التأمين التكميلى .. منو عنده خبر عن طريقة حسبته

الكاتب : جابر | المشاهدات : 4,723 | الردود : 13 | ‏9 نوفمبر 2007
  1. جابر

    جابر قــلــم بــتــرولــي أعضاء الشرف

    اللى أعرفه إن التأمين التكميلى يخصم حاليا من اللى رواتبهم فوق 1250 دينار (اللى يغطيها التأمين الأساسى)
    و يعطيك لغاية 1250 ثانيه:D لكن شلوون حسبته:confused:
     
  2. dehen_3ood

    dehen_3ood بـترولـي خـاص أعضاء الشرف

    يحسب معاش الصندوق بنفس القواعد التي يحسب بها المعاش المستحق من نظام التأمينات الاجتماعية (الأساسي) ولكن على أساس مدة الاشتراك في النظام الخاص وعلى أساس مقدار يعادل متوسط المرتب في السنوات الثلاث الأخيرة مطروحاً منه (1250 د.ك) وبحد أقصى لناتح الطرح هو (500 د.ك) وبذلك يكون الحد الأقصى للمعاش التقاعدي من الصندوق = (500 * 95% = 475 د.ك)
     
  3. Phox

    Phox بـترولـي نشيط جدا

    400
    0
    0
    دهن عود

    مشكوره على الشرح بس كلامج هذا عن صندوق المؤسسة مو التأمين التكميلى ...


    جابر

    عندنا 3 اشياء مرتبطه بالتقاعد والتأمينات ...

    الاول : التامين الاجبارى وهو المعروف ويقصون منك 7.5% من مجموع راتبك لغاية 1250 دينار .. واذا تقاعدت يكون في حسبه معينه تعرف منها جم راح يعطونك مرتب تقاعد.

    الثاني: التأمين التكميلي(هذا اللى انت تسأل عنه) ويتم خلاله خصم 7.5% ثانيه اذا زاد معاشك عن 1250 دينار ولغاية 2500 دينار .. وهم بعد راح يكون لها حسبه معينه تعرف جم راح يعطونك زياده اذا تقاعدت (هذى غير 1250 الاولى)

    الثالث : صندوق المؤسسة وهذا يتم خصم 1.5% او 2.5% مانى متأكد حاليا ... ويصرفولك معاش تقاعدى بحد اقصى 500 دينار

    الخلاصه: دامك بالقطاع النفطي وخدمت خدمة طويله(30 سنه مثلا) راح تآخذ 1250 الاولى + 250 دينار تقريبا من التكميلى + 495 دينار من الصندوق .. تطلع بمعاش تقاعدى 1995 دينار ... طبعا هذا مثال بس عشان اقربلك الصوره
     
  4. dehen_3ood

    dehen_3ood بـترولـي خـاص أعضاء الشرف

    يا مال العافية يا فوكس ومشكور وماتقصر على هالشرح الوافي
     
  5. جابر

    جابر قــلــم بــتــرولــي أعضاء الشرف

    يعطيك العافيه على الشرح يا Phox .. ملخص حلو :)
    ياليت واحد من الإخوان يكمل و يتعمق لنا شوى زياده بشرح النقطه الثانيه الخاصه بالتأمين التكميلى ...
     
  6. Phox

    Phox بـترولـي نشيط جدا

    400
    0
    0
    والله يا جابر ما اظن راح تلقى كلام اكثر من هذا ... اذا في شى محدد اسأل وابشر



    دهن عود ..


    مشكوره على اجتهادج وردودج :)
     
  7. مسلم كويتي

    مسلم كويتي بـترولـي جـديـد

    35
    0
    0
    عندي

    أنا خذت دورة بقوانين التامينات ، وقعدت مع واحد من المسؤولين في مالية التأمينات اللي يحسبون المعاشات التقاعدية النهائية (اللي يحسبونه في استقبال التامينات اهو حسبة اولية)ز

    بالنسبة للنقطة هذي ، الاستقطاع من الراتب ما يختلف عن النقطة الاولى اللي ذكرها Phox ، لكن حسبة الراتب تختلف ، ففي النقطة الاولى الراتب التقاعدي يحسب كالاتي:

    يحسب الراتب التقاعدي بما يعــــادل 65% من المرتب أول 15 سنة خدمة مضافاً إليها 2% عن كل سنة زائدة ، وبحد أقصى 95%. أي بعبارة اخرى ، الراتب التقاعدي = (الراتب (1250 دينار بحد أقصـــى) X 65% X عن الـ 15 سنة خدمة مضافاً لها 2% عن كل سنة زائدة). وللتوضيح

