خافوا الله فينا حرام عليكم

الكاتب : malshalan | المشاهدات : 2,056 | الردود : 20 | ‏26 يناير 2009
  1. malshalan

    malshalan بـترولـي نشيط

    85
    0
    0
    بسم الله الرحمن الرحيم
    السلام عليكم جميعا

    احب ابدي كلامي ب حسبي الله على كل من ظلمني و اذا كنت ماتخاف لانه وراك ظهر فخاف الله و اصحى يانايم وراك حساب يوم الحساب والله العظيم ماني محلل ولا واحد منهم الى يوم الدين كل من تآمر على موضوع تسكين الدرجات

    اخواني ارجوا انه الكل يتقبل كلامي بكل رحابة صدر و لاتبوق لا تخاف.

    موضوع تمييز الانتاج الي راح يميزون فيه السوبر فايزر و بعض الشفت كنترولير , والله العظيم ظلم ياجماعة الخير ياكبار بالسن يالي قاعد توقعون و تقولون فشله ربعنا والله العظيم هذا ظلم لنا يالي تونا جدد بالشركه يعني انتو ماوراكم عيال بالمستقبل بيدخلون الشركه سواء ابناء عم اخوان اولاد ....الخ انتو جذيه ظلمتو هذول كلهم والله الكلام يطول لكن من بطة الجبد ماني قادر اجمع

    للعلم انا موقاعد اتهم اي احد بالنقابه علشان لا تفهمون الموضوع غلط كلهم اخواني الكبار و اذا عندي شي يقوله بوجهم و ماله داعي المح لشي و سبق و كلمت اخوي عبدالله الزعبي .



    ارد و اقول حسبي الله على من ظللمني و ظلم الشباب بالمستقبل و الله ثم و الله ماهو محلل لي يوم الدين ووكلت امره لربي و يالله ياكريم يشوفه جدامة بالدنيا قبل الاخره

    اخوكم معاذ الشعلان
     
  2. ALI 07

    ALI 07 بـترولـي نشيط جدا

    326
    0
    0
    الاخ معاذ السلام عليكم ورحمه الله وبركاته للاسف ومن كل قلبي اقولها وكلي حسره اليوم زارونا الاخوان من النقابه وهم مشكورين علي جهدهم ومعاهم اوراق الاستفتاء موافق او غير موافق فكان اول من وقع وهذا راءي المتواضع باني غير موافق علي هالعرض ياما كلنا ولا بلاش منه لانه مثل ما قلت الاخوان الشباب الجدد شباب المستقبل راح ينظرون فوقعت غير موافق علي العرض لكن الصدمه الكبري ان الشباب 65+64 وقعو موافقين يمكن اربعه او خمسه من الشباب اللي وقعو (اذا الشباب 65+64 وقعو فعليهم السلام لانهم موعارفين مصلحتهم ) ودربهم مع الشركه طويل
     
  3. ALI 07

    ALI 07 بـترولـي نشيط جدا

    326
    0
    0
    معاذ مر علي منتدي pic تسكين الدرجات (بيان النقابه)
     
  4. ثامر الخالدى

    ثامر الخالدى بـترولـي نشيط جدا

    393
    0
    0
    بيض الله وجهك ...ورايتك بيضاء

    لكن .... كان حاولت توضح لهم الصورة ..وتبين لهم تبعات القرار
     
  5. ALI 07

    ALI 07 بـترولـي نشيط جدا

    326
    0
    0
    يابو فهد والله مطفين ولايعرفون وضحت لهم لكن كان ردهم ياعمي (الرعيل السابق اللي كان يقف بوجه الشركه وبجانب نقابته ولي وراح )والله يستر علي هالجيل الجديد فابشري يا شركه نفط الكويت برجال لا تعارض ولا تقول لا وبرجال بعضهم مايعرف كوعه بالشغل ما هو كلهم بس بعضهم
     
  6. FAHED ALKHALDI

    FAHED ALKHALDI بـترولـي نشيط

    68
    0
    0
    من اسباب الخطاء باتخاذ القرار الجهل بالموضوع كله او جزء منه, واعتقد ما فيه احد يجهل اللي يدور من الاسبوع اللي فات لليوم. حب الانا والذات موجوده ايضا في كل زمان ومكان , لا ازيد على ذلك .
     
