استفسار ...

الكاتب : Bluriver86 | المشاهدات : 1,697 | الردود : 20 | ‏17 ديسمبر 2008
  1. Bluriver86

    Bluriver86 بـترولـي نشيط جدا

    بليز ابي اعرف كل شي عن هالوظيفه .. ( معاين آبار ) .. يمكن ثاني مره اسئل اب هالمشاركه ! لأنه محد رد علي رد كافي ...

    ابي وين يشتغلون وين اماكنهم و اي منطقه
    وشنو بدلاتهم المستحقه ونظام الدوام هل انا اختاره ! صبح او شفتات
    ومهام الوظيفه !!

    يرجى الافاده للي يعرف

    شكرا ..
    :confused:
     
  2. رحال

    رحال بـترولـي مميز

    586
    0
    0
    استاذي الفاضل ...

    اختصر عليك اسئلتك ... هناك ثلاث مديريات بالشركة ( شمال الكويت / غرب الكويت / جنوب وشرق الكويت ) هالأماكن فيها آبار فمثلاُ شمال الكويت فيه الروضتين ... بغرب الكويت فيه المناقيش ... بجنوب الكويت فيه برقان ...

    هذه بالنسبة للمديريات والمناطق التابعة لها بشركة نفط الكويت ...

    بالنسبه لنظام المناوبه راح يتحدد لك بعد ما تباشر عملك ...

    وبالنسبة للبدلات فيه شي اسمه بدل طبيعة عمل وبدل خطر وبدل طريق ...

    هذه الأمور اذا تبيها بالضبط ما عليك الا ترفع سماعتك على فريق عمل التوظيف والسؤال عما يجول بخاطرك وهو المكان اللي انت وقعت فيه عقدك ... وراح يعطونك كل الأجوبة اللي حضرتك تبحث عنها

    موفق ان شاء الله يا اخوي ومبروك انضمامك للقطاع ...
     
  3. Bluriver86

    Bluriver86 بـترولـي نشيط جدا

    الله يعطيك العافيه ومشكور وبالتوفيج اجمعين يارب...


    انزين مافي مناطق لهذي الوظيفه اقرب من اللي ذكرتهم ؟؟؟ ... يعني مثلا مافي مكان بالاحمدي ؟؟؟ او الشعيبه؟؟ اممم اي شي ثاني؟
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    السلام عليكم

    عزيزي الفاضل

    بالنسبة للوظيفة المذكـورة

    ف أولا تابع لدائرة عمليات الأنتاج ومناطق العمـل هي كالآتـي

    برقان + المقوع + المناقيش + الروضتين وأيضا الرتقه علي حدود العبدلي

    أقرب منطقة للأحمدي هي البرقان والمقـوع

    مهام عملة

    مسـوؤل مسـؤولية تامة عن الآبـار من ( ظغط وعينات وعمل روتين شهري علي حالة العين وأيضا فتح وتسكير الآبار أذا طــُـلب منه ذلك عن طريق مشغل أول أو مسؤول النوبة أو مشرف المنطقة )

    وأيضا تبديل الخوانق وهي عبارة عن قطعه تحدد أنتاجية البـئر

    الدوام يتحدد علي حسب مشرف المنطقة أو العمالة الموجودة

    ف أحيان يكون عملة نظام النوبات وأحيان يكون صباحي

    وطبعا معاين الأبار الصباحي له روتين يختلف عن معاين الآبار نظام النوبات

    وأيضا معاين الآبار الصباحي يكون مسـؤول عن أبار مركز تجميع واحد فقط أما معاين الشفت يكون مسؤول عن أبار منطقة واحدة والمنطقة عبارة عن مركزين تجميع أو أكثر

    بداية تعيينك علي درجة 9 وهي أقل درجة أنتقالية في دائرة الأنتاج

    جميع البدلات تنزلك من علاوة خطر وعلاوة بدل نقل وعلاوة شفتية وعلاوة بدل الجمعه والسبت أذا كنت معاين أبار شفتات

    أما الصباحي نفس النظام ولكن ماله بدل شفتيه أو بدل جمعه وسبت ولا له علاوة بدل نقل ويكون عنده سيارة خاصة فيه

    بدل الطريق أذا كنت نظام شفتات تستلم 16 ترب يعني دوامك بالشهر 16 يوم وباقي الأيام مقسمه الراحة أما أذا أنت صباحي فا لك 21 ترب يعني أداوم 21 يوم بالشهر أذا طبعا شلت منها الجمعه والسبت
     
    آخر تعديل: ‏18 ديسمبر 2008
  5. Bluriver86

    Bluriver86 بـترولـي نشيط جدا

    thhhhhhhxxxxxxxxxxxxxxxxxxxx JONM

    تسلم حجي والله ماقصرت ... اجابه كافيه ومقنعه وشاكرلك مجهودك الطيب والله
     
  6. Bluriver86

    Bluriver86 بـترولـي نشيط جدا

    انزين حجي ان شاء الله لما نخلص الدوره !!


