هل من نصيحة قبل اخذ القرار

انا من موظفي الخفجي والعمل مريح والراتب ممتاز


ويبون يضبطون المسارات وبانين مبنى جديد




والامور كلها فوق الممتاز والحمدلله


وانت لا زلت تستشير..!!!!

والله اذا ما عندك امور خاصة وظروف خاصة تمنعك والا امك داعيتلك

ارجو انك لاتتردد ابدا

وعلى كل حال جرب الافضل

 

والله عرض وظيفي ممتاز


مع العلم درجة 23 ما تعطي اللا لو احد خبرته فوق 8 سنوات ع الاقـل

اي يعني باقي لكـ درجـة بالكثير 4 سنوات بالشركـة وتصير رئيس قسم ..

وش تبي بعـد اكثر من جذي ... واذا عملت اكثر وتميزت احتمال تستلم منجر وحنا ندعيلكـ ..

لا تفوتها اذا ما كان عندك ظروف تمانعك من العمل بالخفجي ..


ويليت توضح لنا اي دائرة قبولك فيها ... علشان ابين لك طبيعة عملها ....


لان في بعض الدوائر ما فيها شغـل .. وبعضها الموت الاحمر .. بالعمل .. والانتاجيه


لكن اتوقع قبولك بدائرة itd دائرة متميزه وتخصص بتقنية الملعومات ..



الله يوفقكـ .. وجرب الافضل

 

اقوول اخوي تبدل واعطيك الفرق
يعني ما شاء الله عليك مهندس وقريد 23
وراح تكون في دائره itd
ما شاء الله يعني راح تكون ممميزاتك كثيره دورات تدريب كثيره لتطويرك
راتب حلوو
وصدقني ما راح تخسر شىء انته اقبل الوظيفه لمده سنه وبعدها احكم

 

اخي الكريم مبروك القبول انا اشتغل بدائره itd

يقولك اسأل مجرب ولا طبيب

اذا كنت ادور عن التطوير انصحك انك ترفض وبشده لنا ماكو تطوير ولا شي لمن بدش بتقعد سنه كامله وراها بتحوشك اول دوره ويمكن ماتحوشك

اما كمعاش بصراحه معطينك خوش عرض وافق عليه لو كنت محتاج وظيفه وفلوس

بس كطموح وتطوير وظيفي انصحك لادش وصدقني الكثير من شباب دائره itd يدورون النحشه من هالقسم
لسوء العمل وعدم وجود التطوير المناسب للموظفين وتوقع عادي انك ماتشتغل بالوصف الوظيفي الي قالوه لك بالمقابله لنا ماعندهم سياسة عمل واضحه

وانشاااللله اللله يوفقق بلي تختاره

 

انا اقولك ارفضها الي اعرفه عن هالاداره انها مظلومه اكثر عن باجي الادارات وعدم التقدير وعدم اهتمام بالموظفين بناء على كلام صديق سعودي يشتغل بالitd فاذا متوظف حاليا بمكان اخر احسلك ارفضها بس اذا محتاج للوظيفه اقبلها وموفق خير

 

وحط بالك ترا الدوام بالخفجي تعب فاذا ادور عالراحه انسا ولا تنسا انته داش كخبره مو موظف يديد يعني العين بتكون عليك ومتوقعين منك اداء عالي بالشغل فيكون عليك ظغط واذا ادور على دورات ترا ماكو دورات بitd واذا طلعت بتاخذها بعد حنه

 

دش والله يوفقك ما يحتاج تشاور نفسك يعني ع الاقل لو تجرب شهر واحد وراح تعرف الفرق وتدعيلنا
ومن ناحيه السفرات راح تكون لك دورات واجد كل سنه لازم لا يقل عن مرتين ماليزيا وغيرها ولندن وامريكا يعني ما شاء الله
في اهتمام حق المهندسين عندنا

و عقبال نشووووفك اكتنج مانجر قوول امين

 

نصيحه ارفض

انا قبل كنت بقسم It بنفط الخليج انتقلت لي Pic اتحسف عاليوم الي قبلت اتوظف فيه بنفط الخليج قبل سنه كنت طالع منهم نصيحه ارفض لا دورات لا بطيخ ولا شي وانته عندك خبره بناء على كلامك شوف اي مكان ثاني الكويت.

وانا اقولك ارفضها لمصلحتك لا تطوير والمسئولين بالقسم مايفهمون شي بمجال It واسهل شي عندهم الظلم بين الموظفين.


وانته حر واللله يوفقق بالشي الي تختاره.