تذاكر سفر أزواجنا وعيالنا

الكاتب : أميرة الرقه والذوق | المشاهدات : 847 | الردود : 8 | ‏7 يناير 2009
  1. أميرة الرقه والذوق

    أميرة الرقه والذوق بـترولـي نشيط جدا

    287
    0
    0
    صباح الخير لإعضاء المنتدى

    بصراحه موضوعي شوي خاص بالنساء وتقدرون يالرياييل تردون

    طبعا احنا موظفات متزوجات وعندنا عيال ومثل ما الكل عارف انه التذاكر نزلت بالحساب لكن الحريم مانزلت لهم تذاكر ازواجهم ولا عيالهم ويقولون انه مانزلت بالسيستم طيب ليش قلتوا لنا ييبوا اوراقكم علشان تنزل لكم مع تذاكركم وطبعا لما اتصلت على المحاسبه قالوا موموجوده بياناتج عندنا بكل صراحه حسيت اني داخله مستوصف مو شركة بترول معتمده عليها ديره بكبرها

    والحين امورنا معلقه والسبب يدورون بياناتنا بذمتكم هذي حاله
     
  2. Export_Doc's

    Export_Doc's بـترولـي خـاص أعضاء الشرف

    2,561
    0
    0
    اختي كل البيانات موجوده بمجرد التواصل معه وزارة الداخلية او وزارة الصحة كل شي بس يبون الشي جاهز لهم ما يتعبون روحهم اشوي
     
  3. الجوهرة

    الجوهرة بـترولـي خـاص أعضاء الشرف

    3,136
    1
    0
    إي والله وإنتي صاجة معطينهم اللأوراق من قبل شهرين يوم يه موعد تاريخ الصرف وإلا إنتفاجئ بصرف التذاكر فقط للموظفة من غير الزوج ولا الأطفال تخيلي توهم يعبون البيانات للأسف هذا شغل شركتنا المصونة
     
  4. المحترف33

    المحترف33 بـترولـي مميز

    676
    0
    0
    اهم شي انهم وافقوا علي منح الزوج والعيال التذاكر

    يعني كلله ايام وتنزل لكم تفائلوا باالخير والصبر جميل

    ومبروكين بس عاد اهم شي تسفرون ازواجكم وعيالكم

    مو تخشونها وماتعلمون
     
  5. الجوهرة

    الجوهرة بـترولـي خـاص أعضاء الشرف

    3,136
    1
    0
    لووووووووووووول يا المحترف ضحكتني:p إتصدق عاد كل سنة يسوون جذيه ما أدري ليش وكل سنة نجيب شهادة راتب أو كتاب لمن يهمه الأمر يفيد بأن الزوج لا يستحق تذاكر ....السؤال التأخير ليش ما أدري؟؟؟؟؟؟؟


    على فكرة إختي أميرة الرقة والذوق مؤسسة البترول الكويتية إصرفوا لهم من يوم الأحد للموظفة مع زوجها وعيالها إسوة بالموظفين أما إحنا ؟؟؟؟؟؟؟؟؟؟؟
     
  6. أميرة الرقه والذوق

    أميرة الرقه والذوق بـترولـي نشيط جدا

    287
    0
    0
    اكسبورت
    اي والله وانت الصاج ندزهم دز علشان يشتغلون

    الجوهره الله يعينا على مابلانا وياليتهم يتعضون من ال kpc او يشتغلون مثلهم

    المحترف عاد انتوا ماشاء الله عليكم مو مقصرين بالدوااووين كل امور الشركه عند ازواجنا بعض المرات اكتشف ميزات اهوا يدري عنها وانا خبر خيرررر لاتحاتي مايتغبى عنهم شي لووووووووول
     
  7. يوفنتوس023

    يوفنتوس023 بـترولـي نشيط جدا

    285
    0
    0
    عطوني نصهم وما اعلم رياييلكم واذا على قوانين الشركه لا نطروا 20 سنه بس
     
  8. الحره

    الحره بـترولـي جـديـد

    24
    0
    0
    الله يهداك 20 سنه فال الله ولا فالك لا بيعطونا انشاء عن قريب وكامله بدون نقصان او نص بنص
     
  9. يوفنتوس023

    يوفنتوس023 بـترولـي نشيط جدا

    285
    0
    0
    راح تاخذون بس النص والنص الثاني بحسابي
     
جاري تحميل الصفحة...

مشاركة هذه الصفحة