فعلا هذي الفئه اهي المظلومه بالبترول.....

الكاتب : faxodonia | المشاهدات : 814 | الردود : 6 | ‏25 نوفمبر 2008
  1. faxodonia

    faxodonia بـترولـي جـديـد

    12
    0
    0
    الكل يتفق معاي بها النقطه فئة السكرتارية بالKNPC اهم اكثر فئه مظلومة ومهضوم حقها...جميع المسميات الاخرى والفئات الاخرى تاخذ حقها الا احنا....وهذا شي يحز بالخاطر وشغلنا اكثر من شغل المهندسين والتيم ليدر والظغط وكثرة الاعمال المطبوعه والغير مطبوعه وغير الف شغله وشغله قاعدين نسويها وماحد قاعد يقدر وقاعدين يستخفون فينا علشان مسمانا بسيط وعلى قدنا...اقل رواتب نستلمها وفوق هذا كلمة شكر مانحصل من المسؤولين او الموظفين ليش لأنج سكرتيره او سكرتير وهذي شغلتج....والسكرتاريه يعتبرون ضلع مهم من ضلوع الشركه واهم اللي يعتبرون همزة وصل بين الادارات وبين الموظفين.....اول شي تم توقيف رفع الدرجات وتحسين وضع السكرتاريه لدراسه اكثر...وزيادة الخمسين تم صرفها لجميع الجهات بالدوله ماعدا شركتنا المصونه...الاجحاف والظلم قاعدين نشوفه لكن الله كريم والنقابه تاخذ حق الفئات الاخرى وناسيه عن حق السكرتاريه......بس الواحد يرجي ربه ومايرجي عباده...

    ودمتم سالمين
     
  2. زهرة التوليب

    زهرة التوليب بـترولـي خـاص

    الله يعينكم والله

    وفعلا محد يقدر ينكر المهام اللي يقومون فيها السكرتاريه
    خاصه انها مسؤوله من قسم كامل مو عن موظف واحد بس

    غير المهام الثانيه اللي يقومون فيها

    الله يسهلها عليكم ان شاء الله
     
  3. frfosha

    frfosha بـترولـي مميز

    753
    0
    0
    انا بس ردا على الاخت الفاضله بوجه سؤال ، لما تاخذين مرضيه أو تغيبين لظروف ما بالذمه شصير بالمكتب من غيرج ؟ والله يا أختي ما يعرف يدبر روحه ولا يقدر يعرف شغله والسبه تدرين شنو أهي اللي تنظمله الشغل كله وتعطيه على الجاهز وبصراحه شغل السكرتاريه متعب وموذي بنفس الوقت ومرات يمكن يكون محرج بصراحه وانشالله ربج يلتفت لج ولجميع هالفئه المظلومه والله المستعان
     
  4. -75-

    -75- بـترولـي جـديـد

    31
    2
    8
    يا اختي والله قطعتي طلبي .. انه قلت لازم اشترك بالمنتدى علشان ارد عليج .. كلامج صحيح 100% كلنا انعرف ان السكرتاريه شغلهم جبار .. وكلنا نعرف شنو الكرف اللي يكرفونه ..

    بس يا يبا المسؤولين غير .. مايبون الكويتيين (هذا شي واضح) عندهم فكره عن الكويتي انه ما يبي يشتغل

    و ما يبون ايحولون موظفين السكرتاريه الى وظائف ادارية علشان ما يبون يخسرون السكرتاريه الكويتيين لانهم كفاءه (الصراحه كلام متناقظ)

    شوفي السكرتاريه الكويتيين !! احسن واحده فيهم سكرتيرة تيم ليدر (مع احترامي الشديد للجميع) وشوفي سكرتارية المدراء كللللللللللللهم ونواب العضو المنتدب وحتى العضو المنتدب (الرئيس) مافيهم وحده كويتية .. هل تتوقعين انهم يشيلون الاجانب ويحطون كويتية ؟؟!!!!! يا اختى السكرتيره الكويتية احسن ما توصل له قريد9 لا بعد بالدز .. وشوفي الاجانب شنو درجاتهم .. يا يبا في دائرة من الدوائر عندهم سكرتيره هنديه قريدها 12 واذا محد امصدقني الدائرة بالمكتب الرئيسي ولا بعد بالدور الخامس .. واللي يبي ايدور خل ايدور ..