  7. اليامي

    اليامي بـترولـي جـديـد

    10
    0
    0
    السلام عليكم لقد مروا علينا شباب النقابه يعطيهم الف عافيه على مجهودهم ولكني استشفيت لا لم استشف بل كان واضحا انهم موافقون بدلييل انهم يحاولون اقناعنا بان نوافق فلم نوقع نحن يامعاذ الشعلان طبعا القدامى ولكن للاسف وقعوا 64 و 65 لاحياه لمن تنادي والى هنا بيض الله وجيهنا يا القداما والسواد لكم يالجدد .
     
  8. العامري

    العامري بـترولـي نشيط جدا




    والله ما ادري ارد على الموضوع الاصلي ولا ارد على السواد ودك الكلمه قبل ما تطلع من لسان الواحد يوزنها (عييييييييييييب)
     
  9. malshalan

    malshalan بـترولـي نشيط

    85
    0
    0

    السلام عليكم

    يالغالي الله يجزاك خير و بيض الله وجهك , لكن اخي اختلف معاك بالنسبة لموضوع سواد الوجه و كان من باب اولى انك تقول البعض علشان لا تعم على الجميع و لا تحطها بذمتك على العموم اخ كبير و عزيز و غالي و ارجوا منك نصح الشباب الي حواليك و محاولة تفتيح عيون بعض الشباب البصامة على هذه الامور و زيد عيها من خبرتك انا بذكر موضوع واحد مهم جدا

    الكلام الي ينقال انه هذه راح تفتح جدامكم الترقيات اي نعم صحيح لكن متى بس بهذ الفتره لانه الترقيات راح تفتح للكنترولر و الاوبريتر 1 تقريبا 48 كنترولير و 48 اوبريتر 1 لكن الكلام اغلبية هذول الشباب من الجدد يعني 63 و 64 يعني يالغالي اذا القدامى خدمتهم على 30 سنه و صاعد و هذول شباب قول خدمتهم 18 و نازل يعني انت يبيلك فتح الباب 15 سنه على وظيفتك اوبريتر 2 لين تطلع اوبريتر1 يعني ماكو ترقيات الى 15 سنه جدام و هذا الرقم كاقل فتره يعني حط ببالك 20 سنه وصاعد

    انا اقول خل تفرض علينا ولا نوافق عليها لانه اذا كانو يقولون انه هذا تمييز للانتاج انا اقول هذا تمييز للسوبر فايزر الله يرزقهم اذا يبون خل يرقون السوبر فايزر الى سكشن هيد و خلونا على وضعنا يا شباب هذا اعدام لنا و التمييز يكون بتمييز عموم الدائره اي من الفورمن الى السوبر فايز

    تقبلوا مشاركتي و اذا غلطت على اي احد بكلامي فليتقبل اعتذاري لانه لا اقصد احد معين
     
  10. اليامي

    اليامي بـترولـي جـديـد

    10
    0
    0
    العامري

    لاترد احسن لك الروضتين وقعوا الجدد وكلامي موزون ميه بالميه واذا انت احد اعضاء النقابه فمشروعكم اللي تسوقون له سواد في سواد سود الله وجيه اللي طلعهم .وعلى الظالم تدور الدوائر
     
  11. اليامي

    اليامي بـترولـي جـديـد

    10
    0
    0
    حبيت اضيف شغله يا العامري ترى انا احد المستفيدين من الاقتراح يعني جايني قريد ولاني خسران الخاسر الاكبر هم الجدد.
     
  12. malshalan

    malshalan بـترولـي نشيط

    85
    0
    0

    السلام عليكم

    اخوي الكبير اليامي بصراحه هذا العشم فيكم يالقدامى و الدليل ان اغلبية القدامى و المستفيدين من هذا القرار رافضين له لانه سبق و رفض من قبلكم يالجمعية العمومية و ارجوا ان يتم رفضه الحين بعد و عساكم على القوه .

