بين المواطن والمسؤول

الكاتب : مبارك الشمري | المشاهدات : 1,364 | الردود : 15 | ‏27 ديسمبر 2008
  1. مبارك الشمري

    مبارك الشمري قــلــم بــتــرولــي أعضاء الشرف

    686
    0
    0
    بين المواطن والمسؤول
    مواطن : ليش كل شي عندنا بالديره مؤجل ومؤقت
    المسؤول: لأن في التأني السلامه وفي العجله الندامه
    مواطن: والى متى راح نبقى على الحال ونطلب السلامه
    المسؤول: بلا حدود الوقت مفتوح وما ورانا شي
    مواطن: بس الناس زهقوا وملوا ويبون تغيير في أرض الواقع
    المسؤول : وعلى شنو التحلطم مو قلنا لكم الهون أبرك ما يكون
    مواطن: ربعنا في الخليج طافونا وصرنا في مؤخرة الركب
    المسؤول: ما عليييك زين اول جامعه عندنا اول مطار عندنا واول كل شي عندنا
    مواطن: وشنو تفيدنا الأوائل هذولي والى متى بنقعد نتغنى بالماضي
    المسؤول: احمدوا ربكم عمر الديره 300 سنه وحالها احسن من دول عمرها 5000 سنه
    مواطن: احنا ابتدينا النهضه بالخمسينات وباقي الخليج ورانا بعشرين سنه والحين طافوونا
    المسؤول: انت كل شوي راد لي على الخليج يبه بالعربي ما عندهم مجلس يناشبهم
    مواطن: المجلس كان موجود بالستينات والسبعينات وكل شي كان ماشي زين
    المسؤول: هممم اييه بس المجلس كل ما قدمنا مشروع ناشبونا عليه ونبشوا ورانا
    مواطن: بينكم وبينهم قوانين ونظم ودستور ينظم العلاقه على شنو يناشبونكم
    المسؤول: ياحجي كل ما قدمنا مشروع انقسم النواب قسمين والكل قاعد يتل من صوبه
    مواطن: يعني شلون مو فاهم وضح اكثر وليش ينقسم النواب شنو السبب
    المسؤول: شقولك بعض النواب يبي يشاركنا بالكيكه والبعض الآخر صاير لي شريف روما
    مواطن: شنو طال عمرك اهي مشاريع للوطن والا كيك ودونات وحلويات والكل بيقرم منها
    المسؤول: احم احم لا لا طبعا مشاريع بس ما يعطونا فرصه نطبقها او نشتغل فيها
    مواطن: يعني ما تبون المجلس يدقق في المشاريع وميزانياتها وجدواها الاقتصادي
    المسؤول: مو انت تقول صيروا مثل الخليج ونفذوا مشاريع وطوروا البلد مثلهم
    مواطن: وليش ما نكون قدوه للخليج في دستورنا وديمقراطيتنا وتطويرنا لبلدنا وتعاونا
    المسؤل: شوفة عينك بعض الخليج اتفقوا مع شركة داو واحنا دمروها وشلخوها قبل التوقيع
    مواطن: انت في بلد حر وديمقراطي وعندك وسائل اعلام متعدده اطلع فيها ودافع عن رأيك
    المسؤول: احنا جذي ومو سالمين من التحقيق والتدقيق والتهديد بعد نطلع ونتكلم من صجك انت
    مواطن: ليش من شنو خايفين اذا مو مسوين شي غلط اطلع ودافع عن رايك في داو والا غيرها وخلك قوي
    المسؤول: يبه شفيك انت احد دازك علينا شكلك قاعد اتصيد علينا خلاص انا امتنع عن الكلام
    مواطن: المثل يقول لا تبوق ولا تخاف وانت شفيك قمت اتطقطق وتراجف عيل شبتسوي باجر في المجلس
    المسؤول: المجلس ان ركب راسه واستمر بالتصعيد وتعطيل المناقصات والمشاريع منحل منحل
    مواطن: هذا عاد حل وليش ما تجابلونهم الحجه بالحجه وتقنعونا وتقنعونهم انكم على حق
    المسؤول:لا يا معود واللي يسلمك ان جابلناهم وناقشناهم قالوا استجواب لا يحووووشك
    مواطن : عادي الإستجواب حق للنائب كفله الدستور يبين الحقائق ويكشف المستور ليش تخافون منه
    المسؤول : مو هذا اللي ما نبيه وهذا بلى أبوك يا عقاب ومو كل شي انتو لازم تعرفونه صج انكم نشبه
    مواطن: اذا كنت على حق وواثق من نفسك ومن صحة موقفك ومشروعك ما يخوفك الاستجواب ولا غيره
    المسؤول: بس بس واللي يسلمك الكلمه هذي ما نبيها ما نحبها ابد واتقولي بعد صيرو مثل الخليج بالمشمش
    مواطن : بالمشمش !! وانتوا بعد اذا استمريتوا بالتخبط والضبابيه واللف والدوران بالمشمش نثق فيكم
    المسؤول: آآآآخ الشرهه مو عليكم الشرهه على الدستور اللي خلاكم تحاجوونا جذي
    مواطن: الدستور هو الحكم بينا وبينكم والله يرحم ابو الدستور واللي جاب الدستور ويرزقه الجنه
    المسؤول: اقول ابو فلان شرايك السنه عقب المطره الماضيه تهقى بيكون فيه ربيع طيب وبنتفقع
    مواطن: بيكون دايما فيه ربيع طيب بالديره حتى بدون مطر اذا احترمنا القوانين وعرف كل منا حدوده
     