    بس الصراحه يا اختي العيب منكم انتو .. هل طالبتوا ؟؟ هل وصلتوا مطالبتكم للنقابه ؟؟ سويتوا شي ؟؟ انتوا قاعدين ابمكانكم وتتحلطمون يبا انتوا راضين وتحملوا (حسبالكم بيحسون فيكم) والله ما يدرون عن هوا داركم (والله لو اتعرفون كم واحد كويتي وكويتية استقالوا وجم واحد بقى في الشركة سكرتارية والله ما اتصدقون .. ينعدون على الاصابع (مالكم الا النقابه)

    شوفي الاخوان بالمصافي شنو سوو ؟؟ تبون سوو مثلهم هذا حقكم .. وعندنا اداره ماشاءالله عليها لا تحلل ولا تحرم ولا تقول هذي ارزاق ناس .. على طوووووووووووول واقفه في وجه الموظف فما يبيلهم الا العين الحمره (((شدوا حيلكم وصدقيني راح تنالون مطالباتكم)))

    آسف على الإطاله
    والله يوفق الجميع
     
  5. -75-

    -75- بـترولـي جـديـد

    31
    2
    8
    على فكره .. قرار منع تحويل السكرتارية عندنا بشركة البترول الوطنية الكويتية فقط لا غيييييييييييييير (وهو قرار مزاجي) .. أما باجي شركات القطاع النفطي ما عندها هالشي واللي مو امصدقني خل يتأكد
     
  6. faxodonia

    faxodonia بـترولـي جـديـد

    12
    0
    0
    أشكركم على الرد وأشكر الاخت -75- على الرد....لكن اذا تبون الصج احنا ننعد على الاصابع نسوي اضراب والله ماحد يدري عنا الاضراب لازم من مجموعات كبيره مو 15 ولا 20 ....الله كريم ويصبرنا على تعسف وظلم المسؤولين واحب اذكر ان الدنيا فانيه وانه فيه يوم حساب وكل انسان محاسب على كل شي يسويه والظلم ظلمات يوم القيامه
     
  7. -75-

    -75- بـترولـي جـديـد

    31
    2
    8
    شفتي اشلون .. انه فهمت من كلامج انج راضيه على اللي قاعي يصير .. وهذا اللي ايعرفونه دائرة الموارد البشرية ولا بعد على راسهم نائب العضو المنتدب للشؤون المالية والإدارية انكم تتكلمون اشوي وتتحلطمون بس ماكو موقف حاد .. لحد يقول لكم انهم ما يدرون فيكم لايبا يدرون وعارفين كل شي بس مو لاقين عين حمره .. قاعديل يلعبون لعب ولاحسيب ولا رقيب اللي ايحلمون فيه بالليل ايطبقونه بالنهار بدون فهم ولا درايه .. اذا انتي وغيرج ما تحركتوا ترا ماراح يحسون فيكم -والله العظيم محد صوبكم- .. انتي حسبالج اللي عندنا اوادم ((مع احترامي الشديد للبعض)) يبا هذيل ما ينعهم الا من يكسر راسهم ..

    انه ابي افهم اشلون اللي عنده ثانويه عامه ولا بعد متوسطه يوصل قريد 13 ولا بعد فيهم 14 (اداريين مو فنيين بالمصافي) وانتوا ما لكم الا قريد 9 ولا بعد ذاك من ذاك اللي عنده قريد 10 ولا بعد فيكم من عنده دبلوم (اذكر ان السكرتاريه اللي عند المدراء ونواب العضو المنتدب قريدهم 12 لا بعد اجانب)

    يا اختي اذا ما سويتوا شي ما راح يحسون فيكم او ايعدلون وضعكم (اعتقد انهم حالفين انهم ايطفشونكم) :)

    مالكم الا النقابه ..

    والله النقابه تاخذ حقكم من اعيونعم واهم يضحكون
     
جاري تحميل الصفحة...

مشاركة هذه الصفحة