يامسؤولين مصفاة الأحمدي انقذونا من سائقي الباصات

الكاتب : فيصل العجمي | المشاهدات : 1,348 | الردود : 13 | ‏25 يناير 2009
  1. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    هذا نداء نوجهه نحن موظفي مصفاة الأحمدي الى المسؤولين في المصفاة لحل مشكلة الباصات
    وللأسف ان سائق الباص الحين يزفك وينطّرك على كيفه ومرات ماينطرك حتى لو بديلك وصل , وياكثر مانطقوا من الشباب وفي الأخير الموظف المسكين يطلع هو الغلطان.
    والأدهى من ذلك ان يستغلون عملهم لتوصيل عمال النظافه وعمال المقاول في حين ان الكويتي ناطر الباص .
    ومرات يقولك انا مو تبع المنطقه هذي وتلقاه يروح يوصل عمال النظافه لانهم يعطونه أكل من بقايا اكل الشباب في الكنترول روم ويعطيهم شاي وحليب ( يعني مظبطهم )

    وان قلت له بقدم شكوى قال تدل المكان ولا تبي اوصلك؟ قدم شكوى شنو المشكله ( شين وقوي عين )

    هذا دليل انه لا يوجد لا حسيب ولا رقيب عليهم ,, للأسف ان الشخص المسؤول عنهم يساندهم ضد الكويتيين وهذه حادثه حدثت لي انا شخصيا قبل سنه حين قدمت شكوى في احد سائقي الباصات فجانا السينير مالهم وهو كويتي يرعد ويزبد ويهدد ويتوعد ولولا وقفة السوبر فايزر والزملاء في الوحده كان يمكن توصل الى مالا تحمد عقباه.
    يعني الأخ للأسف حاط لي هندي مسؤول عنهم والهندي هذا بنفسه يكلمك من طرف خشمه

    وقدمنا في منطقتنا كتاب شكوى الى رئيس فريق العمليات وهي شكوى جماعيه , وماصار عليها شي الى يومك هذا.

    ولو تسأل اي موظف تلقاه يتذمر من الباصات وطريقة عملها .

    فهل من وقفه من الاخوه في الاداره لحل هذه المشكله الأزليه؟
     
  2. الدبور اللمكي

    الدبور اللمكي بـترولـي نشيط

    60
    0
    0
    يبا عادي هذا سايق باص وسايق باص مدير الباص
     
  3. بريق الماء

    بريق الماء بـترولـي نشيط

    65
    0
    0
    ممكن سؤال ؟
    اللي يركبون الباص كم قريداتهم هات لي اكبر واحد 13؟

    يا بابا.... مايركب الباص الا اللي اقل من 14

    عمركم شفتوا تيم ليدر واقف ويطالع شلون حركة الباصات ؟

    مهزلة اقل شي نقول مهزله اي واحد يقول لاسعد السعد
    ولا المنيفي تعال اجلس لو تكرمت في غرفة استراحة الباصات
    واحكم على المنظر اللي تشوفه تدرون انه الباصات تختفي
    وترجع كلها ورا بعض مره وحده وين تروح هالباصات
    وشمعنى مالوت النورث يدشون مره وحده المواقف؟
    يبه والله لايغركم انه احد بيسمع كلامكم مع احترامي لقيادة المصفاة وجل احترامي اخواني عمال المقاول مو من ضمن شروطالعقد انه
    المقاول المتعاقد مع شركة البترول يفترض ان يوصل موظفيه وعماله في سيارته وباصاته الخاصه فيه
    صج مايضيقون علينا ونرحب فيهم بس ليش احنا ندفع الثمن
    تاخير وخصم ومرات تستأذن من الساعه 9 ولا يجيك
    الباص الا 9 ونص
    اتمنى من الاخ المحترم / خالد بستكي ابو محمد رئيس فريق الورش اللي تتبع له الباصات انه يتواضع ويوقف مره بدون سيارته ويشوف شلون الباصات اتيي مره واحده وكأنهم لابدين
    ورا طوفة مبنى من هالمباني
    لا اشره على اهل الباصات ولا احملهم الخطأ احمل دائرة الصيانه والهندسه كلها .
     
