ليش ؟؟؟؟؟؟؟؟؟؟؟؟

الكاتب : op2 | المشاهدات : 992 | الردود : 12 | ‏9 نوفمبر 2007
  1. op2

    op2 بـترولـي نشيط

    126
    0
    0
    ولد جيرانا تيم ليدر
    GC 4
    عندي سؤال بسيط هو عباره عن تحلطم


    طبعا التحلطم عاده كويتيه اصيله



    وبتحلطم على حال النقابه

    حاليا وبالفتره الاخيره يعني مو قبل وفي بدايه تاسيسها


    ليش لازم رئيس النقابه يكون بدوي ومن قبيله معينه او من بين ثلاث قبائل تقريبا مو اكثر ؟


    وليش لازم يكون اعضاء النقابه يتم اختيارهم حسب قبائلهم ومذهبهم


    ليش ما يكون الاعضاء حسب الافضل والانسب من غير تفرقه بين هذا وهذا


    وليش لما نروح نصوت يكون تصويتنا على عمانا ندور منو نعرف ونعطيه الصوت


    ما ندور شنو عند غيره من طرح ومدى كفائته وفايدته لهالمنصب ؟؟


    شنو يمنع ان اعضاء النقابه كلهم من نفس القبيله او المذهب لكن يكونون اشخاص عندهم كفائه على هالامانه


    من انها تكون قائمه مختلطه بالقبائل والمذاهب وما منها فايده ؟؟


    قبل كان المسؤول يخاف لو قاله الموظف النقابه تجيب لي حقي

    الحين لو الموظف قال للمسؤول بروح للنقابه اشتكي قاله مسؤوله لو ما تعرف رقمهم ولا تدل مكانهم اساعدك وادليك


    والسبب كلكم تعرفونه اننا قمنا نوصل ناس ما يستحقون للنقابه ناس مو مهم احنا شنو نبي ولا شنو مطالبنا


    المهم نفسهم وربعهم لا اكثر


    وللاسف انا متاكد ان نفس الاعضاء الحاليين بيرجعون مع تغيير بسيط لبعض الاسماء مو اكثر مو لانهم الانسب


    لاننا مانبي نغير طبعنا ونختار الانسب ولا عندنا الشجاعه اننا نغير


    تحلطمت وايد اسف بس هو مجرد شي بالقلب وحبيت اقوله

    :(:(:(
     
  2. المرعب

    المرعب بـترولـي نشيط جدا

    196
    0
    0
    والله يخوك لا تشكيلي وابكيلك

    والله كلامك كله صح للاسف

    بس تدري منو السبب؟

    السبب انا وانت هذي مخرجات اصواتنا!!

    والله يعينك بس اللي اقدر ااكد لك باني مثلك بعد متحلطم
     
  3. op2

    op2 بـترولـي نشيط

    126
    0
    0
    ولد جيرانا تيم ليدر
    GC 4
    المرعب يعطيك العافيه على تعليقك


    وتحلطمك اثبتلي انك كويتي اصيل وتعتز بالصفات الكويتيه


    معاك حق احنا السبب
     
  4. المشاكس

    المشاكس بـترولـي خـاص أعضاء الشرف

    998
    1
    0
    ليش وليش منو الجمعية العموميه ...؟؟؟؟

    أحنا

    إذا خل نلوم نفسنا قبل لا نلوم غيرنا هذا أولاً

    ثناياً

    شي أكيد راح يكون في طائفيه وقبليه وكل شي لأن هالشي موجود في أنتخابات اقوى من النقابة موجود في مجلس الأمة فما بالك النقابة ..... يعني هالشي فينا فينا
     
  5. BG. 1

    BG. 1 موقوف

    489
    0
    0
    منتظر الترقية
    البيت ماخلص
    ديروا بالكم لا تمسح الادارة الموضوع

    لووووووووووووووووووووووووووووووول

    كان يرأس النقابه في احدي الدورات حضري

    اسمه نجيب شعيب علي ما اعتقد

    وعبدالله الكندري ابو مصعب السوبرفايزر الان بالإنتاج كان رئيس للنقابة

    يعني فيه لا تظلم الناس الله يسامحك

    تدري ليش لان الثلاث قبائل هم من اكثر القابل عددا

    وبالغلط مرة من المرات عطوا الرائاسة لعبدالله راعي الفحمه

    لان قال لهم بالحرف الواحد انا بترشح حق انتخابات مجلس الامه واسمي كرئيس للنقابة يفيدني

    ويفيد علاقاتي

    وكان التنافس بينه وبين راجح الهاجري ولكن تنازل بومحمد للفحمه بعد ان حب خشمه وطلبه

