كارثه كارثه كارثه ( تسكين الدرجات )

الكاتب : المرعب | المشاهدات : 3,117 | الردود : 30 | ‏20 يناير 2009
  1. المرعب

    المرعب بـترولـي نشيط جدا

    196
    0
    0
    جائنا هذا الخبر

    لقد قامت النقابه مشكووووك في علمها ودرياتها بتوقيع اتفاقيه بينها وبين الشركه على تسكين الدرجات
    وللعلم فقط ولا احد من الاخوه الاعضاء سالناه عن التسكين وكان يعرف شنو السالفه كل واحد يفتي من عنده

    الله يستر اذا على كم الاشاعات اللي وصلت لنا فالطامه كبيره جدا

    ياجماعه شلون النقابه توقع واحنا اخر من يعلم فهمونا التسكين مو مهم لنا ويهمنا امره

    ولا هو فرض علينا فرض؟؟ وانقابتاه رحنا بيها؟!
     
  2. ehs

    ehs بـترولـي نشيط جدا

    186
    0
    0
    \

    صدقت يا المرعب احنا اخر من يعلم والطيور طارت بارزاقها
     
  3. PIC_NH3

    PIC_NH3 بـترولـي نشيط

    113
    0
    0

    لماذا مؤسسة البترول لما أقرت تسكين الدرجات لباقى الشركات النفطية

    ما وضعت آلية لتطبيق القرار ...

    أم أنها قالت كل شركة تسكن وتشوت على كيفها ؟!!


     
  4. المرعب

    المرعب بـترولـي نشيط جدا

    196
    0
    0
    والله الظاهر يالغالي انه راحت وطارت الطيور برزاقها
     
  5. المرعب

    المرعب بـترولـي نشيط جدا

    196
    0
    0

    ياخوي يالغالي المشكله مو بالمؤسسه المشكله بالنقابه

    المؤسسه ما اعتقد يهمها امرنا ترقينا ولا قعدنا

    نقابه نفط الكويت قالت حق موظفينها بعملية التسكين قبل تطبيقها والتوقيع عليها بسنه كامله

    والبترول قومت الدنيا وقعدتها علشان ما تتنازل عن اي بند يبونه وسو اضراب الا دقيقه

    لكن نقابتنا دبرت هالامر في ليل فجأه لا راي ولا مشوره وقعتوا زين على شنو وقعتوا قولوا لنا

    كل واحد يطلع اشاعه من عنده وألف يا مؤلف

    اخ ياربعنا بالتشغيل قلنا لكم خلكم بهيئة المكتب زعلتوا وقلتوا كلنا جسد واحد

    يبه وين جسم واحد انتم صرتوا دول ودويلات دول كبرى وكلنا نعرفها ودول صغرى وايضا للاسف نعرفها

    وياحسرتاه الدول الصغرى محسوبه علينا بالتشغيل

    دم دم دم احس بجلطه يارب سترك من اللي جاي
     
  6. Workers

    Workers إدارة المنتدى

    7,767
    30
    48
    ذكر
    الكويت
    المرعب الله يعافيك شنو سالفة التسكين والاتفاقية
    شنو مكتوب بالاتفاقية وشروطها ؟
     
  7. PIC_NH3

    PIC_NH3 بـترولـي نشيط

    113
    0
    0

    يا جماعه الغريب بالإتفاقية إنه ما حد راضى

    لا المشرفين راضين ولا المشغلين راضين ...

    المشرفين يقولون طالما أن تسكيننا يجب أن يكون على

    درجه أعلى ليش انطر سنتين ليش مو على طول عشان يكون

    الدرجة والمسمى متناسبين مع بعض ..

    والمشغلين وخصوصا اللى كانوا على وشك الترقى إلى مشرفين

    يقول لك شذنبى أنطر وتكون الترقية الجايه واللى بعدها

    كلها تحت مسمى اوبيريتر يعنى على الأقل يبي لى ست سنوات اذا

    مافيه تأخير ..

    وهناك اشكاليه اتوقع انها راح تكون قانونيه

    هل يعقل درجة واحده فى نفس القسم ولها مسميين مختلفين ..

    يعنى واحد درجته 13 ابيريتر وزميله نفس الدرجة مشرف

    أعتقد أن القرار يحتاج مزيد من الدراسة ... ومادرى هل موضوع توقيع

    الإتفاقية معناها ما فيه مجال للأخذ والرد وأن الوضع انتهى على هالأمر

    ننطر ونشوف ...
     