    بس الله يرحملي شيبانك سودت وجيهنا كلنا هذي صعبة :)
     
  13. العامري

    العامري بـترولـي نشيط جدا

    هدي الله يستر عليك لا تجيك جلطه:) اما انا ماني محسوب على اي احد وبعدين شلون انت مستفيد ؟؟؟؟؟؟؟؟
    ترى ما فيه احد بيستفيد من القريد الجديد وبنسبه للي وقعوا فشرهتهم عليكم لانكم ما فهمتوهم
    والنقابه ترى اللي طلعوهم وصوتوا لهم ناس فيهم خير ان شاء الله من خويانا وزملائنا فحتى لو ما نتفق معهم بس نحترمهم وقدرهم ما ينزل من الراس الا للعين
     
  14. صريع النقرور

    صريع النقرور بـترولـي نشيط جدا

    152
    0
    16
    :d:d:d
     
  15. بوغدير

    بوغدير بـترولـي مميز

    814
    0
    0
    وين ايامج يالعماليه
     
  16. بوغدير

    بوغدير بـترولـي مميز

    814
    0
    0
    ***يا جماعه لا توافقون على الاستبيان كله مصلحه لاداره الشركه في تقليص اكثر عدد ممكن للترقيات وهذا ظلم للعمال...والنقابه الموقره شاده حيلها مع الاداره..!!!!!نقابه تدافع عن قرارات الاداره!!!والصحيح ان تبحث ماهو يرضي العمال لا المسؤلين!!!

    ****وين ايامج ياالعماليه.......اللي مستفادوا بالتوظيف والنقل .......وغيره.ولا التفتوا الى مصالحهم الخاصه...........................................................................وصج العماليه مصداقيه.وانشاءالله يوصلون للنقابه وبيدتكم انتم يالعمال تقومون في تحديد نقابه قويه.
     
  17. بوغدير

    بوغدير بـترولـي مميز

    814
    0
    0
    ***ارجوا من الاخوان الموظفين ان يشرحوا للموظفين الجدد .....الوضع اللي تحاول النقابه وتصوره انه زين وفيه فتح لباب الترقيات!!!
     
  18. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0
    رد سريع للاخ معاذ الشعلاني

    مرحباااااااااااا شباب
    شلونكم وشلون المنتدى بغيابي
    والله من زمان مو داش هالمنتدى
    بس ما شاء الله دائماً عمران بالمواضيع الساخنة

    يقول المثل:
    " ياكثر كلام البدو قالو مكثر ترديدة"

    نقطة نظام:
    أخ معاذ تقول نبي نميز الجماعتكم عن الدوائر الثانية مثل الغاز والماي
    كلام جميل ومن حقك تطالب بالاحسن

    بس يا شاطر لا تقول....................
    ""هذا ظلم لنا يالي تونا جدد بالشركه يعني انتو ماوراكم عيال بالمستقبل بيدخلون الشركه سواء ابناء عم اخوان اولاد ....الخ انتو جذيه ظلمتو هذول كلهم والله الكلام يطول لكن من بطة الجبد ماني قادر اجمع""

    طيب يا استاذ ظلم عليك لان القداما فكرو بمصلحتهم
    بس مو ظلم عليك لما تفكر بنفسك وما تفكر بالاقسام الثانية

    بتقول الغاز شنو عندهم ولا الماي شنو عندهم وحنا عندنا نفط وغاز وماي
    كلام حلو طيب أخوانكم في الصيانة ما فكرت أن إلي يشتغل في محطات الغاز والماي مو مثل الشباب إلى يشتغلون في السناتر

