مسلسل الخادمه

الكاتب : المشاكس | المشاهدات : 1,028 | الردود : 10 | ‏5 ديسمبر 2008
  1. المشاكس

    المشاكس بـترولـي خـاص أعضاء الشرف

    998
    1
    0
    الحلقة الأولى

    الزوجه .... نبي خادمه
    الزوج ... إن شاء الله نروح المكاتب ونشوف خادمه
    يفترون على المكاتب ... وبين الكتلوجات يقع الأختيار على خادمه من الجنسيه .... ياخون أوراقها ويطلعون

    الحلقه الثانيه

    الزوج يروح يبي يطلع فيزا حق الخادمه ياخذ رقم وينطر الدور ... يوصل دوره ..

    الموظف ... هاذي مسويلها فيزا ...!

    الزوج ... شلون انا امس ماخذ أوراقها من المكتب ..!!!!!
    الموظف روح راجع المكتب مره ثانيه

    الزوج راح المكتب... شلون معطيني اوراق خدامه عندها فيزا ؟؟؟؟؟؟؟؟

    صاحب المكتب .... مافي مشكله بابا ياخذ واهد ثاني ..

    الزوج ياخذ اوراق ثانيه ويروح اليوم الثاني يطلع الفيزا .... الحمدالله هالمره مشت السالفه وأخذ الفيزا وعطاها المكتب

    الحلقه الثالثه

    الزوج .. ها متى راح توصل الخادمه ؟؟؟
    المكتب ... بعد واهد أسبوع خادمه موجود داخل مطار

    بعد اسبوع يروح الزوج المكتب ... ها ماوصلت الخادمه ...؟
    المكتب .... لا بابا مافي يوصل .. بعد 10 يوم يوصل هو موجود داخل مطار
    الزوج .... !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

    بعد عشر أيام يدق المكتب .. بابا خدامه مال انت موجود داخل مكتب تعال أستلم

    الزوج راح يستلمها ويدف المبلغ

    الحلقه الرابعه

    الزوج ياخذ الخادمه البيت ومسوي عزيمه على وصول الخادمه .... يا أم فلان وصلت الخادمه أبشري !!!!!

    الزوجه الحمدالله وصلت ...... يالله روحي غرفتج وسبحي عدل وتزهبي حق الشغل

    اليوم الثاني الخدامه تزل من غرفتها والمعزبه مجهزه لها ذاك الشغل المحترم .... شوفي سوي ... و .... و ....و ....و ....و ....و عرفتي يالله بسرعه علشان عندي بعد شغل ثاني ......!!!

    الخدامه ... !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

    الحلقه الخامسه

    ثالث يوم المعزبه تقعد من النوم ...... فلانه يافلانه .......... لا حيات لمن تنادي .... تروح المعزبه غرفة الخادمه مافيها أحد .... !!!!!!!!!

    بوفلان بوفلان ألحق ...... الخدامه انحاشت ........!!!!!!!!!

    الزوج .... راح المكتب ... ترا الخدامه نحاشت ....
    المكتب .... مافي مشكله بابا ..... خدامه موجود بس مايبي يشتغل عندك .... يقول انت مايعطي هو معاش مايعطي هو أكل .....!!!!!
    الزوج .......!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

    المكتب ....... مافي مشكله بابا سوي تنازل وجيب واهد جديد

    وتعاد الحلقات من الأول ......... مع تحياتي لكل المتزوجين :)
     
  2. رحال

    رحال بـترولـي مميز

    586
    0
    0
    غمزه: أبي زيادة !!! ما كفتك اللي عطوك اياها !!! مو خبرك الطلبات ولادة !!! اشوف عندك كل خير مو ناقصك شي !!! ايي ابي اييب شغالة بس تقعد عن البرادة !! ليش بعد !! ولا شي ربادة(كليك)
     
  3. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    يهووون انه الخدامه تنحاش افضل ما تسمع النجره بين المعزبه والخدامه
    اللي يشوووفوهم تقوول طباين بمعنى ظرتها او الثانيه عليها

    :)
    اول ما تجي تقول شزينهم لايقين على بعض
    وبعد فتره طق وطقيق
    وكل واحد تشتكي ع الثاني وهنيه الريال يكون بموقف بمحرج اذا وقف بجنب الزوجه ظلم الخدامه واذا العكس رحت فيها
     
  4. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    القانون و السفارات و المكاتب كلها مع الخادمة و المواطن هو الضحية دائما
    ما ادري متى تنحل هذه المشاكل و يرتاح المواطن ؟

    قصة لطيفة يا مشاكس و المشكلة يعاني منها كل بيت كويتي تقريبا
     
  5. المشاكس

    المشاكس بـترولـي خـاص أعضاء الشرف

    998
    1
    0
    ههههههههههه اي والله وانت الصاج لونتزوج الخدامه هم تبي خدامه ماكو فايد :)
     
  6. المشاكس

    المشاكس بـترولـي خـاص أعضاء الشرف

    998
    1
    0

    اي والله وانت الصاج تصير في حيره .... خاصه إذا كنت عارف طبايع الزوجه بس ماتبي تحرجها
     
  7. المشاكس

    المشاكس بـترولـي خـاص أعضاء الشرف

    998
    1
    0
    هالقوانين ماراح تتعدل مادام ورانا ... حقوق الأنسان .... احنا بروحنا يبيلنا حقوق إنسان من الخدم ةمكاتب الخدم

    شاكر لكم مروركم جميعاً
     
  8. rcLiiioJl uio pJLc

    rcLiiioJl uio pJLc بـترولـي مميز

    512
    0
    0
    اطفي الضياااان
    باريس الكويت
    خخخخخخخخخ اي والله صدقتووو وموضوع جميل ومهم بنفس الوقت

    صدق ان الحكومه مع الخدم والاجانب ولا ولد الديره ضايع بديرته




    تقبل مروري
     
  9. المشاكس

    المشاكس بـترولـي خـاص أعضاء الشرف

    998
    1
    0
    الله يكون بالعون .... وشاكر لك مرورك
     
  10. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    وتستمــر المعـــانـاة ..............

    لاهنت علي نقـل الحياة الواقعيــة ومشـاكل الخدم اللامنتهيــة
     
  11. المشاكس

    المشاكس بـترولـي خـاص أعضاء الشرف

    998
    1
    0

    وانت الصاج تستمر المعاناه وتتناقلها الأجيال
     
جاري تحميل الصفحة...

مشاركة هذه الصفحة