  8. ابوشنب

    ابوشنب بـترولـي نـشـيط

    191
    0
    0
    أنصروا إخوانكم في قسم 0( المواد والهندسة والأمن والإطفاء وجميع الإداريين سواء بالمكتب الرئيسي أو حتي بالأقسام الأخري يعني الإداري اللي بالتشغيل أو المختبرات أو التصدير ماراح يفرح مع إخوانة لما يستلمون درجاتهم الجديدة ..
     
  9. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    ياجماعة التسكين جاء بصورة غير منظمة وخاصة عندنا
    (تحسب للنقابة دورها الطيب في إضافة قسمي التصدير والمختبرات في التسكين اللي بالأساس مالهم بالطيب نصيب)
    يعني كان لازم من البداية تكون الضوابط موجودة وآلية تطبيقها وليس من خلال ماحدث أن يكون التسكين لوظائف محددة في قطاع الأسمدة
    اللي حاصل حاليا وحسب ما يتداول الآتي:
    1- اعتبارا من 1/12/2008 راح يكون التسكين فقط للموظفين اللي آخر درجة لهم كانت 1/12/2006 وينطبق عليه نظام وشروط الترقية المعمول بالشركة
    2- وضع التسكين من درجة 14 إلى 15 غير واضح بالنسبة للسيارة يعني الكل يبي سيارة إذا لم يكون هناك عملية ضوابط للتسكين (يعني الدرجة تكون على المسمى ولا على الدرجة)
    3- التسكين راح يكون درجة واحدة فقط وليس درجتان
    4- اللي توه ماخذ درجة ماراح ياخذ درجة التسكين
    5- راحت على بقية الوظائف في التصنيع من الإطفاء والأمن والإداريين والسكرتارية والمهندسين غير محسوبين على التشغيل والعمليات يعني مو فني أو مشغل أو مهندس تشغيل وماشابهها من المسميات التشغيلية.
    6- حسب اللي سمعناه إن النقابة قاعد تسعى بقوة لضبط تلك العملية مع إدارة الشركة وتطبيق التسكين بالصورة الصحيحة

    يعطيكم الف عافية
     
  10. المرعب

    المرعب بـترولـي نشيط جدا

    196
    0
    0
    والله يامشرفنا الغالي

    الى الان لم تتضح الصوره وكل اللي صاير اشاعات

    مانقدر نتكلم فيها لانها اخبار غير مؤكده من النقابه ولا اعضائها للاسف

    لان اعضاء النقابه متضاربين في تصريحاتهم واحد يقول كلام والثاني يقول غير ولا ندري شنو القصه

    المهم ان النقابه من ساعت الاتفاقيه مختبصين مو عارفين شيقولون مره يقولون مكسب!!!!
    ومره يقولون هالشي مفروض من المؤسسه!!!!!

    ياخوي والله ضعنا بين حانا ومانا

    لكن اللي خلاني اكتب هالموضع هو ان ليش النقابه وقعت الاتفاقيه بدون لا تقول لنا ولا توضح واقل الايمان تستشيرنا لاننا الوحيدين اللي منضررين من هالشغله؟

    صج احنا وكلناهم بانهم يكونون حاملين لصوتنا لكن لا يضرونا ويضيعون حقوقنا
     
  11. المرعب

    المرعب بـترولـي نشيط جدا

    196
    0
    0
    انا اسف يا بحنونه على التعديل في مشاركتك لكن من باب التعقيب
     
  12. العقرب

    العقرب بـترولـي نشيط

    138
    0
    16
    تسكين درجات

    هاهاهاها والله انكم مساكين ينقص عليكم بسرعه ياجماعه الله مشفناه بالعقل عرفناه هذا ليس بتسكين درجات
    و إنما حق المشرفين اكثر المشرفين مضى على اخر درجه سنتين والبعض ثلاث سنين ونص والبعض عشر وهكذا فعندما اثير موضوع الأب قريد من بعض المشغلين فبدأت النقابه لعبتها نحن لانقول أن النقابه ضعيفه وانماتصطاد في المياه العكرة النقابه دورها كبير بالنسبه لدرجات الشباب ونقولهم مشكورين ولا قصرتو صراحه انجاز لأنه عدد كبير بالنسبه للنقابات الاخرى ولاكن لاتستغلون طيبة قلوب الناس لأن بدايت النار شراره يالنقابه هذا ليس بإنجاز وانمى اعجاز لأن فيه مضرتا لبعض الموظفين في الشركه احسبوها صح درجات المشرفين او غيرهم من الموظفين او الموظفاة في PIC ليس بتسكن درجات و أنمى حق من حقوقهم الظائعه أسف ياأصدقاء لا اريد ان اخيب امالكم ولاكن هذي هي الحقيقه وهذا محسوب على النقابه فياليت النقابه تصحح الخطاء قبل فوات الأوان لكي نفتخر بنقابة PIC امام الشركات الزميله ؛؛؛؛؛؛؛؛؛؛ودمتم سالمين
     
