في حاجه غلط بنظام التذاكر

الكاتب : فرناس | المشاهدات : 1,393 | الردود : 13 | ‏10 يناير 2009
  1. فرناس

    فرناس بـترولـي نشيط جدا

    183
    0
    0
    يا جماعه والله مايصير عيالك وخاصة البنات اللي يبلغ فيهم 19 سنه تقطع الشركه عنهم التذكره ليييش يا يبه ليش لو قلنا ان الولد يعني بيشتغل وكذا وبيستقل بنفسه مثلا بهالسن ماشي اقطعوه مع انه المفروض بعد ما تنقطع تذكرته الا لما يشتغل او يبلغ سن اكبر شويه مثلا ليما 26 على الاقل لكن الحين البنت اهي عندك في البيت ياخي افترض انها ما اشتغلت ولا تزوجت وانت ابوها وتكد عليها وترعاها ابي افهم ليش الشركه تقطع التذكره عنها والله ماني فاهم واشوف انه في شي غلط بهالقانون ولازم يتصلح وباسرع وقت
    ارجو المشاركه وابداء الراي بهالموضوع ولا يقول واحد منكم تو الناس وانا عيالي صغار وليما الحين ما جاني الدور لا اذكرك بكرا بيكبرون وبتوهق مثلنا وبتحس بالظلم اللي نحس فيه احنا الحين
    وعلى فكره انا اتكلم على نظام التذاكر بالبترول الوطنيه واظنه نفس الشي بالشركات الثانيه
     
  2. عبدالله

    عبدالله بـترولـي نشيط

    110
    0
    0
    Q8
    انا نزلولي التذكره جان انصدم... :(

    229.050 دينار وخمسين فلس ...؟؟؟؟؟؟؟


    أموت واعرف الخمسين هذي شلون حسبتوها ؟؟!! والله جمبزه صج
     
  3. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    نفس الكلام يا فرناس حصل في شركة نفط الكويت و بصراحة الشيء محير
     
  4. المنجنيقي

    المنجنيقي بـترولـي خـاص

    1,966
    0
    36
    با بن الحلال خلها على الله


    نص القوانين إذا مو ثلاث أرباعها غلط * غلط


    والقوانين إللي صح ومن صالح الموضفين ما يطبقونها

    والله ياجماعه أني منقهر , القطاع النفطي فيه فساد وبوق بمئات الألاف محد يدري عنه

    ومافي أحد يحاسبهم وحنا يا الموضفين يحاسبونا على كل شي حتى لو تاخرت 5 دقايق أخصموا من راتبك


    أيييييييييييييييييييييه والله حاله
     
  5. المنجنيقي

    المنجنيقي بـترولـي خـاص

    1,966
    0
    36
    شفيك أنت ما تعرف سوالفهم


    يعني يبون يبينون لك أنهم أمناء حتى الخمسين فلس ما يرضون أنهم ياخذونها منك


    عليك بالعافيه أخوي عبدالله الــ 229,050 دينار "" أهم شي الـ 50 فلس ""
    :D
     
  6. ام ريما

    ام ريما بـترولـي مميز

    يامعود خلها على الله انا بنتي السنة اللي طافت نزلولها 250 مع ان عمرها كان سنه والحين لما صار عمرها سنتين بتاريخ 3/1 نزلولها 40 دينار فهمني والله دايخين مااااااااااااااايصير جذي ظلم حسبي الله عليهم حرااااااااااااااااااااااااااااااااميه
     
  7. atlas

    atlas بـترولـي نشيط جدا

    169
    0
    0
    والله مو بس حاجه غلط الا والله فيه حاجات غلط في نظام التذاكر وحسبتها وقيمتها

    ومنها ان الاجنبي يعطى تذكره لديرته حتى لو كان في اخر الدنيا في امريكا او اليابان

    واحنا احشرونا بتذكرة القاهره يا جماعه ما يصير ولا فيها عدل ولا مساواه

    وبعدين ليش يلغون الابناء بصراحه لازم الاتحاد والنقابات يكون لها موقف في هالموضوع

    خلاص دام بنتك او ولدك عندك ما استقلوا عنك لاي سبب من الاسباب يصرف كل شي الخمسين دينار والتذاكر

    والعلاج بعد شنو يعني كل ما اطول في الشركه واخدمها ويصير عندي خبره تفيد العمل يكافؤوني بخصم علاوات

    عيالي صج والله خرابيط وتخبيط وسياسه خاطئه وكأنهم يبون يطفشونا وينحشونا
     
  8. mubarak989

    mubarak989 بـترولـي نشيط جدا

    222
    18
    18
    اعتقد لازم يكون هناك دور للنقابة بتغير بعض القوانين الخاصة بالامتيازات لان مو معقولة امتيازات وبعدين تنشال من عندنا لان البنت وصلت 19 او الولد23
     
  9. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    محاسبيا
    ابي
    تدري شلون العدل
    انه هناك averge للتذاكر علشان يكون هناك عدل بين الاجانب والكويتين
    بمعنى اعلى مبلغ يحصل عليه الاجنبي اضافه تذكرة حق القاهره مقسووم على 2
    ويطلع مبلغ اعتبره راح يكون عادل للجميع
    وخصوص خصم التذاكر من الموظف يمكن لاستقلالية الابناء
    بس اعتقد العمر مو مقياس للاستقلاليه يمكن لو تنشال من توظف الابناء دون وضع عمر معين هنا يكمن العدل
    يجب تحرك الاخوان لوضع الحلول واختيار الافضل للجميع حتى ما يكون هناك ظلم لفئه على الاخرى
     
  10. ALSERHAN

    ALSERHAN بـترولـي نشيط جدا

    باعكس التذاكر 100% والشركة ما قصرت بقرار النزول بهالوقت..
     
  11. Waluigi

    Waluigi بـترولـي مميز

    822
    0
    0
    امممممممممممم بترولي
    دول الضد
    وين نقابات الانجازات ما اسمع لهم حس
     
  12. FBI-

    FBI- بـترولـي جـديـد

    14
    0
    0
    ممكن اعرف متي نزلو التذاكر بالضبط
     
  13. Workers

    Workers إدارة المنتدى

    7,767
    30
    48
    ذكر
    الكويت
    مو حراميه يام ريما :)

    والحاله اللي صارت لج صارت لغيرج كانت الاجراءات كالتالي :

    دزو لهم كتب رسمية تبلغهم بخطأ في السستم وتم صرف قيمة تذاكر لأكبر من سنتين وهو ماكمل سنتين
    وانهم راح يخصمون المبلغ الزائد اللي استلمتيه بغير وجه حق بسبب خطأ في السستم
    ( السستم حسب للكل استحقاق كامل ) ياطيب هالسستم :)


    اعتقد ربعكم طنشو وقالو لاحقين عليها وقت نزول التذاكر القادمة وهذا هو اللي صار

    بصراحة احسن من بعض الناس اللي خصمو عليهم شهر 8 اللي طاف وعفست الميزانيه عندهم :eek:
     
  14. فرناس

    فرناس بـترولـي نشيط جدا

    183
    0
    0
    اشكر كل من شارك وساهم برايه واتمنى تدخل من الاتحاد والنقابات في هذا الموضوع المهم​
     
جاري تحميل الصفحة...

مشاركة هذه الصفحة