  2. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    دايما فيه ربيع طيب بالديره حتى بدون مطر اذا احترمنا القوانين وعرف كل منا حدوده

    متى راح يصير هالشي

    الله يعطيك العافيه
     
  3. الشوردي

    الشوردي بـترولـي نشيط

    98
    0
    0
    يا سلااااااام يا زيزوم فعلا حوار رايع يصف واقع الحال بين المواطن البسيط المحتاس مع هذه الحكومات المتعاقبه وبين هذا المسؤول المتعجرف اللي ما عنده الا الهون ابرك ما يكون ومعاه مجلس امه في اغلب اعضاءه يبي بس نصيبه من الكيكه والا مالكم الا التصعيد والصراخ والعويل ... والله يرحم ابو الدستور واللي جاب الدستور ويرزقه الجنه
    وفعلا مثل ما قلت وكررها اخونا اي سي ميلان .. دايما فيه ربيع طيب بالديره اذا احترمنا القوانين والدستور وعرف كل منا حدوده ... تسلم كاتبنا القدير وبيض الله وجهك وسلمت اناملك على ما سطرت
     
  4. الشوردي

    الشوردي بـترولـي نشيط

    98
    0
    0
    مشرفنا العزيز ردا على سؤالك : متى راح يصير هالشي ... صحيح ان الاجواء ملبده بالغيوم ولا يبدو في الافق حاليا ما يوحي بتغير الامور قريبا ولكن لا بد لنا أن نتفاءل ونتعلق بالامل تفاءلوا بالخير تجدوه
     
  5. براق

    براق بـترولـي نشيط

    117
    0
    0
    المسؤول: ما عليييك زين اول جامعه عندنا اول مطار عندنا واول كل شي عندنا


    انا زومت على الكلمه هذي صح اول جامعه ومطار وكل شي كان عندنا بس الحين اقدم كل شي عندنا

    زيزووم غلبا يعطيك العافيه والله موديره صارت من كيك الخباز


    تقبل مروري اخوك براق
     
  6. atlas

    atlas بـترولـي نشيط جدا

    169
    0
    0
    تسلم ايدك يا زيزوم على هذا الحوار الذي عايشناه مع المواطن لحظه بلحظه وكأنه ينطق بألسنتنا

    المسؤول يقول ردا على طلب المواطن مواجهة الاستجوابات وعدم التنحش والتهرب منها ( احنا جذي ومو سالمين من التحقيق والتدقيق والتهديد بعد نطلع ونتكلم من صجك انت ... ويقول في موضع آخر .. لا يا معود واللي يسلمك ان جابلناهم وناقشناهم قالوا استجواب لا يحووووشك ) هههههههههههههه هاهاهاهاهاه صج شر البلية ما يضحك ياخي ان كنت مو قد المسؤليه وما تقدر اتدافع عن نفسك وافكارك وما عندك منطق واقناع شوله تقبل المسؤليه وتورط نفسك يا خي اقعد ببيتك وريحنا وريح نفسك وعط الفرصه لغيرك يمكن يقدر يسوي شي ويجابه المجلس ويحاوره ويقنعه ويكون له اغلبيه فيه ويمشي امور البلد وتتحرك عجلة التنميه بدل حالة راوح مكانك والتي طالت مدتها اكثر من اللازم
     
  7. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    اشكرك يالشوردي

    والله يكتب اللي فيه خير للكويت وشعبها
     
  8. مبارك الشمري

    مبارك الشمري قــلــم بــتــرولــي أعضاء الشرف

    686
    0
    0
    حياك الله أخي العزيز شاكر لك تكرمك بالمرور وتشريفنا بالتعليق
     
  9. مبارك الشمري

    مبارك الشمري قــلــم بــتــرولــي أعضاء الشرف

    686
    0
    0
    حياك الله أخي العزيز الشوردي شا كر لك تواصلك ومرورك الدائم علينا مما يسعدني ويشرفني
     
