تخفيف الوزن ( الطريقة العلمية الصحيحة )

الكاتب : Bo Nayef | المشاهدات : 989 | الردود : 3 | ‏4 فبراير 2009
  1. Bo Nayef

    Bo Nayef بـترولـي جـديـد

    19
    0
    0
    السلام عليكم
    بعد ماقريت عن بعض وصفات الرجيم او اذابة الشحوم المنقولة في منتدانا وبعض المنتديات , دورت وبحثت عنها فما لقيت لها اي دليل علمي! ( يعني ما انزل الله بها من سلطان) يمكن تكون مضره وهي دام انها تضيع وقتكم اكيد مضره.

    وارجو من الأخوان ان ماينشرون اي شي يتعلق بالصحة الا ابدليل علمي, لأن هذا فيه اذى.

    المهم اني حبيت افيد اخواني واخواتي واخذوا عني هالخطوات وادعو لي...


    http://weightloss.about.com/od/getstarted/tp/8-Easy-Ways.htm

    هذا الويب سايت فيه الطريقة الصحيحة لأنقاص الوزن وبالتالي المظهر الجميل. أنا جربتة ونزلت اكثر من 20 كيلو ولازلت انزل ولله الحمد, بس تبي همة وارادة وعدم استعجال عالنتائج ( فقدان 3 الى 5 كيلو بالشهر مناسب) وان كان اقل مو مشكلة _ اهم شي الأستمرارية وان الوزن يكون ينقص. فقدان الوزن بسرعة مضر عالجسم لأنك ممكن تكون عكسية عليك وتزيد وزن اكثر لما تخلي الرجيم.

    لازم تعرف ثقافة الأكل - اعفر اللي يفيد واللي يضر.الرياضة عامل مساعد , يساعدك مو بس على حرق الدهون بعد يفيدك في التكييف على الرجيم ( افضل اسمية نظام غذائي امثل).

    الميزان لازم يكون صديقك الصدوق_ كل اسبوع لازم تعطية تحية ( مو كل يوم ! )

    منو مايحب المطاعم؟ انا مرات كثيرة اطلب حالي حالكم, بس شنوا؟ اختار مطاعم اللي توفر اكل صحي مثل

    health-stop
    ومطعم subway
    وان كان حاط عينك على اكلة دسمة خلها مرة بالأسبوع فقط لاغير!
    والله الموفق.
     
  2. نجديه وملامحي حايليه..

    نجديه وملامحي حايليه.. بـترولـي خـاص

    1,033
    0
    0
    ماشاء الله تبارك الله ..

    حملة رشاقه في هالمنتدى ..

    قائمة على قدم وساق ..

    شي وصفات .. وشي في الاعلانات .. حبوب تخسيس .. :confused::confused:

    وغيروا .. وغيروا ..

    ......

    شي حلو ان الواحد يهتم بجسمه ..

    لكن الأحلى تكون بالطريقه السليمه ..

    اعتقد ان حبوب التخسيس وخاصة بدون استشارة طبيب مضره جدا" ..

    وسلبياتها أكثر من ايجابياتها ..

    ماعندنا مشكله تقلل وزنك .. لكن الأهم عافيتك ..

    يعني مو يقل وزنك من جهه وتمرض امراض اشكال والوان من جهه ثانيه ..:(

    على العموم ..


    تمنايتي لكل شخص يبي ينحف ..

    بالرشاقه الدائمه وهو في تمام الصحة والعافيه ..


    ألف شكر خيووو على هيك موضوع ..

    كلامك سليم وفي محله ..

    بس حبيت اذكر حبوب التخسيس لانها بدت تنتشر بشكل مهول ..

    ويسخدمونها اغلب الناس من غير وعي .

    وعذرا على الاطاله ..

    :)
     
  3. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    الله يعطيك العافيه
     
  4. Bo Nayef

    Bo Nayef بـترولـي جـديـد

    19
    0
    0
    شكرا اخ AC Milan
    شكرا اخت نجدية انا اتفق معاك بس حبوب التخسيس او العلاج الكيميائي يفيد في حاله وحدة بس , اذا كان من خلال طبيب متخصص معروف وموثوق فيه! لأن الخوف يكون من الدكاترة التجاريين. بس طالما الشخص يقدر يوقف على ارجولة يقدر يمشي فهذا يكون اجرم بحق نفسه اذا تعاطاها!

    الحركة + الأكل الصحي = رشاقة.

    انا قبل 5 سنوات رحت عيادة مساج صينية , يوم قعدت اسولف مع الصيني المدلك اعترف لي ان الشي الوحيد اللي امربحهم هو الحبوب الصينية, وانا استخدمتها اسبوع , نزلت كيلو بس مرضت, تعبتني هالحبوب و قطعتها. الحمد لله اني قطعتها.كان جهل الصراحة بس تعلمت.



    المشكلة ان الناس تبي النتائج السريعة وهذا اكبر غلط! الناس تحتاج توعية. يعني السمنة ما جت خلال شهر او شهرين, جت بعد مدة وكذلك النحافة لابد تأتي بشكل طبيعي ( مو خلال شهر ).التوعية الصحية ضعيفة جدا جدا, وعادات الناس غلط ابغلط.


    انا انصح كل شخص فيه سمنة ان اول شي يسوية يشوف نفسه بالمنظرة, تأمل وشوف , أسأل نفسك اشلون اقدر اغير شكلي؟ بعدين عزم واسأل و ابحث عن الطريقة اللي تناسبك! وخل هدفك مو بس خلال سنة وحدة انك راح تضعف ويكون جسمك حلو

    خل هذا الهدف مدة طول حياتك طريق تمشي عليه ( هذا اذا تبي حياة بدون امراض! ) وان فشلت مرة رد حاول فأنت محارب السمنة.
    الجسم الرشيق مو بس على المستوى الصحي مفيد , كذالك المستو ى النفسي عندك راح يرتفع لأنك زرعت الثقة ابذاتك من خلال اعتنائك ابمظهرك.

    انا بس راح اذكر بدايتي عشان اعطي دافع للناس اللي يعانون من هالمشكلة, انا صارلي سنين وانا متين من الأبتدائي الى الفترة الجامعية, يوم من الأيام سخر من كرشي صديق نحيف تضايقت بس عطاني دافع كبير اني اتغير, اول ما بديت حطيت كرسي في وسط غرفتي و رحت اركض حولة وامشي, خليتها كذا جولة وبعد كل مرة اجي من الصلاة اسويها , وصرت اروح المسجد مشي و اذا رحت سوق ولا اي مكان اصفط بعيد عشان غصب امشي, كلها اسبوعين وبديت اعود نفسي عالممشى , نصه بعدين كله, شفت واحد يركض غلدته, تعبت بس بعدها ابشهر قدرت اركض كل الممشى الى ان اصبحت رياضي , الى درجة اني ركضت مسافة 30 كيلو متر كتحدي اب 4 ساعات ونص بس ما انصح فيها لأن صاري ايام عقبها طايح بالبيت.:eek:

    وكذالك كنت البس XL وعجبني تي شرت حيل بس كان ماكو منه الا L كان ضيق علي حيل بس شريتة والحين البسة عادي ولايمكن انساه.


    الي بوصلة ماكو شي مستحيل بس ياعمي ابدأ وتوكل على الله وشوف اللي يسرك.:)

    والله الموفق.
     
جاري تحميل الصفحة...

مشاركة هذه الصفحة