شلون أبلغهم؟؟؟؟؟

الكاتب : Q8_EnGinEEra | المشاهدات : 1,126 | الردود : 10 | ‏20 نوفمبر 2008
  1. Q8_EnGinEEra

    Q8_EnGinEEra بـترولـي جـديـد

    5
    0
    0
    Civil Engineer
    Kuwait
    مرحبا....



    انا مهندسة مدنية و قبلوني في knpc و استلمت اوراق الفحص الطبي و الجنائية و رحت لعيادة ميناء الاحمدي و لما قالوا لي ان همن المهندسين المدنيين يتوظفون بالمصافي ...بصراحة ترددت و قررت ارفض الوظيفة و كل ما دقيت
    على kpc محد قاعد يرد و مو عارفة الحين شلون ابلغهم بقراري ... و وين لازم اروح لل kpc ولا knpc ؟؟
     
  2. رحال

    رحال بـترولـي مميز

    586
    0
    0
    تحياتي ومبروك قبولك يا مهندسة المستقبل ...

    اختي الكريمه رأيي الخاص ... لا ترفضين الوظيفة ولكن دخلي فيتامين (واو) لتغيير مكان عملك لا اكثر ولا اقل ... مثلك عارف التوظيف بالقطاع النفطي بدأ يتصعب شوي شوي ... وعصفور باليد خيراً من عشرة على الشجرة ...

    قبل لا تاخذين هالخطوة شوفي شنو المتوفر لك من اختيارات لتعديل الوضع وليس لإنهائه مرة واحدة

    ودمتي
     
  3. om 3zooz

    om 3zooz بـترولـي نشيط جدا

    262
    0
    0
    engineerah
    q8
    q8 engineerah اقري موضوعي في منتدى knpc اسمه يا موظفي المصافي ردوا علي :) بالتوفيق
     
  4. Q8_EnGinEEra

    Q8_EnGinEEra بـترولـي جـديـد

    5
    0
    0
    Civil Engineer
    Kuwait
    مشكورين اختي ام عزوز و اخوي رحال:)
    بصراحة انا ما ادري بالضبط شنو مميزات المهندس المدني و الا وين بالضبط يشتغل في الشركة بس لما رحت للفحص الطبي قالنا اللي عطانا التصريح ان المهندسين المدنيين يشتغلون هني بالميناء.. انا كان اعتقادي ان مهندس الميكانيك و الكيميكال و البترول هم اللي يشتغلون هناك... لان انا كلش مو مقتنعة بالمصافي كمكان لشغلي و حتى بالمقابلة الشخصية لما سألوني اذا اوكي اني اشتغل بالمصفاة قلت لهم لأ .. فوالله انا ليما الحين ما ادري شسوي لان وايد قاعد يضغطون علي اني استمر باجراءاتي بس انا مو مقتنعة:(
     
  5. رحال

    رحال بـترولـي مميز

    586
    0
    0
    ما عليه اختي الفاضله Q8_EnGinEEra كملي اجراءاتج ولا توقفين عند او مطبه وتقولين هونت وآنا اخوج ... تجري الرياح بما لا تشتهيه السفن ... كملي للآخر وبنفس الوقت مثل ما قلتلج دخلي الواسطه وقبلها وكلي الله سبحانه بهالشي فهو خير المتوكلين

    شدي الحيل ورفعي الراس ويا جبل ما هزك ريح كملي للآخر ولا توقفين وتنسحبين غيرج يتمنى هالفرصه ما عليه انشالله ربج ينولج اللي في بالج وبالمكان اللي تبينه بعد ولي الحلاوة :)
     
  6. طموحة

    طموحة بـترولـي نشيط

    130
    0
    0
    ما تدرين اختي شنو راح تسوين بالمصافي .. يمكن يكون لج مكتب مرتب و شغل حلو .. و بعدين احسن لج تشتغلين شي انتي دارسته و على حسب تخصصج ..

    و الحمد لله الوظيفة حلوة و ناس وايد تتمناها .. و بعدين اذا شفتي الراتب بالاماكن الثانية و المميزات المعدومة اصلا راح تقولين اشتغل بالمصافي و لا هالمعاش اللي ما يسوى

    و حاولي تغيرين المكان بعدين عقب ما تحطين ريلج بالشغل و تستقرين ان شاء الله ..

    موفقة يا رب و عسى الله يهديج للي فيه الخير لج ..
     
  7. khaled85

    khaled85 بـترولـي نشيط

    91
    0
    0
    مبروك القبول وحاب اقولج لا تنسين ان انتي مهندسة يعني مو شي عادي يعني اكيد شغلج بيكون فيه شوية تعب وبعدين شي حلو ان الواحد اول ما يتوظف يكون بمكان فيه الشغل مكثف عشان يعرف الشغل بسرعه وتصير عنده خبرة احسن من واحد يتوظف بوزارة او بمكان ما فيه شغل ويقعد ورا مكتب من الصبح لي نهاية الدوام شاي رايح وقهوه راده وماكو شغل

    انا اقول كملي لا تطلعين بالبداية تعب وبالاخير ترتاحين والله يوفقج
     
  8. Bo Hadeel

    Bo Hadeel بـترولـي نشيط جدا

    245
    0
    0
    Go head, don't stop and in future try to change your location if you don't like it
    My advice for you don't take any quick decision you still have have enough time to think and (Estekhery) before any step
    Good luck for you enshallah
     
  9. brilliant

    brilliant المـراقب الـعـام

    8,477
    0
    0
    Engineer
    Kuwait
    طالما فحصتي بمستشفى الاحمدي معناته ان شغلج في مصافي او فيلد

    اذا مو مقتنعه بالمصافي قدمي بالديوان بيحطونج يا البلديه او الاشغال

    مكتب وريوق كل صبح ودوام 3 ساعات بالكثير ولا احلى ;)

    خلي المصافي للشباب الطموح لان مو حلو بنت رايحه المصفاه كل صبح وعلى باص رايحه مكتبها وراده على باص وبالصيف يكون حر ورطوبه
     
  10. المنصور

    المنصور بـترولـي خـاص أعضاء الشرف

    نصيحه

    اخذي الكلام من الموظف المختص مو من مندوب التصاريح

    وحتى لو الدوام بميناء الاحمدي

    الميناء فيه اقسام كثيرة

    وشكثر بنات وحريم يداومون بميناء الاحمدي وشعيبة وعبدالله

    والحمدلله امورهم طيبه

    نصيحتي.. لا تترددين وتوكلي على الله ترى الدوام هناك مافيه شي

    الناس تستصعب اسم المكان مو اكثر (مصفاة الاحمدي) والناس دائمًا يميلون الى تضخيم الامور بالرغم من صغرها
     
  11. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    وكلـــي أمــرك للـه وكمــلي باقـي أجرائـاتك

    والخيـره فيمـا أختـاره اللـه
     
جاري تحميل الصفحة...

مشاركة هذه الصفحة