  13. سبايك ذهب

    سبايك ذهب بـترولـي نشيط

    63
    0
    0
    حسب معلوماتي البسيطة وبدون زعل اشوف انه النقابة مقصره لان كان من المفروض انهم يسوون اجتماع مع كل موظف بالشركة ويشوفون شنو يبي من التسكين ويفصلون الدرجة على كيف كل واحد لان جميع الموظفين على حق ويستاهلون اكثر من ترقية ولكن السؤال الاهم هل لو تم الاجتماع مع الموظفين سيكون هناك توافق بين الطرفين ، من رايي انا لا ......... لان بني آدم ما يملي عينه إلا تراب ...... وصدق رسول الله في هذه المقوله ، اتقوا الله يا ناس وقولوا الحمدلله ترى بحياتنا ما كنا نفكر كمشغلين اننا نوصل لقريد 15 على الراحه وبهالسهوله ، بغض النظر من السبب في هالتسكين ولكن اول شي الف حمد وشكر لاني كويتي والف حمد شكر لان هالنقابة اللي ماسكة الحين لان في السابق صار اكثر من اب قريد وكانت النقابة السابقة لا تعلم واحنا بعد كنا ما نعلم عبالنا هالشي بس ينطبق على شركة معينة ، وبالاخير اقول مبرووك لنا هذا الانجاز ومبرووك لجميع العاملين والفال لاخواننا الاداريين وباقي الدوائر
     
  14. المرعب

    المرعب بـترولـي نشيط جدا

    196
    0
    0
    كلام جميل ومعقول
     
  15. المرعب

    المرعب بـترولـي نشيط جدا

    196
    0
    0
    حلو يا سبايك كل هذا ومعلوماتك بسيطه

    اولا يا استاذي الكريم النقابه لما تصير الانتخابات اللى تكون ساعتها تبي مصلحتها تجتمع مع الكل واحد واحد

    ولا عندك راي ثاني بهالشي؟

    واحنا ان شالله قنوعين ويترس عيونا اللي مايترس عينك يالغلا بس بدون زعل!؟

    وبالنسبه للتوافق وحزب الوفاق فاعتقد يا استاذي الكريم على الاقل يرضون الشريحه الكبرى او يقولون لهم شنو صاير

    ولا اذكرك بالاخوان في النقابه لما اجتمعوا مع الامن والاطفاء قبل لا يصير اي شي ( ولا علشان نائب الرئيس قواه الله ) وقبل لا توقع النقابه اي شي على نقلهم للخدمات؟

    وبالنسبه لنا احنا بالتشغيل فاحنا ما وصلنا لقريد 14 الا بفضل الله ثم بفضل النقابه السابقه اللي مشت القريدات على قدم وساق وصرت تكمل سنتين وتاخذ الدرجه ولا عندك بعد اعتراض على هالشي؟

    اما بالنسبه لقريد 15 فالشريحه 6 اشخاص استثنيهم وخلصنا او خلك مثل البترول والنفط عطهم قريد 15 وعطنا احنا يالمستضعفين في الارض كل سنه قريد علشان نوصل لقريدك يا سبايك مو كل سنتين الله يخلي النقابه السابقه

    اما يا اخوي بالنسبه للاب قريدات السابقه فلا اعلم من يتق الله متى صار اب قريد او تسكين مادرينا عنه هل احنا بشركه ثانيه ماندري شنو يصير مع ربعنا ذكرني باي سنه بالضبط ومنو اللي استفاد منها؟

    ونقول للنقابه السابقه كفيتوا ووفيتوا ونقول للموجودين لا تخلونا ندعي عليكم

    ان شالله يالغالي ما تزعل وان شالله نتق الله وعيونا متروسه بحب الديره واهلها
     
  16. نادرالوجود

    نادرالوجود بـترولـي جـديـد

    26
    0
    0
    طــــــــــــــامه

    ياخوفي اقول

    اذا فات الفوت ماينفع الصوت

    وخير الكلام ماقل ودل
     
  17. Workers

    Workers إدارة المنتدى

    7,767
    30
    48
    ذكر
    الكويت
    مشكور يالمرعب ع الرد ماقصرت
    وتسلم يابوحنونه ع التوضيح
    والله يجيب العواقب سليمه
     