    احنا نختار وين نبي المكان ؟ ولا يقطونه على كيفهم ؟
     
  7. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    المكــان اللـه يسلــمك توزيــعه أجبــاري ماهو أختيـاري حســب النقــص المـوجود
     
  8. Bluriver86

    Bluriver86 بـترولـي نشيط جدا

    جزاك الله خير

    والله يكتب اللي فيه الخير

    اللهم آمين
     
  9. Bluriver86

    Bluriver86 بـترولـي نشيط جدا

    جم علاوه بدل الخطر؟ هاذي اللي تمشي حق اللي صباحي وشفتات ..

    وبدل نقل اهيا نفسها اللي بالجدول؟ 54 !!؟ ولا في غيرها حق اللي يداومون شفتات؟؟

    وبدل الطبيعه يكون A ?? ولا B
     
  10. Bluriver86

    Bluriver86 بـترولـي نشيط جدا

  11. Wataniya

    Wataniya بـترولـي نشيط

    بدل الطريق يستحقونه الموظفين اللي مقر عملهم في خارج منطقة الاحمدي وله حسبه خاصة وقيم مختلفه حسب بعد مقر العمل من منطقة الاحمدي .

    المقصد من هالكلام

    ماراح تقدر تحسب بدل الطريق وبدل الشفت وبدل طبيعة العمل الا بعد ما تخلص الدورة وتنفرز على مكان العمل
     
  12. Bluriver86

    Bluriver86 بـترولـي نشيط جدا

    تسلم مشكور ^_^

    جزاك الله خير
     
  13. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    عزيزي الفــاضل

    بدل الخطــر هـي نفـس مسمـي بدل طبيـعة عمـل

    وتـاخذ 150 دينـار تصنــف مـن فئـة "A"

    وبـدل نقـل 54 أذا كــنت نظـام نوبـات , أمـا الصبـاحي ما يستــلمـها وذلك لأستـلامـه سيارة مـن الشركـة
     
  14. Bluriver86

    Bluriver86 بـترولـي نشيط جدا

    نعم نعم الله يجزاك خير ومشكور ^_^

    مشاركتك الــ 7000 بموضوعي زين :d
     
  15. المنصور

    المنصور بـترولـي خـاص أعضاء الشرف

    بدل الانتقال اللي قيمته 54 يستلمونه جميع الموظفين

    مــــا عـــــدى
    الموظفين اللي تنصرف لهم سيارات

    اما بالنسبة اذا كان دوامك في الحقول بمختلف مواقعها

    فـ تستحق بدل طريق وكما يسمى (Travel Time) وله حسبه خاصة

    محد يقدر يحسبها لك إلا لما تعطيه معلومات كاملة عن راتبك مفصل

    والبدل هذا تستحقه مثل ما ذكرت اذا كان دوامك بالحقول

    سواء بنظام العمل الصباحي ام نظام النوبات


    وان شاء الله لما تخلص من الدورة وتنفرز على فريق العمل اللي تتبع له

    راح يبلغونك اذا راح تستمر بنظام العمل الصباحي

    ام راح يحولونك الى نظام النوبات
     
  16. Bluriver86

    Bluriver86 بـترولـي نشيط جدا

    والله شاكرلك ماقصرت الصراحه ...


    المنصور 4 ever :)
     
  17. المنصور

    المنصور بـترولـي خـاص أعضاء الشرف

    موفق خير اخوي

    ترى شقيتنا بالأسئلة :D
    (اتغشمر)
     
  18. Bluriver86

    Bluriver86 بـترولـي نشيط جدا

    :/

    ماني سائل زين :mad:
     
  19. dehen_3ood

    dehen_3ood بـترولـي خـاص أعضاء الشرف

    ميخالف أخوي المنصور خله يسأل لأنه حيل متحمس كونه موظف جديد بالشركة

    واحساسه مثل أحساس الريد بول يعطي جوانج :D

    عسى هالحماس والهمة على طول :rolleyes:
     
  20. Bluriver86

    Bluriver86 بـترولـي نشيط جدا

    thx

    ان شاء الله

    تسلمين ^_^ دهن العود


    اجمعين يا رب :)
     
جاري تحميل الصفحة...

مشاركة هذه الصفحة