كتابه التقارير s.o.p

الكاتب : ثامر الخالدى | المشاهدات : 2,010 | الردود : 21 | ‏27 نوفمبر 2008
  1. ثامر الخالدى

    ثامر الخالدى بـترولـي نشيط جدا

    393
    0
    0
    السلام عليكم

    أود تذكير اخوانى الاعضاء ان ينتبهون الى ان الايام القليله الجايه راح يبدأون بكتابه التقارير

    السنويه ... لذلك اللى اجتهد وتعب السنه اللى فاتت وحتى لا يضيع جهده ..ما عليه الا انه يجمع شغله

    ويكتبه ويجهزه لمسؤوله ... علشان يذكره فيه لان الذكرى تنفع المؤمنين .

    الله الموفق
     
  2. Export_Doc's

    Export_Doc's بـترولـي خـاص أعضاء الشرف

    2,561
    0
    0
    يعطيك العافيه بو فهد على هالتذكير المهم و انشالله المسئولين ما يقصرون بحق موظفينهم حقهم و زياده انشالله
     
  3. رحال

    رحال بـترولـي مميز

    586
    0
    0
    قال انفخ يا شريم !!! قال ما من برطم !!!

    غمزه: لجنة التظلم والشكاوي لمناقشة التقييم السنوي مكونه من 3 أشخاص أثنين ربع وثالثهم مسؤولك (ويا زينه إن كان مسؤولك رفيجهم) ... أنا أقول خل يغيرون اسمها من لجنة التظلم والشكاوي إلى لجنة طرطره وشرب قهاوي(كليك)
     
  4. dehen_3ood

    dehen_3ood بـترولـي خـاص أعضاء الشرف

    وعليكم السلام ورحمة الله وبركاته

    وقواك الله أحي الكريم أبوفهد على هذا التذكير المهم

    وعسى الله يكتب إللي فيه الخير إن شاء الله للكل والجميع
     
  5. كعبول

    كعبول بـترولـي نشيط جدا

    496
    0
    0
    انه خو من الحين اقولها ماخذ جيد ....

    شحقه اتعب نفسي واشتغل ونفس التقييم مادري....
     
  6. المشاكس

    المشاكس بـترولـي خـاص أعضاء الشرف

    998
    1
    0
    يابوفهد مني غدى الشوق ويلاه يابو فهد

    انت منصجك التقارير قاعده تقيم على شغل الموظف لو كلامك صحيح جان احنا بخير يابو فهد .... !!

    شرايك مادامك مسئول في عملك تكتب تقرير حق واحد من ربع الإداره وتعطيه جيد مثلاً وشوف شنو راح ياخذ ...!!!

    ياحبيبي .... تكتب زين او تكتب شين التك النهائي عند رئيس الفريق ... والسلام ختام

    اقول شخبار الفريق بلشتو في دوري الوزارات ؟؟؟؟؟

    ترا غذا تبون مهاجم من الطراز القديم انا حاظر :d بس شرط مايكون الي خبرك مدرب لأن أكيد راح يحطني ورا الخط
     
  7. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    عليك السلام والرحمة

    لاهنت ع التنبيــه والتنــويـه يا ابوفهد

    والتقارير موضوعها يطول الشرح فيه

    ولكن نتمني التوفيق للجميع

    وأنشاءالله الكـل outstanding :D:D
     
  8. عادل

    عادل بـترولـي نشيط جدا

    382
    0
    0
    متى توصل اوراق التقييم ؟
     
  9. Winchester

    Winchester المـراقب الـعـام


    ان شاء الله بعد العيد راح يتم توزيع التقارير على جميع الاقسام
     
  10. عادل

    عادل بـترولـي نشيط جدا

    382
    0
    0
    ابي اليه التقييم اذا في شخص راح ياخذ اوت استاندنج يعنيت امتياز شنو يكتبوله اذا في تفاصيل للموضوع وشكرا
     
