ظاهره الملابس الرياضيه في المصافي

الكاتب : بريق الماء | المشاهدات : 1,480 | الردود : 17 | ‏4 فبراير 2009
  1. بريق الماء

    بريق الماء بـترولـي نشيط

    65
    0
    0
    نلاحظ هذه الايام وجود بعض الموظفين الشباب الذين يلبسون الملابس الرياضيه والاحذية الرياضيه
    وتراهم اثناء دخولك وخروجك لبوابات المصافي
    ضاربين عرض الحائط بحسن الملبس ووقار الهيئه
    التي يجب ان يكون بها موظف شركه نفطيه محترمه فأشكالهم بهذه الملابس تبدو وكانهم في سكة حاره قديمه من حارات الدول المتخلفه

    بالامس القريب رايت اثنان منهم معي بالباص وكانهم ذاهبين الى ملعب ترابي وليس مصفاة نفطيه اين مسئوليهم واين مدير المصفاه الذي لا يصدر تعميما بمنع هذه الملابس علما بانني احيي الكويتيين العاملين في القطاع الخاص جميعهم الذين يلتزمون بكل شي ونخجل من موظفي شركتنا هداهم الله
     
  2. alqreen

    alqreen بـترولـي مميز

    509
    0
    0
    المفروض الامن اللى على الباب مايدخل اللى جذى لانه الشخص اللى جذى مو مهتم فى عمله
     
  3. sadness

    sadness بـترولـي جـديـد

    5
    0
    0
    ياجماعه انتوا لكم الظاهر

    وتتحجون وبس وماتدرون شالسالفه

    انا واحد من الناس اداوم بوحده الكبرييييييييييت
    تدرون شنو يعني الكبريت يعني ريحته بيض خايس


    يعني ريحه ووصخ وارف


    ركزوا على ارف





    البس ملابس رياضيه البس بشت البس اللي البسه مادام انا بره الوحده اللي اشتغل فيها

    واحنا عندنا كبتات بالدوام ونحط الملابس اللي نبي

    احنا ناس نتسبح بالدوام ونكرف بالدوام

    ملابسنا الوصخه نخليها بالدوام والفراش يغسلهم لنا


    لان انتوا لو اتداومون معانا ...مسحيل ترضون ان سياراتكم وفرشكم وكبتكم يصبغ بريحه الكبريت ......

    فالشباب اللي تقولون يلبسون ملابس رياضيه...اول مايوصلون الوحده يغيرون ملابسهم ويلبسون السيفتي


    مو شرط البس السيفتي من البيت يعني انا طالب مهذبالسيفتي اخليه بالكبت .....من حلات السيفتي اللي يوزعونه عاد برقان طايح حظه





    مع تحياتي


    ولاتنتقدون شي الا لما تتاكددون




    ناس تخاف ماتختشيش
     
  4. frfosha

    frfosha بـترولـي مميز

    753
    0
    0
    انا برايي بأن يتزمون بلباس الشركة والسيفتي شوز عزكم الله والهلمت في بعض الاوقات يكون معه بالمكتب احتياطوتحسب لعدم الاصابات هذا لتفادي بعض لاخطار والله الحافظ
     
  5. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    بعض الموظفين ليسوا من موظفي الوحدات ويكونون اداريين .. شلون تبون تمنعونهم من الدخول ؟؟

    لحد يفتي على كيفه .. طال ما انك ما تعرفهم معاك بالباص اذا اهم مو معاك بالوحده :)

    اما اذا ربعك فانت عميت عليهم الحين :)

    الله يعينكم
     
  6. الدوسري

    الدوسري بـترولـي نشيط جدا

    248
    0
    0
    انتوو شفيكم حاسدين هالعالم خلووهم يداومون بالي يبون .. صج انها ديرت حسد
     
  7. طموحة

    طموحة بـترولـي نشيط

    130
    0
    0


    كبريت و ريحته أرف على قولتك آمننا بالله .. و ترجع تلبس السيفتي على قولتك هم خوش حجي ..

    سؤال .. بدل ملابس الرياضة و السبورت اللي تلبسها ليش ما تلبس قميص و بنطلون و جوتي مريح مو لازم جلد و كشخة و تتحسف عليه ..

    و يصير شكلك بروفيشنال و لائق بشركة محترمة و مكان مهم .. عاد انتوا الشباب اكثر ما بالسوق ملابسكم

    أشكال و الوان و اسعار زينه .. والا لازم شعار اي سي ميلان و برشلونه على بلوزتك علشان ما تطبع فيهم ريحة الكبريت .. :)
     
  8. طموحة

    طموحة بـترولـي نشيط

    130
    0
    0
    الظاهر انتوا بعد تلبسون سبورت لووووووووووووول
     
  9. يوفنتوس023

    يوفنتوس023 بـترولـي نشيط جدا

    285
    0
    0
    يا ناس كافي المصفاة تقول سجن على الملابس متنحين صدقوني ما ينتقد الا اكيد بمكان راحه اوكي السيفتي شوز مطلوب بس الملابس شوي فيه كبت ماصخ حق حرية الموظف
     
  10. sha100man

    sha100man بـترولـي نشيط جدا

    263
    0
    16
    SUPVR
    KUWAIT
    ما كوا موضوع اهم برايك يا صاحب الموضوع

    ما كوا موضوع اهم برايك يا صاحب الموضوع
    يعني شركتنا اكبر من google
    شوف العالم وش تلبس
    وشوف العالم شنو اداءها
    وشوف العالم وين وصلوا
    وانت ادور اللبس
     
