لكل فعل ردة فعل صح؟

الكاتب : حنان | المشاهدات : 1,008 | الردود : 16 | ‏1 فبراير 2009
حالة الموضوع:
مغلق
  1. حنان

    حنان بـترولـي خـاص

    2,196
    1
    38
    السلام عليكم
    شلونكم صار لي فترة مو مشاركة مني , ليشني ابي موضوع يكون ما طرحتوه من قبل فكرت وفكرت ما طلع شي, بس وحدة من البنات صار معاها موقف واهو اللي خلاني اطرح هالموضوع.....

    الحين احنا تعلمنا في المدرسة انه لكل فعل ردة فعل مساوية له هذا اتذكره ايام الفيزيا,
    وهالشي حتى في علم النفس نعرفة ودرسناة وقرينا عنه, لي الحين اوكي
    زين قولي لنا شنو اللي مو اوكي؟
    انا بقول لكم
    ليش الريال يوم يطق مرتة ويهينها عادي والكل يقول ريلها ولا في اي شي صاير اللهم في بعض الناس تشوفها قلة احترام بينهم وهمن تحاول تهدي لزوجة وترجعها بيتها مرة ثانية ...

    لكن لو حصل العكس مثلا لو هالريال طق مرتة واهي كانت ردة فعلها انها تطقة خلينا نقول طراق نفس ما طقها طراق ليش الدنيا تقوم والاوادم يشبون وهذي مو محترمة ومو متربية واهلها ومو بنت حمايل وجذيه؟ يعني اقنعوني ليش اهو عادي واهيا لا ما انت طقيتني واستحملت ورجعت ليش يوم اطقك ما تستحمل وتوصل لي الطلاق؟

    ما ابي الموضوع يفسر على انه اكثر من موضوع وا ستفسار بعرف السبب منة؟
    عادي خو مني وايد ناس وعقول مختلفة ممكن احد يفهمني ليش اهو اية واهيا لا؟ بدون تطنز ولا مسخرة اللي يحس انه عنده جواب او تعليق اكون شاكرة له , وحتن اللي بس يبي يعلق حياه الله :)
     
  2. الرحا

    الرحا بـترولـي نشيط جدا

    491
    0
    16

    اانا اقول ياربي ليه حالات العنوسه والطلاق بالكويت في ازدياد :)

    شباب اللي يبي يتزوج يطلب شهادة حسن سير وسلوك من الزوجه
     
  3. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    اقول لو هالشىء ينطبق على بنات ديرتنا
    سلملي ع شبابنا اللي هم مو مترقعين حاليا من زواجهم
    انا اتوقع انه راح يصير حمام دم بالبيت
    :)
     
  4. حنان

    حنان بـترولـي خـاص

    2,196
    1
    38
    هلا اخوي حياك الله,, والله مو عن جذية بس هالشي احس علامة استفهام يعني ليش اهو اية واهيا لا
    عارفة الريال له احترامة ولا موضوعي بقول حق احد لازم تطق احد بس ابي اعرف ليش هالشي لي سوتة المرة عيب وعادي يسوية الريال...

    انا ما قصدت اساءة بس بعرف ليش؟ خو لكل شي سبب هل سبب انة الريال ما ينطق العادات؟ ولا اهو محترم البنات لا؟ هذا القصد للمعرفة وشي حيرني ,,,,

    اكيد الاحترام حق اخواني الرياييل بس يا هالسؤال وطرحتة :)
     
  5. حنان

    حنان بـترولـي خـاص

    2,196
    1
    38
    :)
    برجع واقول احترم الرياييل ولا ابي احد يتعدى والله بس سؤال يا في بالي
    خو ابي اعرف جواب :)
     
  6. الرحا

    الرحا بـترولـي نشيط جدا

    491
    0
    16
    اختي حنان تساؤلاتك اعلاه ليست محل شبهه ( علي الاقل لدي ) ..

    ولكن واضح من ردك علي انك لم تستوعبي ماكنتي ارمي اليه :rolleyes:


    انا اقول ياربي ليه حالات العنوسه والطلاق بالكويت في ازدياد

    اعذريني علي المداخله مره ثانيه ..وتقبلي مني كل الشكر
     
  7. عندنا لو تفكر تفكير بس تمد ايدها بيوصل الدم لركب :D:D

    فمابالج لو تمدها <<ع القبر على طول :D:D

    مهما سوا الريال يبقى ريال واقوى من المره وريال يطق عاادي الكل يتقبلها لان شخصيته قويه وخشنه:D

    بس مره طق زوجها <<اضحك لووول وين الانوثه فيها معدومه :)

    بالمستقبل لو ريلي طقني او مايحترمني اشيل قشي وروح بيت اهلي لين يتسنع :Dاحسن حل:p

    بالمختصر الريال بسرعه يتنرفز عشان جذي يتقبلون منه الاسلوب القوي والطق:Dعكس المره المفروض تكون شخصيتها هاديه غير جذي بيقولون عنها مسترجله:D

