ياجماعة لانسوي من لاشي شيء

الكاتب : ابو فاطمة | المشاهدات : 980 | الردود : 11 | ‏9 نوفمبر 2007
  1. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    السلام عليكم ..

    معاشي ناقص ابي الشركة تنحل ؟؟؟؟

    صارلي ست شهور موظف وماترقيت ابي الشركة تنحل !!!!!

    المسؤول ما ادانية حاط علي ابي الشركة تنحل ؟؟؟

    الجيرمن مايقبل اندش عليه ابي الشركة تنحل ؟؟!!

    نسمع اشاعات ولا شي منها يصير ؟؟!!! شوف منو اللي يبث الاشاعات اول

    **** ياجماعة هذي شركة مو بيع برد السالفة تنحل بيوم وليله وبعدين ارزاقنا منها وغير جذي الشركة يديده عطوها وقتها ياناس وشوفو خيرها ترى والله الخير فيها مو بلياها لا نبطر على النعمه ياناس ؟؟؟

    **** صبرو وخلوا الاشاعات اللي مني ومناك ترى ماوراها فايده وكل واحد يتعب على نفسه ترى الترقيات بدت تقرب والوضع شوي شوي يتعدل وين كنا ووين صرنا سألو الدفعة الاولى شنو بدايتهم وسألو اخر دفعم شلون وضعهم ياجماعه الامور الحمدلله كل مالها للاحسن


    السلام عليكم
     
  2. dehen_3ood

    dehen_3ood بـترولـي خـاص أعضاء الشرف


    يا مال العافية على هالكلام الطيب والحجي إللي يبرد الجبد
    وصح لسانك ياخوي

    بالفعل يا اخوان تركوا عنكم القيل والقال وفلان قال !!
    والشركة في بدايتها .. واكيد مع الوقت وبفضل جهودكم المثمرة إن شاء الله
    وحسن إدارتكم بتغير الحال نحو الأفضل

    كل الشكر على هالطرح الكريم
     
  3. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    الله يعافيك وتسلم على المرور الطيب
     
  4. الشقااوي

    الشقااوي بـترولـي نشيط جدا

    237
    0
    0
  5. دهن عود

    دهن عود بـترولـي جـديـد

    37
    0
    0



    الله يعطيك العافية ابو فاطمة كلامك طيب
    بس فيه تساؤلات عند الموظفين ما فيه احد من النقابة يرد عليها برد مقنع
    ويا ليت واحد من النقابة او شخص يرد عليهم وعن الاستفسارات اللى قاعدين يقولونها
    مو بس رد يبون رد مقنع
     
  6. احمد النفطي

    احمد النفطي موقوف

    24
    0
    0
    اي وقت واي بطيخ ...
    الشركة حدها دايخه ...
    اذا بستفسر عن شي لازم اروح الصالحيه و مكان التدريب .. ترينق وادز فاكسات وغيرها عشان شي بسيط واخر شي محد يعطيني جواب ... تسمي هالشركة شركه ... لو كانت شركة مثل الباجي كان من زمان امنسقين الشركه قبل لا يخرجون جم دفعه

    الصرحه احمد ربي ان المعاش ينزل خايف يوم من الايام ما ينزل ويقولون اسمك مو معانا بالشركه ...
     
  7. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    الله يعطيكم العافية وشكرا عالمرور
    وبالنسبة لاخ احمد مقر الشركة بالصالحية مثل ماكان اغلب الشركات في بدايتها هناك وكان الموظفين يتعنون علشان مصلحتهم وهالشي مافيه مشكله :) اتعب ورا حقك ماكو شي بالساهل والشي البسيط ماله داعي يصير سالفه كبيره وارد واقول الشركة يديده وشوي شوي توقف على ريولها والله يعينا ويعينكم انشالله ..
     
  8. القعقاع

    القعقاع بـترولـي نشيط جدا

    345
    0
    0
    ياسلام على الموضوع اللي يرفع من المعنويات...مو المواضيع الثانية...
    واحد كاتبلي شكوى والثاني يتحلطم

    ياجماعة قولو الحمدلله رب العالمين على النعمة اللي انتم فيها

    غيركم يدور بس اسم موظف

    والانسان بطبعه طماع والقناعة معدومة

    صج المثل لاقال القناعة كنز لاااايفنىىىىىىىى

    ليت كل واحد منا يملكها كان شفتو الديره من ازدهار الى ازدهااااااااار


    واشكرك مره ثانية يابو فاااطمة على الموضوع
     
  9. الشويب

    الشويب بـترولـي جـديـد

    23
    0
    0
    أشكرك أخوي أبوفاطمه على هالموضوع بس شركتنا مو نفس الشركات اللي انت تكلم عنها اللي الواحد يستاهل انك تتعنى على شانها لانه شركتنا سواء تعنيت والا ماتعنيت نفس الشي ماراح تلقى اجابه منهم سواء بالرواتب اللي تنخصم من الموظفين او من الاستفسارات الثانيه وانا مستغرب من شركه مافيها الاموظفين اثنين بس بالمحاسبه ؟؟ واذا بتروح تسال عن اي شي ماتحصل الاجابات المقنعه لانه الموظفين اللي هناك مايعرفون شنو شغلهم اصلا وانا مادري الخلل بالشركه او بالموظفين نفسهم واذا الخلل بالموظفين نبي يحطون من يحاسبهم واسف على هالكلام الي بيزعل ناس ومع السلامه
     
  10. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    اخوي القعقاع واخوي الشويب مشكورين عالمرور والتعليق .. ونامل انشالله يالشويب ان السلبيات في الشركة تتلاشى شوي شوي وقلتلكم انا الشركة يديده وتحتاج صبر والله يسهل انشالله
     
  11. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    اخوي بوفاطمه انت من صجك؟؟

    شركتنا فالحه بشنو؟؟؟

    شركتنا من تأسست شنو سوت حق موظفينها قولي؟؟

    ويوم تراجعهم كل واحد يقطك على الثاني شسالفه يبه؟؟؟موظفين اهناك ومايعرفون حق شغلهم؟؟

    بس انا ماقول اله الله كريم ان شاءالله

    ويعطيك العافيه بوفاطمه
     
  12. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي

    الله يعافيك ياقلبي وصدقني لو اقولك ان اكثر الموظفين هناك مايدرون وين الله قاطهم وحالهم من حالنا ضايعين بالطوشه لكن احنا بنصبر ونشوف وانشالله ربك يسهل وتتعدل الامور والشركه توه مثل الياهل الصغير يبيلها وقت وربك كريم
     

مشاركة هذه الصفحة