موضوع للمناقشه و خاصة جماعة الانتاج ( كرود - غاز - ماي ) خل نسمع الاراء

الكاتب : under maintenance | المشاهدات : 1,472 | الردود : 16 | ‏28 نوفمبر 2008
  1. under maintenance

    under maintenance بـترولـي نشيط جدا

    453
    0
    0
    السلام عليكم جميعا

    حبيت اطرح موضوع للمناقشه و رجاءا لحد يقول انا متحيز لقسم معين لكن راح اقول الي انا اعرفه عن هذي الاقسام وبطريقه مبهمه و اهل هذي الاقسام راح يفهمون بروحهم و انتو الي عنده زياده يزيد

    اولا : جماعة الماي

    شغلهم ماي و بس و ماعندهم شي راحه بال.


    ثانيا : جماعة الغاز

    شغلهم خفيف و مشاء الله الترقيات عندهم على كيف كيفك و لدرجة 64 اوبريتر 1 اللهم لا حسد عليهم بالعافية و الله يوفقهم و يزيدهم انشاء الله و شغلهم فيه خطوره اكثر بكثيييييييييييير من جماعة الماي لانه غاز و مضغوط.

    ثالثا: جماعة الكرود :

    يتعاملون مع الماي + الغاز + الكرود
    1- ترقيات مساكين ماكلين هوا ماكو شي
    2- يتعاملون مع الكيميكل مال الماي و الكيميكال مال الكرود
    3- عندهم سنتر ماي مصغر الي اهو الافلونت ووتر و مليييييييييغ و ياحلاته ليما يكون ماكو LCV عليه تشتغل عامل بطل الفالف شوي و رد سكره و انتو عارفين الباقي هذا غير التعامل مع الكرود حدث ولا حرج و نفس الموضوع مع الغاز عندهم
    4- اي طقه براسهم اقصد نقص انتاج و ما الى ذلك
    5- المشاريع الجديده يتحملون تشغيلها و بدون زياده المان بور لكن سمعنا انه في دراسة (NEW SEPARATORS-NEW CRU GAS COMPRESSOR- TRAIN C) و عليكم الحساب


    الحين موضوع النقاش :

    طرحت فكرة تمييز الكرود عن الغاز و الماي لانهم يتعاملون مع الثلاث الي اهم كرود و ماي و غاز لكن الفكره هوجمت من قبل الماي اكثر شي و الغاز انه ليش حتى اهم يشتغلون بعد حلو انا اقول لو تبون يتم التوحيد اي الثلاث اقسام نفس الشي سمعو اقتراحي و عطوني رايكم

    لجماعة الماي :

    اقول خل يحطون واحد او اثنين من جماعتهم بالسناتر يجابلون قسم الماي الي فيه و شرط انه جماعة الكرود مالهم شغل فيه لو ما ادري شنو يصير يكون تحت مسؤولية جماعة الماي و اذا اثر على الانتاج و زياده صرف الكيمكال هم يتحمولون الملامه و يمسكون المشاريع الجديده الي على الماي بالسناتر.

    لجماعة الغاز:

    خل يحطون بعد واحد ولا اثنين و انا اقترح 2 علشان واحد بالسايت والثاني يساعد بالكتنرول بالدي سي اس و يتحملون مسؤوليه الغاز الي بالسنتر كله كال CRU و ملحقاته و اذا حصل نقص بالانتاج اقصد كرود هم بعد يتحملون المسؤوليه كامله اذا كان النقص بسبب الغاز و جماعة الغاز يعرفون شنو المقصود و يستلمون ال NEW GAS COMPRESSOR

    لجماعة الكرود:

    خليهم على ما اهم و خل يجابلون سنترهم و ال TRAIN C و ال NEW SEPARATORS لانه الاعمال راح تكون خفت عليهم الماي انشال و الغاز انشال عنهم بعد و البروجكت الجديد الي على الماي و الغاز هم كل مشروع تحملوه جماعته عقب انا اقول خل يوحدون القريدات.