  18. ابوشنب

    ابوشنب بـترولـي نـشـيط

    191
    0
    0
    أول شي النقابة مالها منه بخصوص التسكين هذا جاي من المؤسسة بس النقابة أحسن شي فيها إنها تنسب الشي لها وبعدين لما أجتمعوا مع الأخوان بالأطفاء والأمن لي يومك هذا كل ياسألونهم الأخوان بالأمن والأطفاء مايعطونهم جواب واضح ومبين أنهم ماعندهم سنع بخصوص الموضوع هذا وإذا علي النقابة السابقة أنت أكثر واحد إستفاد منهم درجاتك ما مشاها إلا النقابة السابقة ولو الله ومن ثم النقابة السابقة ماوصلت لي درجتك هذي أنت الحين شوف النقابة الحالية مافيه درجات مشت إلا من بينهم نقابي واحد أو إثنين مستفيدين أواخو نقابي مستفيد علي الأقل والحين نائب رئيس النقابة قاعد يسعي علني علني حق أبناء عمومته فقط عينك عينك وهذا هو مشي اللي بالتشغيل وباقي اللي بالسلامة عليهم الدور الحين خل عنك السوالف اللي مالها داعي وقول الحق وإذا علي الرئيس الله يرحم الحال مسلم التركة حق نائبة ومخلي القرعا ترعي ......
     
  19. سبايك ذهب

    سبايك ذهب بـترولـي نشيط

    63
    0
    0
    عجبي !!!

    حلو يا سبايك كل هذا ومعلوماتك بسيطه

    اولا يا استاذي الكريم النقابه لما تصير الانتخابات اللى تكون ساعتها تبي مصلحتها تجتمع مع الكل واحد واحد

    ولا عندك راي ثاني بهالشي؟

    واحنا ان شالله قنوعين ويترس عيونا اللي مايترس عينك يالغلا بس بدون زعل!؟
    واضح من خلال الردود انكم مقتنعين والحمدلله عيونكم متروسه كل خير
    وبالنسبه للتوافق وحزب الوفاق فاعتقد يا استاذي الكريم على الاقل يرضون الشريحه الكبرى او يقولون لهم شنو صاير
    اذا كان قسم العمليات مو الشريحه الكبرى فأي شريحة بالشركة اكبر منهم
    ولا اذكرك بالاخوان في النقابه لما اجتمعوا مع الامن والاطفاء قبل لا يصير اي شي ( ولا علشان نائب الرئيس قواه الله ) وقبل لا توقع النقابه اي شي على نقلهم للخدمات؟
    اجتمعوا معاهم صح ولكن مافي فايده وانا لي عتب فيها على النقابة
    وبالنسبه لنا احنا بالتشغيل فاحنا ما وصلنا لقريد 14 الا بفضل الله ثم بفضل النقابه السابقه اللي مشت القريدات على قدم وساق وصرت تكمل سنتين وتاخذ الدرجه ولا عندك بعد اعتراض على هالشي؟
    شكرا النقابة السابقة ولكن النقابة الحالية راح توصلنا وتوصلك لقريد 15 اللي كنا وكنت تحلم فيها
    اما بالنسبه لقريد 15 فالشريحه 6 اشخاص استثنيهم وخلصنا او خلك مثل البترول والنفط عطهم قريد 15 وعطنا احنا يالمستضعفين في الارض كل سنه قريد علشان نوصل لقريدك يا سبايك مو كل سنتين الله يخلي النقابه السابقه
    ذا باستثني 6 اشخاص معناته اني كل سنة راح استثني الثانوية العامة اللي الحين جابتها النقابة بدون استثناء واما عن الترقية في خلال سنة فهي لوائح داخلية لكل شركة لايمكن تغييرها اكرر لوائح داخليه ولا تقول خل النقابة تغيرها لان حتى النقابات اللي طافت ما قدرت تغير شي منها وبالنسبة لقريدي فحالي من حالك في التسكين الأخير
    اما يا اخوي بالنسبه للاب قريدات السابقه فلا اعلم من يتق الله متى صار اب قريد او تسكين مادرينا عنه هل احنا بشركه ثانيه ماندري شنو يصير مع ربعنا ذكرني باي سنه بالضبط ومنو اللي استفاد منها؟
    انا اتكلم عن الاب قريد اللي صار في نفط الكويت سابقا واكثر من مره وكذلك البترول الوطنية واللي مع الاسف ان النقابات السابقة ماطلبت ان ربعنا يكونون مثلهم وان شاءالله تكون فهمت وجهة نظري
    ونقول للنقابه السابقه كفيتوا ووفيتوا ونقول للموجودين لا تخلونا ندعي عليكم
    مشكورين النقابة السابقة وماقصرت وشكرا للنقابة الحالية التي فاقت كل التوقعات فداكم روحي لان من يجلب الرزق لي ولعيالي طبعا بعد توفيق الله احطه فوق راسي واحسن ما اصير مسؤول على 6 اشخاص وانا بس اناظر الفورد ام 4 اشخاص ومتى ياربي اركبها
    ان شالله يالغالي ما تزعل وان شالله نتق الله وعيونا متروسه بحب الديره واهلها
    اتفق معاك في هالشي وآمين يارب تحمي كويتنا ويكفينا شر الحاسدين اللي ما همهم الا مصالحهم دون مصلحه الكويت
     