    وأبومحمد تنازل

    أتمني من الادارة ما تشطب او تعدل اجابتي حسب الموضه الجديدة للتعديل

    ولكن رؤساء النقابات اول يخدمون أعضاء الجمعية العمومية

    أما الأن يخدمون ناخبيهم بالدوائر

    لي رده علي الموضوع بعد ما احول العين علي التست
     
  6. SMART_BOY

    SMART_BOY بـترولـي نشيط جدا

    189
    0
    0
    كلامك صحيح بس بعدل شي بسيط



    الأسماء الحالية بترجع صحيح مع بعض التعديلات اللي هي غياب الحمادي والفيلكاوي



    لكن مو عشان حنا ما نبي نغير


    عشان احنا مقتنعين ..... وعشان هم اثبتو انهم مرشحين للجميع




    تحياتي


    وشكرا على الموضوع




    سمارت
     
  7. عبدالله العصيمي

    عبدالله العصيمي صــحــفــي أعضاء الشرف

    أخوي Op2 تحلطمك في محله ، ولكن مثل ما قالوا الأخوان أعضاء الجمعية العمومية اللي هم أنت وأنا وغيرنا هم اللي نجّحوا أعضاء مجلس النقابة بايجابياتهم وسلبياتهم ، و الديمقراطية التي نطالب بها ونعمل على تطبيقها هي القبول بحكم الأغلبية ، سواء كانت قبلية أو طائفية أو حزبية ، وعندما نصل إلى مرحلة التجرد من العاطفة والنزعة البشرية ، فنصوّت للأفضل بغض النظر عن هويته وعلاقتنا به ، فأعلم بأننا في :​













    المدينة الفاضلة;):)
     
  8. سعوود

    سعوود بـترولـي جـديـد

    30
    0
    0
    هذا حال الانتخابات فى الكويت بطبيعتها ومجملها
    مجلس الامه + الجمعيات + النقابات + الجامعات الخ ..
     
  9. op2

    op2 بـترولـي نشيط

    126
    0
    0
    ولد جيرانا تيم ليدر
    GC 4
    شكرا لكم جميعا على التعليق وعلى الي قرا الموضوع وما علق


    اسف لو كلامي ضايق احد بس القصد مو القبليه ولا الطائفيه

    القصد ليش ما نختار الانسب والافضل من غير ما نشوف اخر اسمه ولا شنو مذهبه

    هذا هو قصدي بتحلطمي مو اكثر
     
  10. الناهض

    الناهض بـترولـي خـاص

    2,144
    0
    0
    شركة نفط الكويت
    لاتعايرني ولا اعيرك الهم طايلني وطيلك
    مثل مصري مشهور
    اعتقد انه يناسب الموضوع
     
  11. الرادار

    الرادار بـترولـي جـديـد

    4
    0
    0
    بالنسبه للاخوان نسو او تناسو شخص فاضل وقدير استلم رئاسة النفابه وهو كان عضو بالعتدله ولم يكن حضرى او بدوى كان نقابى من الطراز الاول هو الاخ محمد السرحان نتمنى له كل التوفيق
     
  12. op2

    op2 بـترولـي نشيط

    126
    0
    0
    ولد جيرانا تيم ليدر
    GC 4
    اي والله لا تعايرني ولا اعايرك


    الرادار انا ما اقصد اسماء اقصد الموظف انت وانا وهو وهي وكلنا لما نبي نروح نصوت


    ليش نطالع اسم الشخص ولشنو ينتمي ما نطالع شنو بيقدم لنا ولا شنو الافكار الي عنده ولا شنو سوى


    يعني انا للاسف الى الان 6 او 7 مرشحين في القائمتين مداوم معاهم واعرفهم بقسم الانتاج معانا او بقسم ثاني


    ولا واحد فيهم حسب علمي وقعدتي معاهم اشوف فيه مقومات الشخص الي بيجيب لي حقي


    كلهم بس للرزه والمصالح مرشحين نفسهم مو اكثر


    عشان جذي الى الان مو لاقي اسم شخص واحد يخليني اتعنا واروح اصوت بالانتخابات مع احترامي للزماله والصداقه الي بيني وبين المرشحين
     
  13. mohammed

    mohammed بـترولـي نشيط جدا

    496
    0
    0
    اخوي op2
    كلامك صحيح لاكن لا تظلم كثير من الي مسك النقابه
    وقدموا الكثير للموظفين
    لو سردنا انجازات كثير من راساء النقابات
    يمكن ما اتكون صفحات هذا الموضوع 100
    لاكن وانا اخوك كلامك بعد فيه نوع من الصحه
    وهو انت يا الموظف انت الي تختار الانسب والاصح
    والله يوفق الجميع
     
جاري تحميل الصفحة...

مشاركة هذه الصفحة