أفيدونا يا العاملين بالوفرة

الكاتب : F_16 | المشاهدات : 1,568 | الردود : 16 | ‏31 ديسمبر 2008
  1. F_16

    F_16 بـترولـي نشيط

    79
    0
    0
    السلام عليكم ورحمة الله وبركاته

    أخواني الافاضل عندي استفسار وارجو الافاده وجزاكم الله خير


    بغيت اعرف هل المهندسين بالوفرة يداومون شفتات ام صباحي ؟؟

    ومن اي قريد تصرف للمهندس سياره وشنو نوعها ؟؟

    والله يعطيكم العافيه
     
  2. F_16

    F_16 بـترولـي نشيط

    79
    0
    0
    لاحول ولا قوة الا بالله

    58 مشاهده مقابل ولا رد على الموضوع ؟!!!؟

    بصراحه شغله تحيير وتصيب الواحد بالاحباط

    ماقصرتو ياجماعة الخير

    والسلام عليكم
     
  3. sporty196

    sporty196 بـترولـي نشيط

    105
    0
    0
    الوفرة طال عمرك حالها حال كل الشركات التابعة للمؤسسة .... سيارة حق جريد 16 و فوق و بالنسبة حق مهندسين الحقول الدوام حسب الدائرة ... في شفتات و في صباحي ... السيارة حسب طبيعة العمل ... في مهندسين صار لهم 10 سنين و مالهم سيارات (لازم تعرض الموافقة حق كل سيارة على لجنة العمليات المشتركة العليا) .... اللي مهندس و عمله يستحق سيارة يعطونه على جريد 14 مع خصم بدل الانتقال طال عمرك ....
     
  4. F_16

    F_16 بـترولـي نشيط

    79
    0
    0
    بيض الله وجهك اخوي سبورتي على الرد

    ماقلت لي ياخوي اللي قريده 16 شنو نوع السياره اللي ياخذها (جيب ولا ماركيز) ؟

    وبصير طماع شوي بس الله لايحرمك الاجر ان شاء الله تقدر طال عمرك تعطيني فكره عن طبيعة العمل بالوفرة والحقول ؟؟ وشلون تقسيمة الدوائر بالوفره ؟؟ لاني اشتغل بالمصافي وماعرف شلون تقسيمة العمل بالحقول ؟؟

    انت تقول اللي بالحقول حسب الدائرة ؟؟ كل حقل له دوائره والا الدوائر وحده لكل الحقول ؟؟

    والوفره كم حقل فيها ؟؟

    اتمنى تكون فهمت مطلبي ياالغالي واتمنى انك ماتبخل علينا بالرد


    وبارك الله فيك
     
  5. sporty196

    sporty196 بـترولـي نشيط

    105
    0
    0
    السيارات طال عمرك معظمها ماركيز ... اللي شغله يتطلب يدش براري ياخذ جيب ... الوفرة تقسيمتها
    المجموعات :
    العمليات (مرافق الانتاج - مركز التجميع الرئيسي - محطة انتاج و توزيع الكهرباء - محطة ضخ و حقن الماء)
    الحقول (ادارة حقل الوفرة - ادارة حقل ام قدير - الحفر - اصلاح الابار - ادارة المعلومات)
    الخدمات (التخطيط - شئون الموظفين - المحاسبة - It )
    المشاريع و المرافق (المشاريع - الانشاء - هندسة المرافق )
    الصيانة (صيانة ميكانيكية - صيانة كهربائية - تطوير الكفاءة التشغيلية)
    الامن و السلامة (الصحة و السلامة و البيئة - الاطفاء و الامن - كفاءة الاصول)
    مديرية الحقن بالبخار (ادارة العمليات - الادارة الهندسية)
    التوريد (المخازن - الشراء و اللوجستيات - العقود - الخدمات العامة)

    و الوفرة طال عمرك فيها حقلين رئيسيين (الوفرة و جنوب ام قدير ) و فيها حقلين صغار ... حقل الوفرة فيه 3 مكامن رئيسية تنتج 200.000 برميل نفط و تقريبا 900 بئر و ام قدير تقريبا 100 بئر ...
     
