هذا مخيم الكي او سي!!؟؟

الكاتب : Q8-Dream | المشاهدات : 2,812 | الردود : 16 | ‏9 ديسمبر 2008
  1. Q8-Dream

    Q8-Dream بـترولـي نشيط

    117
    0
    0
    للاسف مخيم الكي او سي هالسنة بمعنى الكلمة تعيس تعاسة ما بعدها تعاسة رحت مع واحد من الربع لكن للاسف يا ليتني ما طقيت درب وتعنيت على هالمخيم الدايخ طبعا راح اقولكم شنو شفت بالظبط:

    - النظافة معدومة .. قاذورات بالخيام من خيمة لي خيمة وكل خيمة اردى من الثانية نصها زل والباجي رمل.. دوراة المياة اكل عليها الدهر وشرب طبعا قذرة بمعنى الكلمة اعزكم الله وكل هذا يرجع الى اهمال من المقاول بشركة التنظيف.

    -المطعم حدة تعبان بدر البدور احلة منه هههههه اكلهم دايخ من قلب وتلف ستين لفة يالله تلقاه.

    - لا ويقولون حاطين ستار بكس ما يفتح الا الساعة 12 ويسكر بالتسع والله صج حرام ستار بكس بهلمخيم :)

    -طبعا هارديز حدث ولا حرج مكانة عند الشبرات اللي من ورا يبيلك نص ساعة اتدوعس يالله تدلة.

    -اليال مال البحر صاير ابيض من كثر الكلنكسات والقراطيس وقواطي البيبسي وييم الحداقة لا ويقولون الحفاظ على البيئة البحرية اي هين هههههههه.

    -لا وحاطين خيمة البصمان بمكان حده غلط بنص البراحة وربي اللي يشوفها من بره سور المخيم يقول هذا يا معتقل ولا قاعد بحرية:)

    ولو اكمل ما راح نخلص من الحين لي باجر وشكرا لكــــــــــــــم،،،
     
  2. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    ما قلت شي جديد

    هذا حال المخيـم كـل سنـة :D

    والمشــكلة حتي لو تجيهم بدري منت لاقي حجز :)
     
  3. طموحة

    طموحة بـترولـي نشيط

    130
    0
    0
    خلوا مخيم الشركة عنكم

    و حياكم انا عازمتكم بمخيمنا ..

    و هذا جاي من ايديني الحلوة انا امسويتة .. صج الصورة تضيق الخلق ..

    لا يطوفكم على شنو حاطة الغوري .. بس يعني سنعة مدبرة عمري ههههههه

    بس الجاي طلع حلووو حدة لووووول

    [​IMG]
     
  4. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ


    هــــأأأأع

    لا شكــرا الغــوري شكله يخــوف :D:D


    يكفيني قلاص ماي :D
     
  5. Q8-Dream

    Q8-Dream بـترولـي نشيط

    117
    0
    0
    شكرا أستاذنا الكبير جونم وشكرا لج اختي طموحة لتفاعلكم مع الموضوع .. ولكن يبقى هذا الحال على ماهو علية كل سنة هالمخيم من سيئ الى أسوء مع ان مخيم الشركة هو المتنفس الوحيد للموظفين وعوايلهم في هذة الاوقات من السنة من ناحية حلاوة الجو .. لكن العتب الوحيد واللوم على المسائيل اللي ماسكين هالمخيم بخدمات الاحمدي لو في مجابل بسيط جان ما شفتة بهالحال لكن الظاهر انهم قاطين روسهم ونايمين بالعسل.
     
  6. LaRambla

    LaRambla بـترولـي خـاص أعضاء الشرف

    2,041
    3
    38
    عمري ما رحتله ولا افكر اجيه
     
  7. jambi

    jambi بـترولـي نشيط

    105
    0
    0
    wala ana r7t w waaid 3jbni el mkan :) jzahm allah alf 5air
     
  8. المنصور

    المنصور بـترولـي خـاص أعضاء الشرف

    المخيم مافيه شي

    بس اللي يروح له اول مره وما يدل الاماكن اللي فيه راح يحكم من زاويته السلبيه

    اما بالنسبة للنظافة

    انا كل سنة اروح له ومافيه شي وماتستلم خيمتك الا واهي نظيفة وفيها طاولة وكراسي

    وخدماتهم حلوه

    كانوا يقدمون لكل خيمة دوه بفحمها مشبوب وخالص

    وفي بعض الايام كانوا يقدمون الحلوى والرهش والدرابيل من غير مقابل

    والمعطم اكله زين وفيه بوفيه غداء وعشاء بسعر رمزي (ماكل ، شارب ، محلـِّي)

    وبالنسبة لستار بكس.. المخيم يسكر الساعة 10 بليل والناس من الساعة 8,30 الى الـ 9 يبدون يزهبون اغراضهم علشان يتيسرون لبيوتهم

    فـ شي اكيد ان ستار بكس ماراح يسكر الساعة 12 بليل!


