إلى متى يامالية ويانقابة ؟؟؟؟؟؟

الكاتب : شمال الكويت | المشاهدات : 2,489 | الردود : 35 | ‏21 نوفمبر 2008
  1. شمال الكويت

    شمال الكويت بـترولـي نشيط

    148
    0
    16
    صباح / مساء الخير ....

    ياجماعة أمس نزلت الرواتب وللأسف كالعادة ناقصة ومو شوي أكثر من قبل وأنا من الناس أداوم في الروضتين يعني راتبي قوي مع بدل الطريق وينزلي المفروض ثاني العيد ورابع العيد اللي هو ( أوفر تايم ) وللأسف راتبي ناقص 300 غير الشباب اللي معاي بالزام مع العلم ان ماكان في احد غايب أو طالع اجازة ومافيه أحد مثل الثاني ياواحد نازلة ضربة والثاني منزلينه تحت ؟؟؟

    وأكثر من واحد في الشركات الثانية غير شركة النفط نفس الشغلة راتبهم ناقص أو زايد .. يعني شنو نسوي قسما بالله الواحد يتعب وهو يتكلم ويطالب يعني يا نقابة ترا فيه ناس عندها بيوت وعيال وأقساط تكسر الظهر ليمتى على هالحال والله بالعربي ( تمصخرنا ) ماندري منو طقاقنا يقولون المالية ومرة يقولون شركاتكم ولما انراجع شركتنا ( koc ) يطلع شغلهم صحيح والغلط بالنهاية من المالية الفاشلة والعوضي اللي مايدري وين الله حاطة ؟؟!!!!!!

    ياجماعة الخير نبي وقفة مانبي كلام ترا زهقنا وملينا ؟؟؟

    وبعدين شنو صار على 50 يقولون مانزلت مع العلم ان فيه كتاب من ديوان الخدمه موجه الى مؤسسة البترول يقول انها بتنزل هالشهر نبي نعرف شصار عليها ؟؟؟

    وبعدين يانقابة صرحوا بالجرايد عن الخصومات بالرواتب مو عن تأخير صرفها حنا ماتهمنا متى تنزل تأخرت يوم والا يومين بس تنزل فلوسنا كاملة ؟؟؟ هذا اللي يهمنا ؟؟

    وأتمنى عاد صدق هالمرة من النقابة الوقفة معانا واستعجال الحل لمشكلتنا مع المالية ؟؟ نتمنى ؟؟؟

    وحنا معاكم للاخر بنشوف شنو بتسوون يانقابة ..؟؟..
     
  2. Workers

    Workers إدارة المنتدى

    7,767
    30
    48
    ذكر
    الكويت
    انتم لالحين يخصمون عليكم !!!!

    ترا المقصود من تصريح النقابة في الجريدة بعنوان تأخيير الرواتب

    حسب مافهمت انه يخصم منكم ويردونه بأثر رجعي يعني عملية تأخيير مستمر

    ما اعتقد قصدهم وقت نزول الراتب إلا اذا رواتبكم دائماً تنزل متأخرة ؟!!

    واذا كان صحيح الرواتب تنزل متأخرة بعد.. يعني الراتب ناقص ومتأخر !!

    محد يلومك اذا قلت :

    عسى الله يفرجها عليكم يا إخوان
     
  3. basel

    basel بـترولـي جـديـد

    5
    0
    0
    السلام عليكم
    اللي قاعد يصير مو طبيعي
    والله اني امس اقول ودي اجتمع مع اعضاء مجلس الامة واكلمهم عن الاوسكو
    فساد مو طبيعي
    وميزانية عالفاضي
    ياخي حلوها وفكونا
     
  4. شمال الكويت

    شمال الكويت بـترولـي نشيط

    148
    0
    16
    أولا : مشكور مراقبنا على المشاركة ..
    وبعدين أنا بعد أقصد اذا على تأخير صرف رواتبنا ماعندنا مشكلة خلها تتأخر يوم أو يومين بس تنزل كاملة ...؟؟؟

    وسالفة للحين يخصمون منا فأنا أقولها اذا المالية قعدت على هالوضع والنقابة معاها فأنا أقولها بصوت عاااااااااالي (على موظفين أوسكوو السلام )
     
  5. ما اروعك

    ما اروعك بـترولـي نشيط جدا

    455
    0
    16
    مشكله الماليه والاوسكو ما اظن ان لها حل الا بالدعاء والتضرع الى الله ان يصلح حالنا وحالهم

    تعبنا قبلك بالكلام وماشفنا نتيجه اخوي شمال الكويت مانقول الا الله يصلح الوضع ويهديهم او يحلون الاوسكو ويريحونا كلنا من

    تخبطاتهم وتحياتي لكم جميعا
     
  6. شمال الكويت

    شمال الكويت بـترولـي نشيط

    148
    0
    16
    مرحبا أخوي باسل ..