  11. بريق الماء

    بريق الماء بـترولـي نشيط

    65
    0
    0

    بصراحه لايوجد احد من ربعي يلبس هذا اللبس
    وثانيا فيه شي اسمه الذوق العام وفيه شي حسن الملبس والمظهر ويكون بعلمك موجود من ضمن قواعد السلوك الاداري اللي انت وقعت عليه والكل وقع عليه قبل شهرين تقريبا
    وفيه دولة خليجيه منعت مراجعي الدوائر الحكوميه فيها من لبس هذا اللبس وهذ خطوه راقيه بصراحه واما انك تقول عميت على ربعك لا هذا التصرف مو من الاخلاق و ما اعتقد فيهم واحد مثل النعامه بيخش راسه ولا ينخش تحت الطاولات لادش مسئول عليه
    انا من خلال طرحي لهالموضوع بغيت انبه لظاهره فقط غريبه على الشركه من موظفينها
    و شكرا
     
  12. ناوى تقاعد

    ناوى تقاعد بـترولـي جـديـد

    12
    0
    0
    خلصت السوالف

    صج ماكو شغل
     
  13. feed gas

    feed gas بـترولـي خـاص

    المفترض يكون لبس موحد و يكون اوفر اول عليه شعار الشركه هذا المفترض ان يكون من اى شركه تحترم نفسها و عندها شويه ضبط وربط و ذوووق....بس يالله من فضلك اوفر اول الشركه جنه مال سعد اخو حسينوه بن عاقول ايام درب الزلق..... لا شكل ولا خامه ولا تفصاااال بله ما تقولون ليش تلومون الى يلبسون ملابس رياضيه.....؟؟؟ صج ناس فاضيه وتدورون الطلايب......
     
  14. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    ميخالف بس ما يمنع انك تلبس اللى لبس اللي تبيه طالما انك مو ملزم بلبس المشغل ... حط نفسك مكانه لو انك تداوم اداري في قسم الشهادات .. بتلبس بلسوت ؟ وسيفتي شوز ؟ وخوذه ؟

    ما أعتقد

    ترى لبس السبورت مافيه شي طالما يكون بالمعقول وما يخالف الشرع والتقاليد

    وهذا رأيي انت ليش متضايق :)
     
  15. mtm

    mtm بـترولـي نشيط جدا

    419
    0
    0
    الكل يلبس عدل سواء سبورت او رسمي

    بعدين تعال شوف اللبس اللى يوزعونه علينا الشركة اللى على قولتك رسمي فاشل وخايس ويعطونا لبسه وحده كل سنتين


    وشكرا
     
  16. YOU^AND^ME

    YOU^AND^ME بـترولـي نشيط جدا

    444
    0
    0
    السلام عليكم ورحمة الله وبركاته

    انا فالحقيقه اضم صوتي للاخ صاحب الموضوع ولو اني اختلف معاه في شغله وحده فقط !

    اولا وسعوا صدوركم يا اخواني الاعزاء الموضوع قابل للنقاش ..!

    والرأي لا يفسد للود قضيه انشاء الله

    ان اختيار الملابس المناسبه للشخص امر مهم... ومظهر الانسان يهم المجتمع ككل سواء ان كنت فالدوام او فالمستشفى او فالدوانيه او اي مكان .. لكن يبقى الذوق والاختيار المناسب يختلف من شخص لي شخص يعني في ناس تعرف تنقي ملابسها وفي ناس للاسف لأ .....
    اما اللي ما اتفق عليه ويا صاحب الراي اللي يقول فيه وين الامن وليش يدخلونهم ( هذا اعتداء على الحريه وتدخل سافر ايضا ) اذا كان

    قسمه يسمح له بارتداء اي زي يريده .!
    وشكرا :)
     
  17. بريق الماء

    بريق الماء بـترولـي نشيط

    65
    0
    0
    مشكور على المشاركه وبالنسبه للنقد فهذا نقد احترمه لمداخلة احد المشاركين بخصوص دور الامن على البوابات في ضبط الملابس الرياضيه
    اخوي ممكن تسال الاجيال السابقه في هذه الشركه عن معنى اللبس الغير مناسب لعمال الشركه
    شوف الصور في الخمسينات بلسوت وتشريمبه بسطاء وقتها لكن ملتزمين بانه هذه شركه وقوانينها ماشيه
    الاجيال اللي بعدها قاموا يلبسون بنطلونات وقمصان تليق بمقام الموظف
    وبعدين كلام هاللي يقولون خلص الحجي وماكو سوالف شتبون نسولف فيه المنتدى متروس
    المنتدى مو بس يعالج مشاكلنا مع الشركه يبه الكل يشارك باللي يقوله اهو حر مو عاجبك الموضوع طوفه وشوف غيره اما انكم تنقدون نقد فارغ حتى اليهال يقدرون يقولون هالكلام خلص الحجي ولا ماكو سوالف
    لا يبه انا واحد مشارك بهالمنتدى باكثر من موضوع والشي اللي في بالي بكتب عنه
    والله يعطيهم العافيه ربعنا اهل المنتدى والاعضاء اللي نكن لهم كل الاحترام
     
  18. لورنس

    لورنس بـترولـي جـديـد

    43
    0
    0
    انا راي الي ترتاح له سوه بس اهم شي لما تدخل الينت لازم السيفتي لسلامتك وماتشوفون شر ان شاء الله
     
جاري تحميل الصفحة...

مشاركة هذه الصفحة