    اسف على الاطاله و خلونا نسمع الاراء و الاقتراحات و ارجوا من جميع الاقسام انهم يشاركون و يصلحون اي خطأ عندي و تقبلوا الموضوع بكل رحابة صدر و بروح رياضية
     
  2. المشاكس

    المشاكس بـترولـي خـاص أعضاء الشرف

    998
    1
    0
    الصراحه انا مو من الأنتاج بس من مأيدين تمييز موظفين الأنتاج عن غيرهم بدرجه على أقل تقدير .... الصراحه السناتر كل مالها وتاخذ طول بعرض والشغل بزياده والله يعينهم على الشغل ..... هذا غير النقص في العماله الي عندهم الواحد منهم تلقاه موجود في الدوام 48 ساعه .... ومع اني من خارج عمليات الأنتاج بس ماعندي مانع أوقع معاهم على المطالبه بالتمييز لهم .... والله يعبنهم
     
  3. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    يعطيك العافية على طرح هالموضوع

    يعطيك العافية على طرح هالموضوع

    اخوي انا من جماعة الانتاج .. والله يعينا والصراحة احنا اكثرنا قدموا او راح يقدمون نقل للماي او الغاز وهذا الحل الوحيد والهروب من الانتاج والشللية اللي فيه .

    ولي رجعه للموضوع قريبا

    كويتي
     
  4. mubarak989

    mubarak989 بـترولـي نشيط جدا

    222
    18
    18
    الله يعطيك العافية ابو وليد وشهادتك لاخوانك بالانتاج بانهم يستحقون على الاقل التميز عن الباقين وسام على صدورنا
    ومن قال انك مو الانتاج انت اشتغلت معانا قبل لاتنتقل
    والكور ترا خليتهم عند على حسن وربعه:p
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    السلام عليــكم

    عزيزي الفـاضل أشكــرك علي الطــرح

    وفعـــلا يجب تميــيز جمـاعة الأنتـاج بالذات عن سائـر أخوانهم بدائرة العمليـات . وأعتقــد هنـاك درجـة وظيــفيـة شـاغـرة بيـن المشـرف ورئـيس الفـريق درجـة (17)

    وذلك لسبب بسيــط ألا وهــو

    أنهـــم يقـومون بجميــع العمليـــات بمنشـأة واحـــدة
     
  6. المشاكس

    المشاكس بـترولـي خـاص أعضاء الشرف

    998
    1
    0
    الصراحه يستاهلون جماعة الأنتاج ......

    والكور لا تعطيهم سعود ترا .... يوديهم المخيم
     
  7. judgement

    judgement بـترولـي نشيط جدا

    342
    0
    0
    معاين ابار
    اي والله الصراحة انا صارلي اسبوع الحين بالسناتر معاين ابار والصراحة الشغل مايوقف وريحة الكرود لازقة بيدك ماتفارقك
     
  8. seal-oil

    seal-oil بـترولـي نشيط جدا

    161
    2
    0
    السلام عليكم ورحمة اللّه وبركاتة





    بصراحة مني فاهم كلمة تمييز كنك تقول لية ترقون جماعة الغاز والماي وحنى لنا الاولوية في الترقية بخصوص عملنا الشاق اخوي اذا لكم حقوق او مطالب طالبو فيها تحركو عندك النقابة وغيرها من الامور ....
     