    مشكور عالرد ؟ وفعلا شي موطبيعي اللي يصير ورب الكعبة لو يحلونها ليسرني حالكم والله مافيه الا مناشدة بصفحة كاملة لرئيس الوزراء والأعضاء على المصخرة اللي صايرة ..

    ومشكووووورين واسمحولي على الاسلوب الجامد بس من الحره والله .
     
  7. شمال الكويت

    شمال الكويت بـترولـي نشيط

    148
    0
    16
    مشكوور أخوي ما أروعك عالرد ...

    أولا شحالك مبطين منك ومن مشاركاتك ؟؟

    الله كريم والله الغني عنهم بس مو معناتها انا نسكت وما انطالب بحقنا وحنا وراهم وراهم والله لا يهينكم جميعا .
     
  8. ما اروعك

    ما اروعك بـترولـي نشيط جدا

    455
    0
    16
    بارك الله فيك اخوي شمال الكويت بخير يامال الخير والكرامه

    وجزاك الله خير على سؤالك والله شوي مشاغل الدنيا بس ان شاء مانخلي اخواننا بكل جديد ومفيد والاخبار الطيبه باذن الله

    ومعاك حق والله لازم نتكلم ومانسكت وياكلون حقنا وحنا ندري وساكتين لازم وقفه جاده من نقابتنا الموقره وهم فيهم الخير والبركه

    ومايقصرون والله سمعت وسالت عنهم ناس يداومون في الاوسكو المقر الرئيسي يقولون لي الربع هناك كل يوم تقريبا داشين

    طالعين على المسؤولين هناك ويارب يكتب لهم الخير ويوفقهم ويستردون ولو بعضا من حقنا واموالنا لان حرام واحد مثلك اخوي

    شمال الكويت يداوم في الروضتين والتعب والمسافه البعيده جدا واخر الشهر مخصوم من معاشك 300 دينار وربي صعبه

    بس ماعليك الله يكتب الي فيه خير وا نشاء الله يرد لنا حقوقنا ويرد كيد كل ظالم في نحره

    وتحياتي لك وللجميع
     
  9. q8security

    q8security بـترولـي خـاص أعضاء الشرف

    أنا واحد من الناس أنصدمت من المعاش

    الحمد لله


    بس يفترض ينزلنا 3 أيام مالت العيد أوفر تايم


    +


    50 بأثر رجعي



    عموما

    بورصة الراتب


    يبيلها واحد متفرغ لها


    ويبله زيارة للصالحية

    والله يعينا على المشاوير



    وللعلم شباب


    في شباب نزلهم تذاكر سنوية الشهر اللي طاف فلازم تتأكدون


    لذا لابد من زيارة المالية





    وبالتوفيق
     
  10. q8security

    q8security بـترولـي خـاص أعضاء الشرف

    للعلم الشركة مالها نظام خاص يها مستقل(أوراكل)
     
  11. شمال الكويت

    شمال الكويت بـترولـي نشيط

    148
    0
    16
    مشكووووووورين جميعا بلا استثناء على الرد وبيض الله وجيهكم ..


    وأنا أشكر مشرفنا العزيز والادارة على تثبيت الموضوع الله يعطيكم العافية ... ماقصرتوا .
     
  12. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    الـ 50 دينار للحين مانزلت .. يقولون ماوصلهم كتاب الصرف من البطل ( سعد الشويب )
    الظاهر قاعد يستثمرها لحسابه الخاص ...

    حسبنا الله وتعم الوكيل ...

    لايرحم ولا يخلي رحمة الله تنزل ؟.....
     
  13. touareg777

    touareg777 بـترولـي مميز

    641
    0
    0
    عروقها بالماي
    دولة الكويت


    ما يبيله كلام ههههههههه قطها وديعه و احلب منها جم شهر وشوف جم يطلع لك بعدين عطهم فلوسهم
     
  14. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    يا جماعه حتى انا معاشي ناقص 140 دينار بالتمام والكمال
    تخبط وعدم مسؤليه والله حلو الشركه وخلونا ننفرز على الشركات الي احنا فيها وفكونا من شركم والله من اول ما توظفت راتبين نفس الشي مانزلو لي
     
  15. شمال الكويت

    شمال الكويت بـترولـي نشيط

    148
    0
    16
    مرحبا ياجماعة الخير ..