  6. F_16

    F_16 بـترولـي نشيط

    79
    0
    0
    يعجز اللسان عن شكرك ياالغالي

    عزالله انك كفيت ووفيت طال عمرك

    اخر طلب ياالشيخ

    مهندس قريد 16 هندسة كيميائية شنو افضل مكان تنصحه يروح له في الوفره يكون الدوام شفتات ومافي تعقيدات يعني طبيعة العمل مريحه لا مسؤوليه ولا دوخة راس

    ولك مني الشكر الجزيل
     
  7. sporty196

    sporty196 بـترولـي نشيط

    105
    0
    0
    اخوي السينيور (كبير مهندسين) ما يداوم شفتات و لا ياخذ اوفر تايم لانه سينيور و فيه تحته مهندسين ... كلهم صباحي ... و هندسة كيميائية عندك مرافق الانتاج - مركز التجميع الرئيسي - محطة ضخ و حقن الماء - المشاريع و اماكن اخرى .... بس صعبة انك تنتقل من برة الشركة لأن هذه المناصب عادة فيه من يستحقها من المهندسين ... فاذا مالك الا انه يكون التيم ليدر او المدير يحتاجك ! بس عموما بالتوفيق .... قبل كان التقديم بالوفرة مباشرة ... ما ادري شلون صار الحين
     
  8. F_16

    F_16 بـترولـي نشيط

    79
    0
    0
    افهم من كلامك ان المهندسين مايداومون شفتات ؟؟

    سمعت انه في شركة نفط الكويت فيه مهندسين يداومون شفتات واظن مسماهم كنترولر ؟

    ارجو التوضيح ...
     
  9. sporty196

    sporty196 بـترولـي نشيط

    105
    0
    0
    المهندسين (درجات 12-15) فيه منهم من يداوم شفتات و مسمياتهم تختلف من مهندس الى مشرف ... بس الدرجة 16 (كبير مهندسين او مشرف عام) اللي اهو تحت التيم ليدر على طول يداوم صباحي و يستلم تقارير الشفتات

    انا قصدت بكلمة "كلهم صباحي" عن درجة 16 اللي اهم السينيرية (كبار مهندسين و مشرفين عامين)
     
  10. F_16

    F_16 بـترولـي نشيط

    79
    0
    0
    يامل العافيه ياسبورتي ماقصرت وبيض الله وجهك

    بس متأكد ان قريد 16 مايداوم شفتات ؟؟

    اذا كنت متأكد فياخساره وبصراحه خاب ظني لاني اتمنى ادوام شفتات مليت من الصباحي :(

    وبعدين شلون العالم تداوم صباحي بالوفره !! الله يعينهم كل يوم صبح يطقون درب للوفره :(
     
  11. خليج النفط

    خليج النفط بـترولـي نشيط جدا

    179
    0
    0
    عيل شتقول للي يطقون درب للخفجي :)الله يعين الجميع
     
  12. خليج النفط

    خليج النفط بـترولـي نشيط جدا

    179
    0
    0
  13. خليج النفط

    خليج النفط بـترولـي نشيط جدا

    179
    0
    0
    وعسى الله يكتب الصالح لك ولأخوانك الموظفين
     
  14. F_16

    F_16 بـترولـي نشيط

    79
    0
    0
    الله يعين الجميع طال عمرك ليش ماتحول شفتات منها اكثر راتب واقل ايام روحه للخفجي ؟؟ او حول على الوفره ؟؟

    واله يرزقنا وياكم الخير وين ماكان
     
  15. F_16

    F_16 بـترولـي نشيط

    79
    0
    0
    دوام الصبح بالوفره من الساعه كم للساعه كم ؟؟

    وشلون نظام التحضير ؟؟
     
  16. NAIF

    NAIF بـترولـي جـديـد

    38
    0
    0
    فيه مهندسين يداومون شفتات بمركز التجميع الرئيسي ويتوظف بمركز سوبر فايزر مركز التجميع

    وعنده سياره . وفيه بعد صباحي بمركز التجميع الرئيسي
     
  17. wafra1990

    wafra1990 بـترولـي جـديـد

    37
    1
    8
    دوام الوفرة الصباحي من الساعة 7 صباحا إلى الساعة 3 عصرا ونظام التحضير يدوي Time Sheet عند السكرتيرة أو السكرتير. ودوام الشفتات حسب توزيع الدوائر.
     
جاري تحميل الصفحة...

مشاركة هذه الصفحة