فعلاً أحبك ...

الكاتب : رحال | المشاهدات : 497 | الردود : 4 | ‏12 يناير 2009
  1. رحال

    رحال بـترولـي مميز

    586
    0
    0
    السلام عليكم يا كرام ،،،

    ببركة ورحمة من ربي على الدنيا جيت ... نزلت مني أول دمعة وبعدها بثواني بكيت ... ضحك كل من حولي يوم إني بكيت ... فرحة ترست وجيهم يوم إني عليهم طليت ... شلتيني بحضنك الدافي يا يما وبحنانك تغطيت ... وفجأة نور غمرني وفيه حسيت ... كل من تحمد لك بالسلامة لجيتي للبيت ...

    كبرت بعدها وخطيت ... كنتي تغنيلي أحلا الأغاني وآنا أسمعك ولغنى صوتك لبيت ... مسحتي على راسي وقلتيلي عسى يحفظك رب البيت ... أشوفك يا يما انتي وأبوي في يوم من السنه تفروحون وتعلقون الزينة وعلم فوق البيت ... سألتك يما شنو هالعلم اللي حطه أبوي فوق سطح البيت !!! تبسمتي لي وقلتيلي بصوتك الدافي هذا علمنا يمك ... هذا علم " الكويت " ...

    مرت سنين وتلتها سنين وأشوف العادة ما انقطعت وأشوف هالراية منرزه فوق كل بيت ... ينشرح قلبي بهاليوم وأقول محلاك يا ديرتي بعيدك اللي سكن كل بيت ... أشوف الناس تبارك استقلالك وتحريرك وتبتسم مثل يوم جيتي أنا على الدنيا ... بصراحة اخنقتني العبرة وبكيت ...

    طمع فيك يا ديرتي كل داني ووقفنا بوجهه وقلنا أبد بعد هالحدود تراك ما تعديت ... تسلم ديرتي وشعبها وآنا لها فديت ... مثل ما غيري تحت رايتك استشهد يا كويت ... عطيتيني وعطيتي غيري كل اللي نبيه واليوم يه يومنا وللعهد لا ما نسيت ... واجبي أوقف أنا واخواني مثل ما قالها شيخي رحمة الله عليه " آنا وربعي كل ابونا جماعة " ولا تصدقين إني عنج لهيت ...

    بظل أندد بأعلى حسي مثل ما قالها شهيدك بغنوته " أنا كويتي أنا ... أنا قول وفعل ... " بالشارع وبالبيت ... وصدقيني يا ديرتي كلنا نحبك مو بس آنا بروحي اللي لك حنيت ... تره كل من قرا كلامي الحين ينطق اسمك بداخله ... ويقول يا أحلى بلد يا أحلا ديره يا ديرتي يا كويت ...

    أمانة لا ننسى تراب هالديرة وخنحاسب نفسنا قبل لا نحاسب غيرنا ونشوف هذا شسوى وإلا انت والا انتي والا آنا شسويت ... ترى حقها علينا كبير مثل حق أمنا علينا لو نجازيها كثر ما نقدر عمرنا لحقها ما راح نوفي ولا حتى أنا وفيت ...

    فعلاً أحبك يا " كويت "
     
  2. أحبـــــــــــــــــــــــج

    أحبــــــــــــــــج


    أحبـــــــج


    يا كـويتـــــــــــــــــــــ

    والله كلامكـ روووعــهــ وابـدعـتـــ

    والله الكويتــ مانوفيها حقهــا لو نكتب لها بدمنا

    وانا اقول عمري وروحي ودمي فدااااااااااااااااااااااا الكويتــــــ

    والله الشعب الكويتي مقصر بحق الكويت ودليل كل من يبوقها من صوب واحنا نتفرج

    الله يعينج يا الكويت كل من بياكلج لكن تبقين صامده وفخوره بنفسج غصب عنهم

    فدييييييييييييتج برووووووووووووووووووحي يا اغلااااااااااااااااا واحلىىىىىىىىىىىى بلد;)

    كلامك عن الكويت كله درر وربي يعطيك الصحه والعافيه خليتنا نقول الي بقلوبنا :)


    تقبل ودي

    \

    \

    \

    \

    المخمليهـ
     
  3. غيوم

    غيوم بـترولـي خـاص أعضاء الشرف

    7,298
    1
    0
    [​IMG]

    احنا عشقناها احنا عشقناها وايد عشقناها
    من يوم فتحنا فتحنا على الدنيا
    الله الله يخليها لنا الكويت ديرتنا و يحميها من كل شر
    آمين آمين آمين

    اهيا أمنا اهيا أرضنا اهيا اهيا الكويت

    سيد الحرف " رحال "

    ما أجمل بوحك عن أغلي شي بالوجود على كل كويتي و كويتية
    أحساس جميل من شخص رائع في التعبير

    تقبلي مروري
     
  4. رحال

    رحال بـترولـي مميز

    586
    0
    0
    أشكرك يا مخمليه على تواصلك ... وأشكرك على كلماتك بحق حبيبتنا الكويت ...

    دمتي بخير وصحة وعافيه
     
  5. رحال

    رحال بـترولـي مميز

    586
    0
    0


    سيدة المكان ... سيدتي " غيوم "

    ليس بغريب عليكِ تواصلك الفواح الممزوج بشذى بالورود ...

    دائماً وأبداً سباقه ...

    موضوعي هو مجرد تعبير عن مدى حبنا لبلدنا الغالي " الكويت "

    أشكر كل من وضع بصمته فيه بمصداقية عن مدى حبه ...

    احترامي يا سيدتي
     
جاري تحميل الصفحة...

مشاركة هذه الصفحة