الى متى الخضوع ياأخواني ؟

الله المستعان
والله يكون في عونكم
طيب اخوي Agrp
سؤال هل كلمتم مسؤولينكم بخصوص هذا الموضوع
واذا كلمتوهم او راسلتوهم بمطالبكم
ما هو الرد جزاك الله خير
نبي نتشارك
ونعرف ردود المسؤولين الي تحت المكيفات واصحاب المكاتب الفاخره

؟؟؟؟

 

الله يعين أخواني في ومصيبة فعلا شركة كبرى مثل شركة Knpc
يكون الحال بهذة الصورة والله عيب أخوي يجب تقديم شكوى للنقابة لأن الوضع لا يحتمل
والسبب والمباشر على S /h و على T/le

 

يعطيك العافية يا أبو نايف على الرد فعلا كلامك صحيح

 

الله يوفقكم وتحققون جميع مطالبكم بالنسبه للمعاناه اللى تعانونها ابى اسال هل تم اللجوء للنقابه وتخاذلت تجاهكم اتمنى يكون دورالنقابه فعال تجاه هذه المطالب لانها اساسا هذه النقابه وهؤلاء الاعضاء ما رزوا انفسهم وترشحوا الا لخدمة العاملين اتمنى ان تصل هذه الرساله الى نقابة البترول فهم باذن الله اهل الى المطالبه بها وتوفير المناخ الجيد للعاملين فى هذا القطاع

 

عليكم بمواصلة الإلحاح على المسؤولين وخصوصاً رؤساء الفرق ورفع الأمر إلى مدير العمليات ومن ثم إلى النقابة ولا تيأسوا من الإلحاح ومتابعة الأمر مع التكاتف بين الجميع والوقوف على قلب رجل واحد ..

موفقين إن شاءالله

 

السلام عليكم ورحمة الله وبركاته

للأسف اغلب شلاتر مصفاة ميناء الأحمدي نفس المشكله

والنقابه عندها خبر وكان فيه اتفاق بينهم وبين ادارة الشركة بأنشاء شلاتر جديده ذات مواصفات جيده

ولكن ماشفنا شي للحين ونسأل الله ان يكون بعونكم

ولكن يجب ان تثيروا هذا الموضوع مع المسؤلين ومع اعضاء النقابه

 

عندنا وعندك خير

الشلتر اللي عندنا ارضيه متكسره والتكييف الله بالخير وكراسي متكسره وطالبناهم بكراسي عطوا الكنترول روم جدد وحنا عطونا كراسي الكنترول القديمه وطاولات مكسره وتلحيم اي كلام

لا ويتكلمون عن السيفتي ومزعجيني فيه وماكانا مو سفيتي يعني يصير شي لاسمح الله مايبقى الا الاطلال في مكانا

وآخر شي يبنون شلاتر جديده للمينتنس

 

كلامك صحيح يالغالي


المسؤولين موجودين وصدقني شايفين كل شي وهم قبلك بهالمكان ومتعودين عليه ولا راح يتغير شي


صدقني هالشلاتر الخشبيه وينها ووين السيفتي اذا من الهوا والمطر ماتفيدك وين تفيدك لمن يصير انفجار الله لا يقوله

ولكن كل شي متوقع يعني هذي مسئلة ارواح بعد الله بايدي المسؤولين

وبالنسبه للماء مو مشكله الحراره والبروده المشكله انه يجي الاب وياخذ عينه وينشر انه الماي هذا غير صالح للشرب

وذلك لتواجد نسبـه عاليه جدا من صدء الانابـيب في الماء

(( اي شروط الماء الصالح من هذه المياه ))

للعلم : ان هذه المياه تسبب الحصوه والفشل الكلوي وتتفاوت ويتفاوت تاثيرها من شخص ٍ لاخر

بالنسبه للمكيف : مو مشكله يكون المكيف قديم المشكله ادق على المسؤول وتقوله وانت على شفا حفره من الهلاك في نص الصيف ويقولك داقين عليهم ولا حياة لمن تنادي

وبعد رفع work order (( يتم تغيير وحده التكييف بوحدة تكييــف اقدم من القديـــــمه ))
ذو صوت ٍ خارق

وبالنسبه للماكروويف : تعود المشغل ان يستخدم المبادل الحراري في تسخين مابرد من الاكل

(( حدث ولا حرج ))

عسالله يكون فالعون

 

هذي مصيبه كبيره ما يحس فيها المسئوول لأنه قاعد بالبراد + قهوه وجاي وعصاير وما أظن راح يتجاوبون مع المطلب الا بوقفه جاده من الكل وخصوصا النقابه ... ويجب كتابة كتاب رسمي بالشكوى

 

الشلاتر قادمه انشالله بس انتوا نطروا الاخبار والله طيبه

 

عسى الله يجيب الخير يا اخوي الرويشد احنا والله ناس تشتغل وراضين بالواقع ولا حول ولا قوه الا بالله


وهم عبالهم ان احنا اندور عليهم الزله بالعكس احنا ناس ودنا نقدم للبترول كل ما تستحق ولكن على الاقل

ان تقدم لنا الجو المناسب اللي يعوضنا عن جو الصيف والبرد والمطر

ومالنا الا الصبر

 

السلام وعليكم
الصراحه الله يعنكم يالربع

 

هل سمعة عن الثلاجة المصنوعة من الفلين

اول شئ الله يكون بعونكم والشي هذا مر علينا من قبلكم وبوحدة cdu3 عندما كنت اتدرب معا الشباب لاكون مشغل الوحدة انصدمت ان لايوجد لديهم ثلاجه ولابراد خاص بهم وكانوا يشربوا مع عمال المقاول بنفس البراد طول ايام الصيف ماتلقاه بارد و تكرم الحمام خمس نجوم مصنوع من خشب والروائح الكريه طبعا مشترك مع عمال المقال اما قصة الثلاجة فما عليك الي تروح مركز سلطان وتلقي ثلاجات فلين اشتر وحدة والله يكثر الثلج بالمختبر مثل ما سوينا نحن وشتكينا وضلينا علي الحال لم تمت الاستجابه ومنا استفيدوا والله بكون بعونكم

 

والله هذا اللي قاعدين انسويه والله يكون بالعون ياولد الكويت

ولاكن ؟؟

هل ستعلن الشركه افلاسها اذا قامت في بناء شلاتر لموظفيها وتوفير جو الراحه لهم ؟؟؟

هل اعلنت الشركه افلاسها عندما بنت شلاتر الصيانه اللي يبلغ قيمة الشلتر الواحد اكثر من 50 الف د.ك ؟؟؟

هل هذا تعمد على الموظف ونوع من القسوه ام ان لابد ان نعيش ما عاشه قبلنا المسؤولين حتى لا نكون افضل منهم ؟؟؟

هل تعتقد ان هذا الشي (وهو من اهم الاشياء اللي طالب بها المشغل ) سيؤدي ايجاباً ام سلبا ُ بالنسبه للشركه وقيام الموظف بعمله ؟؟

اليس هذا افضل من تغير شعار الشركه ؟؟ ههه
وشكرا ًً ..

 

اشوفك امجابل الميكرو ويف او منت راظي اتوخر عنه

والله الصراحه الشركة تتبع سياسه التوفير على احسابنا احنا مع العلم انه ممنوع الشلاتر الكيربي بعد الانفجار الله اكافينه الشر بس ما يتعلمون

 

ولا راح تسوي النقابه اي شي ..............الرئيس مهتم بمصالحه الخاصه....................وين الجمعيه العموميه اللي تغير او تعدل مسار هالنقابه