    آخر تعديل بواسطة المشرف: ‏4 ديسمبر 2008
  9. under maintenance

    under maintenance بـترولـي نشيط جدا

    453
    0
    0

    اخوي افهم القصد من الموضوع بعدين رد مره ثانيه اعطيك فرصه مو مشكله
    و عقب اذا حسيت انه ماكو فايده الموضوع مو راضي يوصلك صح رد خل اشرحلك
     
    آخر تعديل بواسطة المشرف: ‏4 ديسمبر 2008
  10. hassankoc

    hassankoc بـترولـي خـاص

    الترقيات بالواسطات لاتقول ماي وغاز وكرود ربك ييسر الأمور
     
  11. SUCTION

    SUCTION بـترولـي نشيط

    90
    0
    6
    السلام عليكم انا موظف من الانتاج اقول ما نبي درجة اللي نبيه اثنين اوبريتر 1 في السنتر واحد مسؤول عن الكرود والثاني عن الماي والغاز + خمسة اوبريتر 2 بالاضافة الى ان يكون كل سنتر عليه كنترولر واحد مثل سنتر 28 + 27 ومثل محطات الغاز كل محطة عليها كنترولر واحد . اذا طبق هذا انا واحد من الشباب ماابي درجة
     
  12. المجتهد

    المجتهد بـترولـي جـديـد

    15
    0
    0
    شكراااااا للموضوع

    السلام عليكم

    الاخوه الاعزاء .......

    انا اقول الحل برايى انه غير اللى نقلوه الاخوه الاعزاء ....

    انا اتكلم عن راى عامل له من الخبره اكثر من 25 سنه

    الحل والراى فى نظرى هو .....

    اعادت تأهيل
    ( النــــــقــــــابــــــــه ) ........

    مع احترامى وتقديرى للاخوه اعضاء النقابه

    حتى يصل الصوت الى الاداره ونأخذ الحق لا بد من وجود قوه نقابيه على ارض الواقع

    لا بد ان يصل صوت العمال وعندها ناخذ حقوقنا

    ودمتم سالمين
     
  13. OFF-ON

    OFF-ON بـترولـي جـديـد

    38
    0
    0
    `السلام عليكم
    ويعطيك العافيه علي الموضوع بصراحه انا موظف بسناتر الماي ومنو الي قالك انه شغل الماي مافيه خطوره ولا يتقارن مع الكرود ياخوي حنا نستقبل اوصخ ماي علي وجه الارض ماي ملوث فيه نفط ومواد ثقيله واتربه ومع هذا نقوم ونضخ فيه مواد كيميائيه ويمر بكذا مرحله وبالاخير نرسل الماي الي الابار للحقن عن طريق مضخات قويه جذا وخطره ياشباب يمكن كلكم تعتقدون ان الماي مرتاحين وانا اقول تراء الحال سواء والحمدالله حاليا الكرود مرتاحين بعد كل شي بالاجهزه قبل كان الشغل واتمنى ياخوي انك تستفسر عن كل شي قبل لا تظلم احد وشكرا
     
  14. under maintenance

    under maintenance بـترولـي نشيط جدا

    453
    0
    0
    عيدكم مبارك

    ياغالي يعطيكم العافيه لكن انا قلت موضوع للمناقشه و خل نسمع الااراء و الحين انت افدتنا و ياريت يتم تعليق من الي عندهم خبره بهاذا الموضوع اكثر
     
  15. under maintenance

    under maintenance بـترولـي نشيط جدا

    453
    0
    0
    بس ودي اعرف موضوع نفس هذا مهم و الكل مطنش ليش ما ادري
    يعني فوق ال 400 مشاهده و الي ردو ينعدون على الاصابع
    اشكر الي تجاوب و رد و ودي لو يكون النقاش على اكبر شوي
    لكن الظاهر الربع ليما يصير الكلام صج و يميزون الكرود عقب يتوجهون للنقابه بشكوى !
     
  16. GOLDSMITH

    GOLDSMITH بـترولـي جـديـد

    15
    0
    0
    أوووووووووو


    كلام عدل مدل ...


    حجي مدرووووس وقرار أتمنى تطبيقه ...


    هذا الكلام الصحيح الله يعطيك العافية ..
     
  17. zeeroo

    zeeroo بـترولـي نشيط

    134
    0
    0

    شرايك طال عمرك تبدل واحد من الشباب إلي في الكرود
    ما دامك تشوف أن الماي خطر وفيه مراحل خطرة
     
جاري تحميل الصفحة...

مشاركة هذه الصفحة