  4. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    اي والله هذا صك على المدراء كلهم
     
  5. فيصل العجمي

    فيصل العجمي مؤسس المنتدى أعضاء الشرف

    6,420
    1
    36

    صحيح كلامك اخي الكريم
    ولكن الناس اللي ذكرتهم هم الغالبيه العظمى في المصفاة
    وهم عصب المصفاة ويجب ان تكون الخدمه سريعه وبدون تعطيل ومماطله
    للأسف اصبحت الباصات لنقل عمال البلديه وعمال الصيانه مع ان شركاتهم توفر لهم باصات خاصه ولكن في اوقات محدده.
    المشكله هذي للأسف الادارة متساهلين فيها لانهم مايتعاملون معهم
     
  6. لورنس

    لورنس بـترولـي جـديـد

    43
    0
    0
    اظم صوتي لصوتك صج يبون تسنيع هالهنود
     
  7. الدوسري

    الدوسري بـترولـي نشيط جدا

    248
    0
    0
    الحل الاول ... انك تعطيه دينار كل يوم <<-- مرفوض
    الحل الثاني ... تظبط احد من اهل سايق الباص بأقامه <<-- مرفوض
    الحل الثالث ... تمسكه تدعس على راسه علشان لمن يشوفك مره ثاني يمشي سيده ومو طق بو نظام طراق طف الزقاره بخشمه علشان ماينساك طول عمره <<-- الحل الامثل
     
  8. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    للأسف ان الحل الثالث حصل كثيرا في مواقف الباصات ورأيناه يتكرر اكثر من مره
    ومع ذلك لا حياة لمن تنادي
     
  9. q8security

    q8security بـترولـي خـاص أعضاء الشرف

    أبوعبدالله الله يعينكم وقاعد نشوف الشباب إشلون يتأذون منهم


    وهناك عدم إلتزام من ناحية الباصات وهذا أمر ملموس يوميا


    خصوصا بعد نهاية دوام الصباحي

    ناهيك عن مخالفة بعض السائقين لتعليمات الأمن

    وكم من مرة ننبه عليهم عموما


    الأمر يحتاج وقفة تنظيمية جادة


    بالتوفيق لما فيه الصالح العام
     
  10. بريق الماء

    بريق الماء بـترولـي نشيط

    65
    0
    0

    حلول اختياريه قد تحث بالواقع



    المهم عندي انك تشوف مصدر الخطأ من وين ؟

    بصراحه مره
    لو كانت الاداره مهتمه كان شفت هالامر صار غير
    قلنا لكم اكثر من مره
    شوفوا اللي يركبون الباص معانا كم قريداتهم من يكونون؟

    لاتروحون بعيد لاصار اخلاء من يوقفونهم في نقاط التجمع بالشمس بلا ماي ولا غيره ومنو اللي يطلعون للفحيحيل بسيارتهم ويفترون هناك وبعد الاخلاء بنص ساعه اييونكم

    يبه الناس مقامات صدقوني

    الحل لو بيدي وربكم لا اخلي اول شي مافيه مسئول الا يستعمل الباص داخل المصفاة حاله حال اللي بالدول المتقدمه
     
  11. frfosha

    frfosha بـترولـي مميز

    753
    0
    0
    تعالو شوفونو احنا يا الحريم عيل شلون نتبهذل من هالباصات يفضل ناس على ناس واذا عاجبج عاجبج واذا مو عاجبج طقي راسج بالطوفه ترى حتى احنا متأذين من هالباصات لا تيلفون نقدر اندق عليهم ونطلبهم يعني لي حصلنا ظرف ما تعال شوف اشلون نتصرف والقسم مالنا كلله بيكب ما فيه سياره يا معود حتى لو وانيت راضين ولو اني بعمري ما ركبت وانيت واضطريت اني اركبه مع احد المراسلين ما قول غير حسبي لله عليهم اهم بنعيم واحنا بجحيم ولو احد من مريمهم يرضون عليهم بهالتبهذل واللي يحرك انه ابسيايير لصغار حاطين سواق حق توصيل عيالهم المدارس ولمدام النادي ولا السوق خلها على الله
     
  12. البعد الثلاثى

    البعد الثلاثى بـترولـي جـديـد

    13
    0
    0
    حبيبى هذولا صاروا من اهل الديرة ماعاد نقدر عليهم ماتشوف اخوى الجرايد يوميا شنو مسوين فى البلد


    ردت على سواق الباصات المعازيب وحنا العمال ..!!!!!!!!!!!!!!!!!!!!!!
     
  13. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    للأسف انه لا حياة لمن تنادي
    تقدمنا بالكثير من الشكاوي ومع ذلك مازال الوضع على ماهو عليه
     
  14. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    للأسف انكم ايضا يابنات متضررين من هذه العمليه
    مفروض يكون لكم سيارات خاصه لتوصيلكم بدل تخصيص احد باصات العمال لكم لوقت محدد اثناء الدوام الرسمي.
    ممكن يخصصون لكل ادارة سوبربان مثلا او اي سياره للتوصيل
     
جاري تحميل الصفحة...
مواضيع مشابهة
  1. المشموس
    الردود:
    0
    المشاهدات:
    7,068
  2. 4649
    الردود:
    1
    المشاهدات:
    2,027
  3. المحرر النفطي
    الردود:
    0
    المشاهدات:
    1,007
  4. المحرر النفطي
    الردود:
    0
    المشاهدات:
    1,052
  5. المحرر النفطي
    الردود:
    0
    المشاهدات:
    8,876

مشاركة هذه الصفحة