وين النقابة عن مشاكلنا ؟؟؟؟؟

السلام عليكم
اخوى ممكن افيدك بشى هل قدمت شكوى للنقابه ولا سعوا معك هذا اول شى تسويه وبعدين قيم النفابه اما انك ماقدمت شكوه للنقابه اشلون بيدرون الجماعه عن مشكلتك وانا معاك اذا ما وقفوا معك وانا مانى بالشركه ويلزم على النقابه رفع الظلم عن الموظفين والصراحه زينه

 

مشكور ياطويل العمر على الصراحه بس ياريت تقدم شكوى رسميه للنقابه تشرح فيه مشكلتك وتقول انت شنو الظلم الي ياك من الشركه وبعدين قول النقابه ماوقفت معاي!!. وثاني شي اتمنى منك تذكرلي شي واحد عن اي عضو بالنقابه خذا شي من الشركه له وماله داعي القذف من غير ادله ومقابلتنا الاخيره مع الرئيس التنفيذي وعد انه ماراح احد ينظر من الاخوان في الدفعه السادسه وثالثا اذا تبي تشوف موقف النقابه مع اخوانا بالدفعه السادسه ياريت تسأل ربعك بالدفعه عن مواقفنا. واخيرا ترى احنا وصلنا للنقابه عن طريق الجمعيه العموميه واحنا واجبنا نوقف مع عموم الجمعيه العموميه من غير استثناء ولك جزيل الشكر.

 

اخي الدفعه السادسه تقدم بشكوي رسميه للنقابه لكي تكون الشكوي رسميه وما راح يقصرون معاك.
في ملاحظه علي الكلام اللي كتبته اذا في واحد من مجلس ادارة النقابه وصل الي مصلحة عن طريق النقابة وهذا اشك في كلامك100% .

 

مساك الله بالخير ياايكويت1 مشكور على التعليق وانا اقصد المجلس الحالي واذا عندك شي نتمنى منك انك توضحه وتنورنا وترى مستحيل راح نزعل من الحق .ولك جزيل الشكر.

 

كلمة حق تنقال النقابه ماقصرت مع احد واكبر دليل وقفتها القويه بالزياده الاخيره والحمدالله كانت زياده غير متوقعه والله يعطيهم العافيه.

 

الاخ اللي نكك (الدفعه السادسه)..تقول وين النقابه عن مشاكلنا..أي مشاكل اللي انت تتكلم عنها؟؟!! يا أخي قول الحمد لله انت بخير ونعمه..وحالك افضل من غيرك بس انت محتاج لحظه تتأمل فيها وضعك وتقارنه مع أقرانك في القطاعات الاخرى وراح تعرف وتقول الحمد لله..واذا ماتبي النقابه تقول قابلنا المسئولين ووعدونا خير شتبي النقابه تقول؟؟!! يا أخي انت عندك نقابه العقل يطغى فيها على العاطفه وناس عقلانيين ويعرفون شلون يدافعون عن حقوق زملائهم..ونقابة ايكويت مايهمها الزخم الاعلامي والشعارات الرنانه اللي تدغدغ مشاعر الجمعيه العموميه..انما الانجازات والتطوير والمحافظه على حقوق العمال..والنقابه اقتصرت دورتكم على (9) شهور بدلا" من سنه..وتابعت برنامجكم التدريبي من اول لحظه قبل لاتعرف انت مع احترامي الشديد لك بوجود النقابه..واذا ممكن تذكر لنا نوع المصخره اللي انت عانيت منها مثل ماتفضلت..هذا بالاضافه لاثبات لكلامك او تهمتك للنقابه انهم لاهين بالمصالح الخاصه..وبالنسبه للنقابه القادمه اذا الله احيانا اتمنى من كل قلبي ان تهتم في مصالح جميع الزملاء دون استثناء .. ويالغالي اتحادنـا مكســــــــــــــــــــــــــــــــــــــــب لنا والنقابه مكســــــــــــــــــــــــــــــــب لك مو عليك صح؟...
وسامحني على الرد عليك بصراحه..

 

اخي العزيز الدفعة السادسة اما بعد...


لا تعصب وهدي اعصابك كثر ما تقدر و اذا كنت موقع عقدك فمبروك من كل قلبي و اذا بعدك ما وقعت اتمنى تشد حيلك و تبشرنا بتوقيع عقدك في القريب العاجل إنشاءالله


الدفعة السادسة في الشركة قاعدين يتعرضون لضغط نفسي كل يوم بسبب انهم يسمعون (و اركز على كلمة يسمعون ) كل يوم إنه في قرار جديد راح يتخذ في حقهم مثل

-سمعنا انه الشركة تقول انه اللي مايطوف إمتحان الانجليزي راح يعطونه مهله علشان يتحسن واذا ما تحسن راح ينفصل
-سمعنا انه الوحدة الفلانية كل شباب الدفعه السادسه فيها سحب منهم الاعترف بإجتياز إمتحان المنطقة (DECERTIFIED)
-سمعنا إنه ادارة إيكويت العليا بيتخذون قرار قوي عن الدفعة السادسة
-سمعنا انه الشركة موظفه ناس من الدفعة السادسة زيادة عن الحاجة
-سمعنا انه الشركة متضايقة من الدفعة السادسة لأنهم مسببين مشاكل في العمل
و يا كثر ما سمعنا و بنسمع ...

