●♥♥ فكرة الغير .. عن ديرة الخير ♥♥●

الكاتب : غيوم | المشاهدات : 721 | الردود : 12 | ‏7 يناير 2009
  1. غيوم

    غيوم بـترولـي خـاص أعضاء الشرف

    7,298
    1
    0
    [​IMG]

    و أنا أتصفح بالنت .. لقيت موضوع من أخ سعودي عن زيارته لديرتنا الحبيبه الكويت
    و بصراحة بالبدايه ضااق خلقي .. لمه شفت الفكرة اللي ماخذينهاا عن الكويت الحبيبة .. بسبب هالمسلسلات اللي شوهت صورتنا
    لكن ... الحمدلله و الشكر له .. ان فكرته عنها تغيرت بعد زيارته لنا و احتكاكه بأهل الكويت الطيبين .. و الحلو انه كاتب كل شي حلو عن الديره و حاط صور حلوه بعد .. و تمنى زيارة الكويت مره ثانيه


    [​IMG]

    و هذا اللي كاتبه

    السلام عليكم و رحمة الله و بركاته

    و كل عام وانت بخير و أهل الكويت إن شاء الله بخير

    في البداية و الله الاخوان ما قصروا معي في نصائحهم كان رحلتي ميسره و الفضل لله
    ثم لهذا المنتدى و أعضاءه اللي ما قصروا في اي استفسار اسئلهم عنه و بصراحة انا
    و زوجتي كنا مأخذين فكره عن دولة الكويت و عن الشعب الكويتي سيئه جداً لكن و الله
    تغيرت النظره 180 درجه من كثر ما شفنا و سمعنا كن نتوقع شعب سيء الاخلاق من
    ( تأثير المسلسلات ) لكن و الله شفت شعب قمة في الاخلاق صغير كان أو كبير


    و لكم الامثله

    الموقف الأول:- كنت انا و زوجتي نبحث عن محل تفصيل جلابيات وقفنا عند محل بالقرب من سوق المباركية
    ( اعلمكم اني اعرف الاسواق ) و كان فيه حرمه كبيره شوي في السن فقلت لزوجتي اسئليها
    عن المحلات الزينه فقالت الحرمه ( معنى الحرمه : أي المرءه و لكن قراوى السعوديه ينطقونه هكذا )
    فقالت انا الحين اخلص اللي في يدي و أجي أدلكم بنفسي !!!!!!!!!!!!!!!!!!!!!!!!!!!


    [​IMG]

    الموقف الثاني:- كنت الصباح ادور محل اجهزة الكترونيات ودخلت محل و سئلتهم قال واحد في المحل
    لحظه انا ابخذ الاغراض و أجي معك اوريك المحلات انت مو من السعودية قلت له لا بس دلني و أنا اروح
    لزم الا يجي معي و قعدت الف انا وياه الاسواق لمدة ساعتين و بعدها كان عنده محاظرة و كان امام مسجد
    و لزم الا اجي عنده في البيت انا و زوجتي و اعطاني ارقام تليفوناته و في اخر شي قال انا صايم !!!!!!


    [​IMG]

    الموقف الثالث:- لما جيت اطلع للسعودية وقفت عند الاشارة و سألت صاحب السيارة وين الطريق قال
    صف على جنب عشان ادلك و الرجال ما قصر كل شوي يقول الا اوديك الطريق و ارجع و انا اقوله لا انت
    بس وصف لي الطريق و انا ادل و الله ما قصر لزم اخذ تلفونه يمكن اضيع و لا شي !!!!!!!!!!!!!


    بصراحة ما كنت اتوقع شعب بهذه الاخلاق العاليه و يفرحون انهم يقدمون لك خدمة
    و الله رجعت و انا اتذكر حديث الرسول صلى الله عليه و سلم ( لا تحقرٍ من المعروف شيء
    و لو أن تلقى اخاك بوجهً طلق ) و الله اعلم




    و هذا الموضوع كان سنة 2005

    و بالصدفه شفت بتوقيعه كاتب (رحلتي انا و العالِم) الى الكويت حبيبة العالم

    و شفت موضوع حلو .. عن شوقه للكويت و رحلته مع صديقه اللي نكه (العالِم)

    و حاط صور و مستانسين على الكويت

    الزبده : ان الناس دايماً ماخذين عنا فكرة مو زينه

    انا انقهر اذا سمعت أي أحد يذم الكويت و أهلها

    لي متى يشوهون صورتنا

    المسلسلات ..

