استفسار لاهل الخبره ارجوا الرد

الكاتب : asadeq | المشاهدات : 416 | الردود : 4 | ‏4 يناير 2009
  1. asadeq

    asadeq بـترولـي جـديـد

    3
    0
    0
    السلام عليكم

    عندي استفسار وارجوا الرد عليه ممن لديه العلم

    انا شاب كنت من فئه البدون ومن مواليد الكويت وقبل ما يقارب الخمس سنوات عدلت من وضعي واستخرجت جنسيه ايرانيه .... طبعا انا قبل ما كنت اقدر اكمل دراستي انا الحين درست وتخرجت من الجامعه العربيه تخصص اداره اعمال

    وكنت طول الفتره اللي طافت اعمل وادرس في نفس الوقت في احدي شركات الاستثمار وخبره عمل تقارب السبع سنوات في مجال تقنيه المعلومات

    للاسف بسبب الازمه الماليه الشركه مؤخرا استغنت عن خدماتي ... الحمد لله على كل حال

    اللي ابي استفسر عنه هو اني ابي اشتغل في اي جهه في القطاع النفطي .... استفساراتي هي


    اولا شلون اقدم ووين ؟؟؟
    ثانيا هل هناك جنسيه معنيه بالتوظيف (يعني جنستي ايراني حاليا هل هي مقبوله)؟؟؟؟
    ثالثا ان كانت هناك اي طرق اخرى للتوظيف ارجوا افادتي بها حيث اني بامس الحاجة الى العمل ؟؟؟؟


    شاكر لكم اهتمامكم
     
  2. المنجنيقي

    المنجنيقي بـترولـي خـاص

    1,966
    0
    36
    الله يوفقك ويرزقك بالعمل بالقطاع النفطي

    وننتظر الأخوان والأخوات للي عندهم خبره بالأجابه على سؤالك
     
  3. طموحة

    طموحة بـترولـي نشيط

    130
    0
    0
    الله يوفقك ان شاء الله و يرزقك الوظيفة الزينة .. و الله ما عندي فكرة عن سؤالك

    بس عندك البنوك بعد يبون تخصصك و ما يهم عندهم الجنسية .. روح بنك اسلامي ابرك و احسن من البنوك الباقية :)

    موفق ان شاء الله
     
  4. khaled85

    khaled85 بـترولـي نشيط

    91
    0
    0
    والله شوف ياخوي انت تخصصك ممتاز وعندك خبرة ومثل ما قالت الاخت طموحة روح البنوك بس على فكرة البنوك كرف يعني عادي اتداوم الساعه 7 ونص الصبح وتطلع الساعه 10 بالليل انا كنت اشتغل باحد البنوك مو اسلامي بس صج كرف مع اني كنت Part Time اداوم العصر واطلع الساعه 10 :)
    اذا انت امفكر بالبنوك احب اقولك قبل لا تروح ان غلطة الشاطر عندهم بألف يعني يفنشونك عادي واهم شي عندهم العملاء اما انت كموظف حقك ضايع ومن ناحية الراتب ابشر بالخير :)
     
  5. asadeq

    asadeq بـترولـي جـديـد

    3
    0
    0
    السلام عليكم


    اخواني اللي ردو على كل الشكر لكم على الرد وعلى الدعاء الطيب والله ان هذا اللي احتاجه الله يوفق الجميع يارب

    والله يا اخوال ن انا حاليا مع الاوضاع اللي امر فيها ان اشتغل في اي مجال والسبب لان انا عندي عايله اب ام وزوجه وبنت -- دعواتكم الطيبه


    المهم انا تقدمت على العمل في هذا القطاع وهو بالنسبه لي واحد من القطاعات المفضله اللي ودي ان اعمل فيها

    لكم الى الان محد جاوبني عن استفساراتي فياريت احد يساعد ويتجاوب معاي بخصوص :

    اولا بخصوص التقدم للعمل في اي من قطاعات النفط وشركاتها -- ووين زشلون اتقدم على العمل ؟؟؟
    ثانيا هل هناك جنسيه معنيه بالتوظيف (يعني جنستي ايراني حاليا هل هي مقبوله)؟؟؟؟

    ولكم مني كل الشكر
     
جاري تحميل الصفحة...

مشاركة هذه الصفحة