  20. سبايك ذهب

    سبايك ذهب بـترولـي نشيط

    63
    0
    0
    عجبي !!!

    حلو يا سبايك كل هذا ومعلوماتك بسيطه

    اولا يا استاذي الكريم النقابه لما تصير الانتخابات اللى تكون ساعتها تبي مصلحتها تجتمع مع الكل واحد واحد

    ولا عندك راي ثاني بهالشي؟

    واحنا ان شالله قنوعين ويترس عيونا اللي مايترس عينك يالغلا بس بدون زعل!؟
    واضح من خلال الردود انكم مقتنعين والحمدلله عيونكم متروسه كل خير
    وبالنسبه للتوافق وحزب الوفاق فاعتقد يا استاذي الكريم على الاقل يرضون الشريحه الكبرى او يقولون لهم شنو صاير
    اذا كان قسم العمليات مو الشريحه الكبرى فأي شريحة بالشركة اكبر منهم
    ولا اذكرك بالاخوان في النقابه لما اجتمعوا مع الامن والاطفاء قبل لا يصير اي شي ( ولا علشان نائب الرئيس قواه الله ) وقبل لا توقع النقابه اي شي على نقلهم للخدمات؟
    اجتمعوا معاهم صح ولكن مافي فايده وانا لي عتب فيها على النقابة
    وبالنسبه لنا احنا بالتشغيل فاحنا ما وصلنا لقريد 14 الا بفضل الله ثم بفضل النقابه السابقه اللي مشت القريدات على قدم وساق وصرت تكمل سنتين وتاخذ الدرجه ولا عندك بعد اعتراض على هالشي؟
    شكرا النقابة السابقة ولكن النقابة الحالية راح توصلنا وتوصلك لقريد 15 اللي كنا وكنت تحلم فيها
    اما بالنسبه لقريد 15 فالشريحه 6 اشخاص استثنيهم وخلصنا او خلك مثل البترول والنفط عطهم قريد 15 وعطنا احنا يالمستضعفين في الارض كل سنه قريد علشان نوصل لقريدك يا سبايك مو كل سنتين الله يخلي النقابه السابقه
    ذا باستثني 6 اشخاص معناته اني كل سنة راح استثني الثانوية العامة اللي الحين جابتها النقابة بدون استثناء واما عن الترقية في خلال سنة فهي لوائح داخلية لكل شركة لايمكن تغييرها اكرر لوائح داخليه ولا تقول خل النقابة تغيرها لان حتى النقابات اللي طافت ما قدرت تغير شي منها وبالنسبة لقريدي فحالي من حالك في التسكين الأخير
    اما يا اخوي بالنسبه للاب قريدات السابقه فلا اعلم من يتق الله متى صار اب قريد او تسكين مادرينا عنه هل احنا بشركه ثانيه ماندري شنو يصير مع ربعنا ذكرني باي سنه بالضبط ومنو اللي استفاد منها؟
    انا اتكلم عن الاب قريد اللي صار في نفط الكويت سابقا واكثر من مره وكذلك البترول الوطنية واللي مع الاسف ان النقابات السابقة ماطلبت ان ربعنا يكونون مثلهم وان شاءالله تكون فهمت وجهة نظري
    ونقول للنقابه السابقه كفيتوا ووفيتوا ونقول للموجودين لا تخلونا ندعي عليكم
    مشكورين النقابة السابقة وماقصرت وشكرا للنقابة الحالية التي فاقت كل التوقعات فداكم روحي لان من يجلب الرزق لي ولعيالي طبعا بعد توفيق الله احطه فوق راسي واحسن ما اصير مسؤول على 6 اشخاص وانا بس اناظر الفورد ام 4 اشخاص ومتى ياربي اركبها
    ان شالله يالغالي ما تزعل وان شالله نتق الله وعيونا متروسه بحب الديره واهلها
    اتفق معاك في هالشي وآمين يارب تحمي كويتنا ويكفينا شر الحاسدين اللي ما همهم الا مصالحهم دون مصلحه الكويت
     

مشاركة هذه الصفحة