ليش عيادة شعيبه مافيها باص يرجع للبوابه !!

الكاتب : زهرة التوليب | المشاهدات : 580 | الردود : 7 | ‏12 نوفمبر 2007
  1. زهرة التوليب

    زهرة التوليب بـترولـي خـاص

    السلام عليكم

    عندي موضوع مهم صراحه ووايد يحرج بعض الموظفات خاصه لما يبون يروحون يسوون فحص في مصفاة شعيبه

    لما الموظفات يروحون يسون فحص في عيادة شعيبه ويقطهم الباص ما يرجع ياخذهم !!!
    ويقعدون ينطرون وينطرون والباص ما يرجع

    واذا طلبوا من العيادة تتصل على الباص يقولون لهم مافي تلفون !!!
    والله عيب عليهم يبهذلون بنات خلق الله

    انا اعرف وحده من الموظفات راحت تسوي فحص ولما خلصت نطرت الباص اكثر من نص ساعه ماكو فايده
    ولما سألت العيادة قالوا لها خلي أي أحد من اللي رايح البوابه يوصلج !!!

    تخيلوا اضطرت تركب مع واحد من الشباب (اللي يشتغلون بالأمن والسلامه ) !!
    والحبيب قالها الباب اللي وره ما يبطل لازم تركبين جدام !!!

    وطبعا هذي حاله من الحالات اللي اعرفها وخاصه وقت الفحص السنوي !!
    بفهم ليش مافي باصات وليش ما يخلون الموظفات يدقون على باص يردهم !!
     
  2. سفاري الكويت

    سفاري الكويت بـترولـي نشيط جدا

    اي باص اللي تنطره الاخت !

    باصات مكودة عند باب المصفاة ...على افا من يشيل

    لو هو راكب واحد لازم يوصله

    الظاهر واصلتك المعلومة خطأ او مبالغ فيها
     
  3. زهرة التوليب

    زهرة التوليب بـترولـي خـاص

    بالعكس انا متأكده من المعلومه 100%

    وعلى فكره هذي موظفه معاي بنفس القسم
    وكان عندها فحص دوري

    وحتى البنات اللي توهم متوظفين عندنا عانوا من نفس المشكله
    ومافي باص كان واقف عند العيادة

    اضطروا يركبون مع واحد من اللي طالعين من العياده
    اللي ركبت مع واحد هندي واللي مع واحد من الأمن واللي واحد من الموظفين كان موجود بالعيادة

    انا مو قاعده اتكلم من فراغ الكلام اللي واصلني من زميلات معاي في نفس القسم
    وعلى فكره انا دايم بالفحص اروح مصفاة عبدالله ولا احاول ادش عيادة شعيبه لأني عارفه ان الباص يوصل العيادة وما يرجع ياخذهم مره ثانيه
     
  4. سفاري الكويت

    سفاري الكويت بـترولـي نشيط جدا

    الظاهر قصدها المواقف الخارجية اللي بعد تفتيش امن المنشآت

    يمكن ...صحيح


    بس عند المصفاة انا مكتبي عند باب المصفاة اشوف اللي رايح واللي داش

    ومتأكد من كلامي السابق

    بس أبي اسأل انتو ما عندكم عيادة بالمصفاة ؟
     
  5. زهرة التوليب

    زهرة التوليب بـترولـي خـاص

    امبله عندنا عياده

    لكن للفحص الدوري عيادتنا مو مجهزة بالكامل للفحص
    يعني يا نروح شعيبه او نروح مينا عبدالله

    طبعا اقصد فحص الدم والسمع والصدر والنظر

    احنا في المكتب الرئيسي عيادتنا مافيها حتى صيدليه !!
    الأدويه نيبها من عيادة مينا عبدالله
     
  6. سفاري الكويت

    سفاري الكويت بـترولـي نشيط جدا

    الادوية من عندنا وانتي صاجة
    لان مخزن الادوية بالسرداب ومراسل العيادة " سالمين " يمر علينا كل يوم ياخذ الادويه لكم
     
  7. زهرة التوليب

    زهرة التوليب بـترولـي خـاص

    والله ما ادري اخوي

    اللي اعرفه ان الدكتوره لما يكتب لنا الدوى يكتب على ورقه تبع عيادة مينا عبدالله
    واحنا نطرش سايق القسم اييب الدوا من عيادة مينا عبدالله


    ومشكور اخوي على المعلومه
     
  8. بو جاسم

    بو جاسم بـترولـي نشيط

    113
    0
    16
    يباه العيادة مالت الفحص الدوري كل سنتين بره تابعة للطب الصناعي الواحد يروح لها بالسيارة
    اي عيادة اي بطيخ
    الحبايب دايخين ورفيجتج هذي اهي الي مسويه لها سالفة والظاهر ما عندها سيارة تروح فيها للعيادة
     
جاري تحميل الصفحة...

مشاركة هذه الصفحة