مستشفى الاحمدي _ الأسنان و النقابة

الكاتب : حنان | المشاهدات : 2,763 | الردود : 10 | ‏25 يناير 2009
حالة الموضوع:
مغلق
  1. حنان

    حنان بـترولـي خـاص

    2,196
    1
    38
    السلام عليكم ورحمة الله و بركاتة
    شلونكم ان شالله كلكم تمام ؟
    اليوم كان عندي موعد تلبيس اسنان ( علاج عصب) , طبعا انا من سنة 2007 كان المفروض يكون لي موعد وكل يوم ياخرون هالموعد , بعد جهد وجذية اعطوني موعد شهر اثنعش, يوم شافني الدكتور قال لازم عملية وجذية سوينا العملية واليوم الموعد اللي بعد العملية , صدمني بعد هالسنيتن والانتظار انة المختبر مادري شفية موقفين كل شي لمدة شهرين , ليشنة عندهم شغل بيخلصونة من سنة 2008 !!! ويقول الدكتور بهالموضوع بياخذ اكثر من شهرين , وقال لي روحي اشتكي للنقابة انتي وجم مريض بعد نفس الحالة..

    انا بعرف هالنقابة وينها فية؟ شنو لهم مكان نروح فيه ؟ هل يقدرون يحلون هالمشكلة؟ يعني ما يصير هالموضوع صار له جريب سنتين ؟

    بس قولوا لي وين فية اروح وهل بيكون التقديم كلام عادي ومقابلة شخصية ولا كتاب وجذية تقدمونة؟
    الاهم هل فية فايدة من هالعبالة كلها ولا لا؟ يعني النقابة اللي يتكلم عنها دكتور بيطلع بيدها شي؟!!
    مشكورين
     
  2. انت وبس

    انت وبس بـترولـي نشيط جدا

    281
    0
    0
    مرحبا اخت حنان

    اول شي انتي بأي شركة نفطية تعملين ؟

    ثاني شي ... النقابات موجوده لحفظ حقوق العاملين وكذلك لاستقبال الشكاوي المقدمة من قبل العاملين

    ثالث شي موقع اتحاد عمال البترول ( والذي يضم جميع النقابات النفطية ) موجود في مدينة الأحمدي

    للاستدلال ... تخلين سينما الأحمدي على يمينج وتاخذين الدوار يسار .. وتطوفين الدوار الثاني سيده .. وبعدها تحصلين اتحاد البترول على اليسار قبل سوق الأحمدي
     
  3. حنان

    حنان بـترولـي خـاص

    2,196
    1
    38
  4. petrol

    petrol بـترولـي جـديـد

    49
    1
    0
    انا اللي سمعته اخت حنان انه عندهم نقص وايد بالموظفين في مختبر الاسنان...و من زمااااااااااااان و هم طالبين عرض الوظائف بالجرايد...بس للحين الكي بي سي ما نزلت لهم الاعلان !!!!
     
  5. يبيله

    يبيله بـترولـي نشيط

    74
    0
    6
    اختي حنان الحال من بعضه ، أنا نفسج تره من 2007 بس ما رحت لهم ولا راح أجرب منهم
    أنا مستانس ما راح أبس اسناني
     
  6. زهرة التوليب

    زهرة التوليب بـترولـي خـاص

    انا اذكراول و اخر مره راجعت مستشفى الاحمدي قسم الأسنان
    من 6 سنين !!! ولما شفت معاملتهم مو شي والدور ما يخلص
    وما عندهم شي اسمه طواريئ !!! يعني تروحين موصله حدج وخدج منتفخ من الالتهاب ينطرونج دور !!
    ولما نطرت الدور لما خلصت بس سولي تنظيف وقالولي تعالي بعد 3 اسابيع !!!!
    الحين انا كان ضرسي واصل للعصب وملتهب وويهي ورم من قوه الالتهاب وما كنت قادره انام لي مده يومين
    واخرتها موعد بعد 3 اسابيع !!!

    الله وكيلج عطيتهم طاف وقمت اروح خاص لأن هالحجي من 6 سنين او اكثر ولين الحين على قولتج الوضع كما هو عليه
    المواعيد بعيده والمستشفى بحاله يرثى لها لو يسوونها كراج ابرك
     
  7. باب السور

    باب السور بـترولـي جـديـد

    21
    0
    0
    من سؤ معاملة هذا القسم ومواعيدهم الطويله((قسم الاسنان)) ذهبت للعيادات الخاصه ((المركز البريطاني)) ودفعت 500دينار
    لعلاج 3أسنان مع تلبيس واحد خلال إسبوع كنت مخلص كل شئ عندنا يعطونك مواعيد طويله إذا تأخرت 10دقائق يقولون للك خذ موعد ثاني وإذا جئت بنفس الوعد يقولولك الطبيب مو مداوم اليوم
    ومره جبت بنتي لعلاج ألم بضرسها الدكتور قال خذ موعد للحشوه ------ خرجت وذهبت لمستوصف شرق الاحمدي
    وتم حشو الضرس بنفس اللحظه حتى كان الدكتور يوغسلافي أو شئ من هذا
    قسم الاسنان عليه سلبيات كثيره
     
  8. amkl

    amkl بـترولـي نشيط جدا

    173
    0
    0
    زين شنوا الحل ؟؟؟!!!
     
  9. حنان

    حنان بـترولـي خـاص

    2,196
    1
    38
    مشكورين اخواني على المرور
    بس انا بقول لكم انة روحوا لهم في الحين مواعيد والدكتور يزاه الله خير يعطي مواعيد جريبة
     
  10. جهراوي نت

    جهراوي نت بـترولـي نشيط جدا

    208
    0
    0
    ما عرفنا يسوى العنوة من الجهراء ولا نرخي الدينار ونروح للخاص
     
  11. جهراوي نت

    جهراوي نت بـترولـي نشيط جدا

    208
    0
    0
    السلام عليكم


    ما عرفنا يسوى العنوة من الجهراء ولا نرخي الدينار ونروح للخاص

    وشكرا
     
جاري تحميل الصفحة...
حالة الموضوع:
مغلق

مشاركة هذه الصفحة