ما في شك الي راح الفحص الفني مرور حولي الكائن بالجابرية ما يحتاج أقوله شي بس الي ما راح خل يشوف الوضع >>> ( أنا ما رحت ) أولاً معاملة الموظفين الي هناك و انتوا بكرامة ( ......... ) منفسين و مالهم خلق و يهاوشون الناس طبعا مساكين الوافدين معاملتهم زييروو مادري على شنووو كله موظف يختم دفاتر بس مستانس عنده سلطه و الي راح هناك يعرف انا اتكلم عن منو لانه بس منفس و كل شوي يطلع بره يجيب جم دفتر من ربعه و يخلصهم و الناس ناطره نبدي بالصور واايد حلوه اللافته تكفوون شنو يعني كراسي و مغبره و حوسه بوسط المراجعين الزبالة حدها مسوية شغل يمكن تسألون وين عمال التنظيف تدرون وينه ؟؟
انا رحت اكثر من مره وهي آخر مره اروح لهم وشايف اللي ذكرتية بصراحة عفسة مابعدها عفسة والله يصلح الحال ياغيوم ..شكراً
غمزه: قال مانبي مراجعين!! قلت شلون؟! قال افتح جهازك دخل رقم بطاقتك اختار نوع معاملتك وبعدين اطبع ورقتك!! وبعدين؟! شدراني خو قلت ما نفذت!! ما خلصنا من إذاعة قال !! صج إنك قديم ؟! قلت شلون ؟! قال هذيك إذاعة يقولون مو قال يا فهيم !! والنتيجة ؟!! اقرا ورقتك وشوف شنو فيها قال ؟! قال " حظ أوفر حالك حال اللي صدقوا المساكين"(كليك)
هذا حال البلد في كل الوزارات ولو تلاحظون شغله انه اغلب الدوائر الحكوميه مبانيها مستأجره وليست ملك الدوله >>> يعني كأنها دوله مؤقته وراح تنتهي الله كريم ويفرجها ...
للامانه انا صفيت طابور وياهم بالسيارات وخلصني الفحص بسرعه (مع ان سيارتي مغيمه خفيف بس مشاني) لكن ماكملت اجرائاتي عندهم من مخالفات وطباعة دفتر لاني ادري بالحال داخل والزحمه انصحكم بس تفحصون السياره عندهم (ولاتنسون الختم الاخير الاحمر مال البوابه دايم ينسونه) وتكملون اجرائاتكم في خدمة المواطن في منطقتكم لان ماعندهم زحمه وتدفعون مخالفاتكم بالانترنت قبل لاتروحون وتخلون بجيبكم مصروف الطوابع و 5 دنانير مخالفت تاخير لانها ماتنزل بالنت ولكن تنزل اول ما يحط المعامله بالجهاز مشكوره يا غيوم ذكرتيني ان دفتر سيارتي وسيارت اخوي الي بيحج منتهيه
للامانه انا دايم اسوي معامله الفحص الفني لسيارتي في الجابريه اصف باالدور بسيارتي من خمس الي عشر دقايق بعدين مااطول داخل اكثر من ربع ساعه الي ثلث فقط وصارلي اكثر من15سنه وانا كل سنه اروح ابيم السياره بس اهم شي مايكون عليكم مخالفات والا امانتا دربكم خضر ومافيه الا العافيه
