شرايكم باقتراح تغير نظام الشفتات (تصويت)

الكاتب : ali_85 | المشاهدات : 3,703 | الردود : 43 | ‏12 نوفمبر 2007
  1. موافق واتمنى التغير الى النظام الجديد

    80.0%
  2. غير موافق ومتمسك بالنظام القديم

    14.5%
  3. غير مهتم بالتغير النظامين نفس الشي

    5.5%
  1. ali_85

    ali_85 بـترولـي نشيط جدا

    419
    0
    0
    السلام عليكم ورحمه الله وبركاته

    اعتقد انكم سمعتوا باقتراح تغير نظام الشفتات الحالي المقدم من اخوانكم العمال في مينا عبدالله
    واعتقد انه مرت عليكم ورقه التواقيع
    المهم حبيت اني اطرح الوضوع من يديد حق الي ماعنده فكره وحق الي عارض الفكره بدون مايفهم الفكره عدل
    الاقتراح اهو تغير النظام الحالي الي اهو 8 ساعات الى نظام 12 ساعه طبعا الي يسمعني راح يقول نفس (koc)
    لا مو نفسهم راح اشرحلكم النظام بالتفصيل
    النظام الحالى وهو (نظام 8 ساعات)
    يومين صبح يومين عصر يومين ليل ويومين اوف (وعلى قوله بعض الخوان يوم ونص لانه نص اليوم يضيع بالنوم بعد دوام الليل)
    والنظام المقترح هو (12 ساعه)
    يومين صبح يومين ليل واربع ايام اوف
    طبعا مميزات النظام اليديد مثل مانذكرت بالكتاب الي اذكره
    1- استفاده العامل من ايام الراحه اربع ايام مقارنه بيومين بالنظام القديم (حتى لوكانت ال12 ساعه متعبه بس فيها راحه بالاوف حلوه يقدر الموضف يغير فيهم جو)
    2-التوفير شغلات وايد راح تتوفر علينا مثل
    لبانزين والوقت يعني بدال لا اطق درب 12 مره بالاسبوع بين بيتكم والدوام راح يصير 8 بس
    (وراح تعمر السيارات ويانا اكثر :D)
    والي يقول انه نظام ال12 ساعه مافيه اوفر تايم لاني ماقدر اكمل 24 ساعه بالعكس
    الوفر تايم راح يصير اريح واكثر (اشرح هالنقطه بختصار)
    طبعا معضمنا متعود على دوام ال16 ساعه لاتقولون 12 تعب
    المهم نرجع النظام اليديد يوم الدوام راح يكون في شفتين دوام وشفتين اوف
    يعني مثلا لو كنت مدوام صبح وشفت الليل اوفر تايم انادي اي احد من الشفتين الي بره
    (يعني الاوفر تايم راح يكون اكثر ب4 ساعات من الحين واريح في الدوام لانه راح يكون 12 ساعه بس مو 16

    والحين اتمنى منكم التصويت اذا كنت موافق على التغير ولا لا
    وطبعا ياريت كل واحد يذكر بالموضع عيوب ومميزات النظام اليديد غير الي ذكرتهم انا
     
  2. ali_85

    ali_85 بـترولـي نشيط جدا

    419
    0
    0
    ونسيت اذكرلكم نقطه وايد حلوه واهي في الايجازات
    في النظام الحالي لما تاخذ 6 ايام يطلعلك 10 ايام لانه في اوفين قبل وبعد
    اما في النظام اليديد تاخذ بس 4 ايام يطلعلك 12 يوووووووووووووم ايجازه يعني وفرت رصيد ايجازات وطلعت ايام اكثر بعد
    ياجماعه النظام مايستاهل انطالب فيه
     
  3. algharib

    algharib بـترولـي نشيط

    134
    0
    0
    MAA.operation
    الكويت
  4. shayib80

    shayib80 بـترولـي نشيط جدا

    193
    0
    0
    B OPERATOR
    MAB REFINERY
    اهوا زين بس حق الoperators الي في الcocker مو زين لان معناته ساعات عمل اكثر وشغل وتعب اكبر
    آسف انا مو ياكم

    إلا إذا تبي تشتغل معاي في نفس وحدتي انا موافق :)
     
  5. ali_85

    ali_85 بـترولـي نشيط جدا

    419
    0
    0
    خلاص يطبق على الكل ماعدا الكوكر
     
  6. ali_85

    ali_85 بـترولـي نشيط جدا

    419
    0
    0
    اخواني ياريت الي يصوت او يرد يذكر لنا ليش موافق شنو عاجبه بالنظام وشنو الي موعاجبه اذا موكان موافق علشان نكون بالصوره
    ونتعرف على السلبيات والايجايات
     
  7. HELPER

    HELPER بـترولـي جـديـد

    19
    0
    0
    [والنظام المقترح هو (12 ساعه)
    يومين صبح يومين ليل واربع ايام اوف
    اقتباس من المشاركه.