    طيب أنت توظفة في الشركة في هذا القسم ودرجتك ومهامك المفروض عارف طبيعت عملك
    ووقعة على المسمى وانت وغيرك راضي طيب وين الضلم إلي وقع عليك
    لا تطالع لقمة غيرك وتقول ليش ما عطوني
    إلي تقول اكلوها السوبرفايزرة والكنترولية هذولا خدمو الشركة اثر من 30 سنة وهم على قريد 27 و 26 ما يعادل 13و 12 مدة طويلة يمكن اكبر من سنك ف ما فيها شي يتميزون هالفتره ويرتاحون أعتبرها مكافئة الخدمه الطويلة السنين إلي خدموها

    ولي ما تعرفه يا مظلوم أن في زمنهم علشان يعرف منسوب النفط في الخزان كان يطلع من مكتبة ويصعد للخزان وياخذله 30 دقيقة علشان يعرف في حال أنت تلتفت لشاشة وتشوفه خلال ثواني

    ولي ما تعرفة يا مظلوم أن في زمنهم علشان يزيد الدفع ولا يقلل عليه لازم يطلع من مكتبة وييفتح ولا يسكر على المحبس شوي في حال أنت تغير الدع عندك بضغطة زر عساااااااااهم ما .........

    فاللي شافوه مو مثل إلي شفته خلال 4 سنوات وقعت الدرجة 13 في زمن كان الدرجة بالنسبة لهم حلم

    فاللي سووه لشركة مو شوية
    ولا تدعي الظلم وهي فالحقيقة لقمه راحة لخوانك الكبار وطمعان تقاسمهم فيها
    ولا تدعي الظلم وان قلبك على الجيل الجديد طيب ما شوفك ادخلت اخوانك في الصيانة في الموضوع ولا الجليل الجديد وضميرك يحن بس للانتاج .............خوش ضمير يشبة الضمير العربي


    على العموم كل إناء بما فيه ينضح وهذي النقابة إلي تقول مو محللها ربعك إلي في الانتاج هم إلي دعموها لما طلعت
    فشربو يا جماعة النتاج ونشاله بتشربون لين تزوعون

    وياليت ما تطرح موضوع كأنك رافعة لبيت الزكاة مو لمنتدى الفكر والنقاش الحر
     
  19. مسوي زحمه والشارع فاضي

    مسوي زحمه والشارع فاضي بـترولـي نشيط

    97
    0
    0
    شباب أسف على الاخطاء الاملائية لأني منفعل من طريقة تفكير بعض الاخوان فكتبت الموضوع لا عجل من أمري

    وعندي مثل ينطبق على الاخوان الي أشوف أنهم فعلا يستاهلون الدرجة السوبر فايزر والكنترولر
    ....." من كان له بداية محرقة .... كان له نهاية مشرقة"......
     
  20. malshalan

    malshalan بـترولـي نشيط

    85
    0
    0
    الشعلان ماهو الشعلاني

    مسوي زحمه والشارع فاضي

    مرحباااااااااااا شباب
    شلونكم وشلون المنتدى بغيابي
    والله من زمان مو داش هالمنتدى
    بس ما شاء الله دائماً عمران بالمواضيع الساخنة

    يقول المثل:
    " ياكثر كلام البدو قالو مكثر ترديدة"

    نقطة نظام:
    أخ معاذ تقول نبي نميز الجماعتكم عن الدوائر الثانية مثل الغاز والماي
    كلام جميل ومن حقك تطالب بالاحسن .

    اخي العزيز لم اطالب بل هذا كان عرض من الشركة
    بس يا شاطر لا تقول....................
    ""هذا ظلم لنا يالي تونا جدد بالشركه يعني انتو ماوراكم عيال بالمستقبل بيدخلون الشركه سواء ابناء عم اخوان اولاد ....الخ انتو جذيه ظلمتو هذول كلهم والله الكلام يطول لكن من بطة الجبد ماني قادر اجمع""

    يوم قلت ظلم كان عن العرض المقدم من الشركة

    طيب يا استاذ ظلم عليك لان القداما فكرو بمصلحتهم.
    هذي وجهة نظري و هناك عرض افضل يا اخي الفاضل لكن هذا العرض اقل الضرر

    بس مو ظلم عليك لما تفكر بنفسك وما تفكر بالاقسام الثانية.
    انا ماني جهه تطالب بنصر المظلومين تكلمت عن نفسي و بتأييد الاغلبية من ربعنا بالسناتر

