شباب الديوانيات..

الكاتب : GEO.2 | المشاهدات : 971 | الردود : 18 | ‏20 يناير 2009
  1. GEO.2

    GEO.2 بـترولـي نشيط

    96
    0
    0
    السلام عليكم ورحمة الله وبركاته..

    النوع الاول
    نوع تلقاه من يدش الديوانيه ولين يطلع بس يصارخ ومسوي لجه ولويه بالديوانيه جنه خبل وضحكته عاليه ضحكت واحد جنه مولود بالشارع جنه يبي يسمع اللى بالشارع انه هني في ديوانيه وطبعا ماكو اسلوب ولا شى بس مهنته انه يسوي لجه بالديوانيه وانه على باله انه اهوا اللى مسوي جو واهوا الكل بالكل مسكيييين......



    النوع الثاني
    نوع غريب من اول ما يدش الديوانية تلقاه يسلم ويقعد شوية يسولف من يرن عنده الموبايل تلقاه سكت وخمر وقام يتبوسم ويتضحك ويتشقق ويتقلب من مسند ليه مسند شوي تلقاه طلع بره بعد ما يحس انه العين عليه او اذا صار صراخ بالديوانيه تلقاه يطول عادي ساعه ساعتين يسألون وين فلان يقولون بره ** طبعا ثلاث ارباع هالنوعيه متزوجين لانه ما يقدرون ياخذون حريتهم بالموبايل الا في الديوانية هههههه والمدام نايمه بالبيت ولا في بيت اهلها**....



    النوع الثالث
    نوع هوايته الجذب انا سويت جذيه انا عندي جذيه انا صارلى جذيه وطبعا من اول ما يدش الديوانيه يدق الريشه ويتفيخر جدام ربعه هالنوعيه مسكينه لانه اكثر ربعه يدرون شنو اهوا و يدرون انه كلكجي وودهم يحذفونه من الدريشه بس الاحترام للموجودين



    النوع الرابع

    نوع غرامة الفضايح بس يتكلم عن الناس ويطعن بشرفهم انا رفيجتي اسمها جذيه تسوق جذيه ساكنه هني كل كلامه عن البنات ويحب يسولف عن مغامراته ويا البنات اللي يعرفهم وعادي عنده ذكر اسم البنيه وعايلتها ما يهمه شى وطبعا اللي يكلمها نايمه بالعسل وهو هوايته انه يفضح ويطعن بشرف البنات يا ابن الحلال يعني ترضاها على اهلك بس ما اقولكم الا كما تدين تدان اذا انت لك علاقه ويا اي وحده احتفظ فيها حق نفسك مو تقعد تتفيخر جدام الشباب بمغامراتك وافعالك وبعدين تدرون شنو مشكلة هالنوع على باله انه اذا تكلم عن مغامراته وسوالفه عن البنات ربعه راح ينعجبون فيه وراح يعدونه ريال مسكيييين حدك مسكين.......



    النوع الخامس

    هذا النوع معقد تسولف معاه ساااااكت تقوله شى سااااكت الكل يضحك ويسولف واهوا ساااا كت شنو يبي ما تدري شنو في باله هم ما تدري نصيحه هالنوعيه عطها بو لباس لانك اذا قعدت وجابلته بتصير معقد نفسه واذا سولفت معاه ربعك بقولون عنك حجي .. بس تدرون شنو هالنوع يمتاز فيه انه من يدش الديوانية بس يطالع التيلفزيون غلطاااااان ما عندكم تيلفزيون بالبيت

    .............


    النوع السادس
    هذا النوع غرامه انه يلعب جنجفه بالمصري ( كوتشينه) وبالاماراتي(ورقه) يموووت على انه يلعب من يدش الديوانيه تلقي ربعه يسولفون ولاهين بالسوالف يقاطعهم ويقولهم يالله قوموا بسكم هذره جنه ايي الديوانيه بس حق الجنجفه ومن يخلصون لعب تلقي قال يالله تاخر الوقت انا ماشى اشكره عينك عينك لا واذا وصل الديوانيه ولقي ربعه لاعبين تلقاه يبوز ويتحرطم عطي بس نص ساعه وتلقاه ماشى يشوف له ديوانيه ثانيه ما بلشوا لعب اخر عمره بتلقاه في لاس فيغاس يوزع ورق البوكر والبلاك جاك
    ............