    اسمح لي اخوي

    انا ماشفت لك مشاركة ايجابية ودائمًا نظرتك سلبية لكل شي
     
  9. المشاكس

    المشاكس بـترولـي خـاص أعضاء الشرف

    998
    1
    0
    أخوي كويت دريم .... مع أحترامي الشديد لك ولمقالتك عن المخيم مع الأسف الشديد مافيها ولا شي صح من ألي قلته ....

    أخوي انا امس كنت بالمخيم يوم الجمعه تاريخ 12-12 ماشفت شي من ألي قلته .... وصلت المخيم الساعه 1 الظهر وخذيت خيمه وكانت نظيفه جداً ومفروشه ولا فيها تراب مثل ماتقول ... بالعكس الشركة ماقصرت وزادت عدد الخيام والخيمه ألي خذيتها ماكان فيها كراسي ولا طاوله بس بلغتهم بعد 10 دقايق وفرولي الكراسي والطاوله مشكورين وتقدر تطلب دوه مع الفحم...

    أما بالنسبه للمطعم ماعليه ملاحظات إذا قارنته بباقي المخيمات الموجوده لباقي الشركات ... انا معاك الهارديز كاتجهيز مو ذاك الزود بس مو مثل ماتقول يبيلك فتره على ماتلقاه مع المطعم ... وأضف على هذا الصالات المجهزه للعائلات والأطفال والرجال كلها ممتازه من حيث الموقع والتأثيث...

    أما الوصخ ألي تقول عنه انا لفين المخيم كله ماشفت ألي تقول عنه ... بس البحر ماراحت صوبه ... بعدين حتى لو كان على البحر في مثل ماتقول المفروض نحط اللوم على الرواد مو على الإدارة فالتعاون مطلوب

    أما عن خيمة البصمان وموقعها .... على الحجم ألي حاطينه تقدر تقولي وين يحطونها هذا أحسن موقع لها .... مومعقوله يحطونها على البحر مباشره وتكون بعيده عن الكل وتسكر البحر....

    بالنهاية أقولك ....... إرضاء الناس غاية لا تدرك ...........................

    وتقبل تحياتي
     
  10. koc-76

    koc-76 بـترولـي مميز

    591
    0
    0
    مشكور اخوي عالموضوع -من فتح المخيم كل اسبوع اروح بصراحه المخيم حلو بس تكرمون الحمامات وصخه لاصابون ولا كلينكس - هالشي اللي لي ملاحظه عليه ​
     
  11. slooom

    slooom بـترولـي جـديـد

    33
    0
    0
    الحقول
    الكويت
    السلام عليكم جميعا واسعد الله مساكم ...... انا من زمااااااان كنت ناطر هالفرصه ان اتكلم بموضوع المخيم والحمد الله يات الفرصه لي عندي وبطلع اللي بقلبي مال سنتين ... انتوا تكلمتوا عن مخيم الشركه وقبل ما اتكلم عن المخيم ابيكم اتروحون او اللي شاف مخيم المؤسسه و مخيم الكا ان بي سي .....مخيم شركه نفط الكويت اللي اهو koc بكل صراحه مخيم يعني شقول فاشل بدرجه امتياز ولكم الاسباب اللي لاحظتها :
    1- المخيم موقعه فاشل ... اول مره اشوف مخيم ورا المحطه واهو يمكن المخيم الوحيد ليش مايكون صوب جليعه او بنيدر مثل باقي المخيمات... ومنطقه معزوله وخطره في اخر الليل لا الواحد يدر يتمشى بره ولا شي ما عندك الا المحطه روح تبخر عندهم وتعال .
    2-الخيام صغيره جدا جدا ... شنو انا رايح مع عايلتي اخذ خيمه مقاسها 4*4 ... روحوا شوفوا مخيم الدفاع اشلون اخيمهم وشنو مستواها من فرش ودوا وتلفزيون وكراسي وطاولات واضاءه .
    3-شنو هالمخيم وشنو الخدمات وشنو وسائل الترفيه الموجوده .... لا قواري سنعه دورفتين او ثلاث بوسط المخيمات فقط لا غير وجم بليارده بجم صاله ...وين المطاعم والقهاوي والالعاب والنطاطيات والمسابقات والمهرجانات ...حتى بقاله ماكو ... ذاك اليوم ابي اشتريكلينكس ماكو .
    4-شنو هالمطاعم اللي اهناك اتسمونه مطعم هذا ؟؟ هارديز؟؟؟ حاطيلهم ثلاجه وطاوله صغيره ومايكروويف صخن الاكل واخذ .
    5-وقت المخيم ......ليش لي 10؟؟ليش مو لي 12 او 1 انا اطق طريج الظهر الساعه 2 او 3 او اروح المغرب عشان اقعد 3 ساعات و ارد؟؟؟ اشلون يعني انا دوامي صبح مو شفتات اطلع الساعه3 من الدوام وعلى ما ارد واتغدى واريح اكون طالع بروح المخيم الساعه 6 وطبعا ليش اهو باخر الدينا ما اوصل الا الساعه 7 او 7 ونص يعني اقعد لي ال9 وارد.
    ............. اشكر حسن استماعكم و والله عندي واااااااايد ملاحظات بس مابي اتعبكم معاي وشكرا .
     
