المسئول الكويتي دم ضروسه ولد ديرته

للأسف ان هذا حال اغلب المسؤولين ولا اعلم اين سياسية التكويت من هذا القطاع
فكل يوم نشوف توظيف جديد للأجانب وكأن البلد مافيها بطاله ولا ناس قادرة على العمل
ولكن شدني في موضوعك اخي الكريم قولك ان الموظف الكويتي ممكن ينتج لو ابتعد عن الواسطه والمحسوبيه والقبليه
وصراحه لا اعلم لماذا خصيت القبليه ولم تخص العوائليه مثلا او المذهبيه او الطائفيه لماذا دائما نحمل القبيله اخطاءنا؟

للأسف اصبحت القبيله والقبليه هي الحلقه الأضعف في هذا البلد وكأنهم هم الوحيدون في هذا البلد اللي عندهم واسطات

 

والله اخوي العمل عمل مع ادارة كويتيه او اجنبيه

 

والله الشي هذا ملحوظ
ولاكن انا متاكد ان المسؤل هذا خواف ومايثق بالشباب الكويتيين ويخاف يتحمل مسؤليه اي شي يعني الاجنبي يقدر يقطها براسه ولا الكويتي ماراح يسكتله اذا هو على حق يعني من الاخر مو كفو المكان اللي هو فيه ولا هو قده بالاساس

 

شيء ملحوظ لكن لا يمكننا بخس حق بعض المسؤولين الذين يأخذون بيد العاملين الكويتين ويحاولون رفع شأنهم وتشجيعهم والاعتماد عليهم وإعطاءهم حقوقهم

 

مو كلهم..

المتغطرسين فقط
اللي ما يعرفون شغلهم
يعتمدون على الأجانب

و الاهم
الاجنبي .. ما برادد
ما يطالب ..

يصرخ عليه .. عادي!
يرفع صونه .. عادي!!

بس على فكرة..
بعدين .. يراضيه ..

شلون؟!
إسألوا .. أي موظف غير كويتي ..

عجبي يا زمن..

 

أجب عن الأساله التالية لتعرف سبب تفضيل المسؤل الكويتي لغير الكويتين

عندما يطلب من الموظف الكويتي أن يقوم بأي عمل ليس من أختصاص قسمه وفقط لطلب المسؤل منك هذا العمل هل ستقوم بهذا العمل

عندما يطلب منك أن تذهب لأجتماع لا تعلم عنه شيئ هل ستذهب دون نقاش

عندما يطلب منك أي عمل هل تقوم به دون أن تشكي الحال وتقول أنا مسؤلي غبي ولا يعلم شي بل تلمع صورة مسؤلك وتقول لولا وجود هذا المسؤل لوقف حال العمل

عندما تنتهي السنه هل توافق مسؤلك على تقيميه لك دون أي أعترضات ولمجرد أن تشتري خاطره ورضاه عنك

هل تصمت عند الترقيات وتكتفي بأن تبارك حتن لو كانت الترقية لشخص محسوب على المسؤل من حيث القبيله أو المذهب

فإذا جوابك نعم على جميع ما سبق ستجد مسؤلك يعشق وجودك ويبحث عنك ويعطيك كل وقته بل سيطالب بوجودك معه حتن بعد ساعات العمل

وبصراحه بكثير من الأوقات وبموجب تجربتي أفضل العمل مع غبر الكويتين لسبب واحد أن الشباب الكويتي بلا طموح لتطوير ذاته بل على العكس يريد أن يصبح مسؤل ليعطي الأوامر وعندما يطلب منه أن يضر الشباب الكويتي سينفذ لينال رضى المسؤلين الأعلا منصب وهكذا نجد أنفسنى بدائرة مفرغه لأن مسؤلينا بالنهاية كويتين وكانو يعانون مما نحن نعاني منه ومع هذا لم يقومو بتخاذ أي خطوات إيجابيه أتجاه أبنائهم بل على العكس

 

اغلبهم موكفو للمكان لانهم ماخذينه بالواسطه

 

المسؤول الي جذي
يبي واحد اجنبي علشان يظل يمجده ويطيعه في كل شي

يستانسون على كلمه يس سير

بس ما ادري ليش ما يثقون في الكويتين وكله عبالهم انهم ما يحبون الشغل ومو منضبطين
والله عاد في كويتين ماشاء الله عليهم عندهم كفاآت وابداعات وافكار وايد حلوه
بس ناطرين الفرصه

بس ما انكر ان في مسؤولين موجودين يشجعون الكويتين ويعطونهم فرصتهم
وبنفس الوقت ما يعطون العامل الأجنبي أكثر من حجمه ولا يبدونه على ولد الديره

 

طيب عرفتو السبب والا لا
السبب ان الكويتى مو مال شغل مثل الاجنبى
هذى حقيقة ماله داعى نكابر عليها
بس اذا نبى شى جينا للمسؤل والا غيره مايشوف شر المسؤل واذا سوا لنا شى قلنا عنه انه مايحب الكويتي
بس اشتغل عدل واثبت نفسك تنحط على العين من الكويتى لاتخافون بس خلك مضبوط 100 فى 100
مو تزرق وتقعد ورا الكمبيوتر تقول الكلام هذا انه المسؤل مايحب الا الاجنبى
عجبي عليكم شعب عايش فى نعيم ولا عاجبة العجب

 

على فكره ترى ماجبت طاريك ولا شى انا قلت لك وجهه نظر اللى انا شايفها من 23 سنه وانا احترم راى الاخر اذا كان على صواب واذا فيه شى غلط اقول عادى
بس لانزعل علينا