    النوع السابع

    نوع يضحك بصراحه ما عنده لا شغل و لامشغله تلقاه يقعد يمك ويسولف معاك ويقولك شرايك نسوي لنا مشروع تساله شنو هالمشروع يرد عليك ويقولك شرايك نفتح لنا مصبغة المهم انت عاد تكمل وتقوله والله فكره خلاص مو مشكله خلني افكر في الموضوع المهم ايي الاسبوع اللى وراه وبنفس الديوانيه طبعا تلقاه قلب هم قعد يمك مره ثانيه يقولك شرايك نفتح لنا مطعم والاسبوع اللى وراه شرايك نفتح لنا صيدليه / بقاله / قهوة / محل / ..الخ غلطاااااااان افتح لك مجمع وحط فيه اللى تبيه واخلص نوعيه مو عارفه شنو تسوي بدنياها
    ................


    النوع الثامن

    بصراحه نوعية مسخره من اول ما يدش الديوانية ولين يطلع منها كل اللى في الديوانية يستلمونه اي شى فيه اطنازه يتعلق فيه حاطينه ربعه بس حق الضحك وكل المقالب تصير فيه يعني كبش فداء اي ورطه اي مصيبه اي مقلب على طول ينقط براسه المهم هالنوعية تري فيها ميزه انه على كثر ما يحطون عليه ربعه بالحجي ويدوسون على راسه الا انه تلقاه ماشى سيده كافي خيره وشره يعني مثل الزل الايراني كل ما دست عليه صار احسن ............


    النوع التاسع


    وهذا النوع يسمونه الخواف او سكانه مرته لانه من تدق الساعه 11 صار جنه سندريلا على طول قضب الباب ودق سلف وراح البيت ماشاء الله توقيته توقيت غرينتش نص دقيقه ما يتأخر وطبعا اذا تأخر وحنوا عليه ربعه انه يقعد تلقاه قام يصبصب عرق تدرون ليش لانه حاط جهازه هزاز والمدام قاعده تدق عليه ومن بعدها شسوي عشان يلحق على عمره قبل لا ينام بره بالشارع وتقفل عليه الباب المدام تدرون شسوي يتثاوب ويسوي روحه فيه النوم ويتمقط ويقلب اعيونه ويقول حق ربعه يا جماعه عذروني انا دخت فيني النوم بمشى فمااان الله .........



    النوع العاشر

    اخر نوع تدرون منوووووووووو هاهاها صاحب الديوانيه لانه متحمل كل هالاشكال اللى ذكرتها لالالالالالا وفوق هذا اهوا اللى عليه الجاي والمكسرات ((يعني خساير)) واهوا اللى يرتب ويسنع كل شى وياما استكانات انكتت علي زولية الديوانيه وياما اوراق جناجف قام ايمعها من وراهم من بعد ما يمشون من الديوانيه وياما ناس مليقه تحمالها تدش ديوانيته وياما ناس لزقه تسهر ليه الصبح وهوا قاعد ناطرهم يمشون مسكيييين محد طقك على ايدك وقالك حطلك ديوانية
     
  2. نجديه وملامحي حايليه..

    نجديه وملامحي حايليه.. بـترولـي خـاص

    1,033
    0
    0
    ............. [/B][/SIZE][/COLOR]

    النوع السادس
    هذا النوع غرامه انه يلعب جنجفه بالمصري ( كوتشينه) وبالاماراتي(ورقه) يموووت على انه يلعب من يدش الديوانيه تلقي ربعه يسولفون ولاهين بالسوالف يقاطعهم ويقولهم يالله قوموا بسكم هذره جنه ايي الديوانيه بس حق الجنجفه ومن يخلصون لعب تلقي قال يالله تاخر الوقت انا ماشى اشكره عينك عينك لا واذا وصل الديوانيه ولقي ربعه لاعبين تلقاه يبوز ويتحرطم عطي بس نص ساعه وتلقاه ماشى يشوف له ديوانيه ثانيه ما بلشوا لعب اخر عمره بتلقاه في لاس فيغاس يوزع ورق البوكر والبلاك جاك
    ............



    وبالسعودي .. بلوت .. :D


    هههههه..


    تسلم دياتك خيتو ..
     