  12. المنصور

    المنصور بـترولـي خـاص أعضاء الشرف

    عليكم السلام ورحمة الله وبركاته


    بالنسبة للموقع اعتقد ان تم اختيار هالموقع لأن مثل ما كلنا عارفين ان المخيم دائم وليس مؤقت ، واذا ودك تتمشة فـ حجم المخيم كبير وتقدر تتمشى داخله

    اما بالنسبة لحجم الخيام فـ في خيام صغيرة وفي خيام كبيرة ومثل ما قالوا الاولويه للي يروح بوقت مبكر

    ووسائل الترفيه موجودة لكن بعضها مو دائم مثل (النطاطيات والمسابقات والمهرجانات) لأنها تكون موسمية مثل الاعياد بأنواعها

    اما مطعم الشركة فـ اشوف انه حلو ومافيه شي

    اما بالنسبه للوقت فـ اهم اكيد حددوه وفق لمقياس معين واذا ودك تقعد فترة كافيه روح بعطلة نهاية الاسبوع من الصبح لي وقت اقفال المخيم

    وبعدين ياخوي المخيم مو بآخر الدنيا (على قولتك) اذا تبي بالجليعة مثل مخيم مؤسسة البترول ترى المسافه بين الاثنين ماتاخذ وقت


    بالاخير اقول "إرضاء الناس غايه لا تدرك"
     
  13. lolo

    lolo بـترولـي نشيط

    66
    0
    6
    بصراحة مخيم الشركة راقي جدا والادارة متعاونه جدا واحسن من المخيمات الثانية من حيث الرقابه والنظافه

    يكفي انه كل الخدمات مجانية بس ابيكم تروحون مخيم الدفاع والشركات النفطية الثانية وتحكمون طبعا koc افضل وارقى اما بانسبة لدورات المياه فرواد المخيم هم السبب في قذارته حيث انني اشاهد عاملة التنظيف مستوية مسينه وهي تنظف وراهم بس ما كو فايده فيهم بعرف ببيوتهم اشلون يعيشوووووووووووون؟
    نشكر ادارة المخيم علي الابداع والرقي والى الامام
    واقول لهم الله يوفقكم وارضاء الناس غاية لا تدرك
    وهالنمونه ما يعجبهم العجب
     
  14. المشاكس

    المشاكس بـترولـي خـاص أعضاء الشرف

    998
    1
    0

    شكراً لحسن أستماعك وسامحني على الإطاله
     
  15. بوجاسم

    بوجاسم بـترولـي جـديـد

    16
    0
    0
    مستواه جيد بس لا يدور الهوا عليه دخان المحطه سم
     
  16. المشاكس

    المشاكس بـترولـي خـاص أعضاء الشرف

    998
    1
    0
    أخوي بوجاسم ..... تأكد إن كان الهوا شمال أو جنوب أو أين كان ماراح تشم أي شي من المداخن لأنها عاليه جداً ... وانت عارف إن الدخان ألي نشوفه .. حار .. ومن الطبيعي راح يرتفع فوق ماينزل ....

    تطمن وروح المخيم وانت مرتاح :d
     
  17. slooom

    slooom بـترولـي جـديـد

    33
    0
    0
    الحقول
    الكويت
    يعطيك العافيه اخوي المشاكس بس هذه وجهة نظرك وانا احترمها ..بس انا من وجهة نظري ان المخيم مو بالمستوى اللي انافس فيها على المخيمات الثانيه ..... وبالنهايه اشكركم على حسن المشاركه والاستماع وهذه تعتبر وجهة نظر شخصيه لا اكثر ولا اقل ...وشكرا
     
جاري تحميل الصفحة...

مشاركة هذه الصفحة