يحسون بأخوانهم الموظفين بالمصافي

    يا اخوان الكل يعرف ان الحياة والموت بيد الله سبحانه وتعالى

    لكن الله قال في كتابه الكريم

    بسم الله الرحمن الرحيم

    (ولا تلقوا بأيديكم إلى التهلكة)

    صدق الله العظيم

    فعلا يا اخوان دوامنا بالمصافي صار تهلكه بالنسبه لنا

    لان ما فيه امن وامان

    يا ريت يا اخوان الرساله هذي توصل للمسؤل المختص

    ونلقى لها ردة فعل طيبه من قبلهم

    صدقوني يا اخوان اللي خلاني اكتب عن الموضوع هذا اهوا خوفي على نفسي

    وعلى اخواني وخواتي بالمصفاة مو لغرض تشويه سمعة المسؤلين لا حشا

    لكن هذا الواقع واذا تبون تتأكدون اخذو منتدى الknpc بالموقع q8ow

    وشوفو جم حادث تكرر من انشاء الموقع راح تلقون شي خيالي وكل مره نقول

    الحمد لله عدت على خير و ماكو اصابات

    لكن مثل ما يقولون مو كل مره تسلم الجره !!

    واسف على الاطاله

    ودمتم سالمين
     
  2. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    شكرا أخوي الكريم عبد الله البلوشي


    في الحقيقة موضوع الحوادث هاجس يخيف الموظفين

    والله يحفظنا بحفظه


    والحوادث كالـأسد لا تنذر القريب منها بل تنقض فجأة


    لذا يجب الأخذ بالأسباب من صيانة المعدات وتدريب الموطفين واختيار القطع الأصلية واختيار القطع لا يكون على حساب الأرخص
    بل الأجود



    شكرا لك
     
  3. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    اشكر الاخ الوسام على مشاركته

    وانشالله وجهة نضرنا توصل للمسؤلين

    ويتفهمون لمدى الخطر اللي عايشين فيه العاملين بالمصافي

    ودمتم سالمين
     
  4. عبدالله الشطي

    عبدالله الشطي بـترولـي نشيط جدا

    الله يكون بعونكم
    ودمتم سالمين
     
جاري تحميل الصفحة...
مواضيع مشابهة
  1. ابوراشد
    الردود:
    2
    المشاهدات:
    1,490
  2. قائمة التغيير KNPC
    الردود:
    5
    المشاهدات:
    9,564
  3. المحرر النفطي
    الردود:
    2
    المشاهدات:
    8,363
  4. المحرر النفطي
    الردود:
    0
    المشاهدات:
    1,500
  5. المحرر النفطي
    الردود:
    0
    المشاهدات:
    648

مشاركة هذه الصفحة