  3. GEO.2

    GEO.2 بـترولـي نشيط

    96
    0
    0
    حياج الله
    نورتي
     
  4. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    لوووووووووووووووووووول

    يثلمووووووووووووووو


    صج صج جبتها صح
    تقبل مغوووغي
     
  5. om 3zooz

    om 3zooz بـترولـي نشيط جدا

    262
    0
    0
    engineerah
    q8
    صج احنا الحريم مانشوفكم شتسوون في الدواوين بس بصراحه الانواع تضضضضضضضضضضضضضضضضحك ههههه
    اكثر واحد ضحكني الي يبي يسوي مشااااااااريع لا وكل مشاريعه فالصووو :p
    thank you على الموضوع الحلو:D
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    فعلا أكثر الأنواع هذه موجودة في الدواوين و اللي يتحلطم و يلوم نفسه صاحب الديوانية ، خساير شاي و قهوة و كل كم يوم شاري
    ( أم طبر )

    جيو ، الموضوع طريف و خفيف

    من بيخبص الحين :)
     
  7. عمليات الشعيبة

    عمليات الشعيبة بـترولـي نشيط جدا

    242
    0
    16
    ذكر
    ccr operator
    مصفاة الشعيبة
    صراحه موضوعك حده قوي وحده من الواقع و هالنوعيات حدها تكرهك بالدوانيه:‏)‏
    تقبل مروري قلب :)
     
  8. بوغدير

    بوغدير بـترولـي مميز

    814
    0
    0
    في دوانيات ما ودك تجلس فيها...و.في دوانيات ما تحصل فيها هالنوعيات00.
     
  9. العابر

    العابر بـترولـي خـاص

    سبحان الله على هالناس أجناس:D


    شاكر لش عالموضوع الطريف
     
  10. ALI 07

    ALI 07 بـترولـي نشيط جدا

    326
    0
    0
    صراحه انا اقول الديوانيه اللي بس كوت بوسته وهند وبلوت ماودك دشها لانها مضيعه للوقت ومالها حلا .بعدين اللي يتجمعون علي محبه الورق ما تدوم ديوانيتهم
     
  11. Export_Doc's

    Export_Doc's بـترولـي خـاص أعضاء الشرف

    2,561
    0
    0
    هههههههههههههه حلوه حلوه مشكووور و يعطيك العافيه الدوانيه ترفيه للرجل من الروتين بس بالمعقول لا ينسه بيته و واجباته بس الحين هلاايام قلو الديوانيات كله قهاوي
     
  12. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    كـــاك

    حـــــــــلوة ----->
    [​IMG][​IMG]

    نهاية راعـي الديوانيـة ----> [​IMG]
     
  13. القحطاني

    القحطاني بـترولـي خـاص أعضاء الشرف

    4,717
    0
    0
    ههههههههههههههههههههههههه


    الله يعطيك العافيه

    كل الانواع قلته

    موضوع جميل وشيق

    تحياتي لك
     
  14. براق

    براق بـترولـي نشيط

    117
    0
    0
    يعني مثل الزل الايراني كل ما دست عليه صار احسن ............


    ههههههههههههههههههههههههههههه كااااااااااااااااااااااااااااااك هاهاهاهاهاهاهاهاهاهاي



    هذا اللى موقازره عليه



    تقبل مروري ويعطيك العافيه
     
  15. GEO.2

    GEO.2 بـترولـي نشيط

    96
    0
    0
    حياكم الله
    نورتو فديتكم
     
  16. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    افا ربع الدوانيه ولا واحد فيهم صاحي
    :)
     
  17. SonMubarak989

    SonMubarak989 بـترولـي خـاص أعضاء الشرف

    2,062
    98
    48


    الله يخلي لجنه الازااله حدهم ما قصروا فيهم
    شكلهم سكاان حريمهم علشان جذيه سوا ازاله علشان ما يرحون هناك
    او انه اللي طالبوا باللازاله الحريم وطبقوووه علينا المساكين

    بس ما عليه اكو قهاوي وهي البديل حاليا
     
  18. Workers

    Workers إدارة المنتدى

    7,767
    30
    48
    ذكر
    الكويت

    اذا هالدواوين فيها مكسرات فما استغرب وجود هالنوعيات :)

    شكراً GEO.2 ويعطيكِ العافية .
     
  19. تركي عبدالكريم

    تركي عبدالكريم بـترولـي جـديـد

    49
    0
    0
    الله يعطيك العافيه
    اقعد في بيتكم احسن
    وش هالدوانيه التعبانه
     
جاري تحميل الصفحة...

مشاركة هذه الصفحة