    بتقول الغاز شنو عندهم ولا الماي شنو عندهم وحنا عندنا نفط وغاز وماي
    كلام حلو طيب أخوانكم في الصيانة ما فكرت أن إلي يشتغل في محطات الغاز والماي مو مثل الشباب إلى يشتغلون في السناتر

    الاخوان بالصيانه مالنا غنات عنهم لكن لهم الي يطالب عنهم و انا سبق و قلت ماني جهه للمطالبة بحقوق المظلومين

    طيب أنت توظفة في الشركة في هذا القسم ودرجتك ومهامك المفروض عارف طبيعت عملك
    ووقعة على المسمى وانت وغيرك راضي طيب وين الضلم إلي وقع عليك
    لا تطالع لقمة غيرك وتقول ليش ما عطوني

    يا اخي العزيز ارجوك حاول تطالع الصوره الكبيره لا تطاله تحت رجليك

    إلي تقول اكلوها السوبرفايزرة والكنترولية هذولا خدمو الشركة اثر من30 سنة وهم على قريد 27 و 26 ما يعادل 13و 12 مدة طويلة يمكن اكبر من سنك ف ما فيها شي يتميزون هالفتره ويرتاحون أعتبرها مكافئة الخدمه الطويلة السنين إلي خدموها

    يا بابا هذول اخواني الكبار و احب لهم الخير مثل ما احب لنفسي لكن ان كنت تبي تعطيهم مكافأت اخر الخدمة حبيبي عطهم كاش خل يستفيدون منه بعد التقاعد مو تعطيهم جريد و فيه وراه زيادة لمده الكم سنه الاخيره و يطلع من الشركة و ما استفاد شي (( للعلم هذا من الصوره الكبيره اذا فهمت قصدي)) ثلاث ارباع راتبه يكون راح , و بعدين ليش ماتعطيهم بكج نفس الي عطوهم 100000 دينار و صاعد و هو قاعد على الكرسي و ما سوى شي واذا انت متطلع راح تعرف منو اقصد بكلامي

    ولي ما تعرفه يا مظلوم أن في زمنهم علشان يعرف منسوب النفط في الخزان كان يطلع من مكتبة ويصعد للخزان وياخذله 30 دقيقة علشان يعرف في حال أنت تلتفت لشاشة وتشوفه خلال ثواني

    الحمد لله هذا من فضل ربي رزقنا التطور و التكنلوجيا لخدمتهنا يا بابا الناس تتطور ما ترجع لي ورا و بصراحه هذي مو مشكلتنا ان احنا في زمن التطور ولا تبي تشيل الاجهزه و انخليها مانيوال علشان ماتزعل!

    ولي ما تعرفة يا مظلوم أن في زمنهم علشان يزيد الدفع ولا يقلل عليه لازم يطلع من مكتبة وييفتح ولا يسكر على المحبس شوي في حال أنت تغير الدع عندك بضغطة زر عساااااااااهم ما .........

    اعتقد هذا الكلام رديت علية بالاعلى.

    فاللي شافوه مو مثل إلي شفته خلال 4 سنوات وقعت الدرجة 13 في زمن كان الدرجة بالنسبة لهم حلم

    ولله الحمد اني ما اشفت الي شافوه و الله يعطيهم العافية و سبق وقلت لك خل يعوضونهم ببكج يسر خاطرهم مو 55000 و 38000 لا و اخر شي ماوافقوا عليها و الله العظيم لو بيدي كان اعطيهم الي يسر خاطر لانه لولاهم ماكان عرفنا خبايا العمل وهذا بفضل خبرتهم القديمة و عملهم بيدهم الله يعطيهم الف عافية .

    فاللي سووه لشركة مو شوية .

    و اظن انه اغلبيتنا راح يسوون للشركة مثلهم و يمكن اكثر بحكم تدخل التكنلوجيا بعملنا.