    لازم كلنا مانسكت لازم انوصل المعلومة للكل سواء أعضاء مجلس أمه أو نقابه أوصحافه المهم نفتك من التخبط اللي صاير قسما بالله ملينا وحنا ساكتين حلالنا كل شهر يضيع وعمك أصمخ ونقابة لاتحرك ولا شي ؟؟؟

    تكفون ياشباب نبي وقفة صادقة يعني حنا نكرف وانداوم وبالأخير ناقصة رواتبنا مو معقولة ..!!!!!

    أبي واحد من أعضاء النقابة يدش ويرد على كلامي وكلام الاخوان ؟؟؟ ليش محد يتعنى ويشوف مطالبنا حنا ماطلبنا شي حنا نبي حقنا معاشنا وربي زهقنا وبالأخير ربعنا ماراح يسكتون ؟؟؟


    يالله يانقابة ردوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
     
  16. ما اروعك

    ما اروعك بـترولـي نشيط جدا

    455
    0
    16
    اليوم نزل معاشي وكالعاده ولا مره نزل كامل بحمدلله :)

    المفروض ينزل لنا الاوفر تايم لايام العيد + ال50 باثر رجعي

    شنسوي حسبنا الله ونعم الوكيل الله على كل ظالم

    المشكله والمصيبه مايدرون ان هذي اموال ناس ومحرمات وظلمات بعضها فوق بعض والرسول صلى الله عليه وسلم يقول اعطي الاجير

    اجره قبل ان يجف عرقه

    الله المستعان وربي راح يبين عورهم ويفضحهم على رؤوس الاشهاد بالدنيا قبل الاخره

    وتحياتي لكم جميعا
     
  17. محدث

    محدث بـترولـي جـديـد

    6
    0
    0
    Fire Fighter
    Kuwait
    السلام عليكم و رحمة الله و بركاته
    اخوي شمال الكويت الله لا يهينك راجع مكتب الصالحيه
    و اذا كان فعلا مخصوم من راتبك من غير لا اجازه
    و لا طبيه مثلا على طول عالنقابه و اذا ما فادوك لكل
    حادث حديث لانه صار معاي نفس هالموضوع
    بعدين الخمسين دينار يا جماعه موجود الكتاب لصرفها
    و كل شي بس القطاع النفطي كله ما نزلها ما ادري شسالفتهم
     
  18. q8security

    q8security بـترولـي خـاص أعضاء الشرف

    المشكله بنظام أوراكل ماعندهم


    ومسلسل شح المعلومات السليمه

    موجود


    أنا بنفسي قبل مدة راجعت


    وأنا أعرف شنو أقول


    فقلت لأحد موظفي المالية

    أنا وصاحبي

    نفس الدفعه نفس كل شئ

    ولا إجازة ولاطبية


    هو نازل أكثر مني


    طبعا أنا أكلمه وهو يشوف الكمبيوتر


    طبعا


    قال هات رقمه الوظيفي عشان أخصم عليه @@


    شهالرد


    طبعا أنا سحبت نفسي ما أبي أعم على صاحبي


    بعد شنقوول

    خلها على الله
     
  19. SECURITY

    SECURITY بـترولـي نشيط جدا

    160
    1
    18
    تخبط مستمر وفساد وإن شاء الله نار في بطونهم

    الحل بالسلطة الرابعـة : الصحــافـة

    يطلع ممثل عن موظفين الامن والإطفاء في أوسكو في أحد الصحف الشعبية .. الوط.. ( تعرفونها بعد ما يحتاج أكمل )

    وينشر غسيل الفساد والضحك على ذقون موظفين الشركه وأكل رواتبهم ونقص الرواتب والتخبط المستمر والرؤية الغير واضحة المعالم

    وبإذن الله راح تشوفون اعضاء مجلس الأمة يكملون المشوار بإذن الله ويطالبون بحقنا الضايع وماضاع حق وراه مطالب ،،
     
  20. نعومه

    نعومه بـترولـي جـديـد

    2
    0
    0
    التخبط مستمر بالأدارة الماليه والمدير أحمد العوضي مايستقبل احد تقول وزير وموظفينه محد يعطيك ويهه ولا يردون على الاتصالات وعلي العبيد ساكت وماله اي دور من هالمسخره الي قاعده تحصل بالماليه واستهترار الماليه بموظفين الامن ارجو من النقابه طلب اجتماع مع علي العبيد ومدير الماليه احمد العوضي لحل مشاكل الموظفين ورواتبهم الي كلها اخطاء وخصومات لكم خالص الشكر
     
جاري تحميل الصفحة...

مشاركة هذه الصفحة