    مدة الخدمة النسبة مدة الخدمة النسبة

    15 65% من راتب الوظيفة 23 81%
    16 67% 24 83%
    17 69% 25 85%
    18 71% 26 87%
    19 73% 27 89%
    20 75% 28 91%
    21 77% 29 93%
    22 79% 30 95%

    أما حسبة التأمين التكميلي ، فهذي قصة ، واهي:

    1. حساب متوسط الراتب الشهري:
    متوسط الراتب الشهري = مجموع المرتبات التي المخصومة من الراتب لصالح صندوق التأمين التكميلي طوال مدة الإشتراك به ÷ عدد أشهر الإشتراك في صندوق التأمين التكميلي

    2.المعادلة = متوسط الراتب الشهري X عدد أشهر الإشتراك في صندوق التأمين التكميلي ضرب 5% تقسيم 24.

    3.المتوسط الكامل للمرتب = المعادلة + متوسط المرتب الشهري

    4. استخدم الجدول الآتي لتكملة رقم 5:

    السن 45 44 43 42 41 40
    جدول 2 15% 15% 15% 15% 15% 15%
    جدول 3 192 194 196 198 200 202

    السن 58 57 56 55 54 53
    جدول 2 23.67% 23% 22.33% 21.67% 21% 20.33%
    جدول 3 156 159 162 165 168 171

    السن 52 51 50 49 48 47 46
    جدول 2 19.67% 19% 18.33% 17.67% 17% 16.33% 15.67%
    جدول 3 174 177 180 183 186 188 190

    السن 65 64 63 62 61 60 59
    جدول 2 25% 25% 25% 25% 25% 25% 24.33
    جدول 3 120 126 132 138 144 150 153

    5.راتب التأمين التكميلي الشهري= المتوسط الكامل للراتب Xعدد أشهر الأشتراك بالصندوقX (النسبة بالجدول 2 المقابل لسن المؤمن عليه وقت التقاعد ÷ المبلغ بالجدول 3 المقابل لسن المؤمن عليه وقت التقاعد).

    الزبدة ياخوي الراتب التكميلي مو سهل حسبته ويعتمد على جم سنة انت قاعد تدفع له.
     
  8. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    مشكور اخوى مسلم

    ولو ان السالفه مخربطه وايد .. بس اللى يتقاعدون اليوم تقاعد طبى كامل يطلعلهم من التكميلى 170 دينار
     
  9. مسلم كويتي

    مسلم كويتي بـترولـي جـديـد

    35
    0
    0
    مو لازم ، يعتمد جم سنة دفع اشتراكات بالصندوق ، أي كل حالة تختلف عن الثانية.
     
  10. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    اخوى مسلم كويتى


    الله يعطيك العافيه ... كلامك وايد دقيق ومشكور على هالمعلومات :)



    phox


    ما اظنك توصل هالمواصيل بالمعلومات لووووووووووول بس يعطيك العافيه على هالجهد
     
  11. جابر

    جابر قــلــم بــتــرولــي أعضاء الشرف

    يعطيك العافيه على هالمعلومات ..ما فيش أحلى من كده ..:D الواحد هالحين يبيله قعده علشان "يمخمخها" عالراحه .:D
     
  12. ابومحمد

    ابومحمد بـترولـي نشيط جدا

    196
    0
    0
    مشكوررررررين جميعا على هالمعلومات المفيدة والهامة:)
    بس اذا ممكن احد يعطينا تلفونات التامينات عشان نحسبها صح قبل لا نقرر؟:rolleyes:
     
  13. الصنفره

    الصنفره بـترولـي نشيط جدا

    198
    0
    0
    ياجماعه ومنكم نستفيد لكن اللي نعرف بالخصومات هي :


    1- خصم التامينات .



    2 - خصم المؤسسه . ( ... هل يحمل مسمى : صندوق التامين الخاص بالقطاع النفطي !! ...)





    3 - اشتراكات صندوق زيادة المعاشات ((( هل المقصود به الصندوق التكميلي أو غيررره ؟؟؟؟
     
  14. جابر

    جابر قــلــم بــتــرولــي أعضاء الشرف


    http://www.pifss.gov.kw
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    7,135
  2. وبعدين
    الردود:
    3
    المشاهدات:
    1,986
  3. المحرر النفطي
    الردود:
    2
    المشاهدات:
    1,350
  4. بدر المحامي
    الردود:
    4
    المشاهدات:
    7,555
  5. بدر المحامي
    الردود:
    1
    المشاهدات:
    12,546

مشاركة هذه الصفحة