    المشكله ان الشركه تعاني من مشكلة الاجازات المرضيه واعتقد ان هذا النظام يساعد بقوه على المرضيات حتى اللي ماعنده مرضيات راح يسويها وبصراحه شي يشجع يعني اربع يام مرضي يطلع لك ثمانية ايام ... بعد منو يبي يطلع اجازه , وتعال طالب في بيع الايجازات بعد .
    لهذه الاسباب اعتقد انه من المستحيل ان توافق عليه الشركه .
     
  8. HELPER

    HELPER بـترولـي جـديـد

    19
    0
    0
    عفوا 12 يوم اجازه بعد سك 4 ايام
     
  9. احمد علي محمد

    احمد علي محمد بـترولـي نشيط

    120
    0
    0
    لا اوافق ممكن يوم صبح ويوم عصر ويومين اوف مثل محطات الكهرباء شرايك سك يومين 6 ايام اوف
     
  10. L'operatore

    L'operatore بـترولـي جـديـد

    15
    0
    0
    بالنسبه لي أتمنى
    يكون الدوام مثل الـ Koc
    يومين بـ يومين
    لأن يومين الصبح متعبه حيل :(
     
  11. الرويشد

    الرويشد بـترولـي نشيط

    145
    0
    0
  12. فلير مولعه

    فلير مولعه بـترولـي نشيط

    81
    0
    6
  13. ali_85

    ali_85 بـترولـي نشيط جدا

    419
    0
    0
    اذكرلنا اسبابك اخوي ليش
     
  14. Waluigi

    Waluigi بـترولـي مميز

    822
    0
    0
    امممممممممممم بترولي
    دول الضد
    معاك قلبا و قالبا
     
  15. مواق

    مواق بـترولـي مميز

    501
    0
    0
    نظام دوام 12 ساعة اكثر من يطالب في هم قسم الاطفاء . وانا ماألومهم اللهم لاحسد .. المسئولين موفرين لهم بالمركز ، ديوانية فيها تلفزيون 64 بوصه بلازما ، نادي صحي رياضي ، مطبخ مجهز ، وهناك اشياء اخرى لااحب الحديث عنها .. طبعا غير فترات الراحة الطويلة والسبب هو طبيعة عمل الاطفاء . فمن الطبيعي ان دوام 12 ساعة راح يكون حلو ومريح بالنسبه لهم ... لكن هناك اقسام لايمكن تطبيق هذا النظام عليهم مثلا العمليات لو طبق هذا النظام معناته ان الشركة حكمت عليهم بعقوبة الاعمال الشاقة المؤبدة .
     
  16. Mr.L.P.G

    Mr.L.P.G بـترولـي جـديـد

    3
    0
    0
    موافق جملة وتفصيلا
     
  17. ali_85

    ali_85 بـترولـي نشيط جدا

    419
    0
    0

    ماتفكرون الا بالسكات ياجماعه نبي نقلل السكات بالنظام اليديد
     
  18. MAB-OLD-REFINARY

    MAB-OLD-REFINARY بـترولـي جـديـد

    18
    0
    0
    الصراحه انا مو موافق لانه دوام الصبح 12 ساعه و اذا صار رمضان و ارمضان السنه اليايه راح يكون في الصيف يا سلااااااام 12 ساعه و دوامك صبح و في رمضااااااان يا حلاوه و جنه مو لك ريليفك يعطيها سك او مرضيه يا حبيييييييييييييييبي وشكرااااااااااااااا
     
  19. ali_85

    ali_85 بـترولـي نشيط جدا

    419
    0
    0
    في هالحاله اتيب واحد من بره والله يخلي الهنوود وانت اتروح بيتكم
     
  20. وردة حيدر

    وردة حيدر بـترولـي مميز

    759
    0
    0
    PG Student - Oil Worker
    "الديرة"
    الروح تبي الروح

    أنا أؤيد بس في حالة الموظف لما يطلع 10 أيام إجازة أو حتى لو الأربع أيام أوف يستغلها و يونس نفسه مع أهله.. و بالتحديد مرته و عياله إذا كان متزوج. لأن حرام الزوجة تقعد تنطر الأوف مال ريلها تبي تغير جو معاه.. تلاقيه يا يقضي مصالح أهله ولا تغيير الجو عنده مع ربعه و بس و لا إذا يبي يتهرب ينام و "أنا تعبـــــــــــــان"......!!! ترى الأرواح تبي الأرواح و لازم الواحد يقدر مثل ما إحنا نقدر شغلكم و تعبكم:rolleyes:
     
جاري تحميل الصفحة...

مشاركة هذه الصفحة