    مشكوره على هالطرح

    تقبلي ودي

    \
    \
    \
    المخمليهـ
     
  8. CatwomaN

    CatwomaN بـترولـي خـاص

    1,566
    0
    0
    Q8


    Simply !! because HE IS A MAN ;)
    and this is a MANz WORLD :p



    مو الا أطقه كف ولا بوكس .. عشان انوثتي تدرون .. :rolleyes:

    بس عندي أم صجمه و عندي صاعق ( ما يحتاي امد ايدي لووووول ) .. و عندي ابوي و اخواني بعد لوووووول

    و فيه خيير خل امد ايييده :p







     
  9. حنان

    حنان بـترولـي خـاص

    2,196
    1
    38
    لا ما فهمت شنو قصدك
     
  10. حنان

    حنان بـترولـي خـاص

    2,196
    1
    38
    هههههههههههههههههههه
    خو اكد ما تقدرين تطقين طق انا قصدت يعني حتن لي مدت ايدها جذية بس حركة تصير كافرة!!
    ومايصير وجذية واهو عادي صح يمكن ليشنة احنا مجتمع ذكوري:)
    اية الابو والاخوان صح كلامج
     
  11. حنان

    حنان بـترولـي خـاص

    2,196
    1
    38
    حياج :)
     
  12. عبدالله الشطي

    عبدالله الشطي بـترولـي نشيط جدا


    اول شي شاكر لج على الموضوع ويعطيج العافيه
    حبيت اوضح لج جم نقطه اول شي ان الريال يختلف عن المره والشغله الثانيه ان الرجال قوامون على النساء
    وعيب ان المره تمد ايدها على الرجل وانتي تقولين ردة فعل يعني على سبيل المثال اكو ابو يطق ولده لكن ماكو ولد يطق ابوه ليش مايصير فيه ردة فعل اتجاه الابو عدل كلامي ولا انا غلطان؟؟
     
  13. حنان

    حنان بـترولـي خـاص

    2,196
    1
    38
    حياك الله اخوي , يعافيك ويسلم قلبك
    انا عارفة انة عيب وجذية مو قاعدة اقول طقوا ازواجكم لا حشا والله
    بس مني الريل غير يختلف يعني الاب يطق عشان يربي بس هل الزوج يطق عشان يربي؟
    لا
    اهوا يطق ليشنة في شي ما عجبة وجذية هني اوكي نعذر مع اني ما افضل هلاسلوب من التعامل يعني مو ليشنة طبيعة تركيبة جسمة غير واقوا يستقوي على الاضعف

    اللي قصدتة في الموضع عشان اوضح لك
    ليش يا اخوي عبالله اذا انت طقيت مرتك بيكون محلل هالشي لك
    ليش مرتك يوم خلينا نقول تدزك
    توخرك
    عنها او انها مجرد تحرك ايدها صوبك تبي تدافع عن نفسها
    يصير هالفعل عيب؟

    لا تطقون حريمكم ولا حريمكم يطقونكم
    بس هالسؤال يا في بالي وبس
    مشكور على مرور
     
  14. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اولا خطأ كبير انه الريال يمد ايده على مره سواء زوجته و لا اخته هذا كمبدأ اما اذا عملها و مد ايده فما اعتقد انه شي طبيعي انه المره تمد ايدها لانه المفروض انها رقيقه ( اي هين ) و فيها انوثه ( يصير خير ) ما تسمح لها تعمل هالشي لكن انت تجرأت و سوتها ( جد ) خل تلقط اضروسها لانه ساعتها الريال راح يصل لمرحلة الجنون .

    على فكرة لي تمد ايدها تروح تطلب الطلاق و شرط المحكمة توكل الريال ستين طراق نفقة و خادمه و سكن و سايق هههههههه .
     
  15. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    غيــر دفــع المـــؤخـر , يعنــي مطــورق مـن كـل صـــوب :D
     
  16. حنان

    حنان بـترولـي خـاص

    2,196
    1
    38
    حلو كلامك وايد , بس مو انة هالمرة رقيقة او لا خو فية حريم عادي يسون كل شي,, عجبني انك قلت كمبدأ انا بعد ابي نتكلم عن اللي اقولة كمبدأ يعني مو انة صح بتيي اطقة لا حشا بس هل عيب هالشي على المرة ليشنة احنا في مجتمع كلة " ذكور" ولا ليشنة هالشغلة مبدأها اساسا مرفوض؟ هذا اللي انا كنت بقولة بس يمكن ما قدرت اوضح عدل,, على العموم حياك الله اخوي وشاكرة لك مرورك
     
  17. حنان

    حنان بـترولـي خـاص

    2,196
    1
    38
    حياك الله اخوي جونم مشكور على المرور
     
جاري تحميل الصفحة...
حالة الموضوع:
مغلق

مشاركة هذه الصفحة