  10. مبارك الشمري

    مبارك الشمري قــلــم بــتــرولــي أعضاء الشرف

    686
    0
    0
    أهلا وسهلا بك أخي الفاضل نورتنا بمرورك وأضحكتنا بتعليقك
     
  11. مبارك الشمري

    مبارك الشمري قــلــم بــتــرولــي أعضاء الشرف

    686
    0
    0
    الأخ العزيز أطلس تحياتي لك و شاكر لك مرورك الكريم وتعليقك السليم

    وفعلا ياخي ان كنت موقد المسؤليه وما تقدر اتدافع عن نفسك وافكارك وما عندك منطق واقناع شوله تقبل المسؤليه وتورط نفسك ... تعليق قوي وواقعي وفي محله
     
  12. مبارك الشمري

    مبارك الشمري قــلــم بــتــرولــي أعضاء الشرف

    686
    0
    0
    مواطن : ليش الحكومه تراجعت وألغت صفقة الداو المشبوهه

    المسؤول : اكتشفنا انها صفقه مشبوهه وماتنفعنا واسهمها نازله

    مواطن : مو قالولكم كثير من الخبراء والاختصاصيين هالكلام من الاول

    المسؤول : خلاص عاد انتوا يا التيار الشعبي مو هذا اللي تبونه

    مواطن : تيار شعبي واحنا شكو يبه الشعب كله كان رافض الصفقه

    المسؤول : انزين تمام واحنا الحين رفضناها معاكم بعد وخلصنا

    مواطن : كان من الأول مسوين جذيه يا شطار أشرف لكم وأبرك

    المسؤول : يعني شلون كل ما نسوي شي ما يعجبكم وتنتقدونه

    مواطن : اللوم عليكم لا عندكم مصداقيه ولا تخطيط ولا ثبات على راي
     
  13. The_Employeee

    The_Employeee بـترولـي نشيط

    135
    0
    0
    السلام عليكم

    مشكور بالاول

    بس جمله تستحق التأمل "

    قولنا صواب يحتمل الخطأ وقول غيرنا خطأ يحتمل الصواب

    "

    وشكرا
     
  14. مبارك الشمري

    مبارك الشمري قــلــم بــتــرولــي أعضاء الشرف

    686
    0
    0
    وعليكم السلام ورحمة الله وبركاته وحياك الله أخي الفاضل شاكرا لك مرورك وتعليقك الكريم

    وكما تفضلت هذه الجملة تستحق التأمل ولذلك أخي العزيز جعلناها لنا عنوانا ودستورا ونبراسا في حواراتنا ونقاشاتنا

    مع الجميع ولطالما تمنينا كما قال الإمام الشافعي في أثناء الحوار والنقاش أن يكون الحق مع من يناقشنا ويحاورنا

    فنأخذ به ونفرح به ونحتفي به فليست المسألة إنتصارا للنفس والهوى وقولا يكتب ويقال لمجرد الكتابة والشهرة بل هو

    وصولا وطلبا للحقائق وبحثا عنها وقبولا بها عند ثبوتها حتى لو جاءت ممن يخالفنا أو على غير منهجنا وهوانا

    وهذا هو يا صديقي المعنى الحقيقي لقول الإمام الشافعي ومراده ومبتغاه رحمه الله ونحن في هذا على خطاه إن شاء

    الله متبعون ومقتدون وعلى طريقه سائرون ... تقبل تحياتي
     
  15. فرناس

    فرناس بـترولـي نشيط جدا

    183
    0
    0
    يا زيزوم المسؤل يبي السلامه ما تشوفه طق وتراجع عن صفقة داو كي كله خوف من ركوب المنصه يا عويييينه

    وشرط انه الحين بيتراجع بعد عن مشروع المصفاة الرابعه الذي الظاهر انه انولد ميتا ومشوها وكله لعيون البقاء في

    الكرسي وعدم صعود المنصه

    هههههههههههه حشا ماهي منصه صارت مقصله كل شوي يهددون فيها النواب وربعنا مالهم قلوب ويتروعون
     
  16. مبارك الشمري

    مبارك الشمري قــلــم بــتــرولــي أعضاء الشرف

    686
    0
    0
    حياك الله أخي العزيز فرناس وشاكر لك مرورك وتعليقك ... وبدون تعليق
     
جاري تحميل الصفحة...

مشاركة هذه الصفحة