و لكن هل في شي أتخذته إدارة إيكويت العليا في حق الدفعة السادسة بشكل رسمي (يعني E-mail) ؟

الجواب : لأ

وانا اقولك و للدفعة السادسة كلها مو كل شي تسمعه تصدقه لانه اذا صدقت كل إشاعة راح تتعب نفسيتك خلال الدوام و يمكن بعد بره الدوام و يصير همك بس معرفة مصيرك في الشركة و راح تحس مثل ما إنته قلت الدفعة السادسة قاعدة تتمصخر كل يوم
و الدليل على صحة كلامي انه من تاريخ كتابتك هذا الموضوع إلى اليوم ما في اي قرار رسمي صدر بحق الدفعة السادسة يضر وضعها في الشركة (أنا قاعد أتكلم عن كل الدفعة السادسة اللي على الأقل منضبطين بمواعيد الدوام الرسمية)

و لازم تحط براسك شي واحد ألا و هو : انه انته في شركة تهتم بالE-mail وتعتبر كل ما يحتويه مستند رسمي
فلا تفكر كثير و إستمتع بوقتك و مافي إلا الخير إنشاءالله و أبشرك الخير جدام كثير




أخي العزيز العنيد اما بعد...

ياخوك لا تجي كلك (هذي كلمة يقولها المشروه عليه للي يشره عليه بدون لا يتعرف على الاسباب)

أنا ما اعرف اذا كنت انته من اعضاء النقابة ولا لأ فبكلا الحالتين لك كل إحترام و تقدير

و هم النقابة لها كل إحترام و تقدير بسبب المجهود اللي إبذلوه في الفترة الاخيرة و إقدروا ياخذون كلمة من إدارة إيكويت بعدم حدوث أي فصل تعسفي على الدفعة السادسة كما شاهدنا في النشرة الموزعة في الشركة و هذا بحد ذاته يعتبر تطمين

يا نقابة الشركة نبي منكم بعد ما طمنتونا...

انكم تطلبون من الشركة إعلان ثقتها بالدفعة السادسة اللي موقعين (علشان يشتغلون و أهمه يدرون انه النقابة والشركة مرتاحين من أدائهم في الشغل) و تشجيعها لشباب الدفعة السادسة اللي مو موقعين (علشان يشدون حيلهم و يخلصون مناطقهم و أهمه حاسين انه النقابة و الشركة واقفين في صفهم)


و لكم مني كل الشكر

 

ههههه آنا بصراحة بعيد عن موضوع الدفعة السادسة بس حبيت أضيف تعليق بسيط اللي هو أن الواحد أذا كان مضبوط بساعات العمل الرسمية وآدائه بالشغل ممتاز ومتابع البروسيجر وقواع السلامة الصناعية (السيفتي) لا يخاف إلا من الله هذا أولا وثانيا وهو الأهم ضحكني الأخ العنيد بآخر تعليقة اللي هو

ويالغالي اتحادنـا مكســــــــــــــــــــــــــــــــــــــــب لنا والنقابه مكســــــــــــــــــــــــــــــــب لك مو عليك صح؟...

الظاهر أنه مكسبي من قلب عموما والنعم بأهل المكسب والناس الثانية اللي ماحالفها الحظ والشهادة لله من عرفنا الناس اللي بالنقابة وأهم يشتغلون بذمة وضمير وماعمرهم ألتهوا بمشاغلهم الخاصة مثل ما تفضل أخوي اللي نكة الدفعة السادسة مع إحترامي لك أخوي الدفعة السادسة أنت قلت بنفسك أني موظف جديد يعني أنت جديد على الشركة وماتدري عن النقابة ولا عن إنجازاتها يعني أنت للحين جديد علينا وآنا أعتقد أنك تسمع من الطبقة المغرضة من بعض الموظفين الله يسامحهم اللي ماهمهم إلا الحش والسوالف فماله داعي أنك ترمي التهم جزافا بدون دليل قاطع وأحنا يالدقدم نعرف نقابتنا والناس اللي اشتغلوا فيها من تأسست وعلى قولة القايل (كلنا عيال قرية وكل يعرف أخية) وأخيرا مرحبا بعموم أخواننا من الدفعة السادسة.

 

يا الدفعه السادسه احمد ربك وامسك دوامك وشد حيلك
والله العظيم انها مرت علينا فترات لو تمر فيها كان بكيت والنقابه ذاك الوقت....
ولا اقول خلني ساكت احسن.