    ولا تدعي الظلم وهي فالحقيقة لقمه راحة لخوانك الكبار وطمعان تقاسمهم فيها
    ولا تدعي الظلم وان قلبك على الجيل الجديد طيب ما شوفك ادخلت اخوانك في الصيانة في الموضوع ولا الجليل الجديد وضميرك يحن بس للانتاج .............خوش ضمير يشبة الضمير العربي

    لا يا بابا انا اذا بطالب بشي فبطالب لربعي الي اهم قسم الانتاج وللعلم ترى انا من الجيل الجديد , و خل يطلع واحد من الصيانه و يطالب لهم بنفس الشيئ او باي طلب لقسمهم ذيك الساعه شوف منوا الي يوقف معاهم و يدعمهم

    على العموم كل إناء بما فيه ينضح وهذي النقابة إلي تقول مو محللها ربعك إلي في الانتاج هم إلي دعموها لما طلعت

    ياسيدي الفاضل اولا : ترى مو بس الانتاج الي مشاركين بالنقابة و ادري بترد و تقول اغلبيتكم و بقولك لاتعليق . و ثانيا: لا تتقول علي بكلام لم يخرج من فمي ولا تفسر الامور كما يحلو لك يعني بالكويتي انا ماتكلمت عن النقابة انا كل الي سويته اني تحسبت الحق نفسة على من ظلمني و هو اعدل العادلين و ان كنت غير مظلوم فعلى ما اعتقد انه تحسبي لن يكون بمحلة و لن يأخذ به فان كنت مظلوم فعسى الله ان يعوظني عنه خير بالاخره لانه انفع لي.

    فشربو يا جماعة النتاج ونشاله بتشربون لين تزوعون

    بصراحه يالغالي بدلياتك مسكته فما فهمت هذي الجمله . ؟!؟

    وياليت ما تطرح موضوع كأنك رافعة لبيت الزكاة مولمنتدى الفكر والنقاش الحر

    لا اخي العزيز لم ارفع الكلام لبيت الزكاة بل تظلمت لله عسى الظالم ان يقرأ الموضوع او يوصله له احد القراء و يتحرك ضميره لانه وراه حساب يوم الحساب , و بالنسبة للفكر مثل ماتكرمت فايضا الموضوع دعوا للتفكر بجميع جوانبه و ممكن اكون انا على خطأ فينوروني اخواني الي عنهم فكر اكبر منه و ان كنت تبي مواضيع علمية او عن اي شي اخر فعندك منتدى المواضيع العامة ادخل علية يفيدك اكثر من منتدى شركة نفط الكويت وبعدين انت ماعطيني حق الحريه اصلا قاعد تقول انه منتدى نقاش حر و انت سالبني اياها .

    اخي الكريم ارجوا ان لا تهاجم الناس من غير علم بخبايا الامور و ان تتبين قبل التسرع بالحكم لانه معنى كلامك انه انا اناني و العياذ بالله , و ان كنت تريد اعطاء القدامى مكافأه فأرجوا ان تكون بنهاية الخدمة ولا تكون على مصلحة الاخرين و ارجوا انا لاتكون بجريد يستفيدون منه خلال مدتهم القصير بالشركة بل يستفيدون منه عند نهاية الخدمة مع اولادهم و احفادهم اسأل الله ان يوفقهم و يرزقهم و ان يجزيهم خير عن كل مابذلوه بالسابق و عن كل مازالوا يبذلونه .

    اخي العزيز اذا كان لديك اي استفسار فانا اكتب باسمي و ليس باسم مستعار وهو معاذ عمر الشعلان اوبريتر 2 في مركز التجميع 19 شفت A اي شي عندك حياك اتشرف بمكالمتك و رقم السنتر اتصل على البداله يعطونك اياه موجود 12 ساعه الصبح و 12 ساعه باليل و نقالي اذا كنت ترغب بمعرفته فارسلي على الخاص و هذي الساعه المباركة.


    ارجوا ان لا اكون قد اطلت عليكم و تقبلون مني فائق الاحترام و التقدير.
     
جاري تحميل الصفحة...

مشاركة هذه الصفحة