  11. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    جزاك الله خير يا بو فهد على التذكير
     
  12. الوايلي

    الوايلي بـترولـي نشيط

    58
    0
    0
    التقيييم السنوي
    قله من المسئولين من يخافون الله في كتابه التقارير
    اما الاغلبيه يراعي شروط خارج نظام العمل
    مثل : (ولد الجيران - ولد القبيله - طرف معرفه -موصى عليه -........الخ)
    نسال الله ان ناخذ حقنا واذا حصل زياده تراهم طيبين وحنا نستاهل ...........:)
    بالتوفيق للجميع
     
  13. مهموم

    مهموم بـترولـي نشيط جدا

    261
    0
    0
    والله ياجماعه اقترح ان يكون فيه نسبه من تقييم اي مسؤول يكتبونها موظفينه حتى يكون فيه عداله وترى هالفكره مطبقه في شركات عالميه
     
  14. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ

    واللـه وللأمـــانـة عشـان ما نبخـص حـق بعض المســؤوليـن

    البعــض منـهم يقيــم المـوظف حســب تقيــيم مســؤولـة المبــاشـر :rolleyes:
     
  15. عادل

    عادل بـترولـي نشيط جدا

    382
    0
    0
    متى توصل اوراق التقييم ارجو الرد بموعد محدد
     
  16. عادل

    عادل بـترولـي نشيط جدا

    382
    0
    0
    ؟؟ متى توصل الاوراق ؟؟
     
  17. FAHED ALKHALDI

    FAHED ALKHALDI بـترولـي نشيط

    68
    0
    0
    مشكور يا ابو فهد على التذكير,,,,,

    استغرب من السلبيه اللي واضحه ببعض الردود, شغلك ومجهودك مفروض تاخذ مقابله ما تستحقه بالتقرير السنوي

    واللجان الماضيه انصفت موظفين . ارجو من الجميع مثل ما قال ابوفهد انه يجمع شغله

    ويكتبه ويجهزه لمسؤوله ... علشان يذكره فيه لان الذكرى تنفع المؤمنين
     
  18. طموحة

    طموحة بـترولـي نشيط

    130
    0
    0
    سؤال من موظفة جديدة ...

    انا صراحة مو متخيلة الوضع اني اجمع شغلي و اقول حق مسؤولي ترى انا سويت جذي و جذي .. اخاف يحرجني يقول لي شنو قصدج يعني انا ما اشوفج شنو مسوية و الا انا ظالمج بشي ..

    و الله ما ادري .. انا مستصعبتها

    اتمنى اللي مجرب يقول لنا اشلون نجمع شغلنا و اشلون ناخذه للمسؤول و شنو نقول ..

    و مشكور اخوي صاحب الموضوع ..

    عفية علموني ترى اختكم للحين ما استلمت الشغل و ما تعرف شي .. :)
     
  19. المنصور

    المنصور بـترولـي خـاص أعضاء الشرف

    المسأله مو مسألة تجميع شغل

    المقصد هو..

    لما الموظف يسوي شي خارج نطاق عمله او مو باختصاصه وتعتبر كـ إنجاز

    فـ يسجلها علشان تحسب له حزة التقييم
     
  20. ثامر الخالدى

    ثامر الخالدى بـترولـي نشيط جدا

    393
    0
    0
    تحياتى الى كل اخوانى اللى علقوا على الموضوع

    وردى للاخت الطموحه عندنا يعتبر وضع طبيعى انك تجمع شغلك اللى اديته طوال السنه

    وخصوصا الاعمال اللى تكون غالبا ما هى من واجباتك فتعتبر اعمال اضافيه تستحق عليها تقدير

    اعلى وحتى فى حاله تـاديه واجباتك وعملك على اكمل وجه وبصورة ممتازه فالتقدير ايضا واجب

    مع التمنيان بالتوفيق للجميع
     
جاري تحميل الصفحة...

مشاركة هذه الصفحة