    البلوتوث ...

    المجلات ..


    والله الكويت أحلى بلد .. و اهلها خوش ناس و لله الحمد

    لو بيدي أمسك إنسان إنسان و أكلمه عن الكويت و أهلها و ناسها



    يارب تحفظ الكويت و شعبها

    [​IMG]

    [​IMG]

    [​IMG]

    [​IMG]
     
  2. Export_Doc's

    Export_Doc's بـترولـي خـاص أعضاء الشرف

    2,561
    0
    0
    كلامج عدل اخت غيوم هذول ما يبون مصلحة الديره هذول يهمهم الفلوس و بس على حساب سمعة اهلهم و ديرتهم و تسلمين عزيزتي على الموضوع المفيد
     
  3. رحال

    رحال بـترولـي مميز

    586
    0
    0
    سيدة المكان ... سيدتي " غيوم "

    اسمحي لي أقف احتراماً بمتصفحك وأحييك من صميم قلبي لما نقلتِ لنا ...

    الصراحه ... فعلاً أن النقل الذي يدور في المسلسلات أحط من قدر أهل الكويت (لا حول ولا قوة إلا بالله) وأصبحت النظرة لنا دونيه للأسف بسبب ما تفضلتي بأن الربحية التجارية أصبحت فوق كل الاعتبارات الدينية والعادات والتقاليد للأسف ...

    حقيقة ...

    أهل الكويت انعرفوا من قديم الزمان بكرمهم وحسن ضيافتهم للجميع سواء على النطاق الخليجي أو العربي أو حتى الغربي ... فهم شعب أهل ( نخوه ) و ( فزعه ) ... لكن للأسف بعض الجرثمه التي فرضت نفسها على التلفاز بسيناريوهات منحطه تبرر نفسها بأن هذا واقعنا ونحن بعيدين كل البعد عن ذلك الواقع الذي يعيشه من كتبه ...

    لا ننكر ...

    بأن هناك فئة ضالة وشاذه في كل مجتمع وليس فقط بالمجتمع الكويتي ... ولكن هناك سياسة ( الستر ) والتحفظ عليها لأنها تمس واجهة وأخلاق البلد ... نسمع عن مغامرات وأمور فاحشه تدور في كثير من البلدان ( دون ذكر أسامي ) ولكن لا تنقلها سواء كان النقل عن طريق الفضائيات أو الإذاعه ... هناك تحفظ لصون كرامة الدولة أولاً وكرامة الشعب ثانياً حتى لا تتشهوه الصورة والمنظور العام ...

    سيدتي ...

    سلمت يداكِ لما نقلتِ وبارك الله فيكِ وأتمنى من الجميع أن يقتدوا بتلك ( الغيرة ) المتأصلة بشخصكِ الكريم على دولتنا الحبيبة " الكويت " ...

    احترامي .. والسموحه على الإطالة
     
  4. غيوم

    غيوم بـترولـي خـاص أعضاء الشرف

    7,298
    1
    0
    الله يسلمك من كل شر أخوي " بو محمد "

    أشكر مرورك الكريم

    تحياتي لك
     
  5. غيوم

    غيوم بـترولـي خـاص أعضاء الشرف

    7,298
    1
    0
    " رحال "

    إحنا الحمدلله الكل يشهد لنا بأخلاقنا و طيبتنا و اللي يجي الكويت ينبهر بأهل الكويت

    بس المسلسلات بأخر فتره وايد خربت سمعتنا و مع الأسف اللي يكتبون هالمسلسلات كويتين

    يعني بدال ما يطلعونا بأحسن صورة ينبشون ع سوالف مادري من وين اللي أنا نفسي بحياتي ماشفتها عندنا

    لإزم كل شخص فينا يكون فيه غيرة على ديرته و من واجبنا إن نعطي هالانطباع للناس خارج الكويت سواء بسفرنا و لا على أرضنا.

