فريق عمل الصيانة (شرق الكويت)

الكاتب : NokiaCity | المشاهدات : 1,000 | الردود : 10 | ‏30 ديسمبر 2008
  1. NokiaCity

    NokiaCity بـترولـي نشيط جدا

    السلام عليكم

    حبيت استفسر من موظفين فريق عمل الصيانة و تحديدا شرق الكويت ..

    اخوكم موظف جديد راح اداوم ان شاء الله معاكم تاريخ 25-1 و عندي بعض الاستفسارات يا ريت اللي يعرف اجوبتها يرد علي

    1- مسماي الوظيفي Technical Assistant يعني اداري.. فما هي طبيعة عمل الاداري من هذا المسمى في دائرتكم
    2-وين مكان الدائرة هذي بالضبط ؟ انا سمعت انها بالمقوع .. و كم يستغرق الطريق تقريبا من الاحمدي الى مكانكم
    3-هل راح يمشيلي بدل طبيعة عمل (بدل خطر)؟
    4-منو التيم ليدر لهذا الفريق


    وسامحوني على الاطالة:)

    تحياتي
     
  2. dehen_3ood

    dehen_3ood بـترولـي خـاص أعضاء الشرف

    وعليكم السلام ورحمة الله وبركاته

    مبروك الوظيفة والمكان :)

    1- مساعد إداري يعني شغلك إداري .. طباعة وكتابة مراسلات .. تستخدم برامج الآوفيس .. يمكن تكون مع السكرتير في نفس المجال والشغل .. يمكن تكون طبيعة شغلك Admin يعني تسوي إجازات القسم .. الـ Time sheet .. الآوفر تايم .. البيتي كاش وهي العهد النقدية تكون عندك مثلا .. تطلب بلسوتات وسيفتي شوز وهيلميت حق القسم وهني تستخدم برنامج خاص وهو الـ MMMS .. يمكن يعطونك صلاحية تستخدم الاوريكال .. يعني الشغل حلو تقريبا بس حسب ما يعطونك تشتغل

    2- بالضبط المكان بالمقوع ومن الاحمدي تقريبا 10 دقايق إذا مو أقل

    3- في كل مناطق الشركة (برقان والمقوع والروضتين والمناقيش) يمشي لهم بدل خطر كلٍ حسب وظيفته
    وهي فئات A, B, C & D وبما إنك إداري فأتوقع يمشي لك D بما يعادل 50 دينار

    4- التيم ليدر جنه محمد الرشيدي "ابوعبدالرحمن"
     
  3. بوغدير

    بوغدير بـترولـي مميز

    814
    0
    0
    بالتوفيق انشاءالله -----الموقع قريب من الاحمدي....بدل خطر ما اعتقد ان لك بدل خطر لان انا كان مسماي نفسك ومكان يمشيلي بدل خطر-----اسمحلي مااعرف اسم التيم ليدر- طبيعه العمل اداري --اعتقد عمل طلبات قطع غيار اوغيره ...بالكمبيوتر ..تقريبا ....مبروك القبول..ونصيحه حاول تغيير مسماك..
     
  4. NokiaCity

    NokiaCity بـترولـي نشيط جدا

    ما شاء الله عليج اختي دهن عود شعله في النشاط و خبرة كبيرة في الشركة ما شاء الله .. ألف ألف شكر لج اختي على الرد السريع و الاجابات الوافية ما قصرتي

    يعطيج ألف عافية

    تحياتي
     
  5. dehen_3ood

    dehen_3ood بـترولـي خـاص أعضاء الشرف

    الله يعافيك أخوي وبالتوفيج
     
  6. Bluriver86

    Bluriver86 بـترولـي نشيط جدا

    انزين جم بدل الطريج لهذا المكان من الاحمدي ... المقوع اقصد ... يعني لـقريد 8 و 9 ...

    دهن العود ...


    وشكرا
     
  7. كي او سي

    كي او سي بـترولـي خـاص أعضاء الشرف

    للاضافة والتاكيد ان التيم ليدر هو محمد راشد الرشيدي مثلك وشرواك

    بالنسبة للبدلات تستحق منها بدل طريق وبدل طبيعة عمل

    اتعب على هالوظيفية technical asst. planning لان بدل طبيعة العمل هي 100 وليس 50 اما باقي الوظائف الادراية جميعها يندرج تحت الفئة الرابعة D

    للتصحيح ان الموقع الذي ستكون فيه هو برقان وليس المقوع والمكان الذي سوف تعمل فيه هو Burgan new Complex

    ويبعد من الاحمدي تقريبا 12 الى 15 دقيقة

    وبالنسبة لوظيفتك كما ذكرت الاخت دهن عود هو ما ستقوم به ليس كل هذا ولكن عمل محدود يخص احد الاعمال التي ذكرتها الاخت الفاضلة

    وشكرا لك ولدهن عود ايضا
     
  8. كي او سي

    كي او سي بـترولـي خـاص أعضاء الشرف

    المعادلة

    الراتب كامل قبل استقطاع التامينات

    تضربها في 0،577 وتضربها في عدد الرحلات

    وتقسمها على 100

    مثال: 1000 * 0،577 * 20 \ 100
    الناتج 115،400

    اتمنى يكون واضح
     
  9. NokiaCity

    NokiaCity بـترولـي نشيط جدا

    كي او سي كفييت و وفيت صراحة مشكوووور وايد على الرد و الايضاحات ما قصرت يالغالي و عساك عالقوه
     
  10. Bluriver86

    Bluriver86 بـترولـي نشيط جدا

    وضحلي اكثر ما عليك امر :(

    صعب
     
  11. dehen_3ood

    dehen_3ood بـترولـي خـاص أعضاء الشرف

    شكراً كي او سي على التوضيح والله يعطيك العافية
     
جاري تحميل الصفحة...

مشاركة هذه الصفحة