معلومات عن دراسة الهندسة في الفلبين

الكاتب : بنت امها | المشاهدات : 624 | الردود : 4 | ‏11 يناير 2009
  1. بنت امها

    بنت امها بـترولـي جـديـد

    1
    0
    0
    السلام عليكم ورحمة الله وبركاتة

    شلونكم ان شاءالله بخير

    كثره السؤال عن الدراسة في الفلبين وبالخصوص الهندسه

    فحبيت اطرح لكم هالموضوع يعل وعسى ان افيدكم

    بالهندسة في جامعه فيساس في جزيره سيبو الفلبين

    وابدا لكم التفاصيل ::-

    ((مـدة الدراسة))

    شهادة الثانويه سواء ادبي او علمي :-مدة الدراسة للهندسه في جامعه فيساس تقريبا 4 سنوات
    شهادة الدبلوم تكنولوجيا -معهد الكهرباء والماء-اتصلات وملاحه-:-مدة الدراسة ما يقارب سنتين ونص


    ((التكلفة))

    كل كورس التسجيل 200 دويلا((50 دينار حسب سعر الصرف))+المواد 19000 الف بيسو ((120 دينار حسب سعر الصرف)) تقريبا كامل السعر 180 دينار بالكثير

    ((الذهاب اليها))

    شهر 3 وشهر 5 وشهر 10

    وبكل شهر تقعد مايقارب 15 الي 20 يوم بالكثير علما بان شهر 5 اختياري ((صيفي))

    ((للغه الدراسة))

    اللغه الانجليزي

    ((كيفيه التسجيل))

    تحجز تذكرتك عن طريق الخطوط الجويه القطريه لان تطير من الكويت الي قطر ومن قطر الي سيبو مباشره وتكلفه التذكره 253 دينار وتركب التاكسي وتقول له دبلومات هوتيل سعر الليله 6 دنانير ومن باجر الصبح تركب التكسي وتقول له ودني u v calon يو في كالون او جامعه فيساس وتجي الجامعه وتصعد الدور الثالث وتذهب مباشره عند مكتب مام جوديف المسؤله عن الطلبه الاجانب وتعطيها صوره شهادتك وصوره جوازك وتقول لها بسجل هندسه مثال بسجل هندسه ميكانيكه وتقول لك باقي الاجرائات وتعود الي ارض الوطن


    ((ملاحظة هامه - يكون عندك للغه شوي انجليزيه للتفاهم ))

    او عن طريق احدى المكاتب

    مكاتب يسجل 1000 دينار

    مكتب يسجل 750 دينار

    مكتب يسجل 500 دينار

    واحذر من جشع المكاتب :D



    .................................................. ..........

    ((مستوى المعيشه))

    6 دنانير لليله الفندق واذا انت ورفيجك 3 دنانير

    الاكل مكدولندز مطعم ايراني في مجمع تسوق((جمعيه كبيره او سوبر ماركت قريب من الفندق)) او جيب اكلك معاك واطبخ

    ((الامان))

    جيد جدا بالمنطقه اذا كنت تبتعد عن الاماكن المشبهوهه

    ((الاعتراف))

    لحد اللان معترف فيها من قبل التعليم العالي الكويتي


    وارجو من الله اكون افدتكم ولو بالقليل من خلال طرحي لكم هالتقرير
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    مشكوره يا بنت امها والله لا يحرمج الاجر على هالنصايح القيمه لاخوانا الي بيكملون فيها
     
  3. المنجنيقي

    المنجنيقي بـترولـي خـاص

    1,966
    0
    36
    مشكوره والله يعطيج العافيه لأنج نورتي الأخوان والأخوات إللي بيروحون الفلبين للدراسه

    والشرح وافي يا وافيه
     
  4. مشكوووووووره ياقلبي ع الإفاده والعلومات

    انا بسجل وبصراحه خفت منها يقولون ماكو أمان هل هالشي صحيح ؟؟

    وبسألج باب التسجيل لي متى مفتوح

    انا معاي دبلوم بكمل الهندسه بإذن الله

    بس فيها دراسه او خرابيط :p

    وجزاج الله خير
     
  5. Plant

    Plant بـترولـي نشيط

    130
    0
    0
    يعطيج العافيه وماتقصرين

    وانا اعرف واحد ايصير حاجز وخالص ومسجل فيها وشهر 3 بيروح وصدمني وقالي انهم اهما كلهم 12 واحد بالطياره يعرفون بعض وكلهم ويا بعض يعني حلوه لو تروحون قروب وناسه ودراسه وهمن عالاقل اكو ناس وياكم تعرفونهم
     
جاري تحميل الصفحة...

مشاركة هذه الصفحة