    الكويت و أهلها مافي نفسهم

    و الله بحفظنا و يحفظ ديرتنا و كل دول الخليج و يبعد عنا كل من يحاول يشوه سمعتنا

    " رحال "

    تسعدني دايما بتواجدك بين سطوري و بكلمات الرائعة

    أرق التحايا لك
     
  6. GEO.2

    GEO.2 بـترولـي نشيط

    96
    0
    0
    الاخوان والخوات كفو ووفو وردو احلى ردود

    تقبل مروري
     
  7. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    والله الكويت أحلى بلد .. و اهلها خوش ناس و لله الحمد

    يارب تحفظ الكويت و شعبها


    مشكووره يا غيوم
     
  8. الكويت احلى بلد

    وشعبها قلبه نظيف وطيب

    ولا يعرف الحقد واكبر دليل تأثرنا بأحداث غزه الاخيره رغم وقوفهم ضدنا ايام الغزو <<دليل على قلوبنا الطيبه إلي ماتشيل على احد

    الله يعطيج العافيه ودائما رائعه بكلامج :)

    تقبلي ودي

    المخمليه
     
  9. غيوم

    غيوم بـترولـي خـاص أعضاء الشرف

    7,298
    1
    0
  10. NokiaCity

    NokiaCity بـترولـي نشيط جدا

    يعطيج العافية اخت غيوم على النقل الجميل للي قاله الاخ عن الكويت

    لكن انا اللي ملاحظه مادري ليش اخواننا الشعب السعودي دايما هذي فكرتهم عن الكويت و شعبها و هذا طبعا اغلب شي مثل ما ذكرتي تأثير المسلسلات بس الواقع اكيد شي ثاني وماكو مثل طيبة و اخلاق شعب الكويت

    والشعب السعودي حبايبنا ونعزهم و لهم مكانه كبيره بقلوبنا لكن هذا الواقع و من تجربة شخصية وايد سعوديين عرفتهم بالنت يقولون انت بأخلاقك و طيبتك غيرت فكرتنا عن الشعب الكويتي بصراحه و لما سالتهم ليش صارحوني بشعور اغلب شعبهم ناحية الكويت بس طبعا ما نقول الكل في سعوديين حبايب و اخوان وفاهمين و واعين ان الواقع شي و المسلسلات شي ثاني ..

    اسف عالاطاله و اتمنى دوم العلاقة الطيبه و المحبة تسود بين الشعبين و خليجنا واحد و شعبنا واحد;)


    تقبلوا تحياتي
     
  11. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    الكــويت طـول عمـرها بـلد خيـر وشعبـها فيـهم الخيـر

    لاهنتـي عزيزتي غيـوم
     
  12. غيوم

    غيوم بـترولـي خـاص أعضاء الشرف

    7,298
    1
    0
  13. Me2

    Me2 بـترولـي نشيط جدا

    189
    0
    0
    اممممم !!
    الاحمـــدي سيتي

    يعطيج العافيه اختي على هالموضوع الحلو ..

    وانا مثلج فيني غيره على ديرتي الكويت ..

    وماحب نظرات الدول الثانيه لها .. مع ان احنا دوله معطاءه تحب الخير

    قلوبنا طيبه .. ونشيل الغريب بعيونا ونعتبره قريب ..

    والدليل ان احنا وقفنا مع وايد دول .. بالاخر وقفت ضدنا .. وردينا هم وقفنا معاهم ..

    رغم الكلام والافعال اللي وصلت لنا منهم ..

    وصدقيني اللي غير صورة الكويت مو الكويتيين ,, بل "الدخلاء" على الكويت ..

    اللي قاعدين يحاولون يشوهون صورتنا بشتى الطرق .. والدليل بعض المسلسلات الهابطة ..


    الكويت غاليه وشعبها الاصيل غالي ..

    مشكوره غيوم على هالموضوع الحلو ,, مو شي يديد ان مواضيعج كلها حلوه :)
     
جاري تحميل الصفحة...

مشاركة هذه الصفحة